كآبة الاربعين !

[فدا تراب زايد]

السلام عليكم


كملت اسبوعين من يوم ولادتي واحس اني مخنوقه و كله ماشتهي اكل
واحس الوقت ما يمر
مليت من قعدة البيت

شوتسوون في هذي الفتره عشان تخففون من هالشعور

خاصة اني ماسرت عند اهلي , ريلي يقولي مب شرط تروحين فالاربعين عند اهلج و اهله مايبوني اسير بعد

يعني مايستوي اطلع من البيت ؟ وهل صح مب شرط اسير عند اهلي ؟


ثاني شي ,, ولدي فيه غازاات ماتخليه ينام ولا يرضع كله صياح في صياح ولا اقدر انام ولا ارتاح

شواسوي عشان اخفف عنه ,, معني ما اكل الاكلات الي تسبب غازات ما ادري من شو تستويله

مايرقد ساعات متواصله ,, ربع ساعه ولانص ساعه وينش يصيح

مب عارفه شو اسوي معاه

المزيد من آخر المواضيع من نفس القسم:

• أسباب آلام الركبة بعد الولادة وكيفية علاجه
• ماهو الطلق البارد والطلق الحقيقي والفرق...
• اهم أسباب التهاب الجيوب الأنفية أثناء الحمل...
• افضل طرق الاستعداد لفترة النفاس
• اهم فوائد الحليب للمرأة الحامل
• افضل عشرة طرق طبيبعه لتسريع الولاده خاص...
• اهم نصائح للحامل البكر في الشهور الأولى
• اهم أسباب الجوع المستمر عند الحامل وطرق...
• افضل مسكنات طبيعية تخلصك من الألم أثناء الحمل
• طرق للتخفيف من آلام الظهر بعد الحمل حصري

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[ام الدحمي]

يحليلج والله مااحب الريال واهله اللي مايقدرون ويدخلون فتره الاربعين لازم تروحي اهلج بساعدونج بتشمي هواء

عموما كثري استغفار وانتي ترضعي شغلي التلفزيون لاتخلي الرضاعه عمل لا خليها متعه وتتفرجي عالتي في

امشي شوي المشي يعدل النفسيه

عشان البيبي لازم لين 4 شهور غازات اخذي له امفاكول او الهملايا اللي يناسبه

وهاتي زيت زيتون ودفيه شوي فماي ساخن وسوي مساج كامل للبيبي تسمتعي وياه وهو يتحسن شوي ويطلع الغازات

اول البيبي هذا لج؟؟ شوفي اليوتيوب ل رولا القطامي والتعامل مع البيبي ودعواتج لي

[غلآ نفسي]

ما عليه اختي

لازم هالفتره يعاني من الغازات ورقاده خفيف

عقب 3 شهور بترتاحين

ما بتحصلين وقت حق نفسج اصلا

حتى وانتي تتسبحين بتطلعين والصابون عليج من صياحه خخخخخخخخ

وايدين يروحون بيت اهلهم فالاربعين

بس انا ما رحت انا اللي ما بغيت هالشي


ودام ريلج قالج لا تروحين خلاص لا تروحين

يمكن يبا يكون ويا ولده

فتره وبتعدي لا تحاتين

بالتوفيق

[قيثارة إماراتي]

ما عليه اختي
الله معج
لازم هالفتره يعاني من الغازات ورقاده خفيف لحين ما يوصل ل3شهور بعدها ينظم نومه و اكلوو
بالتوفيق لج

[ام نهييان]

اول شهور لازم غازات وقلة نووم تحملي فديتج واستغلي اي دقيقه ينام فيها حطي راسج ونامي عشان تريحيين

لازم لازم تطلعين لو بالسياره تغيرين جو عشان ما تتضايقين من الامومه وحاولي انج تروحين عند هلج لو اسبوع قوليله بروح اغير جو اسبوع وبردلك عشان توله علينا .. ماعليه اول بيبي متعب و طبيعي ريلج واهله يبونكم معاهم مايصبرون عن البيبي

شلي من بالج شي اسمه كآبة ال40 نحن انييب الكآبه لعمارنا.. ونسي عمرج وخلي يلستج مع ولدج من طيب خاطرج وحبي كل شي فيه صياحه قبل ضحكته

الله يحفظه لج

[غلآ نفسي]

صياحه قبل ضحكته

صح كلامها