رضيعي والنوم

[فدا تراب زايد]

السلام عليكم ..

اللي حاصل ان رضيعي عمره 3 اسابيع الحينه

قالولي انه لازم يرضع كل 3 ساعات ., هو كل ساعه ينش يبي يرضع ., قالولي لازم يرضع اقل شي نص ساعه

هو يرضع 10 دقايق ويهد صدري ., يرقد ومايطيع ينش , العب باذونه وريوله , جربت كل شي بس ماينش

وذا نش يقعد يصيح يبي يكمل نومته عقب هال10 دقايق بس من الرضاعه

الي عندها حل بليز تخبرني

كيف اخليه يرضع نص ساعه عشان ينام بشكل متواصل

علموني من شطارتكم

المزيد من آخر المواضيع من نفس القسم:

• أسباب آلام الركبة بعد الولادة وكيفية علاجه
• ماهو الطلق البارد والطلق الحقيقي والفرق...
• اهم أسباب التهاب الجيوب الأنفية أثناء الحمل...
• افضل طرق الاستعداد لفترة النفاس
• اهم فوائد الحليب للمرأة الحامل
• افضل عشرة طرق طبيبعه لتسريع الولاده خاص...
• اهم نصائح للحامل البكر في الشهور الأولى
• اهم أسباب الجوع المستمر عند الحامل وطرق...
• افضل مسكنات طبيعية تخلصك من الألم أثناء الحمل
• طرق للتخفيف من آلام الظهر بعد الحمل حصري

[غلآ نفسي]

10 دقايق تسده

خليه راقد دام هو يبا يرقد

ويوم انه ينش كل نص ساعه مب معناته يوعان

لهي بأي شي

يمكن ما يبا يرقد يمكن يبا يلعب فجي عنه القماط

ادري انتي تعبانه وتبين ترقدين بس انسي الرقاد لين 3 شهور

بس كل ساعتين عطيه صدرج مب كل نص ساعه

واذا تبين حل انه ينش ويصحصح

اول شي فجي عنه القماط وعقب غيري حفاظته وملابسه وحركي ايدينه بتحصلينه نش

طبعا حسب الطفل شي يهال يبالهم نص ساعه لين يصحصحون

بالتوفيق

[تفاحتي]

الله يعينج
شفطي احسن وشربيه وشوفيه كيف بيرقد
شفتي المرضعه الصغيره 60 مل فوليها وخلاص شربيه
والضوء شغال مو ف الظلام يشرب شوي ويرقد

[ام الدحمي]

هههه ام يديده

حبيبتي اليهال فالاربعين يقولو لازم نقومه عالساعتين او 3 وعقب وعيه وهو اذا قام قبل عادي لا تحاتي تراه يوم ايوع يقوم يرضع

حبيبتي فك طفلج بعده مايروم يمص يمكن يتعب ويمكن يوصله حليب يشبعه بسرعه اكثر عن احتمال حطي فبالج

انتي عطيه رضعتين يا تحلبين له او صناعي مساعده له ولج

رضعه س 1 الظهر ورضعه فالليل قبل نومه
ويوم ينام نامي وياه اي وقت نامي وبتحسي بنشاط وتحملي مب 3 شهور 4 شهور ههههها الامومه اليهال جيه حد صعب وحد لحمدلله وبعد يعتمد على خبره الام وابشرج كنت مثلج وولدي ماينام بس انا ماكنت انام اقول بنام الفليل بس غلط لازم انام يوم هو ينام
والله يعينج خلج ريلكس

[Ward-uae]

حبيبتي مب كل ياهل شرات بعض تأكدي من البول والبراز اذا عادي خلاص يعني هو شبعان والملابس بدت تصغر عليه معناته نموه طبيعي لا تيلسين تراقبيه حاولي ترقدين واذا ياع او بكى بيقوم
ومب شرط يرضع نص ساعة اذا يرضع صناعي بسرعه يشبع واذا يرضع منج احيانا الحليب من حرمه لحرمه غير بعضهم ثجيل ويشبعه بدقائق وبعضهم خفيف وبسرعة ييوع
احيانا الياهل يبكي من البامبرز او من المغص او يوعان فأنتي على الأيام بتعرفين

[قيثارة إماراتي]

الله يعينج
شفطي احسن وشربيه وشوفيه كيف بيرقد
و الله مهج اول 3 شهور صعبة ضروري من الصبر لحتى تتعودي ع ها النظاام

[العـــــاش]

حاسه فيج لاني عانيت نفس المعاناة
لدرجة اني كنت بيأس خلاص وبعطيه صناعي بس صبىت وتحملت والحين الحمدلله عمره 4 شهور وقدرت اسيطر عالوضع.
نفس الحالة كان يرضع 10 دقايق وينام لانه يحس بدفا حضنج ويتعب من المص لان الفك عنده بعده ضعيف وينش عقب ساعة يبا بعد يرضع.
انا ضد انج تشفطين وتعطينه في هالعمر الا اذا كنتي مضطرة لانه اذا تعود على المرضعة صعب يمسك صدرج مره ثانية.
الحل انج تتحملين هالفترة وتنامين كل ما ينام لو نص ساعة عشان ما تتعبين واييج اكتئاب وان شاءالله من يكمل شهرين بتلاحظين ان رقاده بيعتدل والفك عنده بيقوى وبيرضع وقت اطول ويشبع.

[العـــــاش]

وحبيت اضيف انه يمكن يكون شبعان بس الغازات تلعوزه اذا كان يتعصر ويقوس ظهره معناته الغازات مضايقتنه .. حلها سهل اذا ترضعينه طبيعي مساج بزيت زيتون على بطنه بتلقين الطريقة في يوتيوب ودفيه عدل واسدحيه على بطنه واذا ما فاده وديه عند طبيب اطفال بيوصف له دوا للغازات انا كنت اعطيه دانتينوكس وبايوجايا والحمدلله استفاد منهم

[ummaitha2008]

الله يساعدنا على تربيتهم ......

[فدا تراب زايد]

مشكورين حبايبي عالردود

فعلا انا لاحظت ان حالة الاكتئاب اتيني من التعب يوم ما ارقد احس باكتئاب فظيع

سمعت ان حبة البركه وايد اوكي لإدرار الحليب
بس ويا شو اخلطه عشان يدر الحليب

[ام الدحمي]

حبه البركه مع العسل جربي

[فدا تراب زايد]

من كمن يوم بديت ألاحظ ان البيبي ما ينام اذا حطيته في سريره او على سريري , ماينام ابدا يبطل عيونه عقب يبدا يصيح , , ويرد يبا يرضع من اول ويديد ., حاولت ارضعه وانومه عالسرير كمن مره عل وعسى انه ينام بس ماشي فايده 4 ولا5 مرات ينش و يرضع, وهالشي خلاني ماحب احطه عالسرير من يغمض لني اعرف انه بينش ويبي يرضع يعني ماغير تعب في تعب ,

ماينام الا ع صدري او على بطنه
المهم انا كنت انومه ع بطنه قبل لانه اريحلي واريحله عشان الغازات لي فيه ولاحظت انه ينام مدة اطول لما اسدحه عبطنه , بس سمعت انه مب زين فقمت اخاف ارقده عبطنه, الحينه بالمره ما ارقده عبطنه

بس يرقد عصدري او فحظني على يديني

هل هذا الشي طبيعي ؟ كل البيبيات فعمره يسوونه ؟
وثاني شي تراه مايرقد الا اذا رضعته يعني مايفيد معاه الهز ولا حتى فالسياره يرقد , يتم يصيح يبي صدري لين يرقد حتى لو كان شبعان , اخاف يتعود على هالشي واتوهق

[فدا تراب زايد]

يعني تخيلو هو طول الليل عصدري ينام ويوم اتعب احطه عصدر ابوه ينام بعد

و فالنهار فحظني

و ماينام عند اي حد ثاني

شوواسوي