مشكلتي أمي

[مشكلتي]

مشكلتي امي اول ما وعيت ع الدنيا ما شفت منها حنان دائماً تصارخ ومافي شي أسويه يعجبها وانت صغيره تحملت مسؤولية تربية اخواني والبيت كنت اسوي كل شي وامي تقضي الوقت وَيَا وربيعاتها او وَيَا ابوي وأبوي كان حنون وكان يخفف علينا وبعدين كبرت وأبوي تزوج وحده صغيره ع امي وانا وقفت في صف امي وأبوي بعد زواجه اتغير صار واحد ثاني قاسي وظالم ودخلت 18 ياني معرس اللي هو طليقي حاليا وكنت رافضه لأَنِّي ما كنت أباه وامي كانت رافضه ما تباني أعرس بعد محاولات ابوي عشان ما أعنس ع كلامه رفضت جان تي امي وتقولي وأفقي عشان امه ربيعتي وأمه مريضه وبياخذون له اخت حرمة ابوه امه بتتعب اكثر ما همها انا همها ربيعتها ووافقت لان امي أقنعتني والله اني ما كنت اعرف شو معنى الزواج وكيف ولا اعرف اي شي عنه تمسكا علمتني اي شي بس علمتني الطبخ والتنظيف وتربية اخواني وبس انا عبالي بعرس بروح بنظف بيتهم وبرد بيتنا بس بس طلع العكس واشياء ما كنت اعرفها وبعدين وقت الملجه امي غيرت رايها تباني ارفض وأبوي ما خلاني حتى اشوفه نظره شرعيه ياب الملاج وملج علي وانا أصيح كنت ابا خطبه بس اشوف الريال طبعا بنت عمي ووحده ربيعة امي قالولي خلي خطبه بس اتعرفي عليه اول شي وبعدين وأفقي المهم بعد الملجه محد اهتم ولا سولي حفله وامي ما فرحت لي حتى حلاوه ما سوت لي وَيت جارتنا الله يحفظها وسوتلي كل شي وقَعَدت أصيح ابى حفله بعدين ابوي سوالي حفله بسيطه وطبعا ابوي أخذ نص مهري حق حرمته المهم منا متفقين اقعد ف بيت بروحي بس بعد الملجه عطوني غرفة وأنتو بكرامه بدون حمام ف بيت أهله ونا ما قدرت أعيش وطلبت الطلاق بسبب مشاكل أهله ابوه يدخل ف كل شي والريال كان صغير من عمري المهم حملت وطلبت الطلاق غير تدخلات امي كانت كل شوي تسويلي مشاكل مع ريلي ورفض ريلي يطلقني طلقني بعد ما ولدت وبعدين عطوني شونه وأبوي كان ياخذ نص الشؤون وامي كل همها اكمل دراستي بعد الزواج وما كنت اقدر ادرس كل يوم عشان ولدي ونجحت بالعافيه فالثانويه وبعد ما نجحت امي ما هتمت يعني باختصار امي ما تحس فيني ما تحس بمشاعري اذا كنت تعبانه عندي ظروف مظلومه مضايقه كل همها خواني الأولاد ونفسها اهم شي نأكل ونشرب ونقعد فالبيت اذا طلعنا شوي قامت الدنيا والله اني كنت اسمع كلام جارح من امي بدون سبب وكنت أقول امي شو بقول وتفرق بيني وبين خواتي يعني سبب كتابتي للموضوع لأَنِّي تعبت انا لا وظيفه ولا زواج وكبيره فوق الثلاثين وعايشه وَيَا امي وخواتي واخواني وامي ما تقدر ظروفي ويوم تصير مشكله تقولي انتي شريره مع اني والله انا اكثر وحده تهتم فيها انا اللي اطبخ وانا اللي ايبلها هديه عيد الام وأشجع اخواني نسويلها حفله انا اذا شريت شي حق عمري اشتريلها بعد اذا يبت اي شي أخذلها ما اقصر فيها بس ما تذكر لي اي شي من هالأشياء وتفضل اخواني علي يعني اختي من شوي يابت ريوق ما عطتني وانا سرت اسويلي ريوق امي شافتني ما قالت في ريوق بعد ما سويت قالت تبين برّأتا قلت باكل مع البيض جان اختي تشوفني تقولي انا يبت سندويجات قلت لها بعد ما سويت ريوق وين قالت عند امي قلت حق امي ليش ما قلتي في سندويج قالت حق اختج الثانيه قلت لها خلاص مابا جام تقولي زعلتي كل ما قلت شي تزعلين منه قلت لها خلاص مابا سويتلي ريوق قالت لي أصلا انا اكرهج وما أطيق ويهج جرحتني هالكلمه وأيد ومب أول مره تجرحني انا وايد متحملة وأقول امي انا والله ليل نهار اتمني الله يرزقني بوظيفه او زوج عشان ارتاح من هالهم وفي قصص وايد وسوالف بس ما بطول انا ما باكم تدعون ع امي بس ادعولي الله يفرج همي

المزيد من آخر المواضيع من نفس القسم:

• تزوجت مريض نفسي
• مشكلة حالتي بعد الأمومة
• مشكلة تقدم لي خاطب وافد
• مشكله بنتي
• زوجي تعبني بالضرب كليوم💔
• أواجه زوجي بكذباته ولا اسكت
• ريلي احبه ،، بس ماعرف شو الي حصل
• مشكلتي التعلق الزائد
• رفض ريلي للحمل
• عااااجل مشكلة واجهتني

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[المراقبة العامة]

تمت الموافقة
الكلمة الطيبة صــــــــدقة

[dxb_love]

الله يصبرج يارب

[Ward-uae]

شوفي حبيبتي محد ينولد في هذي الدنيا يعرف كل شي
اللي مريتي فيه شي مب بإيدج واللي صار صار لا تتحسرين على ماضي ربي ولدج او بنتج واهتمي بنفسج بس ليش ما قدمتي على الإسكان اول ما تطلقتي
مادام عندج ثانوية دوريلج وظيفة تملين وقتج الصبح وعن الطبخ والهدايا انتي تسوينه عن طيب قلبج فلا تتوقعي كل شي في الحياة محتاج احد يشكرج
وعن الوظيفة فيه وظايف قدمي اون لاين او سوي مشروع وشوفي الشؤون يمكن عندهم جهة تهتم وتمول المشروع
الله يحفظج ويرزقج على قد نيتج

[Miss PiXy]

سبحان الله جنج ترمسين عن مشكله ربيعتي ويا امها لو ماقلتي انج عرستي واطلقتي جان قلت انتي هي

وربيعتي بسب امها انجبرت توافق ع واحد ماتباه وانفصلت بالملجه

بتم امج بالاخير جنتج فالدنيا والاخره تحمليها وادعي لها بالهدايه وطنشي لانج تعودتي وجابلي واهتمي بنفسج وحاولي انج تتوظفين او مشروع بسيط ع الانستقرام

والله يهدي امج ويحنن قلبها عليج ..

[الفجر الساطع]

شوفي لن يضيع الله لكي فرحه ادخليتيها على قلب امك او احد من اخوانك وحتى خواتج
الشي الثاني كل الظروف اللي مريتي فيها كانت ليست بيدج كنتي مجبره عليها يعني لاتلومين نفسج فيها
بعدها امج لها حق مايطلع منك شي يغضبها انتي سوي اللي يرضي الله وكذلك ابوج
دام معك شهاده ثانوي ابحثي عن وظيفه حتى لو كان راتبها متواضع لعلها تشغل وقتج
ابحثي لنفسك عن زوج صالح وهذا ماهو عيب ولا حرام تواصلي مع من تخاف الله خطابه او شخص فاضل لعله يبحث لك عن ابن الحلال
مع كل هذي الظروف الا ان اقولج
تراج احسن من غيرك كثير انتي بصحه وعافيه وان شاء الله ولدج بعد بصحه وبكل خير وان شاء الله قادم الايام اجمل من اللي راح خلي عندج امل بالله
وادعي الله ان يغير حالج بحال تسرك وتفرحج وتسعدج ويفتح الله على قلب امك وابوك يارب

[سنابل حامد]

الله المستعان اختي هيك نحنا نتحسس 218من امهاتنا في الضيق بس اول ما تبعد تصغر علينا دنيتنا00218916246765هدا رقمي وبإدن الله لو حابه تتواصلي معي بكل رحابةصدر في اي وقت فايبر او واتس اب

[أزور]

الله يهدي والدتك الك ويحنن قلبها عليكي
ويهدي بالك وربنا يرزقك بزوج صالح الي يعوضك عن حنان الام والأب ويكون الك عون وسند بهاد الحياة
اللهم امين