غيرة زوجي

[مشكلتي]

صارلي متزوجة 6 سنوات وعندي مشكلة كل ما لها تزيد اكثر وأكثر اللي هي زوجي
زوجي يغار علي وغيرته صارت تنفرني منه
بالاول كنت استانس لكن مع الأيام صار يضيق فيني لما بلبس لَبس حلو يعصب ويبدي يقطع الملابس ويقولي مب حلو ولما بسوي شعري يفتحه وينكشه ولما بعاند يعصب ويهددني انه بيتزوج علي
آخر مره يوم الجمعه اللي فات بعرس اختي تعدلت مع اختي ولما خلصت اتصل فيني يبي يشوفني سرت له قالي بشوف الميكب وراويته قالي مسحيه قلتله مابي وعصب ورجعني البيت وانا ماسكه نفسي من دخلت البيت بديت ابكي واخترب كل شي هنا هو بدى يتأسف وانه ما يحب اني اتعدل ويتكلم عن العين والحسد فسكت لأَنِّي ابي أحضر العرس بديت اطفر واتضايق حاولت معاه بالطيب ما فاد عصبت بعد ما فاد شوروا علي

المزيد من آخر المواضيع من نفس القسم:

• تزوجت مريض نفسي
• مشكلة حالتي بعد الأمومة
• مشكلة تقدم لي خاطب وافد
• مشكله بنتي
• زوجي تعبني بالضرب كليوم💔
• أواجه زوجي بكذباته ولا اسكت
• ريلي احبه ،، بس ماعرف شو الي حصل
• مشكلتي التعلق الزائد
• رفض ريلي للحمل
• عااااجل مشكلة واجهتني

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[المراقبة العامة]

تمت الموافقة
الكلمة الطيبة صـــدقة

[Upscale touches]

الله يعينك صراحة

حاولي تقعدي معاه قعدة هادية وكلميه بصراحة
اول شي خبريه انا يعجبني فيك كل شي ما عدى غيرتك
بعض الرجال ما يحبون الزوجة طلع جمالها لحد غيره ممكن زوجك كذا طبعه يعني يحبك كثير لدرجة يخاف عليج

حاولي اطنشي قد ما تقدري
او قلدي حركاته بالظبط ساعتها بس راح يحس بشعورك

[ام نهييان]

الغيره حلوه بس هذا شكله مبالغ واااايد الله يعينج عليه

كلميه مافي حل ثاني

[حرم الحميري]

هذا مريض نفسي الله يعينج اذا مب قادره عليه هذا دام عرس اختج ردج منه ولاحشم الله يعين هذا يخاف تودرينه لدرجه فضيعه ويستعمل هالمنكر ضده لازم توقفيله وقفه عنبوه لا برع ولاا داخل البيت تتعدلين

[ملاك الرقة]

الله يعينج حبيبتي ويصبرج

بس صارلكم 6 سنين مو بفترة قليلة

يعني حاولي تكعدين وياه وتتفهمين ومن تشوفي يغار حاولي تقلصين من غيرتة عليج

وترة الغيرة دليل الحب مادام هيج يغار عليج يعني يحبج

فحاولي تحولين هذا الشي لصالحج

وربي يسعدكم

[حكاية روووح]

الله يعينك حاولي لما تطلعين تكوني بسيطه في ملابسك وتزينك حتى ماتثيري غيرته والصبر أن شاء الله يتحسن وضعه موفقه

[ماحد شراتي]

لازم تكونين شوي حازمه قوليله شو ما تثق فيني ؟ قوليله تراني اتكشخ لك وما يهمني حد غيرك ومافي داعي لهالغيره الزايده

الله يهديه

[الفجر الساطع]

خلي لبسك متزن ومحتشم وبعدها اذا صار شي قولي انا متربيه عدل وانت تعديت حدود الغيره اسف ما راح اسمع كلامك وطنشيه

[mouzan7mod]

حاولي تكلمينه ، و اذا على العين و الحسد ترى الواحد يستودع نفسه عند رب العالمين بالاذكار و كفاية
خبريه انج تحبينه ، و ان غيرته عليج مخلتنج تكرهينه .. تناقض بس دبريها

[أنثـى]

الله يهديج له ويهديه لج ومن رايي الريال فعلأ خايف عليج بس هو ماقدر يوصلها بالطريقه الصحيحه واكثر البنات بطبعهن عنيدات اتجاه امور التجميل وما شابها لكن لو تنظر للأمر من ناحيه انها تحافظ على رضى الله ثم رضى زوجها اكيد راح تشوف كل هالامور تافهه دام بيتها بخير وزوجها بخير معاها...اتمنالج حياه سعيده مليئه بالتفاهم والحب والطمأنينه لج ولجميع بنات المسلمين اللهم أمين