أنا الزوجة الأولى وأتمنى أكبر عدد يعطيني رايه

[مالتيزرس]

اختي ما أنصحج ..باجر بتجوفينهم راكبين السيارة مع بعض بتمين فحسرة .لازم طلعاتهم ودخلاتهم بتم نار الغيرة تشعلل فكل وحدة فيكم..
مادري شكايل فكرتي بها الفكرة فكري لجدام

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[ام نهييان]

ابددددن لاتفكرين تسكنين معاها الغيره ترا تسوي اي شي الحرمه تشك ريلها يرمس وحده تتخبل وين بعد تشوفينه قدامج داخل طالع ماكل شارب يسولف يضحك مع غيرج بتتخبلين

وعيالج لانه شي يديد عليهم يحنون مع الايام بيتعودون بس اذا سكنتو مع بعض عادي عيالج يتعقدون من المشاكل لي بتصير لاقدر الله

دامه مش مقصر عليكم تمي ف بيتج معززه مكرمه

الله ايسر امورج ويصبرج يا اختي 💙

[قيثارة إماراتي]

الله يكون بعونج غاليتي ويصبر قلبج اعرف هالشي وايد صعب عالحرمة
انا اشوف كل وحدة تكون ببيت خاص فيها احسن

[حرم الحميري]

والله يختي فيج الخير بس ما تعرفين هي شو شعورها يعني اذا انتي خش عنج هي حليلها انجبرت تكون بالسر هذا بعدر روحه الم للحرمه الحريم يبن يعرسن وايبن عيال والريال الله يهداه يمشي ع هواه سوا زين ولا شين انتي خلج فبيتج وهي فبيتها دام ماشي قصور لا تضغطون العيال فبيت واحد باجر يكبرون ويضيق البيت ولا لاسمح الله صار شي بينكم يتوهق الريل والعيال اما عن شوق العيال للابو فخلاص انتي لازم تصارحينهم انه ابوهم تزوج وعندهم زوجه ابو وباجر بيكون لهم عيال ان سالو قولي ابوكم فبيته الثاني بيكم باجر ولا دقو عليه عادي الريال تزوج ومحد يقدر يغير شي والله يعينج هو غلط يوم ما كان صريح والله يسامحه وانتي حرمه بتلبق فيج الغيره والثانيه بعد هذا طبع الحريم والله المستعان

[بسمه دبي]

خلج روحج وهي روحها دام الامور طيبه

واهتمي فيه وفي عيالج كثر ماتقدرين ولا تحنين ع راسه

موفقه

[R.j.S]

خليك عاقله وحكيمه ترى الرجال نفسه سواء كنتي بروحك معه ولا معك شريكه لاتحرمين الصغار من ابوهم خليه يتحمل مسؤليتهم ولاتخلين مجال لغيرك تسيطر وهم اولى منها ومنك بابوهم حرام صغار خليك في بيتك ولا تشوفينها ولاتشوفك خلي هذا الشرط الوحيد حقك والعيال خليهم عادي يشوفون إخوانهم لو صار عندهم اخوان وشيلي من راسك انك تتعرفين عليها لأنك ماتدرين وش طينتها وحتى لو كنت أطيب انسانه في الدنيا ابدا لاتحاولين تتحكتين فيها اشرطي لاتشووفك ولاتشوفيها والله كذا الحياه بتمشي زي الحلاوه ويوم يكون عندها اهتمي في نفسك واطلعي اشغلي نفسك في عباده ريحي نفسك اعتبري نفسك في اجازه منه

[Dr hudaahmed]

مثل ما قالو لك الاخوات خلك عاقله واهتمي بأولادك وزوجك واهتمي بعد صحتك واناقتك وحاولي تهتمي صحتك طولك وزنك تعملين ريجيم صحي وترجعين كنك بنت لسى

[ألم أمي]

يزاكم الله خير خواتي

[Nano1985]

ماشاءالله عليج وعلى تفكيرج...اي حبيبتي كونوا خوات من دون ماتسكن معاج...واذا بدر منها تصرف ضايقتج...ابتعدي عنها
فديت قلبج الطيب...

[مس جوتشي]

ماشاءالله عليج عاقله حبيت تفكيرج وتفهمج الوضع بس احس صعبه انكم تسكنون في بيت واحد

[khaleejiya]

اختي حسب شخصيتج اذا بتتحملين هالشي اوكيه لكن الطبيعي الحرمه تذبحها الغيره

[ساحره العين]

هلا حبيبتي
ان شالله ماجوره على مصيبتج
بالنسبه لشريكتج تحاولين انج تحسنين علاقتج << اوكي اما انج تسكنينها فببتج شلي هالفكره من بالج لانج واايد بتتعبين خاصه انها رح تستغل هالشي وبتهف ريلج منج .. اذا تبين نصيحتي خليج مثل ما انتي احسن لا تييبين على عمرج المشاكل وترى الريال مرده لج في النهايه 95% من اللي يعرسون على حريمهم يردون لهم بالاخير وحاولي تلتهين في اي شي في الليله اللي ما يكون وياج وان شالله ربي يسخره لج ولعيالج

[Diamond33]

اختي عن تجربة...
أنا وحدة عشت في بيت فيه حرمتين..أمي وعمتيه حرمة أبويه

وماتتصورين المشاكل والحساسيات الي كانت تصير...لا راحة ولا حرية تصرف
وخاصة ان البيت مابيكون لج بروحج

وياما امي تمنت تعيش في بيت بروحها...وليومج تتمنى بس الله ماراد

[ليندااااا]

ماشاء الله حكيمة ورزينة وتفكرين بعقلانية
وما تحتاجين احد ينصحج اصلا

بس انها تسكن معاكم في نفس البيت احسها صعبة عليكم خاصة ان الغيرة لازم تدخل بينكم لاي سبب
الله يقدملج الي فيه الخير يارب

[jameela200]

انا رأيي من راي الخوات ... كل وحدة لها سكن خاص ..
ولا تفكرين نهاااائيا تتعرفين عليها ... لكن اليهال خلهم ويا بعض ..

وقلتي عن ريلج (حالته حاله ) يعني هو مافكر قبل ما يتزوج انه حالته بصير جيه نصين ؟
لا تفكرين نهائيا تقترحين عليه اييبها عندج .. سواء اسلم عليج او اي شي ... لان بتمين عقبها تفكرين وايد ببتعب نفسيتج ...

ولا تفكرين في راحته .. هو اللي دور على راحته وتزوج .. خليه يتحمل نتيجة اختياره ..
انتي عليج .. اهتمي في نفسج وصحتج ولا تخلينه جدامج يطريها ..

الله يهنيج عزيزتي