كيف اقدر اطور من خدمة العملاء ؟؟!

[بـ دبي ـنت]

السلام عليكم ورحمة الله وبركاته ..

شحالكم حبووبات ؟! .. ( موضوع للنقاش))'

عندي شيء حبيت اشاركم فيه .. انا اداوم في دايره حكوميه ف دبي في قسم خدمة العملاء وفي خاطري اغيررر او اضيف شيء يديد وفي نفس الوقت يفيد العملاء او يفيد الموظف نفسه .. دوم اتسائل بيني وبين نفسي ليش الدول الغربية مطووره اكثر عنا ؟! هم في شو احسن عنا ؟! ليش مانحن انكون احسن عنهم ؟! وليش مانطور حكومتنا وبتالي نحن نتطور !! لاني كل ما ادش اجتماع يقولنا شوفو الدول الغربيه وتعلمووو .. وحاولت ادش ع اكبر الشركات المشهوره والمعروفه ف دول ال2 بس ماشفت شيء وحتى مايبين شو خدماتهم .. بما انه نحن احين في عصر التكنولوجيا و احين استوت دبي الذكيه .. يمكن لو ازور دول 2 واشوف الشيء جدامي بيكون غير ؟!! يمكن فيه وحده منكم سارت بلاد 2 وشافت شيء وقالت في خاطرها ليش مايكون عدنا هالشيء نفسهم !! فالي حابه اتشاركنا في شيء شافت اتخبرنا ونستفيد منكم او عندها فكره يمكن انطبقها وتفيدكم نفس الوقت .. وسوووري طولت عليكم واايد..

اتمنى انكم فهمتوني .. ومشكورين واايد واايد ..

المزيد من آخر المواضيع من نفس القسم:

• لأنّه جعل الفقير ييعش مع المؤمنين لا مع...
• الإكتئاب طاعون العصر الحديث بحث مرجعي...
• كيف تكون إيجابيا ؟
• كيف تتعامل مع ذاتك بطريقة صحيحة؟
• كيف تقوي ذاتك؟
• كيفية تطوير الذات بطرق بسيطة
• افضل طرق لتطوير الذات وزيادة الثقة بالنفس
• اهم المهارات التي تحتاجها لتطوير الذات
• طرق تطوير الذات في مجال العمل
• اقتباسات ~ مُهرة القَصر

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[لمياء2007]

شوفي مواضيع في يوتيوب

[الشامسي 28]

لازم الموظفين ياخذون دورات في خدمة العملاء
في دورات تفيد الموظف عن الشخصيات اللي راح يقابلها الشخصية الودوده الشخصية الجاده والخ وكيف يتعامل معاهم وكيف يتصرف في حال عصب العميل كيف يمتص غضبه
تقديم ضيافه للمتعاملين وخدمتهم ببتسامه وكلمه طيبه ومن هالامور

[ليلى24]

الدول الغربية ما يتتطورون هيك بسرعة بدون خبرات سابقة .. مثل ما قالت الاخت الموظفين تتابعهن الموارد البشرية ويسجلون بكورسات مختلفة ومحاضرات تتعلق بتخصصهن وغير تخصصهن بعد يعني مب محصورين بمكان واحد وخلاص ويقرون وايد ويتابعون مواقع عالمية عالانترنت ويشوفون كل شي جديد وهالامور تساعدهن على الابداع وانتي سالي شو الكورسات المتوفرة والتدريبات المتاحة للموظفات بتخصصج وروحي المكتبات شيكي كتب واتذكري الشيخ محمد بن راشد اقر قانون القراءة خلال ساعات العمل للموظف لمدة ساعة.. بالتوفيق

[شيخه بنت يوسف]

بداية التطور في خدمة العملاء ياتي من السرعه في انجاز المطلوب لهم من مراجعات او استفسارات بكل اريحيه ورضا وابتسامه وفي امور اخرى تساعد مثل عبارات تحفيزيه وترحيبيه بكذا لغه كملصقات او شاشه متحركه وايضا الضيافه مهمه

[غلا إنسان]

أهم شي الابتسامة خاصة أول الصبح بويهه العمييل لها مفعوول جداً سحري ،، ثاني شي تخلون شخص ولا اثنين من الموظفيين مسؤؤل عن ذوي الاحتياجات والحريم والشياب ،، والله يوفجج حبيبتي ويرزقنا باللي نتمناه ��

[Ward-uae]

خدمة العملاء
اذا تبين طورينه ارضي العميل
يعني خلصي شغلج لا تيلسين تسولفين وايد
لا تكونين مبوزه يعني لما اعطيج المعاملة ابتسمي واسألي شو ممكن اساعدج؟
حطي خفايف ونسقي القسم مب لازم من جيبج يعني دلة قهوة او شاي مع شوية تمر بعض الدواير الكانتين بصوب ثاني بعيد ولو عندج شواب وعيايز صعب عليهم يروحون يشترون ويردون وبعضهم فيهم السكر والضغط وغيره مره صادفت وحده عندها هبوط في السكر ومحتاجه تاكل شي الصبح عندي كان عصير اليهال وعطيتها فهذا مثال
ومن غير تنسيق المكتب نفسه يفتح النفس ولا تخليه زحمه حتى الوحده ما تقدر توقع ورقة
الأسلوب الأسلوب في التعامل
ركن بسيط لليهال في الدايره بتلاحظين البنوك تعاملهم راقي حتى يشلون عني اليهال ويلاعبونهم لين اخلص اوراقي واقرى العقود وغيره
وبعضهم يتسلون بالقراية مجلات وكتب أطفال
اسألي العملاء واستفسري منهم اذا يبون شي يطورون في القسم وجيه

[بسمه دبي]

خدمة العملاء
اذا تبين طورينه ارضي العميل
يعني خلصي شغلج لا تيلسين تسولفين وايد
لا تكونين مبوزه يعني لما اعطيج المعاملة ابتسمي واسألي شو ممكن اساعدج؟
حطي خفايف ونسقي القسم مب لازم من جيبج يعني دلة قهوة او شاي مع شوية تمر بعض الدواير الكانتين بصوب ثاني بعيد ولو عندج شواب وعيايز صعب عليهم يروحون يشترون ويردون وبعضهم فيهم السكر والضغط وغيره مره صادفت وحده عندها هبوط في السكر ومحتاجه تاكل شي الصبح عندي كان عصير اليهال وعطيتها فهذا مثال
ومن غير تنسيق المكتب نفسه يفتح النفس ولا تخليه زحمه حتى الوحده ما تقدر توقع ورقة
الأسلوب الأسلوب في التعامل
ركن بسيط لليهال في الدايره بتلاحظين البنوك تعاملهم راقي حتى يشلون عني اليهال ويلاعبونهم لين اخلص اوراقي واقرى العقود وغيره
وبعضهم يتسلون بالقراية مجلات وكتب أطفال
اسألي العملاء واستفسري منهم اذا يبون شي يطورون في القسم وجيه

كفيتي ووفيتي .. يسلموو