ابا احمممل

[مشكلتي]

صباح الخير
مشكلتي مبينه من عنوانها انا معرسه من 6 شهور وقبل ما كنت افكر بسالفه الحمل يلين اخلص دراستي بس عقب الزواج حسيت ان وجود الياهل بيجمل حياتي لاني مب مرتاحه مع ريلي بس مشكله ريلي انه ما ايي صوبي وقت التبويض وانا مستحيه اقوله ان هالوقت لازم يستوي جماع عشأن احمل ،،،حاولت ف فتره ايي موعد الاباضه اتقرب صوبه بس دوم يكون تعبان حظظظي مب شىء

وانا مستحيه اقوله مع العلم ان اهوو يموووت ف اليهال ويبا ياهل بس مب فاهم ،، انا مالي خبره ف الحياه الزوجيه والحمل بس اللي عرفته من النت ان الحمل ما يستوي غير ف ايام التبويض وانا ريلي عادي يمر اسبوع وما يصكني

المزيد من آخر المواضيع من نفس القسم:

• تزوجت مريض نفسي
• مشكلة حالتي بعد الأمومة
• مشكلة تقدم لي خاطب وافد
• مشكله بنتي
• زوجي تعبني بالضرب كليوم💔
• أواجه زوجي بكذباته ولا اسكت
• ريلي احبه ،، بس ماعرف شو الي حصل
• مشكلتي التعلق الزائد
• رفض ريلي للحمل
• عااااجل مشكلة واجهتني

[المراقبة العامة]

الكلمة الطيبة صــــــــدقة

[تفاحتي]

كل من الله قبل او بعد للتبويض يستوي
اهم شي اتاكدي ان مافيج التهابات لان تمنع الحمل

اما تفهمينه مايباله شي شغلج مو لازم بالكلام

[ريم العسووله]

أولا كل شيء بيد رب العالمين ...

ثانيا انا وايد استغرب من جملة ( استحي من زوجي)!!!!!! خصوصا في هالأمور ...

المعاشرة الفعلية بين الزوجين اقوى من الكلام فليش حزة الكلام الوحدة تستحي؟! شيء غريب

عالعموم اختي لا الخجل و لا السكوت بيخلونج تحملين... صارحي ريلج قولي له صار لنا 6 شهور متزوجين و الناس ذبحوني بالسؤال و نبي شيء يديد بحياتنا ... و شوفي شنو يقول لج ... اذا وافق و ما عنده مانع قولي له عن سالفة التبويض و فهميه ان الحرمة مب في كل الاوقات تكون مهيئة بأنها تحمل و شرحي له و خليه يقرأ عن هالمعلومات جدامج من النت ...

موفقة ♡

[أم محمد1988]

ما فيها شي لو قعدتي مع ريلج وصارحتيه .. عادي فهميه انج تبين عيال وانه لازم يستوي هالشي فأيام التبويض .. واذا هو من النوع اللي ما يقدر وقفوا فتره لين اتي هالأيام .. اتوقع اغلب الرياييل ما يعرفون عن هالشي الا اذا الحريم قالولهم ..
ليش تستحين من ريلج !؟!؟ هذا حلالج وتقولين بعد انه يحب اليهال يعني أكيد بيتحمس معاج وبيشد حيله فهالأيام ..

[dxb_love]

الياهل مابيحل مشكلتج

لان انتي قلتي "مب مرتاحه وياريلي" , الياهل بيزيد المشاكل

اول حلي موضوعج وياريلج وسالفه مرتاحه ومو مرتاحه عقب فكري بالياهل , مب كل شي بسرعه

شكلج صغيره عسب جي انتبهي ولا تتسرعين خل كل شي طبيعي

اما رد وحده من الاخوات بخصوص ان تقولين لريلج ان الناس ذبحوج بالسؤال , لا تيبين هالسيره للريال

لان عادي بيقولج مايخصني بالناس ومايهمني ومحد له دخل


تحياتي لج

[احلى بعفويتي]

لا خلي الحمل بصدفه
لا تمين تنشبين انج تبين حمل
تقربي من زوجج وعدلي علاقتج معاه عقب فكري بالاطفال

[ام نهييان]

مممم اختي اول شي غلط تحملين وانتو بعدكم مش مستقرين الحمل يباله راحه نفسيه وتفاهم بين الزوجين

بعدين غلط لي فاهمتنه عن التبويض الصح هو انه فرصة الحمل في ايام التبويض تكون اسرع من الايام الثانيه لا اكثر

بعدين اي شي تستحين تصارحين فيه ريلج طرشيله ع الواتس ااب عشان يعرف

الله يرزقج

[حرم الحميري]

اذا بتيلسين تحسبين حزت التبويض بتعبين حلي مشكله انه ما ايج الا بالاسبوع مره ليش اكيد في شي وانتو توكم معرسين ست شهور وجي باجر بدشون عسنين شو بتسون ما بييج جنه تلاحقي عمرج وجوفي ريلج ليش ما ايج وكلميه قوليله انا احتاج يوميا مرات الريال يوم يسمع هالشي من حرمته يتلاحق عمره ويستحي بيقول لا يكون انا فيني ظعف جربي مب خسرانة

[MiSs_DesigN]

اختي مب شرط في هالايام

انا حملت بعد ايام التبويض باسبوع اسمه حمل متاخر فيه التبويض

لا تفكرين في الموضوع واايد لان التوتر يقلل من فرص الحمل

[khaleejiya]

الله يرزقج ان شاءالله ويمكن يكون هالطفل وسيلة لتقاربكم انتي وريلج

[سلطانة علي]

السلام عليكم اختي إنتي توك متزوجة اصبري شوي حاولي تمتعي نفسك وزوجك وتغيير جو او تسافري صدقيني اذا الله كاتب لك بيرزقك والمدة الي انت قلتي ترى بسيطة عادي انو ما يتم الحمل مع ان كل شط طبيعي انصحك اصبري لين تنمي السنة وبعدها راجعي دكتور وإذا كان كل شي طبيعي حاولي تاخذي انت وزوجك اجازة وتكون فأيام الي بعد الدورة على طول وما يحتاج أقولك والله يوفقك 🌹

[عطر الرياح]

الجماع يجلب المودة بين الزوجين
لازم تصارحين؟ لمحي له

[ماحد شراتي]

الجماع يجلب المودة بين الزوجين
لازم تصارحين؟ لمحي له

مع الاخت

راعيه الموضوع شكلج صغيره وتستحين وهذا ريلج .. اطلبي منه وعوديه وصدقيني عقب بيلصق فيج

[وفاء1992]

اختي الكريمة انصك إنك تصارحي زوجك بالرغبتكي في الحمل