موضوعي محير يا بنات، أحتاج لصاحبات الحكمة والرأي السديد.. عشان أتحمل وأصبر.

[NiGhT_007]

السلام عليكم ورحمة الله -تعالى- وبركاته..
أتمنى لكم الصحة والعافية وتسهيل الأمور وربي يعطيكم على قد نيتكم..

أنا يا بنات عندي موضوع وايد محير.. الله يسلمكم باختصار أي موضوع أدخل فيه يا يخترب أو يتعرقل أو ينرفض!!!!!! وحتى الناس ما تتقبلني.. ولا تتقبل وجودي.. وفي منهم يكرهوني... مادري هل هو لعلة مجهولة فيني!! أو جي من الله!!! أو بسبب تصرفاتي!!! بس في أحيان تصرفاتي تكون عادية لكن بعد ما يتقبلوني!!! ماعرف كيف أشرح لكم!!! أبي أعرف هل في وحدة مرت في نفس وضعي وعرفت تعالج الوضع؟؟!!! أنا ما أنكر إني مب كاملة.. بس معاملة الناس لي مالها مبرر!!! أنا وايد تعبت نفسيا.. نفسيتي مدمرة... بسبب هالموضوع.. مواضيعي كلها تتعسر علي وتتعرقل أنا تعبت وايد... حتى لو بطنش أحس أموري توقف... حتى رايي مب مسموع.. أحس مالي قيمة حتى فالبيت.. وشخصيتي معدومة وضعيفة وايد.. أنحرج أقول مواقفي على العام.. من كثر ضعف شخصيتي..

أرجوكم بنات اللي تقدر تعطيني الحل الشافي... لا تبخل علي...
أنا وايد أتعذب..

المزيد من آخر المواضيع من نفس القسم:

• لأنّه جعل الفقير ييعش مع المؤمنين لا مع...
• الإكتئاب طاعون العصر الحديث بحث مرجعي...
• كيف تكون إيجابيا ؟
• كيف تتعامل مع ذاتك بطريقة صحيحة؟
• كيف تقوي ذاتك؟
• كيفية تطوير الذات بطرق بسيطة
• افضل طرق لتطوير الذات وزيادة الثقة بالنفس
• اهم المهارات التي تحتاجها لتطوير الذات
• طرق تطوير الذات في مجال العمل
• اقتباسات ~ مُهرة القَصر

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[bodour27]

هلا حبيبتي انا راءيي انك تقعدين مع روحك شوي و تفكرين كيف تتصرفين مع الناس يعني ممكن تكوني بتدخلين فامور ما تخصك او تكون متسرعه فكلامك او طريقتك لتوصيل الكلام يكون بطريقه عصبيه او مندفعه وهذا شي فيك تصلحينه عادي او فيك تسءلي حد من العيله او ربيعاتك ليش تصدوني ايش المشكله فيني ليش ما تسمعوني اساليهم وشوفي الجواب يمكن فيكي شي مو بشايفاه بروحك المهم لا تضايقين خليك قويه اشغلي روحك باشياء تحبينها و انشالله بتتحسن نفسيتك و اهلا فيك لو تحبين نتواصل يشرفني

[mouzan7mod]

طي ورقة و قلم و اكتبي بشفافية ايجابياتج و سلبياتج و حلي السلبيات و حاولي تقللينها و الإيجابيات حاولي تزيدينها ،، و إقري كتب عن تطوير الذات

[almal3ka1]

انتي لازم تساعدين نفسج

انتي و صلتي لهالمرحلة لانج صبرتي و تحملي و النتيجه وصلتي لهالنقطه

انتي مب مسووله عن تبرير مواقف الناس انتي مسووله عن نفسج و بس

لازم تقوين الثقه بالنفس عندج

كيف !

*******

[NiGhT_007]

مشكورة حبيبتي bodour27 على التواصل الطيب..
أنا تناقشت مع أمي وخواتي في هالموضوع لكن هم ما عطوا للموضوع أي أهمية..
المشكلة الناس ما تتقبلني حتى من أول مرة من قبل ما يعرفون شخصيتي!!!
وايد شيء غريب!!!
وايد معنوياتي في الحضيض...

[سماءالأفق]

عليك بالأذكار حبيبتي ,إشغلي نفسك عن رأي الناس ومن حولك بقراءة القرآن وفهم معانيه ,القرآن حبيبتي فيه شفاء للروح وللبدن ,تدبره والقرآءه في تفسيره توسع الأفق وتهبك حكمه وفهم للأمور ,
القرآن خير كتاب للتعلم والتعاليم,ليس فقط التعاليم الدينيه بل دنيا ودين,يعني أي انسان يحب يطور من شخصه عليه بالقرآن.. ولا تزعلين حالك من اللي يحصل ,بعد الانشغال عن السلبيات بالذكر والقرآن كل شيئ هيتغير بإذن الله

[Upscale touches]

اول شي غيري من شكلك الخارجي عشان ترتاحين داخليا يعني اعملي تغير باللبس دلعي نفسك بالصالون اعملي باكيج كامل كذا ثقتك حزيد ووجمالك حيزيد
اشتركي بمركز تحفيظ حتحصلي صديقات حتحفظين القراءن حياتك حتتغير بالكامل بالتدريج
نمي ثقافتك دائما اقرائي عن الموضة عن المكياج عن كل شي جديد
طالعي باليوتيوب عن الثقة بالذات كيف تكوني سعيدة بحياتك
قبل لا تتعرفي على ناس جدد شوفي كيف طبيعتهم كيف شخصيتهم نفسك ولا
لا تهتمي بالناس كثير خليكي ايجابية ابتسمي واضحكي ابتدي بالسلام واسألي عن الحال

كثري استغفار عشان تنفتح امورك وحافظي على الصلاة والرقية الشرعية والاذكار

الله يسهل عليج لا تخلي اي شي يخليكي تعيسة ومضايقة

[بدوية والنعم]

صباح الخير

أول شي قوي علاقتج مع ربج صلاة ودعاء اذكار واستغفار والصلاةعلى النبي هذا سر سعادتي في حياتي

ثانيا لاتكوني حساسة ابد ..اقري عن الشخصيات الموضوع رائع جدااا ومشوووق

وفي مقاله قريتهالدكتورة قالتاذا عطيتج لعبة وقلت لج عدلي فيها وعطيهااسمج شو الاشياء اللي بتعدلين فيها

الاشياء اللي بتكتبينهاترى هالشياللي تحسينه ناقصج

ثقفي نفسج عقب ابدي حطي رايج واتقبلي النقد عادي مو شرط حد يقبل برايج اهم شي قلتيه وارتحتي
ويوم تبدين رايج قولي لهم ليش السبب اللي اخترتي هالشي يعنيرايج مو عفوي والسلام

واهتمي اكثر بنفسج ان رضيتي بنفسج خلاص زادت ثقتج

واكثري من الاستغفار والدعاء
تقبلي مروري اختج ابدوية والنعم

[NiGhT_007]

إختي mouzan7mod
مشكورة وايد على التواصل الطيب..

أنا كتبت إيجابياتي.. بس مب عارفة أعززها..
شخصيتي وايد ضعيفة.. شبه معدومة.. أحس نفسي ما أعرف أتصرف!!
وفيني طبع أستحي حتى أقوله على العام من كثر ما هو يفشل..

أموري تتعرقل علي بشكل وايد غريب..

الله كريم...

[NiGhT_007]

إختي almal3ka1

مشكورة على التواصل الطيب..

كيف أساعد نفسي؟؟!!!
المشكلة الناس مب مسوية لي أي قيمة ولا أي قدر...

حتى ثقتهم ماقدر أكسبها!!!
وناعمة الهاشمي ماقدر أحضر لها لأسباب خاصة...

[NiGhT_007]

أختي سماء الأفق

مشكورة على التواصل الطيب..

أنا يتني فترة التزمت وايد.. بس مافي شي تغير!!!
تعرفين نظرة الناس وايد قاسية علي.. بشكل ما تقدرين تتصورينه!!!
بدأت أتعقد من نفسي وأكره نفسي!! قلبي يعورني على حالي وايد..
إذا عندي أمور أبي أنجزها... أنذل وأتبهدل عشان أخلص مواضيعي...
حتى لو احتجت مساعدة.. الناس ما تحب تساعدني..

مادري شو فيني!!!

[NiGhT_007]

إختي Upscale touches

مشكورة على التواصل الطيب...

حاولت أنسى وأطنش لكن صعب اطنشين الناس اللي حواليج..
أنا مب خبيثة ولا شريرة.. بس مادري ليش جي يستوي فيني!!!

[NiGhT_007]

إختي بدوية والنعم
مشكورة على التواصل الطيب...

الكلام اللي يوصلني عن نفسي وايد قوي...
يدل على كره الناس لي... كل الناس تنتقدني...
أتقبل شو ولا اخلي شو!!!

[almal3ka1]

إختي almal3ka1

مشكورة على التواصل الطيب..

كيف أساعد نفسي؟؟!!!
المشكلة الناس مب مسوية لي أي قيمة ولا أي قدر...

حتى ثقتهم ماقدر أكسبها!!!
وناعمة الهاشمي ماقدر أحضر لها لأسباب خاصة...

عمرج لا تبررين لاي حد

ثاني شي اللي اقصده بدوره ناعمه الهاشمي عموقعها اون لاين و لا تسيرين أي مكان

ثالث شي اهم شي تكسبين نفسج

مب الناس ليش ! لان محد يدوم لحد

تبين الصدق محد يدوم لحد

وكل حد لاهي


انا أقول انتي مسوله عن احساسج و افعالج و مب مسؤوله عن احاسيس الناس

لان الجواب عتعاملهم معاج جي عندهم و مب عندج


ركزي عنفسج و لا عليج من حد

[almal3ka1]

إختي بدوية والنعم
مشكورة على التواصل الطيب...

الكلام اللي يوصلني عن نفسي وايد قوي...
يدل على كره الناس لي... كل الناس تنتقدني...
أتقبل شو ولا اخلي شو!!!

لا تسمحين لاي حد يطاول عليج و القانون معاج هاتي اثبات و قضيه

اثبتيلهم فعلج