أبي حل .... امي و ابوي

[مشكلتي]

هلا بنات انا بنت عمري ١٦ سنه
المهم ، مابي اطول عليكم بس وايد مقهوره من السالفه و مب عارفه كيف لازم اتصرف
المهم انا اكثشفت ان امي تخون ابوي من فتره يعني شايفه محادثات فالواتساب و فونها دوم عالصامت واللي يقهر اكثر ان مره اتصل على رقمها و ردبت و كان مشغل اغاني و ساكت والله اني خفت و قلبي تم يدق واايد .. المهم قمت وايد افكر ف ابوي و كنت اقول ان حرام ماله ذنب ليش هي تسوي جي و كنت دووم امدحه لها عشان تحس ان الي تسويه غلط ..
اوكي السالفه ماخلصت هني ..
من يومين ابوي ودر فونه ونسا يصكره و الواتساب كان مفتوح .. انصدمت منه انه هو بعد عنده هالسوالف
والله الشي وايد يقهرني اثنيناتهم طاحو من عيني
يعني معقوله هاييل هم اللي اعتبرتهم قدوتي ؟
كل مره اكتشف شي يخليني اغير نظرتي فيهم
والي يقهرني ان عندي اخت صغيره و وايد مهملينها و ابدا مايسالون عنها فالمدرسه
ويوم انبهم عليها مايعيبهم
بليز ابي حل .. حاولت اني اكلم حد من اهلي بس خفت المشكله تكبر و اندم
اتمنى انكم تنزلون موضوعي لاني صدق محتاجه الحل و كيف اتصرف لاني تعبت و وايد خايفه

المزيد من آخر المواضيع من نفس القسم:

• كرهت حياتي
• مطلقة و اريد اعيش لحالي
• مشكلتي الفراغ
• مضغوطه وفقدت الامل
• تزوجت مريض نفسي
• مشكلة حالتي بعد الأمومة
• مشكلة تقدم لي خاطب وافد
• مشكله بنتي
• زوجي تعبني بالضرب كليوم💔
• أواجه زوجي بكذباته ولا اسكت

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[المراقبة العامة]

تمت الموافقة
اتركي المراقبة لأنها بتتعبك أكثر
اكثري من الدعاء لهم
واختك حاولي تهتمي فيها

[تفاحتي]

لا تخبرين حد
الحمدالله انج واعيه وعرفتيهم وانتي بالعمر هذا
انتي ان شا الله بتكبرين بس اختج لازم انتي تهتمين فيها لان مبين انج ما شا الله امج ربتج زين الحمدالله والا ما كان اتصرفتي تصرف سليم


حبيبتي واختي الصغيره
امج وابوج مش قدوتج
ولا انا امي وابوي قدوتي
تعرفين ليش




لانهم مش ملاك ويغلطون حالنا حالهم
قدوتج المفروض تتخذينها
رسولنا صلى الله عليه وسلم لان هو الوحيد المنزه عن الغلط عاش ومات وما غلط ابدا


حبيبتي
اتركي مراقبه امج وابوج
في رب بيحاسبهم ع اعمالهم
هم كبار ويعرفون الصح من الخطأ
لا تحاولين تفضحين امج ابدا ولا حتى ابوج

لان الرسول امرنا بالستر ادعيلهم
يمكن رب العالمين يغيرهم ويرجعون حق بعض


انتي باجر بتكبرين ومن غير ما نحن انقولج بتعرفين تتصرفين


اهم شي الحينا
خليهم لا تراقبين ولا تفكرين غير بأختج الصغيره وبدراستج
والله يهديهم

[الفجر الساطع]

اول شي اتركي مراقبة فوناتهم
الشي الثاني لا تخبرين حد ابد ابد ولاحتى اقرب الناس لك
لمحي تلميح ان اختك الصغيره محتاجه لهم لامج وابوج بطريقه حلوه
الشي اللي بعده لايأثر هذا الموضوع على علاقتك فيهم واحترميهم ويبقون والدينج مهما صار
اهتمي بأختك الصغيره
وادعي لهم وادعي لهم وادعي لهم
كثير من الناس اثر فيهم ابنائهم بسلوكهم

[ام نهييان]

لا تخبرين حد
الحمدالله انج واعيه وعرفتيهم وانتي بالعمر هذا
انتي ان شا الله بتكبرين بس اختج لازم انتي تهتمين فيها لان مبين انج ما شا الله امج ربتج زين الحمدالله والا ما كان اتصرفتي تصرف سليم


حبيبتي واختي الصغيره
امج وابوج مش قدوتج
ولا انا امي وابوي قدوتي
تعرفين ليش




لانهم مش ملاك ويغلطون حالنا حالهم
قدوتج المفروض تتخذينها
رسولنا صلى الله عليه وسلم لان هو الوحيد المنزه عن الغلط عاش ومات وما غلط ابدا


حبيبتي
اتركي مراقبه امج وابوج
في رب بيحاسبهم ع اعمالهم
هم كبار ويعرفون الصح من الخطأ
لا تحاولين تفضحين امج ابدا ولا حتى ابوج

لان الرسول امرنا بالستر ادعيلهم
يمكن رب العالمين يغيرهم ويرجعون حق بعض


انتي باجر بتكبرين ومن غير ما نحن انقولج بتعرفين تتصرفين


اهم شي الحينا
خليهم لا تراقبين ولا تفكرين غير بأختج الصغيره وبدراستج
والله يهديهم

كفت و وفت ختيه تفاحتي

الله يحفظج حبيبتي والحمدلله انج واعيه وتعرفين شو الصح و شو لي لازم تسوينه محد معصوم من الغلط ادعيلهم الله يهدييهم

[dxb_love]

عن واقع تجربه شخصيه انا عشتها ف طفولتي

اذا هالاشيا تاثر عليكم انتي واختج سواء من ناحيه الاب او من ناحيه الام

ف بيكون ردي على الموضوع اذا عقبتي عليه

اما اذا مو قاعد ياثر عليكم ف طاف خليهم يسوون الي يسوونه

بس اذا ياثر يختلف الكلام

[Ward-uae]

شوفي انتي مب ياهله واذا امج انسانه متعلمه وتشتغل وهي عادي تتقبل اي شي منج كلميها لكن اذا تحسينها العكس وعصبية ومهملتنكم فلا تقولين لها شي
بس افتحي سالفة اختج وأنها مفتقده وجودها وتسأل عنها
لا تحاولين تسوين سواتهم وتقعدين دورين احد يسمعج وغيره قومي بالليل وادعيلهم بالهداية
عسى الله يهديهم

[Upscale touches]

نصيحة لوجه الله

لا تعبي نفسك وتفشي وتعملي تحقيق عليهم هم كبار وفاهمين شو يعملون.

لا تتكلمي مع حد ولا دخلي حد لانه حيستوي فضيحة والناس محتنسى الموضوع

[غلآ نفسي]

استري ع امج وابوج

لان الناس ما ترحم

انتي سترهم وغطاهم

والمفروض ما تزخين فون امج ولا ابوج

حتى لو كان بالغلط مفتوح الفون

وبعدين تعالي بسالج

القسم هذا كله والقسم الزوجيه اغلبهم مواضيع خيانه الازواج

وهالازواج عندهم عيال بعد

بس الفرق ان انتي كشفتي امج وابوج وهم عيالهم للحين ما عرفو وان شاء الله ما يعرفون

امج وابوج تاااج ع راسج

كلنا نغلط انتي تغلطين انا اغلط وبنات المنتدى يغلطون

بس مب معناته ان نحن سيئين

فما بالج بأمج وابوج ؟؟؟؟؟؟؟!!!!!!!!

لا تفتشين ولا تسوين شي وسكري عن هالموضوع

وحبي امج وابوج ولا كأن شفتي شي

اما بخصوص اهمال امج لاختج كلميها عطيها كاش

ويوم تكبرين فالعمر يعني توصلين ل 21 او 22 وشفتي ما زالت امج ترمس واحد كلميها عطيها كاش قولي لها انا مب صغيره وافهمج وحاولي خليها تفضفض لج


مرات الصغار اعقل من الكبار

بس يظلون هالشخصين يبون لكم الخير وما يبون انكم اتسوون اللي يسوونه لانهم يخافون عليكم اكثر من اي شخص ثاني

خذي احساسهم بالخوف عليكم قدوة مب تصرفاتهم بينهم وبين نفسهم

بالتوفيق

[الرمضا]

مجموعة متنوعة ومختلفة من الردود وصلتج

بختصر ردي في عبارات ( إقريها كذا مرة )

مرة بعيونج ومرة بقلبج لين يوصلج المغزى منها

شوفي عزيزتي

القوة الي خلتج تكتبين هذا الكلام الخطير والمؤثر والمؤلم للأسف
هي نفسها القوة الي بتخليج تردين وضعهم للوضع الطبيعي من خلال

( الدعاء)

أكثري من الدعاء في السجود
إشكي لرب العالمين كل الي في خاطرج
مثل ما كتبتي لنا الكلام ،،، قوليه لله عز وجل
وقوليله يارب ساعدني ،، و ( أصلح لي أبويه وأمي)

بس !

على شرط إنج يوم بتدعين
تدعين عن ثقة تاااااااااامه إنه الله عز وجل
بيسمعج وبيساعدج ،، ( إدعيه بلغتج العامية البسيطة)

ومن مصروفج( كل يوم طلعي صدقة ! حتى لو درهم)

عقب شهر تعالي أو ليش شهر !
عقب أسبوعين تعالي وخبرينا
قوتج العجيبة الي عطاج اياها رب العالمين
وخلاج تصبرين وتسترين عليهم ،، كيف
قدرتي تستعملينها بشكل ذكي ومحبب لله عز وجل


تحياتي وبالتوفيق .

[الموهبة]

ماهو دليلك انه امج تخون
يمكن هى تتواصل مع حرمه في مواضيع خاصه

وليش تفتشي جوالاتهم وليش تتصلي على الرقم

نصيحتى لج لاتخبري احد بشي لا امج ولا ابوج ولا احد من اهلج لانه لو طلع كل كلامج غير صحيح ينقلب الشي ضدج
والذكيه لو فرضنا الامر صحيح تستر على اهلها ماتفضحهم

لما تفضحى اهلج اول الاشياء بتحدث طيحتى سمعة اهلج والناس بتقول هاي بنت فلانه الي طلقها ريلها
حاولي انه تقربي القلوب بين امج وابوج وتقترحى عليهم تكون عزيمه لطلعه عشى او غذى وانتم معاهم وياي العيد

ونصيحتى الاخيره اطلبي من الاداره بعد الانتهاء من الاقتراحات حذف موضوعج

حذاري حذاري حذاري تتكلمى عن امج وابوج عند اهلج او ربيعاتج لانه بنقلب عليج الامر مستقبلا
ولاعندج دليل عن امج خير وضعت صامت

لكونج صغيره يمكن جفتى محادثات حرمه ترمس عن امور خاصه بالنساء وظلمتى امج
حذاري بنتى تخربي حياة اهلج بسبب ضنون واهمه

[عابر سبيل 733]

السلام عليكم و رحمة الله و بركاته

انا دخلت هذا المنتدى بالصدفة ..
و قريت هذا الموضوع و ارتفع ضغطي ..!
و اشتركت في المنتدى خصيصا عشان ارد هنا .

في البداية انا رجل متزوج و لدي ولد و بنت ..
و تاثرت من كلام كاتبة الموضوع ماشاءالله تبارك الرحمن

اريد اختصر ..

اولا : الله يحفظج على صغر سنج انكرتي هذا الفعل
و هذه فطرة طبيعية في كل انسان ( سوي ) طبيعي ..!!

ثانيا : الحل من وجهة نظري ان لا تسكتي على هذا الغلط
حاولي تنهين هذه البلوى باي طريقة بشرط تكون بدون ضرر
لا عليج و لا على ابوج و امج .. و لكن سكوتج عنهم و استمرارهم في هذا الدرب الذي لا يرضي الله و لا خلقه يعتبر اكبر ضرر عليهم و على اسرتهم في الدنيا و الاخرة .!

اولا حاولي تلمحين لهم ان في بنات يسوون كذا و كذا مثل فعلهم عساس انج تبين نصيحتهم بيبدون ينصحونج و يمكن يحسون و يستحون على عمارهم .. استمري تدقين من بعيد لبعيد

و اذا استمر الوضع ..
اعتقد يجب تدخل حد من الكبار في العايلة ..

خبري خالتج او اقرب وحده لامج عن امج فقط
و اطلبي منها حل دبلوماسي و هادىء و غير مباشر
بدون ان تعرف انج تعرفين شي و تتدخل في حل المشكلة

و بنفس الطريقة خبري عمتج عن ابوج

لان موضوع نفس هذا لا يسكت عنه ابدا لان وراه بلاوي
و الدعاء بدون اتخاذ يعتبر تواكل مهو من التوكل في شيء

[لمياء2007]

السلام عليكم و رحمة الله و بركاته

انا دخلت هذا المنتدى بالصدفة ..
و قريت هذا الموضوع و ارتفع ضغطي ..!
و اشتركت في المنتدى خصيصا عشان ارد هنا .

في البداية انا رجل متزوج و لدي ولد و بنت ..
و تاثرت من كلام كاتبة الموضوع ماشاءالله تبارك الرحمن

اريد اختصر ..

اولا : الله يحفظج على صغر سنج انكرتي هذا الفعل
و هذه فطرة طبيعية في كل انسان ( سوي ) طبيعي ..!!

ثانيا : الحل من وجهة نظري ان لا تسكتي على هذا الغلط
حاولي تنهين هذه البلوى باي طريقة بشرط تكون بدون ضرر
لا عليج و لا على ابوج و امج .. و لكن سكوتج عنهم و استمرارهم في هذا الدرب الذي لا يرضي الله و لا خلقه يعتبر اكبر ضرر عليهم و على اسرتهم في الدنيا و الاخرة .!

اولا حاولي تلمحين لهم ان في بنات يسوون كذا و كذا مثل فعلهم عساس انج تبين نصيحتهم بيبدون ينصحونج و يمكن يحسون و يستحون على عمارهم .. استمري تدقين من بعيد لبعيد

و اذا استمر الوضع ..
اعتقد يجب تدخل حد من الكبار في العايلة ..

خبري خالتج او اقرب وحده لامج عن امج فقط
و اطلبي منها حل دبلوماسي و هادىء و غير مباشر
بدون ان تعرف انج تعرفين شي و تتدخل في حل المشكلة

و بنفس الطريقة خبري عمتج عن ابوج

لان موضوع نفس هذا لا يسكت عنه ابدا لان وراه بلاوي
و الدعاء بدون اتخاذ يعتبر تواكل مهو من التوكل في شيء

كيف تسمح لنفسك تسجل في موقع للسيدات, وفر ردك لنفسك. تبى تسبب في دمار عيلة وتشتت العيال.

[dxb_love]

كيف تسمح لنفسك تسجل في موقع للسيدات, وفر ردك لنفسك. تبى تسبب في دمار عيلة وتشتت العيال.

انا مابغيت ارد عليه لي ماتشوف الرد وحده من المشرفات

بس رد الريال اكثر رد عقلاني فهالامور وكل ردود الحريم الصراحه صدمتني

مايشتت ولا يدمر بالعكس يمكن يصلح , احسن مايدمرون البنات بعد سنتين ثلاثه والله وعالم شو بيستوي اكثر

[غلآ نفسي]

انا مابغيت ارد عليه لي ماتشوف الرد وحده من المشرفات

بس رد الريال اكثر رد عقلاني فهالامور وكل ردود الحريم الصراحه صدمتني

مايشتت ولا يدمر بالعكس يمكن يصلح , احسن مايدمرون البنات بعد سنتين ثلاثه والله وعالم شو بيستوي اكثر

انا بعد ما حبيت ارد عليه

بس رده ما عيبني

الستر مطلوب

بالتوفيق