وايد مضيجه على اسلوب ريلي

[مشكلتي]

هلا اخواتي بغيت مشورتكن هل انا غلطانه او ريلي الغلطان صارلي سنة من تزوجت عندي بنوته منه ربي يحفظها وريلي قبل كان متزوج ومطلق وعنده ولد عمره 5 والبنت 8 وساكن في بيت اهله يربون عياله عند يدتهم وعماتهم شايلينهم
وين المشكله من يوم خذني كله ينتقدني ولا كلمه حلوه سمعت منه انتي وانتي فيج وفيج ويسبني انا واهلي ما خلا كلمه ما قالها لي وساكته ما ارد عليه يوم كنت حامل ليش اضيج بعمري وبعد ما ربيت قمت ارد عليه واكتشفت ما عنده شخصيه كلمه توديه وكلمه تيبه من امه وخواته المتحكمات وانتقدوني من شعر راسي لطرف ريولي ليش ما اخدمهم في البيت وكله اني راقده كنت اداوم وادرس وارد البيت فاليل منتهيه خلاص ما فيني حيل يوم خذت اجازة من دوام في شهريه كله اهله يتحرطمون عليه اني طول وقت راقده الله يعلم شو فيني لو اموت ماحد درابي وماحد يسال عني صح في غرفتي ما اطلع كنت اتقزز وتلوع كبدي من ريحة بيتهم وكله حشره واصوات صغاريه مزعجه ما اقدر اتحمل متعوده على هدوئ.... وفوق هذا يعطيني مصروف انا اصرفه بس حق بترول سيارتي ورصيد حق فوني يدوب يكفي ...هو في الاصل ما بيصرف عليه الا بضرابه شهر يعطيني وشهر لا لاني اشتغل يبيني اصرف كل شي من راتبي على نفسي من يوم تزوجت ليومكن ماحسيت بفرق في حياتي قبل زواج وبعد زواج نفس شي ساده عمري بكل شي يعني عندي ريال بس في الفراش فقط سمعه اني تزوجت وجدام اهله اجمل عمري كانه ماشي بينا صاير اقولهم متفاهمين ما يطلعني مكان ويشل عياله جدامي ويوديهم مولات حتى ما يقولي بروح اودي عيالي تبين شي لدرجة مره كنت مريضه يوم حامل وموب قادره اطلع مكان قالي انا بطلع عيالي الالعاب اذا تبين سيري بيت اهلج لانه ماحد بيلس عندج طرده في الويهه ...ويوم يوديني السوق اذا دفع يتم يسمعني انا عطيتج وسويت لج وعلى اتفه سبب يناقر بس اسكت عنه واما ارد عليه...مطنشته لكن الحين بديت اكره حياتي معاه ما اقدر اضيع عمري عند واحد ما يستاهلني ابد ما يحترمني ولا يقدر حياة زوجيه يجدم عياله علي في كل شي وساكته والحين يفرق بين بنتي وعياله في المعامله من الحين يكرها وما يحبها لانها بنتي وصرفي عليها بروحج من راتبج واذا حد انتقد لبس بنتج انتي بيعايرونج موب رايمه تشتريلها وانا مالي خص فيها شوه هالريال احسه مريض ومعقد نفسيا كان زواجه سابق فاشل وسبب مشاكل بينه وبين زوجته يناقر على اتفه سبب... وموب لاقي حد يوقفه عند حده
الحين ساكنه في بيت اهلي بسب ظروف شغلي ودراستي وبنتي امي فديتها وربي يحفظها ويخليها لي ويطول بعمرها تربييها اسبوع كامل ما يسال عني انا ولا عن بنته حتى زياره في بيت اهلي ما يجي في الويكند انا اروح بيتهم وماحد ما يرمس عنه ويشين اطباعه عايشين مثل عزابية انا استحي من اهله يقولون زعلانه وبينهم شي ويتمون يرمسون عنيه ...اروح عنده ولا كانه شي صاير من بينا ... وكل يوم الصباح انا ارسله واصور بنته واطرشها طول نهار واعطيه تفاصيل حياتنا واستاذن منه اذا بطلع ويا اهلي مكان... اعامله بالزين يرد فيني شين ومن ايام كانت حفله في مدرسة عياله وما سالته حفلت منوه من العيال وسواها سالفه انتي ما تحبين عيالي وتكرهينهم ولا تنشدين عنهم ولا تهتمين فيهم انا ما يخصني في عيالك يدتهم تربيهم وليتهم يربونهم على اخلاق والاحترام وايد مدلعينهم وكل واحد لسانه اطول عنه وما يسمعون كلام شريرين وعنيدين وفي حجرتي مطفريبي البنت والولد ابد ما اخذ راحتي في لبس كل شوي داشين حجره عندي وما اقدر اسكر الباب بالمفتاح ينازعني وما ارتاح لا ف رقاد ولا في شي كرهتهم عياله البنت والولد من ساعه 6 الصبح داشين وطالعين اونه يبون يكلمون ابوهم على اشياء تافهه وعقب بيبون وراهم عيال عماتهم واعمامهم داخل حجرتي وين اخذ راحتي يوم اتكلم ما يعيبه ويجذبني علشان عياله يطلعني غلطانه وهم صح شو اسوي فيه؟! وكيف اعلم عياله الصح من الغلط ...وهل لي دخل في تربيتهم ولا اخليهم على حالهم مالي خص في تربيتهم .. الولد من الحين ضايع يشوف اشياء وسخه في اليوتيوب ويسوي حراكات قلة ادب وشفته كم مره ويا بنات اعمامه وكذبني ريلي قالي ولدي مايسوي شي ليش تتبلين عليه قتله تريا لين ايون اخوانك يشتكون وبالفعل اشتكوا وصارت مشاكل من بينهم... والبنت يشين طبعها لسانها طويل وتسب ابوها وما تحترمه وعادي عنده ما يقولها شي وفيها طبع وايد تجذب جذب فضيع وتخترع وتالف قصص من عندها وماشي ما تعرفه ما تروح تلعب ويا البنات كله تخشش بين حريم كبار تلقط سوالفهم ....
الحين مشكلتي قبل يومين رحت بيت اهل ريلي وكان ريلي يعاملني بوقاحه وقلة ادب ويطنشني انا وبنته اونه انا مشغول ادرس بنتي وانا بداخلي نار من اسبوع موب شايف بنتك وكذا تعاملنا وكل دقيقة انا افور ويلست ويا اهله وسولفت وعلى فكره واصله وقت غداء عندهم وانا موب متغديه في بيت اهلي وما تغديت في بيتهم ماحد سال عني ...ويلست لوقت العشاء حطوا عشاء جدام ريلي وعمي وزقروا ع الكل الا انا واصلن ما في خاطريه عشاهم ما يعجبني وطنشت وشليت بعمري انا وبنتي ورحت ولبست عباتي وزقرت خدامتي وركبت سيارتي وروحت والكل عارف اني بروح وما ظنتي يحتاي اروح استاذن واقولهم بروح لانهم بطبعهم يجبروني كذا اعاملهم وعقب طرشلي ريلي مسجات اني موب متربيه ولا فيني ذرة احترام وما حشمت حد يوم روحت وما خبرتهم وطبعا ما رديت عليه ... وصلت بيتنا اشوفه مسولي حظر في الواتس وانا شو يسوي فيني يوم يجي يشلني من بيت اهلي يوقف برع عند الباب وما يدخل يسلم على اهلي كيف اتصرف معاه بيجننني هو ما يحترم اهلي ولا يزوارهم وكله يرمس عليهم ويسبهم وانا ما اودي كلام ساكته ما ابغي مشاكل لكن هو بطبعه جذا يحب مشاكل هو يزرع فيني شر من يوم تزوجنا بتصرفاته بكلامه وبكل شي وهذي نتيجة حصاده ما يشوف على عيوبه دايم يشوف على عيوبي وينتقدني ويسبني انا ابغي اطلق بس موب عارفه شو اسوي ما اقدر اعيش مع انسان ينكر عيش وملح ...ما اعرف شو اسوي كاره حياتي معاه ابغي اعيش بدون مشاكل ابرك من شايله هموم دنيا على راسي الكل ملاحظ عليه اني موب مرتاحه في زواجي كل يوم زعلانه ومضيجه ومبين في ويهي وفي لبسي وكشختي موب مدلعني ما تغير فيني شي...وعمتي الي هي امه ما خبرتها بشي رايكن اكلمها هي قبل واخبرها عن طبع ولدها ولا ع طول اخبر امي وهي تكلمها وعقب يدخلون رياييل ؟! في اشياء واايد تصير بينا بس ما ذكرتها هذا مختصر
ادعولي الله يفرج همي ويسخرلي زوجي ويهديه ما ابغي اطلق الناس بتعايرني وبتشمت فيني بس هذا اخر حل يكون طلاق اذا ما فادت كل حلول معاه...

المزيد من آخر المواضيع من نفس القسم:

• تزوجت مريض نفسي
• مشكلة حالتي بعد الأمومة
• مشكلة تقدم لي خاطب وافد
• مشكله بنتي
• زوجي تعبني بالضرب كليوم💔
• أواجه زوجي بكذباته ولا اسكت
• ريلي احبه ،، بس ماعرف شو الي حصل
• مشكلتي التعلق الزائد
• رفض ريلي للحمل
• عااااجل مشكلة واجهتني

[المراقبة العامة]

الكلمة الطيبة صـــــــــــــدقة

[تفاحتي]

والله شو اقولج
دام ما تبين تتطلقين خلاص


اصبري بس بشرط

طنشي خلاص
عطيه كل شي ع قد مقداره
لاتكبرين شانه ولا تصغيرنه
حبي نفسج
دام تشتغلين
خلاص هالريل مش مضمون يتم ف حياتج دام شوره مع هله


دلعي نفسج فلوسج اتعدلي فيها وعدلي بنتج

اهتمي بصحتج اهم شي صحتج عشان يكون لج بارض اتريين بنتج

اشتركي في جيم يوم بتلعبين رياضه كل الشحنات السلبيه بتطلع منج
بتكونين رااايقه فايقه حق كل شي


لا تسمعين له لو غلط فيج
اضحكي ضحك يوم يغلط خليه سمنديقه مع نفسه

صلي على النبي وتفرج همومج

لا تكدرين خاطرج دام انتي مقتنعه هذا النصيب صبري
يوم ربي يغير حالج

اما تخبرين هلج

ماعرف انتي تعرفين ان هم يتحكمون فيه وهم يجرجونه ف حق شو تتفاهمون ء؟!
اصلا بيستانسووون

خليهم يولون
لا تضيجين ع امج
فرحي نفسج قد ما تقدرين
بيزاتج لا تخشينها
طلعيها
وخلي يحس انج مستانسه بوجودك او مو موجود

[المعآني]

انا بعطيج حل من الحلول
اول شي غيري من نفسج تقربي لربج أكثر توبي من المعاصي واستغفري طول الوقت صلي في وقته خاصة الفجر بري بوالديج عليج ب الهدايا بتكسبين محبة الناس حولج لو شي بسيط
ثانيا تكلمي مع زوجج بهدوء وبنبرة وايد هادية خله يحسج وحدة ثانية ولا تحنين عليه وقابلي الإساءة بالإحسان هالشي من ديننا
لو قالج اصرفي ع بنتج ماعليه قوليله بنتي فديتها وتستاهلين و من هالكلام ومناك من تطلعين السوق قولي له ناسية شنطتي ادفع فديت راسك بردها لك
خلج ذكية وتحايلي عليه و استغلي المواقف لصالحج ولا يمسكون عليج كلمة ولا تردين عليهم لأن ردج بيزيد الموضوع وما بيحله انا أم ريلي كانت تحط علية فس بداية زواجي وتنتقدني وايد سكت فترة طويلة وكان هالشي يسوي مشاكل بين وبين ريلي لدرجة قام يمدح حريم إخوانه تميت ساكتة ما قلت له غير كلمة لو انت ترضى اقارنك بأحد ثاني ف قارني عادي
وحط الكلام فباله وفكر فيه فترة لين افتهم
و الحين أمه تمدحني تقول عنى طيبة وما ترد إلا بالخير
الإحسان بتشوفينه لو بعد فترة خذي نفس عميق كلما تضايجتي وفكري لاتسوين شي بدون تفكير
اذا حسيتي ضاقت عليج افر شي سجادتج وصلي ركعتين
شوفي كيف ب تتيسر امورج خلج واثقة بالله
من ظن بالله خيرا ما خيب الله ظنه

[Ward-uae]

انتي لما خذتيه عارفه انه عنده عيال ووافقتي عليه فليش الحين تغارين من عياله ؟
يكفي انه ما عندهم ام على الأقل ابوهم شال مسؤوليتهم وهذا شي نادر يعني ريلج فيه الخير
اكسبيه بتشوفيه يعاملج شرات ما تبين وقلبه شكله مع عياله وهو قالج بصراحه انج شالة في قلبج عليهم وهو ما يأمنهم عندج
لما يوصل هالشي لهذي المرحلة بسبب معاملتج لعياله فهو يبيج تحسين على دمج مب انه بخيل على بنته لكن يعرف انج ما بتقصرين عليها لكن هو لما خذاج كان محط في باله بتكونين ام ثانية لعياله وصار عكس ما تمنى
حاولي تغيرين معاملتج مع اليهال مب لازم تشترين لهم اقل شي تساعديه بمذاكرتهم وتلاعبيهم وتحكي لهم قصص هذا ابسط شي اليهال نفسهم يحبوج حتى هم لو شافوا ابوهم غلط عليج بيوقفون معاج لكن للأسف انتي عبالج بتاخذيه لنفسج
ارضي قلبه اللي هم عياله بيرضي قلبج وعقلج

[بنوته ظبيآنيه]

الله يعينج اختي
اشوف انج تدخلين اهلج افضل لان الوضع اللي قلتيه ما ينسكت عليه ابدااا و عشان يعرف ان وراج ظهر ويصطلب ويصير ريال
اما اذاعنده كلام ثاني يقوله احين قبل ما يضيع عمرج معاه

[ريم العسووله]

الله يعينج اقولها لج من كل قلبي ...


الحل حاليا انج تكسبين قلوب عياله ، يمكن صعبة في البداية و لكن هالشيء بيحل نص مشاكلج عالأقل ... و تذكري بأنهم ياهال ...

[khaleejiya]

السلام عليكم
اختي انا قريت مشكلتج لين وصلت في النص ما كملت
تعرفين شو المشكله؟
انتي تكرهين عيال ريلج والمشكله مبينه هالشي حقه ما خبيتي مشاعرج او جاملتيه
اوكي عليهم اطباع مب حلوه بس في النهايه هذيلا عياله غلاتهم من غلاته
واحس ريلج متلوم فيهم ويحاول على قد ما يقدر ما يحسسهم بالنقص
انتي المفروض تحتوينهم وتحاولين تعوضينهم عن امهم مب تستوي عدوه هذيلا ضحايا طلاق
وانصحج انج تقوين علاقتهم ببنتج خليهم شرات الاخوان من دم ولحم والله انج بتكبرين في عين ريلج وحتى اهله
والله يفرجها عليج