الخيانة

[رسايل غلا]

السلام عليكم ورحمة الله وبركاته

مساكم/صباحكم سعادة
اليوم موضوعي هو نفس اللي اقوله قبل في معظم ردودي ع المشاكل المطروحة بخصوص خيانة الزوج، وأحيانا ما ارد لاني اضايق من نفس التصرفات اللي يكررونها الحريم ك ردة فعل.

ياريت نحاول مع بعض نفهم وتستوعب سبب خيانة الزوج
ليش ريلي يخونني! هذا السؤال اللي دوم توجهه الحرمة لنفسها وفوق هذا تردد نفس الإجابة اللي تقلل فيها من قيمة نفسها بدون شعور
انا في شو قصرت؟!

اول شي خذيها قاعدة مهمة:الخيانة تعتبر مرض
لا تجاهدين نفسج في انج تدورين عالسبب فيج انتي وبس، أحيانا يكون السبب نقص عند الزوج بس يحب انه يراويج انه مرغوب فيه من قبل بنات غيرج.
النقطة الثانية المهمة لو فكرتي فيها، ريلج يخونج من وراج طبعا ويخاف انج تعرفين وتكشفينه، دوم يسوي كل شي بعيد عنج و ف السر
انتي اذا ما فكرتي صح شو بتسوين؟ بتواجهينه بكل بساطة وتقولين عندي الدليل...الخ
هو بغض النظر عن إنكاره في البداية بس بيحس بالمتعة، طبعا مب متعة غيرتج، لا متعة انه صار يقدر يسوي كل شي بدون لا يفتكر فيج خلاص انتي عرفتي انه يخونج ف هو بيكمل مشواره وانتي يالسة مقهورة وحزينة.
تفكيرج كله كيف تردينه، وهل المفروض تطلقين ولا تيلسين وياه بقهرج، أو تطنشينه مثل ما يرددون8 بعض الحريم طول الوقت!
الحين قبل لا نطرح اي حل اباكم أنتوا تعطوني حل تشوفونه مناسب من وجهة نظركم وكل حل بتناقش فيه وياكم.

في الانتظار

المزيد من آخر المواضيع من نفس القسم:

• مخاطر كثرة ممارسة الجماع على الزوجين
• اسباب عدم الوصول للنشوه اثناء الجماع
• صفات الزوج المتنمر وكيفية التعامل معه
• الفرق بين الضعف والعجز الجنسي
• اهم فوائد الزنك السحرية للصحة الجنسية للرجل
• طريقة تنظيف المنظقة الحساسة بعد الجماع
• طريقة التعامل مع الزوج الصامت
• نصائح لحياة زوجية ناجحه
• فوائد الضحك للعلاقة الحميمة
• الزواج الثاني بين الأيجابيات والسلبيات

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[سماءالأفق]

أنا برأيي يارسايل إن الخيانه مالها دخل بشيئ هي شيئ بشع مايسويه إلا الشخص اللي عنده خلل بنفسه وأخلاقه عافانا الله, ومافي مبررات لها مهما كان الأمر,فمهما كان التقصير لايستدعي الذهاب من الرجل
لهذي التصرفات المتدنيه, الشخص نفسه يكون ناقص دين وإنسانيه وعقل يعني مختل ومايستحق البحث عنه
يعني اللي ما يخاف من الله وعلي بيته ومصير أولاده ومايخللي احترام لإنسانية زوجته ,صراحه لا يستحق النظر إليه ,قدوه سيئه بالبيت مافي منه فايده..

[عذآب المزآين]

وأنا الصراحه راي من راي سماء الافق تقريبا
الصراحه ماشي فايده ولا حل مع الي يخون زوجته انسان فيه خلل ويبي يطلع النقص ف زوجته
الي يخون يمره يعيدها الف مره لانه فتح باب للشك ويوم تنكسر الثقه تندمر االعلاقه مع انه الي تحب ريلها بتحاول تعطيه مليون فرصه بس هو بيرجع يكسرها // بتقولون لا في منهم خلاص يتوبون وانا بنضري هي فيه بس عقب سنين ترجع العله ...
يمكن الحل انه الريال يبتعد عن الشي الي خلاه يدخل فهالخيانه مثلا رفقه االشينه او وقت فراغ بس تعالي منو الي بيغير هالشي فيه بتقولين شي عن ربعه بيقول تتحكمين فيني وقت فراغ ماترومين تنهينه يمكن البعض بيقولي تستغلي ف وقت فراغه كوني وياه طلعي شوي جو واللخ ترا الريال يمل لو تكرر الشي يعني حرمه 24 ساعه ف ويها وقت فراغه بعد اتلصق فيه 😬
ويه بعد غير اذا كان السبب روحها البنت الي ادور ورى الريال هع شو بيفكج من هالموضوع الحيين الله يخليكم ريال بيسير يتمشى يلا جمعة بنات او بنت روحها تروح له وتعطيه رقم ولا تتميع يعني تعال رقمني 😤
الريايل مايعجبهم العجب
ضعيفه بيدور لج متينه سمره بيدور بيضه والعكس صحيح اخر شي بيحط النقص فيج
الريال الناجح يفكر فالمستقبل كيف يأمنه 😅 وعقب بعد في توقع زواج
اما الفاشل او الي ماعنده هدف زواج زواج زواج ولا خيانه خيانه خيانه
من الاخير الريال مايعجبه العجب
هذه وجهة نضري

[غلآ نفسي]

الحين موضه الخيانه

بيقول ربيعي عنده وحده ويطلع معاها ليش انا ما اسوي جي

وفيهم تعودو ان لازم يتواصلون مع البنات سوالف وضحك فقط لا غير صار مدمن

ما يخصه ابد ان زوجته مقصره معاه هذا كله كلام

لانه اذا زوجته مقصره ع طول بيعرس ع طول بيواجه حرمته انتي جي وجي وجي او بيقولها بطريقه غير مباشره

اما يغازل ويخون فهالشي من نفسه مب لان زوجته مقصره

والحل بالنسبه لي المواجهه

ما عندي حل ثاني للخيانه

دام شفتيه يخون كلميه واجهيه اعرفي منه شو الاسباب بس لا تقولين انج مقصره في حقه

لانج اذا مقصره بتعرفين عمرج وهني ينتهي الكلام عيل اصلحي من نفسج

انتو يمكن تقولون المواجهه ما تفيد وعادي عقب بياخذها حلاوة وبيقول زوجتي درت وعادي وخلاص

بس واجهيه وقوليله انا مب غافله عنك وخليج جاده وطلعي كل اللي ف قلبج وازعلي منه فتره لا تعطينه ويه أدبيه لين يحس بأنه غلطان

هذا رايي الصراحه

اما بالخفايا تاكلين بعمرج وتحاولين تجذبينه صوبج هذا بييب لج الضيق والمرض للاسف

بالتوفيق

[عذآب المزآين]

الحين موضه الخيانه

بيقول ربيعي عنده وحده ويطلع معاها ليش انا ما اسوي جي

وفيهم تعودو ان لازم يتواصلون مع البنات سوالف وضحك فقط لا غير صار مدمن

ما يخصه ابد ان زوجته مقصره معاه هذا كله كلام

لانه اذا زوجته مقصره ع طول بيعرس ع طول بيواجه حرمته انتي جي وجي وجي او بيقولها بطريقه غير مباشره

اما يغازل ويخون فهالشي من نفسه مب لان زوجته مقصره

والحل بالنسبه لي المواجهه

ما عندي حل ثاني للخيانه

دام شفتيه يخون كلميه واجهيه اعرفي منه شو الاسباب بس لا تقولين انج مقصره في حقه

لانج اذا مقصره بتعرفين عمرج وهني ينتهي الكلام عيل اصلحي من نفسج

انتو يمكن تقولون المواجهه ما تفيد وعادي عقب بياخذها حلاوة وبيقول زوجتي درت وعادي وخلاص

بس واجهيه وقوليله انا مب غافله عنك وخليج جاده وطلعي كل اللي ف قلبج وازعلي منه فتره لا تعطينه ويه أدبيه لين يحس بأنه غلطان

هذا رايي الصراحه

اما بالخفايا تاكلين بعمرج وتحاولين تجذبينه صوبج هذا بييب لج الضيق والمرض للاسف

بالتوفيق

صححح اكيد السكوت بخلي الوحده تستوي نفسيه 😡

[ورقة ناعمة]

الريال يحب الجديد ويحب كل يوم تغيير هذا اذا كان فاضي ماعنده شي يشغله عكس الحريم

لاتقولين عندي نقص ولا فيني شي دور عند غيري لاتفكرين هالتفكير ,,,, اغلبية الرياييل اللي حريمهم مال مشاكل صابرين خايفين ان الثانية تكون اخس والعن

ولاتنسين في حريم الشوارع او بنات الشوارع أحيان تلعب عالريال وتدور تشبع لقمتها او تحصل درهم تستفيد منه

وين يطيحون على شبابنا عقولهم خفيفة وما يصدقون مب الكل البعض ,,, ( خرفان البعض )


لكن بنات الشوارع تسعى وتجتهد وتبدأ وتفكر وتسهر وتخطط عشان تعرف تسرق الريال وتدخله قلبها

تتعلم فنون اللعب وتتعلم كل حركات اللي محرومين منها شبابنا ونحنا شو شغلت الحريم تنبش تراقب تدور تبحث تسهر تتعب تمرض وآخر شي ويها يخترب وتمرض وليش عشان تعرف مع منو كان .....


....... اسمحولي على المقارنة بس هذا الصدق ,,,,,,,,,,,,

[ام نهييان]

انا اشوف الخيانه عاده وطبع مايقدر يتركها الريال لو شو ما سوتله حرمته بعده ما بيعيبه

الحينه انا اللي اشوفه البنات صار كل شي عندهن عادي قروبات دوام واتساب سناب انستقرام ف كل مكان ينقزن وطبعا الريال مايرد شي ياينه ع البارد

وغير جي الرياييل يشوفون انه السوالف مع البنات مش خيانه الخيانه فعينهم هي المعاشره اما غير جي لاعادي حلال

اما عن المواجهه ابدا ماشوفها حل ولا التفتيش انا اقول سكتي وعيشي ع عماج لو شكيتي حتى لاتروحين تنبشين وراه وان ياج شي جدام عينج تكلمي ف حزتها لا تبيتيين الموضوع لين مايبرد وبعدين ترمسين ماشي فايده

الله يبعد رياييلنا عن بنات الحرام و يهديهم 😩

[رسايل غلا]

أنا برأيي يارسايل إن الخيانه مالها دخل بشيئ هي شيئ بشع مايسويه إلا الشخص اللي عنده خلل بنفسه وأخلاقه عافانا الله, ومافي مبررات لها مهما كان الأمر,فمهما كان التقصير لايستدعي الذهاب من الرجل
لهذي التصرفات المتدنيه, الشخص نفسه يكون ناقص دين وإنسانيه وعقل يعني مختل ومايستحق البحث عنه
يعني اللي ما يخاف من الله وعلي بيته ومصير أولاده ومايخللي احترام لإنسانية زوجته ,صراحه لا يستحق النظر إليه ,قدوه سيئه بالبيت مافي منه فايده..

مرحبا اختي سماء الأفق شكرا على تواصلك وردج
الخيانة مثل ما ذكرت هي اساسا مرض بس ما فيه مرض بدون سبب، أكثر المحللين والعلماء قالوا انه فيه أكثر من سبب
اول سبب هو المتعة في العلاقة الخاصة، فيه رجل حتى لو زوجته لبت له رغباته لكن هو عنده نوع من الأنانية ويحب التنويع في العلاقة.
السبب الثاني انه الرجل يكون مب مرتاح في علاقته الزوجية لأي سبب من الأسباب وطبعا بدال ما يحاول يصلح المشكلة يروح يدور على علاقة ثانية برى
وثالث سبب هو حبه للإطراءات مثل ما ذكرت يحب يحس انه مازال مرغوب من البنات
واسباب ثانية مثل: الخيانة وراثية يعني شاف ابوه أو اخوه يخون قال اسوي شراتهم عادي واحساسه انه رجل وقوي ومن حقه يسوي اللي يباه
لو بعدد لج أسباب الخيانة ما بخلص، حتى لو كانت هالاسباب مب مبرر لكنها تبقى أسباب وموجودة ما نقدر ننكرها
ولازم نبدأ بالعلاج
تسلمين على مرورج الجميل

[سماءالأفق]

مرحبا اختي سماء الأفق شكرا على تواصلك وردج
الخيانة مثل ما ذكرت هي اساسا مرض بس ما فيه مرض بدون سبب، أكثر المحللين والعلماء قالوا انه فيه أكثر من سبب
اول سبب هو المتعة في العلاقة الخاصة، فيه رجل حتى لو زوجته لبت له رغباته لكن هو عنده نوع من الأنانية ويحب التنويع في العلاقة.
السبب الثاني انه الرجل يكون مب مرتاح في علاقته الزوجية لأي سبب من الأسباب وطبعا بدال ما يحاول يصلح المشكلة يروح يدور على علاقة ثانية برى
وثالث سبب هو حبه للإطراءات مثل ما ذكرت يحب يحس انه مازال مرغوب من البنات
واسباب ثانية مثل: الخيانة وراثية يعني شاف ابوه أو اخوه يخون قال اسوي شراتهم عادي واحساسه انه رجل وقوي ومن حقه يسوي اللي يباه
لو بعدد لج أسباب الخيانة ما بخلص، حتى لو كانت هالاسباب مب مبرر لكنها تبقى أسباب وموجودة ما نقدر ننكرها
ولازم نبدأ بالعلاج
تسلمين على مرورج الجميل

أنت الأجمل رسايل
أكيدكلامك صحيح ,,دائما تكون هناك أسباب توقع ضعاف النفوس...لكن أنا بتكلم في حالة إننا في مجتمع عربي يحكمه الدين ,القيم ,الأخلاقيات والإنسانيات,, وأصبحت هذه الأمور مستهان بها وليس لها حساب في معظم النفوس...ولحل هذه المشكله الدور يجب أن يكون من المجتمع من الخارج والداخل,,يعني الدور في حلها لا يقتصر علي المرأه فقط ,,علاجها يبدأمن القوانين الصارمه وبث الأخلاقيات في المجتمع بشتي الوسائل
وعدم التهاون ,,يعني في كل الدول الإسلاميه تجدي القانون يمنع الاعمال المخله ويقاضيها وبالرغم من ذلك
هناك أماكن معروفه لتلك الاعمال ...تهاون بشع الصراحه في حق الدين ومستقبل الأبناء الخ ...
يعني المشكله لازم تحل من كل جوانبها وبشكل جذري من المراة بالبيت والمجتمع الخارجي بالقانون بلا تهاون والتأسيس الديني والأخلاقي للأطفال الخ
موضوعك قيم ومهم
واسفه للتفرع ,لكن هذا امر يحتاج العلاج من اتجاهات متعدده.. لكن هذا لايعفي المراه من محاولة التفوق علي اعدائها من النساء المقتحمات لإستقرار البيوت لأجل نفسها قبل غيرها,حتي ثقة المرأه بنفسها تولد لها قوه في الرد علي بعض الامور والثقه المبنيه علي فهم وإدراك نتيجتها النجاح,

ويارب يوفق جميع الزوجات, ويفسد عمل الدخيلات هههههه ,ويقبح كل النساء في عين كل رجل ماعدا زوجته
ويشوفهم قرده ممسوخات ..قولوا امين,,

[رسايل غلا]

وأنا الصراحه راي من راي سماء الافق تقريبا
الصراحه ماشي فايده ولا حل مع الي يخون زوجته انسان فيه خلل ويبي يطلع النقص ف زوجته
الي يخون يمره يعيدها الف مره لانه فتح باب للشك ويوم تنكسر الثقه تندمر االعلاقه مع انه الي تحب ريلها بتحاول تعطيه مليون فرصه بس هو بيرجع يكسرها // بتقولون لا في منهم خلاص يتوبون وانا بنضري هي فيه بس عقب سنين ترجع العله ...
يمكن الحل انه الريال يبتعد عن الشي الي خلاه يدخل فهالخيانه مثلا رفقه االشينه او وقت فراغ بس تعالي منو الي بيغير هالشي فيه بتقولين شي عن ربعه بيقول تتحكمين فيني وقت فراغ ماترومين تنهينه يمكن البعض بيقولي تستغلي ف وقت فراغه كوني وياه طلعي شوي جو واللخ ترا الريال يمل لو تكرر الشي يعني حرمه 24 ساعه ف ويها وقت فراغه بعد اتلصق فيه 😬
ويه بعد غير اذا كان السبب روحها البنت الي ادور ورى الريال هع شو بيفكج من هالموضوع الحيين الله يخليكم ريال بيسير يتمشى يلا جمعة بنات او بنت روحها تروح له وتعطيه رقم ولا تتميع يعني تعال رقمني 😤
الريايل مايعجبهم العجب
ضعيفه بيدور لج متينه سمره بيدور بيضه والعكس صحيح اخر شي بيحط النقص فيج
الريال الناجح يفكر فالمستقبل كيف يأمنه 😅 وعقب بعد في توقع زواج
اما الفاشل او الي ماعنده هدف زواج زواج زواج ولا خيانه خيانه خيانه
من الاخير الريال مايعجبه العجب
هذه وجهة نضري

اختي عذاب اسعدني وجودج وردج الطيب
تعقيبا عالرد ما فيه مشكلة ما لها حل حتى الخيانة
لأن الخيانة مب شي معقد لهاي الدرجة، نبدأ نقطة نقطة
في الخيانة منو الشخص اللي مهتم في الموضوع اكثر؟
الزوجة صح ولا لاء، تكتشف خيانته لكنها تبدأ تتعب اعصابها بالتفكير: ليش ومع منو ومتى وشو فيها زود عني، انا في شو مقصرة...الخ
تحط نفسها في دوامة كبيرة لا لقت جواب ولا قدرت تحل الموضوع، إذا واجهت ريلها بغض النظر عن ردت فعله يبدأ يقل اهتمامه لأن الزوجة عرفت وبدت مراحل النكد بتم كل يوم تفتش وتدور وتنغز بالكلام، بيخليها عايشة مع نفسها وتفكيرها وبيكمل هو حياته برى.
هني انا اقول لكل وحدة عايشة هالجو ستوب
وقفي لو سمحتي...بتقولين كيف اوقف؟ اسكت عنه يعني؟
بقولج لا بس استخدمي طرق احسن من هاي بدال ما تدورين وتواجهين سوي عمرج ما تعرفين شي وبدال النكد استخدمي عقلج وحطي تحت عقلج ستين خط
رب العالمين قال: كيدهن عظيم، ف ليش انتي ترهقين قلبج المسكين ومخلية عقلج نايم بدعوى الحب!
انتي يوم تبدين بهالتصرفات تهملين كل شي حواليج ف يبدا الزوج يحس بضعفج ويقول بتم تلعي فترة وعقب بتسكت يوم ما بتحصل فايدة
نقطة ثانية: خلي حركات البنات ع صوب هذي بروحها مشكلة تحتاج لحل.
برد اتناقش في باقي النقاط عقب

تسلمين عزيزتي

[كوثر قمر]

وعليكم السلام ورحمة الله وبركاتة
موضوع يستحق التقدير

[mouzan7mod]

الخيانة مرض نفسي ، نقصااااان داخلي
الريال لما يخون يملي النقص إلي فيه
يدور شي ناقص يكمله ، لآن زوجته تكون بنظره كاملة و ما تحتاج شي يمليها
لانها تكون شالة البيت و تراعي أهله و أهلها و و و ف يشوفها كاااملة و هو ناقص
ف يبا يملي النقصان مع غيرها ... برايي تطنش و تعيش لحياتها و تربي عيالها و تعق عليه جزء من المسؤوليات ، لآن لو شلت كل شي بروحها بتتعب و بتطفر و بالتالي أمراض و علل اللهم يا كافي
ف تعطيه جزء من المسؤوليات أبرك لها ، بدال ما يخربط مع فلانة و فلتانة

[رسايل غلا]

الحين موضه الخيانه

بيقول ربيعي عنده وحده ويطلع معاها ليش انا ما اسوي جي

وفيهم تعودو ان لازم يتواصلون مع البنات سوالف وضحك فقط لا غير صار مدمن

ما يخصه ابد ان زوجته مقصره معاه هذا كله كلام

لانه اذا زوجته مقصره ع طول بيعرس ع طول بيواجه حرمته انتي جي وجي وجي او بيقولها بطريقه غير مباشره

اما يغازل ويخون فهالشي من نفسه مب لان زوجته مقصره

والحل بالنسبه لي المواجهه

ما عندي حل ثاني للخيانه

دام شفتيه يخون كلميه واجهيه اعرفي منه شو الاسباب بس لا تقولين انج مقصره في حقه

لانج اذا مقصره بتعرفين عمرج وهني ينتهي الكلام عيل اصلحي من نفسج

انتو يمكن تقولون المواجهه ما تفيد وعادي عقب بياخذها حلاوة وبيقول زوجتي درت وعادي وخلاص

بس واجهيه وقوليله انا مب غافله عنك وخليج جاده وطلعي كل اللي ف قلبج وازعلي منه فتره لا تعطينه ويه أدبيه لين يحس بأنه غلطان

هذا رايي الصراحه

اما بالخفايا تاكلين بعمرج وتحاولين تجذبينه صوبج هذا بييب لج الضيق والمرض للاسف

بالتوفيق

هلا أختي غلا نورتي
انا وياج انه ممكن يكون السكوت تعب لكن صدقيني المواجهة اتعب بوايد، حرمة ريلها يخونها وشافت هالشي ع التيلفون صورت وراحت له وراوته دليل خيانته، شافه يمكن يضايق انه انكشف أو يمكن يسوي شرات ما قلت لج ياخذها لعبة ويكمل بدون خوف، الريال دايما يسولف ويرمس بنات بس ما يحس ان اللي يسويه غلط يحس هالشي عادي وكلهم يسوون جي ف ما يت عليه هو، هذا تفكيرهم والنقطة الثانية أغلب الرياييل ما يقولون لحريمهم والله انتي مقصرة ف كذا وكذا، متى يقول؟
يقول يوم ينكشف لأنه يستخدم هالشي مبرر لخيانته ف يخلي الحرمة تلقائيا تبدأ تفكر هل كلامه صح فعلا وليش ما قال لي من قبل أو شرح لي بدون ما يخونني؟! كل هذا يولد التفكير عند الحرمة ويتعب نفسيتها.
أخيرا المواجهة تولد الانفجار وتزيد من خطورة عدم التفاهم اللي يوصل أحيانا للطلاق لأنه الطرفين كل واحد فيهم شايف انه مب غلطان ولا مقصر.

تسلمين على المشاركة عزيزتي.

[رسايل غلا]

صححح اكيد السكوت بخلي الوحده تستوي نفسيه ��

هلا اختي نورتي
ردي على هالنقطة هو مثل ردي لأي شي يستوي لنا في الحياة
إذا صرت نفسية فهذا بفعل ايدي مش من غيري
يعني انا اقدر اسيطر على نفسي وافكر بطريقة أفضل
واحلل مشكلتي بطريقة تخليني ألقى الحل بدون ما اهدم نفسي وعافيتي.
تسلمين ع المرور عزيزتي

[رسايل غلا]

الريال يحب الجديد ويحب كل يوم تغيير هذا اذا كان فاضي ماعنده شي يشغله عكس الحريم

لاتقولين عندي نقص ولا فيني شي دور عند غيري لاتفكرين هالتفكير ,,,, اغلبية الرياييل اللي حريمهم مال مشاكل صابرين خايفين ان الثانية تكون اخس والعن

ولاتنسين في حريم الشوارع او بنات الشوارع أحيان تلعب عالريال وتدور تشبع لقمتها او تحصل درهم تستفيد منه

وين يطيحون على شبابنا عقولهم خفيفة وما يصدقون مب الكل البعض ,,, ( خرفان البعض )


لكن بنات الشوارع تسعى وتجتهد وتبدأ وتفكر وتسهر وتخطط عشان تعرف تسرق الريال وتدخله قلبها

تتعلم فنون اللعب وتتعلم كل حركات اللي محرومين منها شبابنا ونحنا شو شغلت الحريم تنبش تراقب تدور تبحث تسهر تتعب تمرض وآخر شي ويها يخترب وتمرض وليش عشان تعرف مع منو كان .....


....... اسمحولي على المقارنة بس هذا الصدق ,,,,,,,,,,,,

هلا حبيبتي ورقة ناعمة
كلامج صح ودوم أوضح هذي النقطة مب شرط انه ريلج يخونج عشان نقص فيج هالشي مب دايما صحيح ابدا
عشان جذي لا تحطين اللوم على نفسج وتسإلينه انا في شو قصرت دام انتي واثقة من نفسج
بعض الرياييل فعلا أنفسهم ضعيفة فيتلذذون بالبنت اللي متساهله وياهم وتييهم بنفسها،هني ليش انا ما اكون لزوجي مثل ما هو يبا، ليش ما أتعلم اي حركة اعرف انها بتجذبه، ترى انج تتعلمين شي يديد احسن من انج تيلسين تفكرين طول اليوم وطول أيام الأسبوع في نوع تقصيرج ويا تكتشفينه أو لا.
تسلمين على مرورج عزيزتي.