شرايكن حريمات

[مشكلتي]

مرحبا الغاليات...

مالي غيركن أخذ بمشورته لانكن ماشاء الله عليكن حكيماات والوحده ترتاح لما تفضفض لكن فديتكن عساني مانحرم من كل وحده ساعدتني ف حل بعض مشاكلي اللي طرحتهن فهالقسم وشكر خاااص للمراقبه العامه فديتج ⚘😍💕

سالفتي خواتي ....إنه ولد خالتي يدرس برع البلاد وبيتخرج عقب 4 سنين وامس رمس الوالد والوالده عشان بس حيروني له يعني بدون ملجه بس بكون محيره له ..انا ماعيبتني السالفه أتم محيره 4 سنين وعقب إذا ياني حد أرفضه لأني محيره لولد الخاله ابد مادخلت ف راسي امايه وابويه عادي عندهم موافقين وبقو وخواني ع قولتهم ياخذني واحد نعرفه ولا أخذ حد من بعيد مانعرف عنه شي المشكله هي إذا قلت لا امايه بتتلوم من اختها وإذا قلت هي احسني بظلم عمري ...مع العلم ها ولد خالتي ماتشوفه وايد لأنه كل يسافر برع ف ماعرف شو أقوول لهم وهي تراني صليت استخاره ماحس بشي وبرد اصلي معني مش مقتنعه...انا أبا اقولهم بطريقه ما اجرح حد

المزيد من آخر المواضيع من نفس القسم:

• تزوجت مريض نفسي
• مشكلة حالتي بعد الأمومة
• مشكلة تقدم لي خاطب وافد
• مشكله بنتي
• زوجي تعبني بالضرب كليوم💔
• أواجه زوجي بكذباته ولا اسكت
• ريلي احبه ،، بس ماعرف شو الي حصل
• مشكلتي التعلق الزائد
• رفض ريلي للحمل
• عااااجل مشكلة واجهتني

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[المراقبة العامة]

نعتز بكلماتك ونسعد دوما بأن ردود العضوات قد ساهمت في حل مشاكلكن
بخصوص مشكلتك بقولك الحقيقة
اسلوب الحجز غالبا يجيب نتايج سلبية
اولا اربع سنوات وماتدري يمكن ولد خالتك وقتها يتعلق بوحدة ويكون مضطر انه يتزوجك لانك محجوزة له
وممكن يجيك الافضل منه وتسعدي بحياتك
والاربع سنوات مب قليلة مداك وقتها تزوجتي وجبتي عيال وممكن دراسته تطول عن الاربع ومايتخرج بوقتها
حاولي تشوفي وحدة من اخواتك تقدر تكلم امك او انتي قولي لها ولو تزعل خالتك اليوم
افضل من تزعل باكر لو افترضنا صارت مشاكل بينكم
والاستخارة قبل كل شيء لكن لاتربطي حياتك ومصيرك بشخص لسنوات ماتدري شنو ممكن يحصل فيها

[دودوالحلوة]

كلمي والدتج الله يحفظها انه ماله داعي يعطون كلمة حق الريال
ترا لو لج نصيب فيه بتاخذنيه لو بعد عشر سنين و لو لا لأ
و الخيرة فيما اختار الله
صلي استخارة و كلمي والدتج بهدوء مني لاربع سنوات محد يعرف شو بيتغير
جي بيوقف حالج و حاله سبت الكلمة اللي بيعطونها
ولو على خالتج ترا هالشي لصالح ولدها بعد يعني ما فيها شي يزعل بالعكس
و ربي يهدي الحال و يعطيج أحسن من اللي تتمنيه يا رب

[غلآ نفسي]

والله حسب الريال

شي رياييل عند كلمتهم لو طاف 4 سنوات

وشي رياييل يغيرهم الزمن

شوفي كلميه بوجود امه وامج وقوليله برضاك تباني والا لا

اسمعي منه عشان تعرفين اذا هو جاد والا مجرد امه اختارتج له

بالتوفيق

[تفاحتي]

اففففففف وايد

بيسافر براا كل شي بيتغير فيه مخه تفكيره اسلوب حياته
حتى قلبه
الله اعلم

لو انتي مومقتنعه فيه طبيه والله اهم شي راحتج

[بنت الملحم]

ضد ضد ضد والتوفيق

[Miss PiXy]

المده طويله وماتدرين شو بيستوي ب ال 4 سنين يمكن تفكيره يتغير يمكن وده بوحده ثانيه وسوالف وايد وبالاخير يقول ماباها وانتي تكونين ضيعتي فرص وايد يتج للزواج وغير تعلقج واحلامج وياه والخ

ف الافضل انج تقولين لا تحيروني له وعقب ما يتخرج يتقدمونلج . فكري بنفسج لا تفكرين ان فيها فشله اني ارفض وزعل وغيره لان هاي حياتج وبالتوفيج

[بسمه دبي]

لا تسكتين اختي لا قدر الله غير راييه وانتي شو بتسوين خلاف ؟!

قولي لهم وجهة نظرج بس بطريقه وديه


موفقه

[جميله المحيا]

استخيري كثير وادعي ربك انه يختارلك وان شاء الله موفقه

[Ward-uae]

انتي تبيه او لا هذا السؤال اللي لازم تفكرين فيه عدل
اذا تبيه خبريهم انه يجدم الملجه والعرس وتسافرين معاه منه ستر له وتكونين معاه
ما تبيه او رفض قوليلهم عيل هالشكل ما بترياه وبكمل دراستي ومتى ما كتب نصيبي الله بيسرلي
وعن خالتج وغيره تصير قطيعه وزعل وعادي حتى ما تبارك لج لو عرستي لكن انتي اخذيها بالطيب ولا تدمجين المشاكل مع بعض وعامليها بالزين
بوسي راسها واذا عطتج كلمة تضيق الصدر قوليلها احبج يا خالتي فيج ريحة الوالده مع الأيام بتلين

[ام نهييان]

مابزيد ع الخوات كلامهن صح

طبعا غلط لاترضييييين حرااام تعلقين مستقبلج ب شي ممكن انه يتغير 4 سنين ماتدرين شو يستويبهم محد يبقى ع حاله وبتكونين انتي المتضرره الوحيده يلسي مع هلج ورمسيهم ب العقل

موفقه فديتج

[ليلى24]

اتوقع الالتزام بهالامور صار صعب بزمنا.. زمن كثر في الفتن والتعارف بين الشباب والبنات وخصوصا انه قريبج يدرس بدولة اوروبية اكيدد بيشوف شوفات وبيستوي معا مواقف هو ريال بالنهاية , يعني مب معقولة تتمين تنتظرينه 4 سنين يعني هو يسوي لي يريده وبس يفكر يتزوج يجي عندج هالشي مش مقبول, اذا انتي حابة ترتبطين في قوليلهن انا عندي نية الزواج منه بس ما اقدر اتريا 4 سنين لو اجاني نصيب خلال هالسنين اسمحولي عمر شباب البنت قصير والزواج صار صعب.. وبعد في شي مهم اذا انتي فوق ال 25 لازم يكون موقفج بعد اقوى

[المعآني]

اتوقع هالشي شرعا مايجوز
اتأكدي من الافتاء8002422
وسجلي كلام المفتية وسمعيه لأهلج

[ماحد شراتي]

ما قصرن الخوات

وقولي لهم لو يا نصيبي وربي يسّر بتزوج لانه ما اقدر اتريا 4 سنين وما اضمن اذا بعده بكون شارني ولا لا

هذه حياتج واكيد اهلج بفهمون وجهه نظرج

[احلى بعفويتي]

لا حبيبتي لا تتحيرين ولا شي

عادي عقب 4 يرجع لج مغفي ويقول مجبور
ولا بقلبه وحده ثانيه

خلج عاجل وارفضيه