صراخ امي

[مشكلتي]

السلام عليكم

انا ما احب اتكلم عن امي بس تعبت صراحه وابا حل نفسيتي تعبت وايد انا عايشه وَيَا امي وخواني وامي مطلقه من زمان من قبل ما تطلق من وانا صغيره وهي عصبيه وتصارخ ع أتفه الأسباب وتعودنا ع هالشي والحين كبرت واحنا كبرنا ومازالت مثل ما هي بس انا كبيره الحين وبعدني عايشه ف بيت اهلي وعمري 38 لا وظيفه ولا زواج وعندي هموم وأنتو تعرفون كيف النفسيه تكون الوحدة ما تتحمل كلمه تجرحها وهي في هالوضع ف مابالكم بامج اقرب الناس لج ما تقدر هالظروف وليل نهار تصارخ غير تجريحاتها فالكلام ان ما مني فايده وإني تافهه وإني ما سويت شي ف حياتي زين مب بايدي هالشي نصيب الله ما كتب اني أعرس او أتوظف وانا اتريا نصيبي وانا اسمع واطنش وأقول الله يرزقني بوظيفه والريال وارتاح من هالعيشه وابعد عن امي عشان ما اكرها من عيشتي وياها والله يا بنات ليل نهار تصارخ وتعاملنا شرات اليهال سب وإهانات ما نقدر نرقد ولا نرتاح تعبت خلاص وايد ربيعاتها شراتها اميات ما كملو تعليم بس علاقتهم حلوه ببناتهم وصديقات لامهم ربيعاتي بس امي مادري ليش جيه تعبت استغفر الله العظيم شو الحل

المزيد من آخر المواضيع من نفس القسم:

• تزوجت مريض نفسي
• مشكلة حالتي بعد الأمومة
• مشكلة تقدم لي خاطب وافد
• مشكله بنتي
• زوجي تعبني بالضرب كليوم💔
• أواجه زوجي بكذباته ولا اسكت
• ريلي احبه ،، بس ماعرف شو الي حصل
• مشكلتي التعلق الزائد
• رفض ريلي للحمل
• عااااجل مشكلة واجهتني

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[ميميه88]

تمت الموافقه

[Upscale touches]

اشغلي وقت فراغك كملي دراسة عليا او درسي تخصص ثاني اعملي تجارة في شي تبدعي فيه

خليكي معاها طيبة وعامليها بالاحسان هي كذا عشان كثرة الضغوط والمشاكل

الله يرزقك بالزوج الصالح يارب

[~ الح ـشيمه ~]

هيه انا رايي بعد انج تسوين شي يشغلج في يومج

سواء تكملين دراسه فالكليه او تسعين اكثر لموضوع الشغل حتى لو دوام جزئي فالجامعه او الكليه والله يرزقج ان شاءالله من اوسع ابوابه

الشي الي بيريح نفسيتج اكييد هو انه يكون عندج جدول حلو خلال اليوم ..

مثلا الصبح تروحين الجم تسوين رياضه نفسيتج وااايد بتتحسن
والظهر ارتاحي والعصر شوفي شي تشغلين نفسج فيه

بالنسبه للوالده .. الانسان مايختار امه وابوه .. وفيه واايد ناس اهلهم قاسين ويمرون بظروف صعبه

بس الواحد اهله شو بيسوي لازم يتجنب النقاش الحاد معاهم ويكون رايق وهادي

لاتراددين الوالده واقري لج قرآن او كتب في مواضيع تحبينها

القراءه وااايد بتفيدج بعد وبتساعدج تكونين هاديه ورايقه وبتشغل وقتج وبتستمتعين

بس اختاري كتب عن اشياء انتي تحبينها

الله يوفقج ياارب ويسعدج ويكتب لج نصيب فالوظيفه والزوج الصالح يارب

[~شوق~]

امج شكلها فاضيه ماشي شي يشغلها.. يعني لو تقنعيها تدرس .. محو اميه.. تروح مراكز تحفيظ قرآن.. صدقيني بتستانس وبتتعرف ع نسوان شرات عمرها .. وبتنشغل ...

والله يهدي بالها ويحنن قلبها عليكم يارب

سبحان الله وبحمده سبحان الله العظيم

[حرم الحميري]

تبين الصدق على عمرج هذا غريبه انج ما شتغلتي العرس غير هذا نصيب بس الشغل غير هالزمن امهاتنا يبنا نعتمد ع عمارنا يمكن تشوف بنات ربيعاتها يشتغلن وبنتها لا انتي حاولي وشدي حيلج سوي شي لاتمين جي اكل ورقاد لا تقولين ماعرف شسوي واذا ناقصتنج شهاده ادرسي الصراخ عادي من الامهات بس انتي تتضايقين لانه في نفسج عارفه انج فلبيت بس اكل ورقاد غيري هالشي يعني طبيعي وحده مجابلتنج هالعمر كله ما تصارخ عليج وتبينها تحس انكم كبرتو لا ما كبرتو دامكم ما كملو حياتكم وتميتو تحتها للحين حاولي تكونين اقوى وتشلين عمرج داومي لو فخاص خلي لج استقلاليه بعدين حاسبيها وقولي انا كبرت بشي انتي سويتيه