نوروني الله ينور عليكم خلاص تعبت

[كركر]

السلام عليكم
بنات المنتدا الغالي الله لا يحرمني منكن
طبعا انتنً تعرفن معاناتي الأزلية للخدم وطبعا قررت أني استغنا عن الخدم نظرا للتكاليف الباهضة والجهد والتعليم وتعب ريلي للمراكض ورا الطباعه والمكاتب وترجيع وكفاله
لكن الانسان شو يسوي الحمد الله علا كل حال انا مش موظفة بس ساكنة مع ريلي وارجع الويكند عند الأهل او الاجازات او كل أسبوعين عندي هناك بيت صغير مع حوش كبير وهني حاليا مع ريلي كنت بشقة بس نقلنا وكان ريلي يصر علي وما حصلنا غير بيت 3 طوابق تحت الصاله والمطبخ وحمام صغير وفوق غرف النوم غرفتين وحمامين وصاله صغيره وفوق الثالث غرفة الخدامة والغسيل والكوي
من انتقلت يبت حوالي 8 خدامات وقبلها تقريبا 7 وحدة منهن سيلانية والباقيات إندونيسيات وإثيوبيات ما بين مسترجعات فيهن 2 شردن واللي قعدت يوم ولا قعدت شهر ثاني وحدة اندونيسية قعدت 10 شهور وقتلتني من برودها وتصرفاتها وسفرتها كانت تقولي بتشوفي الشغاله الجديدة كيف بتكون وانا من سفرتها مش مترقعة بالخدم اوفر الهن اللي يبغن بس تلفون اعطيهم تلفوني وأقولهم اكل اللي تبغنا واشتريلهن لبس وأغراض واعطيهن زيادة واللي يبتهن اخر شي أسبوع يشتغلون وأسبوع يمرضن واراكض فيهن المستشفيات واتكلف عليهن لأَنِّي بعدي ما أكون سويت الهن أوراق
الحين انا ماشية الخدم بالساعات عندي عيالي 2 الله يحفظهم بس انا وضعي الصحي مول ما يسمح وغير التكلفة يوميا حوالي 200 درهم من أسبوع مسوية عملية تنظيف أجهضت وياني نزيف شديد والحين مب قادرة أتحرك ما طلعت وحتا الطابق اللي تحت ما نزلته تعبانه وايد وغير عندي الركب وديسك بالظهر وريلي يتذمر ما يقدر علا اليهال والبيت والغسيل بروحه وتحميل وتنزيل الأغراض
اخر مكتب الوادي الأخضر يبت إندونيسيات فيزا زيارة الولا هبلة وقالت بيتكم كبير وانا تعبت وانا عندي القلب وبشتغل بس 6 شهور فرجعتها
والثانية دلوعه ولا تبغي حد يأمر عليها وقالت بخلي تلفوني عندي فيه صور عيالي قلت اوكيه وقامت تسمع أغاني وقلتلها اسمعي بغرفتج كل ما اقولها شي اطنش وآخر شي رجعتها بعد ما مثلت علي المرض وراكضت بها الطبيب وخسرت عليها وتشريتلها وكملت حوالي الشهر ورجعتها وكلهن يقولن البيوت الثانية عندهم خدامتين وثلاث الا إنتوا وانا بنظرني مش محتاجة
بيت جيراني نفس بيتي 2 نفس الشي عندهم عيال وايد وكل بيت عنده خدامه واشوفهم يغسلوا الحوش يوميا حتا بالشمس وانا لا كله اطبطب عليهم ولغيت وايد اشيا من تنظيف عميق ودرايش وغيره واليهال علي انا وريلي والطبخ علي بس فالتقطيع ولا أطلعهم واعاني وقت مراجعاتي انا وريلي او بالجمعية ناخذهم او اي طلعة وهي بالبيت تخلص شغلها وتآكل وتنام قبل كنت اطلع وحدة وقالت ما اقدر بعد ما تمت معي 5 شهور
فيدوني الله يخليكم يعني إنتوا ما تكلموا الخدم ولا تقولولهم شي ولا تعصبوا عليهم وقت الغلط اكثر من مرة او الاهمال عطوني جدول اي شي حل انا أقول يمكن وحدة منهن مسوية سحر انا غيرت البيتين بس يمكن مسوية لي انا الله يخليكن ريلي ما يقتنع أبدا
الحين ياليت تفيدوني كيف أتصرف هل تعرفوا مكتب ثقة اوكيه يشد علا الخدامة مش يدلعها ؟
اي جنسية تنصحوني متعلمة او لا ؟
لكم مني جزيل الشكر وربي يسر اموركم

المزيد من آخر المواضيع من نفس القسم:

• طلبات تمريض وعماله منزلية
• طريقة تدريب الخادمة على الطبخ
• كيفية السيطرة على غضب الخدمات
• نصائح لتعليم الاطفال كيفية التعامل مع الخدم
• للي محتاجة خدامة
• إتيكيت وفن التعامل مع خادمة المنزل ‏
• خادمة اثيوبية ممتازة جدا للتنازل
• نصائح للتعامل مع الخادمة
• دريول الموظفات وسيدات الأعمال مميز
• افضل طرق التعامل مع غضب الخادمات

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[Ward-uae]

الحمدالله على سلامتج
في حالتج انصحج بالفلبينية هاديات ونظيفات وما تحتاي تتعلم
لا تيبين من المدن من القرى احسن وعندها عيال
لا تصارخين وايد غلطت ماعليه طوفي وحطي لها شرط انه التلفون يتم في غرفتها وتستخدمه وقت الليل ووقت الكوي تخليه صوبها لكن وقت التنظيف وغسيل الحمامات والمطبخ ماشي تلفون
لبسها من البداية خبريها عن اليونيفورم واذا طلعتي لمستشفى او شي خلها تلبس جنز وقميص المهم مستر

[كركر]

الله يسلمج مشكورة اختي
بس اسعارهن نار وريلي ما يقدر

[Ward-uae]

الله يسلمج مشكورة اختي
بس اسعارهن نار وريلي ما يقدر

اضن شي مكاتب بالأقساط شوفي مجلة الوسيط

[أم محمد1988]

ياختي هذا حال اغلب الخدامات مستقويات ودلوعات بس شو نسوي احنا اللي محتاجينهم ف عشان جذه لازم اتطوفين أو تكلمينها بهدوء من غير ما ترفعين صوتج عليها .. حاولي تخففين عنها الشغل يعني مثلا مب لازم يوميا تنظيف البيت يوم هي ويوم لا .. والصاله طبعا لازم تتنطف يوميا
والحمامات اللي تستخدمونها بعد

أنا اشوف الفلبينيات أحسن شي .. بس اذا ما تقدرين ييبي لج أثيوبيه أو أندونيسيه كبيره شوي بالعمر لأنه بيكون همها تجمع الفلوس لعيالها ومب يايه تلعب شرات الخدامات الصغار فالعمر ..

أنا عندي أثيوبيه كبيره عمرها 38 سنه .. صح انها بطيئة شوي بس الأهم انها تخلص شغلها وعلمتها على نظامي فالتنظيف واذا حسّيت وايد شغل عندها أساعدها و أخفف عنها

[كركر]

مشكورة أم محمد ريلي يرفض الكبيرة يقول ما بتقدر علا الدري نازلة طالعه ولا مشوار الروحة والرِّدة كل أسبوع بالويكند
اذا تعرفوا مكتب ثقة فيدوني الله يخليكم

[أنثـى]

هلا اختي ,, مشاكل الخدم ماتخلص سواء اشتغلو عند الشخص العادي او عند شيوخ ,, فنصيحتي يالغاليه اول شي وقبل اي شي تعودين عيالج + ريلج + كلن منهم يتعود ينظف مكانه (أخدم نفسك بنفسك كـ ستايل حياه جديد) طبعأ اكيد بتحصلين تذمر لكن مع التعود خلاص وصدقيني بينفعونج لو ماشي خدامه وطبعأ بينفعون نفسهم اول واخير,,,, اما مع اي خدامه ومن اي جنسيه كانت أول ماتوصل كوني شديده في إصدار الأوامر واهم شي اوامرج تكون مرتبه مثال ,,, قوليلها تستأذن وتدق الباب وماتدخل الا لمن تقولولها ادخلي ... وماتفتح اشيائكم المسكره نفس الخزاين إلا لو انقال لها ... تقول لزوجج سير و لج مدام مو نفس الباقيات ماما بابا هههههه ... وضروري انها تتعود لمن تكلم حد منكم مااا تطالع في الويه وتطالع في الارض فقط وهذا من باب تعودينها على إحترام اهل البيت .. عوديها يكون صوتها خفيف ما تخلينها تتعود تعلي صوتها لأن في وايد خدم ياخذون راحتهم ويعلوون صوتهم بحجة انج ماراح تسمعينها,, ودايمأ خلج حازمه وبارده بنفس الوقت لان الخدم يعرفون ومتأكدين من اللي عنده هالشخصيه قادر يطيرها في ليله لأهلها ,,, (وطبعأ هالتصرف وكل هالنصايح اللي بتغنيج عن مشاكل الخدم),,,وقوليلها كل يوم تقومين نظفي المطبخ + الصاله + الحمامات + الحوش + السيارات (تنظيف السيارات خارجي وناعم فقط عن الغبار) وبهالأثناء تغسل الثياب وعوديها الثياب تغسلها الصبح علشان تستفيد الثياب من اشعة الشمس ,,, وبعد هذا طوالي تسبح وتتنظف وبعدها تجمع الثياب للكوي طبعأ ماراح تكمل الكواي لمن تنادينها ف كل ما ترجع غرفتها تكمل كواي (وتنبيه بأن لا تخسل ثيابها معاكم وتغسلها بإيــدها فقط مو خلط بلط وياكم ديري بالج),,, و جنسية الخدم طبعأ الإراء مختلفه لكني من تجربه شخصيه جربت كل الجنسيات بلدان كثيره وشفت ان اغلبيه الأوغنديات أرخص وافضل واولها انهم يتكلمون الإنجليزي وهذا اللي ريحني ,,, لكـــن نصيحتي لج مهما جبتي خدامه ضروري ما تسجلينها على طول إصبري وجربيها وشي ضروري كل وحده لاااازم تعطينها نفس الاوامر ولااا تتعبين وتملين وتقولين في نفسج ما بعلمها ترا جذيه ولا جذيه بتروح لأأأأأ ,, ولازم كل وحده تعطينها نفس النظام واكيد لازم بتلقين وحده تاخذ على نظامج ... و ما تشتريلها اشياء غاليه خذي الاشياء تحت العاديه واصلا هم يفرحون فيها ,,وبعدين اصلأ هالأغراض مو لها هيه بس لأي وحده اتي بدالها لأنج ماراح تسمحين لأي وحده تاخذ الأغراض اللي انتي اشتريتيها مثال ,, اللبس+ صابون+ شامبو اولويز الخ الخ الخ,, لانج لو خليتي كل وحده تشيل هالاغراض عيل ابشري راح تقعدين على بساط الفقر ماشي شغله لو كل مره بتعيدين وتشترين ,, وأنتبهي من شي--->الخدم مـــــــــا نعودهم على الي مزاجهم غــــلط وعوديهم على مزاجج وراح يتعودون صدقيني ,, دايما ابتسمي بسسسس لما تشوفين شغلها حلو فققققط لاغير لأنها في بالها انها شاطره وانج راضيه عنها ,, وبعد الرضى هاتيلها ويا راتبها رصيد بو عشرين مال دو هههههه صج والله ما اتغشمر وخليها تكلم اهلها من تيليفونج وكان الله غفور رحيم ,,, وما تخلينها تحتـــك ابدأ ويا خدامات ثانيات وهذي اهـــــم نقطه لأنج لو خليتيها على راحتها خلاص اعرفي انه اسراركم وصلت اوروبا جد والله وممنوع منعأ باتأ تخلين مفتاح في باب غرفتها (ولو تبين تنبشين اغراضها خلي ريلج يشيل لعيال مع الخدامه بالسوبر ماركت على اساس انها بتشيل الاغراض واول ماتخلصين اتصلي في ريلج خخخخ),,,,عمومأ ترا الخدم جايين يشتغلون ما ندري عن المصايب اللي هم شاردين منها واساسأ كل اللي مكتوب عنهم في الأوراق كــــذب في كذب بس علشان يهربون من بلادهم ويشتغلون وقضايا الخدم في مراكز الشرطه والنيابه والمحاكم كــــل اللي اشتكو عنهم وبلغو عليهم او سجنوهم--->إنتبهي كـــلهم قالوا ان شغالاتهم كانو طيبين ,,, واخر نصيحه ,, مهما كانت الخدامه طيبه لأأأأزم تكون كل حواسج حواليها لأنها غريبه عن دينا وعن اطباعنا وعن معتقداتنا و و والخ فـــ إنتبهي ,,,, ترا كلمة خدامه او خدم في البيت مو بالشي المفرح أبدا ..(وتجاربنا تتكلم) لهاذا علينا جميعأ الحرص ثم الحرص ثم الحرص والإنتباه ... و دايمأ عودي نفسج و عيالج وريلج لما تجيب لكم الخدامه شي قولو لها شكرأ او ثانكيو منها تخلين عيالج يتطبعون على طبع حلو ومنها تأمنون من شرها أعوذ بالله من شرهم... بصراحه ودي اكتب وأنصح و انبه وأفتح عيون الكل لكن اخاف انج تملين من القرائه (قولي بعدما كتبتي جريده) إن شاء الله الكل يفهم بأن الخدم في بيوتنا قنبله موقوته والمصيبه الاشنع إنفجارها صـــاااامت بمعنى انها بتسوي جريمتها وبتهرب او بـ تتبلى على حد ,,, أسأل الله أن يبعد عنا وعنكم شر كل شي اللهم أمين

[كركر]

مشكورة اختي وما قصرتي وفِي ميزان حسناتج
يعني ترشحوا الفلبينية والأوغندية بس في ناس قالوا انهم كسولات وايد ومب مال شغل انا جربت الاثيوبيات لاحظتهم نفس الشي
بس اختي انا كنت نفسج احطي شروط واقولها عن النظافة والغسيل وأشد عليهم واحط شروط وجربت يمكن حوالي 15 وحدة وحسيتهم ما يبغوا حد يكلمهم ولا يشد عليهم ويبغن تلفون وشروط واللي تبغي تطلع هذا اول لكن الحين لا الشغاله تيج بطرانه وفاهمة كل شي يكملوا أسبوع ما نبغي رجعيني المكتب شو السبب ما ادري تعبت والله من كثر ما أتكلم وأعيد وأزيد نحن بس نخليهم كمساعدات يعني فالطبخ واليهال اما الغسيل عندي طريقة ما نخلط الثياب كل حد بروحه لانه عيالي يتحسسوا وفِي ملابس بالايد اللي فيهم نجاسة بالايد اول او فساتين او جلابيات
والكوي بعد العصر واغلب العشا من برع والغدا انا أسويه بس هي تقطع وانا اطبخه والريوق شي جاهز صمون اووخبز حتا شاي او قهوة ما نسوي السيارات قمنا ما نخليها يغسلون لأنهن يتذمرن وعلا فكرة بس يكونن مكملات شهر او اقل وبس مرة بالأسبوع بس احبهم ينظفوا الثلاجة مرة بالأسبوع ودولاب المطبخ وأحيانا اذا ما فيه شغل الدرايش
ما ادري صراحة شو اييب انا ما اقدر علا ثنتين ظروفي ما تسمح يالله وحدة وما يعيبهم يبغوا اكثر من وحدة والله وحدة قالتلي ودي اللحاف لاندري وملابس المدرسة لاندري وريلي كناديره لاندري عيل هي شو شغلتها

[sa7el]

جربي مكتب المتميزة وااايد شداد عالخدم وراعي المكتب مواطن وبروحه يتابع الخدامات والمسترجعات بعد

الله يعوضج خير يا رب ويرزقج الذرية الصالحة

[كركر]

مشكورة اختي بشوف رقمهم وبكلمهم ويزاج الله الف خير
لأَنِّي فعلا عفت انا وريلي الخدم بس لو ظرفي الصحي جان مايبت ابدا بمشي بالساعات اذا ما قدرت بس ريلي يتذمر وما يقدر علا الشيل والحط