تعقيب3 / نفسيتي تعبانه للاخر

[مشكلتي]

السلام عليكم ....

شحالكن بنات
اشكر اللي دعت لي واللي عطتني نصايح
بس للاسف زوجي يوم عن يوم يكرهني اكثر قام يتغير على ولده الحين من سبوع ما مر يشًوفه وانا هنا بيت اهلي بكمل شهر 😔 والله ترجيته عشان نرجع لبعض بس هو رافض ومقتنع بالانفصال
نفسيتي ادمرت وحالي تعبان
معقوله غلطتي كبيره لهدرجه عشان يعاقبني كذا
ويشتت حياتي انا وعيالي معقوله مب رايم ينسى عشان العشره اللي بينا والايام الحلوه

صار يجرحني ويعايرني
يقولي بعد ما اطلقج ما اظن حد يقبل بوحده ماخذه وافد

معقوله ذنبي كبير خبروني

معقوله ما استاهل فرصه في حياتي يديده
اكتب ودموعي تسبقني 😭

ساعدونني الله يخليكن ابا اطلع من هذي الحاله
تعبت من ويع القلب والحزن
ما اتخيل اربي عيالي وابوهم مطلقني والله حرام عليه اللي يسويه فيني
قلبي يعورني الحياه مالها اي طعم



حسبي الله ونعم الوكيل

https://forum.uaewomen.net/showthrea...0%BD%ED%B2%94?
موضوعي

المزيد من آخر المواضيع من نفس القسم:

• تزوجت مريض نفسي
• مشكلة حالتي بعد الأمومة
• مشكلة تقدم لي خاطب وافد
• مشكله بنتي
• زوجي تعبني بالضرب كليوم💔
• أواجه زوجي بكذباته ولا اسكت
• ريلي احبه ،، بس ماعرف شو الي حصل
• مشكلتي التعلق الزائد
• رفض ريلي للحمل
• عااااجل مشكلة واجهتني

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[المراقبة العامة]

الكلمة الطيبة صــــــــــدقة
الجئي لله بصدق وأكثري من الاستغفار ومن لاحول ولاقوة الا بالله

[سماءالأفق]

ملأ الله قلبك بحبه وشغلك بذكره عمن سواه , نصرك الله نصرا عزيزا , وأصلح كل أمورك أفضل مما تتمني ..
التائب عن الذنب يفرح الله بتوبته ,فلا عليك ممن لا يغفرون الزلات ,ادعي الله بآلامك ودموعك ووكلي الأمر لرب العالمين بصدق وستجدي بإذن الله خير نصر لم تتوقعيه

[almal3ka1]

دامه قالج ما اباج خلاص

انتي مالج كرامه

شو ها !!


ماما لا تحقدين عنفسج و لا تحنيني عليه


ربي عيالج

[MiSs_DesigN]

هلا اختي انا اعرف احساسج انتي تحبينه وهو زوجج ابو عيالج

ماعليه ارجعي مثل ماقالج مجرد ام لطفله بس مع الايام غيري طبعج خليج مختلفه عن اللي كان يعرفها قبل

اهتمي في نفسج ولا تهتمين فيه وايد نفس قبل خليج مع نفسج اكثر اهتمي بمظهرج واسلوبج في الكلام خليه هو يلاحظ هذا التغير وصدقيني مع الايام بيحن قلبه وبيرجع معاج اوك بس انتي اتجنبي كل شي هو مايحبه

الله يسهل لج امورج ويسخر لج ريلج يارب

[غزالة AD]

غريبة انه مب معترض على زواجج بس معترض انج خذتي وافد!

واذا كنتي ماخذه مواطن او خليجي ماكان بيزعل بعد؟

الله يهديه ويرده لج ردا جميلا.

[ام الدحمي]

شو يعني وافد هذا ماسبب للطلاق !! برايه خليه وكثري استعفار وكثري من لاحول ولاقوه الا بالله العلي العظيم ودعاء المصيبه

[ام نهييان]

والله لو منج بعطيه عياله يربيهم حزتها بيعرف انه الله حق وبيردج اونه ماباج لانج كنتي ماخذه وافد

شوفي يا انه ريلج مخه صغيير او انه في شي ناقص ف قصتج

الله يهديه و يصلحه لج بس انا اقولج عزززززززي نفسج

[.Dream]

جذبتي والي صار صار لكن ماتوصل انه يبا ينفصل شكله ريلج يدور سبب وحصله

لان مافي ريال عاقل وبقواه العقليه يسوي جيه لهالسبب ويتم يعاير ريلج للاسف عقله صغير

ويالس يستقوى ويذلج لان شايفنج تدورين وراه , باختصار ارجعي واهتمي ف عيالج وهو خليه يولي وغيري من نفسج والاهم " قوي شخصيتج واسلوبج" يوم بيشوفج مب مهتمه فيه روحه بيي يدور رضاج .. هالرياييل جي يبالهم

[بنت الشوامخ]

أولاً
كل بني ادم يخطيء
وخطأج انج جذبتي عليه فقط
بس انج اخذتي واحد وافد عادي هالشي ماكان غلط

شكلج ريلج انكسرت الثقه عنده اتجاهج وحط في عقله انه ماجذبتي عليه الا سالفة زواجج من الوافد فيها شي
واكيد حط في باله كيف عرفتي الوافد واكيد كان من بينكم تواصل وحب

عشان جي تغيير وشكله مألف قصص في مخه الله يهديه ويصلحه
مشكله لو الانسان ماينسى وقلبه اسود مايسامح

بس لا تفقدين الامل لانه القلوب بايد رب العالمين يقلبها كيف مايشاء
مثل ما انقلب عليج يقدر رب العالمين برحمته ولطفه يلين ويحنن قلبه عليج
عليج بالصبر والاحتساب وكثرة الدعاء وقول حسبي الله ونعم الوكيل دايما دايما كرريها على لسانج


ثانياً
اختي الريال مايحب اللي تحن وتزن وتركض ورى الريال بطريقة تسوول عاطفياً
يعني شكلج من كلامج انج ذاله عمرج وعاقه نفسج عليه وتترجينه وهو يقول ما يباج
اوكي ريلج وتحبينه بس في هذه اللحظه يوم تشوفين صد منه
حطي في بالج انه ضعفج بهاللحظه يقويه عليج زياده وتطيحين من عينه اكثر
المفروض الحين تستوي قويه وتكلمينه بكل قوه وبثقه تاااامه جدامه انج ماسويتي شي غلط وهذاك كان زوجج وانج صحيح غلطتي لما جذبتي عليه واشرحي له السبب بكل صراحه انج مابغيتي تخسرينه ولا في اسباب ثانيه
وخبريه انه براحته خله يقرر و انه الف واحد يتمناج بس انت تفكيرك سطحي وتنبش بالماضي اللي انتهى و ولى
وخبريه انه هو بعد مافي حرمه بتوافق عليه دام جي تفكيره

المهم خلج جريئه وردي عليه بأسلوب لبق ومحترم
والمهم انتي لا اتمين تحنين وتزنين بيني انج مب ميته عليه ولو في قلبج العكس تماما
وتمي ادعي وادعي وكثري ذكر
ورب العالمين بيفرجها عليج بحوله وقوته