تجمع حوامل شهر 3_4_5 حياكم

[طيف الغربة]

ربي يسهل امركم

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[ام الدحمي]

فديتج يا ام نهيان ان شاءالله باذن الله ماراح اجهد نفسي وعندي خدامه بالساعات بس ماتقط كل الشغل 3 ساعات وراحت ولحمدلله شسوي

انا والله دكتور التفصيليه قال يوقف نبضهم
انا ام نهيان مرجع لي 3 اجنه قالي لو ثبتو كلهم سافري الهند نسحب واحد ولحمدلله رب العالمين حمدا كثيرا طيبا مبارك بصراحه الوحده ماتعرف كيف تحمد ربها احس مستحيل اوفيه ربي حقه الله يرحمنا برحمته ثبتو 2 وسبحان الله كنت ابا احدد الجنس ورب العالمين اختار لي اللي بغيته لحمدلله رب العالمين طبعا لو ثبتو 3 ماكنت ناويه نزل شي ووحده وياي ثبتو 3 والحين اجهضتهم فالخامس الله يعوضها وعوضنا خير يارب

انا اللي اعرف فالامارات ماينزلون بس قالي لسلامه الام والاجنه وترا لازم قبل 12 اسبوع واساسا معظم المراكز تبع الاخصاب مايرجعون اكثر عن 2

[تفاحتي]

سلام عليكم


اشحالكم

ام الدحمي لاتفكرين ولا تحاتين ان شا الله ربي بيثبت حملت

عليج بالدعاء بعد كل صلاه بين الاذان والاقامه
وكل يوم استودعيهم
واتصدقي بنيه ربي يحفظهم ان شا الله


انا ف اول الرابع والوحام ماختفى مليييييت والحمدالله رب العالمين

بس اشغل نفسي بأي شي
وان شا الله ربي يسهل علينا

[ام الدحمي]

وعليكم السلام

لحمدلله طيبين وانتي

قريبا باذن الله بيختفي يمكن طبيعتج اطولين ووتعبين فالوحام

ومشكوره باذن الله

[قيثارة إماراتي]

السلام عليكم اخوااتي
الله يسعدكم و يكون معاكم يا رب
دخلت فقط ادعي معاكم جميعا
بالتوفيق للجميع اخوااتي

[ام الدحمي]

وعليكم السلام جزاك الله خيرا اختي العزيزه واللهم امين جميعا يارب

وزني زاد الله يسهل

[قيثارة إماراتي]

وعليكم السلام جزاك الله خيرا اختي العزيزه واللهم امين جميعا يارب

وزني زاد الله يسهل

امين يا رب

[استايلي غير]

مساء الخير يا بنات

شحالكن شخباركن .. علومكن ؟؟

والله بنات انا الدوام متعبني والاسبوع اللي طاف ما داومت كنت احس بتعب وثقل
والدكتورة اتم تقولي يبالج راحة وانا ودي والله بس كم برتاح ما روم اخذ اجازاتي كلها من اللحين
الوضع فالدوام صعب اممم ع الاقل من ادخل الثامن باذن الله بحاول
..
بخصوص الفحص التفصيلي بيكون نهاية هالاسبوع باذن الله وان شاءالله خير
تذكرته مسوتنه يوم كنت حامل ف ولدي اخر مره خخ نسيت والله قبل اربع سنين

..

[ام الدحمي]

مرحباا
علومكن
انا امسات سويت التفصيليه للمره الثانيه وبعد واعدني عقب شهر نفسها !! غريبه والله بس زين يتابعوا الاجنه

لحمدلله قالي مخهن وقلبهن زين واكد لي الجنس اللهم لك الحمد والشكر

قلت له متى يعيش التوام؟ قالي مثل الطفل الواحد 24 اسبوع ويارب نكمل للتاسع

ستايلي حوضج كيف تحسي بثقل ؟؟
والله اني ابا اشتغل بس للاسف ماحصلت بس حمدت ربي اني ماادوام تعبببب فضيع ولحمدلله التوام وايد ياخذون من صحه الام ربي يحفظهم

اقولكن حريم شيكن ع الحديد وكل شي واكلن فيتاميناتكن انا احين زاد لي المغنسيوم عسى خير يارب

[استايلي غير]

مرحبا ملاييين ولا يسدن

صباحكم ورد

ام الدحمي انا قبل ما سويت التفصيليه ماعرف ليش مع اني انا قبلج

بس سويت تصوير 3 دي امم ماعرف يخص ولا ؟؟
ماشاءالله علي اتابع ف كذا مكان ما قد طلبوه مني الا هالمره بس ان شاءالله خير

انا بعد خلاص ف كذا مكان اكدوا لي الجنس وراوني بصريح العباره ان مافي شك الحمدالله ع كل حال

..

مافهمت كيف يعني ان الاسبوع 24 لو ولدت اللي عندها توام تقصدين في اماكنية للحياة ؟؟

والله صدق اتمنى اربي فالتاسع مب لازم اكمله بس الاقل ادخله .. يارب يارب

للامانه ما احس الم ف حوضي كثر ما احس ببطي ماشاءالله صايرة بطريق ف مشيتي خخ

والله انا احس الدوام يلهي الوحده ودوامي فالمكتب مب كراف بس نشة الصبح صعبه لان اصلا ما ننام ع راحتنا ربي لك الحمدوالشكر ع كل حال ..

ع طاري الفتمينات انا قالوا لي الحديد وايد نازل عندي 10.2
وقالت لي مول مب زين اذا وصلت اقل من 10 حزتها بضطر اخذ ابر
وعطتني فيتامينات زياده قبل كنت اطوف واتهاون
اللحين احاول اخذ الموضوع جد لما تمت تقولي ان التوام وايد ياخذون من صحة الام وطاقتها

[تفاحتي]

صباح الخيرات



الله يعينكم صراحه امهات التوم الله يسهل علينااا


كلو زين وانتيهو ل صحتكم عشان اتيبون عيال فيهم صحه

استايلي لو ما عند مشكله ف الملوخيه تراه يرفع الحديد وبسرعه
اقري عنه وبتستفيدين عن الاجنه اظغطي عنفسج

[أجمل إحساس1]

بنات جزاكم الله خير ادعولي ربي يرزقني بالحمل السليم والله صارلي قريب السنتين وانا أحاول احمل

[تفاحتي]

بنات جزاكم الله خير ادعولي ربي يرزقني بالحمل السليم والله صارلي قريب السنتين وانا أحاول احمل

الله يرزقج


شوفي شو يقول صالح المغامسي ف تاخر الانجاب

[رووووح]

هلا بنات
شحالكن
امس سرت عيادة خاصه عشان اتاكد من جنس البيبي وقالتلي انه عظمة الفخذ للجنين اصغر من عمره باسبوعين هالشي عادي.؟؟
علما بأني انا اراجع ف مستشفى حكومي ومسوين لي سونار تفصيلي وقالوا كل شي تمام.

[غلآ نفسي]

هلا بنات
شحالكن
امس سرت عيادة خاصه عشان اتاكد من جنس البيبي وقالتلي انه عظمة الفخذ للجنين اصغر من عمره باسبوعين هالشي عادي.؟؟
علما بأني انا اراجع ف مستشفى حكومي ومسوين لي سونار تفصيلي وقالوا كل شي تمام.

الجنين في حفظ الله

والسونار لو شو ما كان متطور ما يقدر يعرف كل شي

لا تفكرين في شي الا بعد الولاده خلهم يردون يجيكون

وان شاء الله خير