خواتي الأمهات.. ممكن تدخلن؟!

[شمـــ وفا ـــعة]

السلام عليكم..
خواتي الأمهات..
اشحالكم.؟!
واشحال العيال؟!
عساهم بخير وصحه..
الله يخليكم ويخليهم لكم..

خلوني أدخل في الموضوع..

بما إني في شهري التاسع من حملي الأول وعلى وشك إني أربي قريب.. حبيت آخذ رايكم في بعض الأشيا..

أولا..
شو الأغراض اللي بحتاجها حق المستشفى؟! سواء لي أو للمولود..

ثانيًا..
شو هي احتياجات المولود في شهوره الأولى؟! من ملابس وأدوات وخرابيط؟!
أنا اشتريت شوية أغراض بس أحس إنها ما تكفيه..
أبا أعرف كم الكمية اللي لازم آخذله من كل شي سواء قماطات، فوانيل، أوفرولات، بجايم......

ثالثًا..
شو هي تجاربكم مع الحليب الصناعي؟! مع إني ما أفكر أعطيه حليب قواطي..

وسلامتكم..
إذا تذكرت شي بعد بخبركم..

أتريا ردودكم..
أخاف أربي ردوا علي بسرعه..

:1 (61):

المزيد من آخر المواضيع من نفس القسم:

• كل ماتودي معرفته حول التلقيح الصناعي وسط...
• التخطيط للحمل وسط انتشار فيروس كورونا
• أهمية فيتامين "B6" للحامل والجنين
• اهمية تناول مكملات زيت السمك للحامل
• اهم اسباب الهبات الساخنة أثناء الحمل وطرق...
• احذري فعل هذه الاخطاء ليلة الولادة
• ابرز اضرار القهوة ولماذا يجب على الحامل...
• كل ماتودين معرفته عن إزالة الشعر بالشمع...
• كل ماتودين معرفته حول نزول الدورة الشهرية...
• كل ماتودين معرفته حول ابرة الظهر والولادة...

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[*أم اسمـــا*]

هلا وعليكم السلام والرحمه..
العيال يسلمون عليج ويقولولج الله يسهل عليج يارب

شنطة المستشفى يبالها:
جلابيتين أو ثلاث+شيله بيضا+ملابس داخلية
فوطه أو روب+شامبو+ليفه+صابون+ديودرانت+فرشاه ومعجون+مشط(هالأشيا كلها خذي منها أحجام صغيره)
فوط صحيه

للبيبي:
بامبرز(مب وايد.. كمن حبه بس)+مناديل مبلله(اختياري)
ثلاث لبسات(اوفرولات وفوانيل)+قحفيه
قماط أو ثنينه(ما تحتاجين زياده)
دوشق صغير للبيبي عشان يوم تطلعين من المستشفى بالسلامه

لي عوده على الموضوع..
وان شالله انج تربين عقب ما تكملين التاسع

[صدى حنيني]

الصراحة ماعندي خلفية في هالامور ..

بس حبيت اقولج الله يقومج بالسلامة ان شاءالله ...

ام اسومه شو ديودرانت؟؟؟؟

[*أم اسمـــا*]

ام اسومه شو ديودرانت؟؟؟؟

مزيل العرق بالعنجليزي

انزين الحين اغراض البيبي..
قوليلي شو اشتريتي.. عشان أقولج شو تاخذين زياده

بقولج الأشياء الأساسيه:

لحافات(ثنينه أو ثلاثه)
فوط خمس(الصراحة بتحتاجينهن وايد)
اوفرولات وفوانيل.. لاتاخذين وايد لأنه بيكبر عليهن بسرعه وبتحجلين والبجايم خليهن حق عقب..
يوم بيكمل ثلاث شهور ان شالله..
(حطي في بالج هدايا الملابس اللي بتوصلج)
كريم تبديل الحفاظ.. سودو كريم Sudo Cream
دلاغات.. لأنه الشتا على الأبواب.. قحفيه ولاّ هنتين
صابون للسبوح.. انا اسبح عيالي بسيباميد ببل باث والشامبو ماله بعد
مناديل مبلله وأكيد بامبرز
زيت بيبي جونسون حق عقب السبوح
قطن الأذن
أبّات عشان يوم يرجّع ما يخيس ثيابه

حق السر:
قطن المدور.. بتحصلينه في الجمعيه و surjecal spirit
أو مثل ما يسمونه عندنا سبرتو.. بتحصلينه في الصيدليه..
وحق الختانه .. ماشي أحسن عن زيت الزيتون.. ويوم بتين تبدليله البامبرز
نظفيه وخلصي وقبل لا تلبسينه خذي قطنه وغطيها في السبرتو وعصريها على
السر وانتي تضغطين عليه.. وعقب هاتي قطنه ثانيه وغطيها في زيت الزيتون
وعصريها على مكان الختانه.. عشرة أيام بالكثير وبيطيح السر.. وحلقة الختانه


آخ يا شمعه تعبتيني..
لي عوده اذا تذكرت شي ثاني

[شمـــ وفا ـــعة]

يزاج الله خير يا أم أسومه.. والله يخليلج أسومه واخوانها..

بالنسبة للأشيا اللي أنا ماخذتنها..

- قماطات خذت منهم 7
- أبّات ماخذه بهبل هذا غير اللي أميه تاخذلي إياه كل ما تطلع!!
- أوفرولات نيوبورن 3 قطع ، 0-3 شهور 3 قطع، 3-6 شهور 3 قطع
- فوانيل بنفس الأحجام ونفس الكمية
- قمصان من هذيل اللي فيهم ربطات عشان يكون يهل التبديل حق أول أيامه بس
- لفتين غلاظ شوي مثل اللحاف
- دلغان وقحافي وقفازات
- أبوه ماخذله مليون لعبه ومن الحين حاطله زحلاقية وميرحانة في الحجرة عندنا!!
- مقص أظافر
- ميزان حرارة
- مشط أطفال (بروش)
- 3 فوط
- أبوه ماخذله أوفرول عليه صور كوالا من ليدي بيرد أونه حق العيد لأني بربي قبل العيد!!
- صابون احنا نستعمل ماستيلا حق الأطفال أو بيجون السائل وأنا ماخذتنهم الثنين وماخذه شامبو بيجون بعد
- قطن وبامبرز وكلينكس مبلل وهالخرابيط مال الجمعية
- حفاظات الصدر عشان الحليب ما يسرب

تقريبًا هاي كل الأشياء اللي اشتريتها لين الحين..
طبعًا بعدني ما خلصت لأني ما اشتريتله شبرية ولا لحاف وستاير وماخذتله دوشك عشان يوم أطلعه..
إذا تذكرت شي بعد بخبرج الغالية..

بوسيلي أسومة..

[01]

إذا هي اللي في الصورة بيوزها ولدي إذا ياني ولد!!

[/01]

[شمـــ وفا ـــعة]

[08]

صداوي الغالية..
الله يسلمج..
طلتج نورت الموضوع!!

[/08]

[واثقة الخطى]

ام اسما كفت ووفت
بس ابا ازيد عليها خذيلها طش حق السبوووح
شنطه حق اغراض البيبي
مراضع المنز وتوابعه
حاولي تاخذين كله غليظ وو اكبر عن الياهل بسوي لانه اول الايام بيكون السر مش طايح ف ما بترومين ازرين عليه
وعن القماط وقايات البيت تفي بالغرض زري قماطه
الحفاظ بعد خذي شوي اكبر
فودر جونسون
حقج فوط صحيح ( كوتكس):1 (45):
ووووووووووووووو برد اذا ذكرت شئ
الله يسر عليج يارب
شمعه حب يوم بتانسين بويه الربا لا تسيرين الدختر بسرعه
واتعصري شرا ما يكون بطن يابس ( اسمحيلي يمكن اتعمق وايد ) بس لانه الربا يباله سابق انذار
ولا تزاعجين لانه يرفع الياهل
ولا تاخذين ديب برث لانه النيرس بتقولج خذي ديب برث هذا ياخر الربا لانه يرفع الياهل ما بنزله
الله يهون عليج وانشاء الله اتقر عيونكم بالمولوووووود