خلاص بتجنن من الخدم تعبت نفسيا وجسديا نوروني الله ينور عليكم

[كركر]

السلام عليكم بنات
تعبت انا وريلي من الخدامات اللي ما توفقن ولا فوحدة أبدا ثاني وحدة 10شهور وبعدها وحدة شهرين ووحدة 5 شهور وهذيلا إندونيسيات ووحدة شردت والباقي يتمن شهر او أسبوع ويرجعن المكتب جربت سيلانية لسانها طويل وتمت شهر جربت الأثيوبيات الله لا يوريكن ثنين أسبوع ووحدة كملت شهر واستلمت الراتب وشردت ووحدة يومين ومدلعه ما ابغي اغسل الزولية وعندي حساسية من المنظفات ويبت اندونيسية قبلها تمت شهر واستلمت الراتب وطرشته وكنت أكلمها ومثلت انها يغما عليها وشلت أغراضها ورجعتها المكتب تعبت انا وريلي يراكض جهد وتعب وخسارة فلوس وطباعة أوراق وفحص ولف المكاتب شو أسوي تميت فترة بدون حد. واعتمدت علا نفسي وبالساعات بس خسر وتعب لأَنِّي عندي الركب والظهر تعبانة وعندي يهال 2 وبيتي فابوظبي 3 طوابق بالويكند عند الأهل عندي بيت بعد يحتاج ترتيب وتنظيف بس قبل كان عندي شقة صغيرة وملحق عند الأهل بس محد مشا وياي
شوروا علي بمكتب زين الله يخليكن او حل من تجاربكن خسرنا يمكن حوالي 40 الف غير جهد ريلي وجهدي بالتعليم والتدريب وادعولي الله يخليكم الله ايسر أموري

المزيد من آخر المواضيع من نفس القسم:

• طلبات تمريض وعماله منزلية
• طريقة تدريب الخادمة على الطبخ
• كيفية السيطرة على غضب الخدمات
• نصائح لتعليم الاطفال كيفية التعامل مع الخدم
• للي محتاجة خدامة
• إتيكيت وفن التعامل مع خادمة المنزل ‏
• خادمة اثيوبية ممتازة جدا للتنازل
• نصائح للتعامل مع الخادمة
• دريول الموظفات وسيدات الأعمال مميز
• افضل طرق التعامل مع غضب الخادمات

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[المعآني]

صلي استخارة قبل لاتيبينهن

[أم عيالها]

الله يعينج اختي

[وجدان الفجر]

اختي ,صلي استخارة قبل ما تيبي أي شغالة , بعدها يوم بتيج الشغالة , خبريها كل اللي تبيه منها بالضبط في المكتب , وخذيها بيتج وأسأليها شوفي ,تقدري على الشغل وتبي تشتغلي معاي ولا لا ؟ وعطيها فرصة تفكر اسبوع ترد عليج , لو قالت لا ,أو البيت كبير ولا تعذرت رجعيها المكتب قبل لا تسوي لها أي شي , والمكتب ملزم يبدلها لج او يرجع فلوسج . لو وافقت , جربيها لمدة شهرين ولو مازينة رجعيها قبل ما تنتهي فترة الضمان يعني قبل الثلاث شهور . ولا تنسي أختي المعاملة الزينة وباللين ولا تكلفيها فوق طاقتها ,وقوانين البيت وشروطج لازم تعرفها من أول يوم تي عندج وحتى خبريها فيها في المكتب وشو تلبس ؟ استخدام الموبايل والنت ,وقت النوم ؟ الطلعات ,الخ. أما الجنسيات فيا أختي وكل جنسية فيها الزين والشين ,بيت أهلي جابوا مختلف الجنسيات , بس أحسن وحدة كانت في الشغل والتنظيف والتعامل كانت نيبالية ,مع أنها ما مسلمة , االحين عندهم هندية زينة في الشغل وبس شوي كسولة وتبا حد يأمر عليها علشان تسوي الشي . في بيت أهل زوجي خدم من جنسيات مختلفة ,بس أحسنهن أشوف الفلبينيات .سمعت انه قوانين مكاتب الخدم بتتغير وبتنزل قوانين يديدة لصالح الكفيل وإن شاء الله خير . الله يوفقج أختي .

[الرمضا]

ما بزيد على كلام الاخوات
كنت ماره بنفس حالتج مع الجنسية الفلبينيه
يمكن تسع خدامات يا انهن ما يكملن أو إنهن
ينكرن المعروف يوم تكمل مدتهن ويسون لنا مشكلة
لين ما قررت أغير الجنسية بشكل نهائي ،،. وأستخرت
ربي وتوكلت على الله ،، يبت هنديات صح اني تعبت
في تعليمهن بس ما في خيار ثاني عندي كون اني
عشت وتأذيت وايد من الفلبينيات والي يقولج إنهن أنظف
جنسيه ،،،، جذاااااب ،، لانه أغلب الي مرن عليه كان
لا تنظيف ولا أهتمام ،، وأي شي زايد في الطبخ
حتى لو قطعة ثوم ! يفرونها في الثلاجة ! أكل بايت
مال كم يوم يفرونه في الثلاجه ! ودايما يتشكون إنه
ماشي أغراض ويطلبون أشتري ! وانصدم عقبها إنه
كبتات الكبت فيها كل شي !

والخدامة مهما كان يبالها متابعة يمكن أغلب
الحريم موظفات والله يعينهن ،، ويمكن حتى
ما تلقى وقت ادش المطبخ واتابع أموره
لانه لو تابعت هني الخدامة بتخاف وبتكون
دائما نظيفه وتعرف إنه في حد وراها يتابع
ويشوف

مابدافع عن جنسية مقابل جنسية ثانيه
لكن كوني دائماً على ثقه إنه الخدامة الي رادينها
معناها ماكان عندها الصبر إنه تكمل مع كفيلها
خصوصا لو كانوا عائلة زينه ومب مقصرين وياها
الاغلب منهن يايات شبعانات ،، وهذي النوعية
ما يطولون وايد ،،، بالنسبة لي أنصحج قبل
لا تيبين تصلين إستخارة وعقبها سيري المكتب
واذا حابه أعطيج أسم مكتب عندهم هنديات
يداد موجودات عندهم بفيزا زيارة
والاغلب من مدن فقيرة
مب بطرانات يعني يبون الشغل
في إمارة عجمان راسليني على الخاص ،، الله يوفقج
ويسخر لج خدامة زينه ومطيعه يعطيج خيرها
ويكف عنج شرها ،،.

[ام ريمات]

ما بزيد على كلام الاخوات
كنت ماره بنفس حالتج مع الجنسية الفلبينيه
يمكن تسع خدامات يا انهن ما يكملن أو إنهن
ينكرن المعروف يوم تكمل مدتهن ويسون لنا مشكلة
لين ما قررت أغير الجنسية بشكل نهائي ،،. وأستخرت
ربي وتوكلت على الله ،، يبت هنديات صح اني تعبت
في تعليمهن بس ما في خيار ثاني عندي كون اني
عشت وتأذيت وايد من الفلبينيات والي يقولج إنهن أنظف
جنسيه ،،،، جذاااااب ،، لانه أغلب الي مرن عليه كان
لا تنظيف ولا أهتمام ،، وأي شي زايد في الطبخ
حتى لو قطعة ثوم ! يفرونها في الثلاجة ! أكل بايت
مال كم يوم يفرونه في الثلاجه ! ودايما يتشكون إنه
ماشي أغراض ويطلبون أشتري ! وانصدم عقبها إنه
كبتات الكبت فيها كل شي !

والخدامة مهما كان يبالها متابعة يمكن أغلب
الحريم موظفات والله يعينهن ،، ويمكن حتى
ما تلقى وقت ادش المطبخ واتابع أموره
لانه لو تابعت هني الخدامة بتخاف وبتكون
دائما نظيفه وتعرف إنه في حد وراها يتابع
ويشوف

مابدافع عن جنسية مقابل جنسية ثانيه
لكن كوني دائماً على ثقه إنه الخدامة الي رادينها
معناها ماكان عندها الصبر إنه تكمل مع كفيلها
خصوصا لو كانوا عائلة زينه ومب مقصرين وياها
الاغلب منهن يايات شبعانات ،، وهذي النوعية
ما يطولون وايد ،،، بالنسبة لي أنصحج قبل
لا تيبين تصلين إستخارة وعقبها سيري المكتب
واذا حابه أعطيج أسم مكتب عندهم هنديات
يداد موجودات عندهم بفيزا زيارة
والاغلب من مدن فقيرة
مب بطرانات يعني يبون الشغل
في إمارة عجمان راسليني على الخاص ،، الله يوفقج
ويسخر لج خدامة زينه ومطيعه يعطيج خيرها
ويكف عنج شرها ،،.

ممكن ترسيلي اسم المكتب ورقمهم؟

[الرمضا]

ارسلته لج أم ريمات

[~شوق~]

الله يعينج ويفرجها ..
لو تجربين خدم بالساعات

[قيثارة إماراتي]

الله يعينج غاليتي

[mrs.abk]

أنا على في فترة زواجي كلها يبت حوالي 15 خدامة .. وفي فترة شهرين بس قبل لا أربي يبت 11 خدامات غير الاوليات !! تتخيلين ..

1- فلبينية .. كانت زينة وعقب تعرفت على بشاكير الجيران وعلى مال التوصيل وكنسلتها..
2- اندونيسية تمت 4 أيام ما تغسل قلاص بدون لا أطلب منها ما قدرت
3- أندونيسية تمت 4 أيام علمتها تستعمل الغسالة الاوتوماتيك من أول يوم ولين رابع يوم ما غسلت وعقت الثياب اللي علمتها عليهم في السلة وما علقتهم في الحبل أصلا ,
5- أندونيسية عيوووز ما تبدل ثيابها اسبوع وتبا تنام تعبانة .. قعدت شهر ويبت معاها فلبينية وعقب رديتها ما تحملت
6- الفلبينية اللي يات قعدت سنتين كانت طيبة وخلوقة وحنونة على بنتي بس كانت تتضايق من شخص في العايلة
7- أندونيسية يات 3 شهور كانت من أحسن ما يمكن عقب كشفتها تتواصل مع وحدة تقول لها علوم بيتي وطلعتها
8- هندية يات اسبوعين وتمت تطبخ للدريول وتقدسه لأنه هندي وتطنشنا نحن
9- أندونيسية عينها حارة أي شيء تنطق عنه تحطم وما تعرف تطبخ الا فطاير وكبسة
10-سيلانية تعبتني لين تتعلم الطبخ وبمجرد ما مرضت وكنت صعب اتحرك أهملت وخاس بيتي صراصير ..
12- أثيوبية كانت ما تبا تتعلم شيئ بس تنظف وتغسل وبس وتبا بس تلعب بالفون وعقب عرفت انها تروح للدريول غرفته
13-أثيوبية ثانية سوت نفسها ما تفهم أي شيئ في الحياة أسبوع وطلعتها
14- سيلانية خبرة الكويت طول الوقت تقول في الكويت العشا من برا وفي الكويت الريوق كورن فليكس وأنا ما أبا أركب دري وأنا ما أبا أغسل ثياب
15-أندونيسية كانت أفضل وحدة يبتها في الشغل بس كانت كل يوم المغرب تبوز وتصيح إنها تبا أمها شهرين وما تحملت الكآبة وطلعتها
,,,,,,,,,,,,,,,,,,,,,,,,,,,,,,,,, هنية بدت فترة الشهرين ,,,,,,,,,,,,,,,,,,,,,,,,,,,,,,,,,,,,

1- أندونيسية بعد يومين لبست ثوب مفتوح للركبة وقامت تحوس في البيت
2- أندونيسية وصلت 10 بالليل والصبح الساعة 8 قالت أنا أبروح المكتب
3-فلبينية يات وبعد يومين قالت لها بنتي انتي موب حلوة جان تبوز وتقول أبا أروح المكتب
4- هندية يات وقالت قالو لي بشتغل في دبي وما أبا أشتغل هنيه ابا دبي
5- اندونيسية رتبت معاها المطبخ وقلت لها لا تفتحين وحدة من العلب وفتحتها سألتها ليش صارخت علي وطولت لسانها
6- فلبينية على أساس طباخة عقت الدياية بثلجها في ماي حار على النار أونه بتسلقها!
7- أندونيسية أخلاقها زينة وشغلها نص نص وطبخها عادي خليتها عندي للحين بس لأني كنت حامل يومها.
8- أندونيسية يبتها على أساس تطبخ وأخلي رقم 7 تمسك اليهال تضاربت مع الشغالة ومدت ايدها
9- هندية عيوووز مسكينة وما تعرف تطبخ الا برياني وما تبا تغسل ولا تكوي ولا شيء
10- أندونيسية عيوووووز وما تعرف أي شيء قلت لها ودي الشنطة السيارة ودتها الزبالة ووصخة يومين ما غسلت المواعين
11 - هندية يات نفس اليوم اللي ياني الطلق ورحت المستشفى ثاني يوم قامت تصيح أونه بروحي في البيت وما أبا وردوها المكتب ويوم رجعت من الدختر لقيتها سارقة 10 آلاف وكلمنا المكتب قالوا سوت مشكلة وبغت تنتحر وسفرناها!
,,,,,,,,,,,,,,,,,,,,,,,,,,,,,,,,,,,,,,,,,,,,,, حاليا,,,,,,,,,,,,,,,,,,,,,,,,,

رقم 7 مازالت موجودة
فلبينية ناني لليهال زينة ومرتاحة معاها
يبت هندية للطبخ لو طلعت زوينة رقم 7 بوديها لأم ريلي ..


وهذي معاناتي مع الخدم .. كتبتها بشكل مختصر أكثر شيء

[كركر]

يا بناااات الله يخليكم شوروا علي تعبت منو مر عليه نفس حالتي جربت الاثيوبيات والإندونيسيات والفلبينيات محد طايع يتم يكملن أسبوع او عشرة ايّام وخلاص ما نبغي

[تفاحتي]

غريبه
جيبي ثنتين يمكن بيتج كبير

[كركر]

مشكورات حبيباتي
انا انسانة عندي الركب والظهر وعندي يهال اثنين بنتي الروضة وولدي الحضانة الله يحفظهم انا أقوم ابهم من تبديل وتاكيل واهتمام الطبخ اطبخ اذا قدرت بس وضعي الصحي فاغلب الأحيان من برع او طبخ خفيف لليهال ما يسمح الله يهديه ريلي اصر انتقل من الشقة لبيت أكبركم حوالي سنه وشي بس كان لازم يطلع خلاص فقعدنا ندور وما حصلنا غير هالبيت 3 ادوار ماكان عاجبني ابدا لأني ما اقدر علا الدري وحالتي تبهدلت اكثر صالة ومطبخ وحمام صغير وايد تحت وفيه حوش صغير وايد برع
الطابق الثاني الغرف غرفتي مع حمامها وغرفة اليهال فيها ألعابهم وملابسهم ومطبخ تحضيري صغيراستخدمه لتحضير اشيا خفيفة لأني ما اقدر انزل تحت للمطبخ وحمام وغرفة استخدمها للكوي وصالة صغيرة والطابق الثالث فيه غرفة الشغالة والغسيل بحمام وغرفتين مسوتنهن مستودع للاغراض الزائدة وسطح لنشر الغسيل وهالبيت نفسه بالضبط جيرانا عندهم نفسه واللي جنبه نفسه بعد وهم عندهم شغالة وحدة بعد
نحن نروح فالويكند عند الأهل 3 ساعات بالسيارة بس مش كل أسبوع وفالاجازات وهناك عندي بيت بروحي صغير وارضي بس
بس الشغاله عليها تنظيف الحمامات وغسيل الملابس والكوي والمطبخ ومرة بالأسبوع او بالأسبوعين الثلاجات والدرايش واذا وإدراج المطبخ والكبت عندها وقت تقطع معي بالمطبخ بس واذا كنت مشغولة او بدخل أصلي وأحيانا اخليهم بروحي بس عشان ما أقاطعها عن شغلها ممكن اطلب منها تساعدني علا اليهال شوي بس مال ربع ساعه او اقل ولا اخذها الجمعية ولا المستشفا ولا مول واتبهدل بروحي وأتعب انا وريلي من اليهال لانه كله ما يخلصن والشغل بيتراكم انا مستغربة
كيف ساعدوني انا اشوف الناس عندهم شغالة وتنظف واطبخ وكل شي بس انا بس للتنظيف ومب مخلصات وبعدين ما نبغي هل إنتوا ما تنظفوا الثلاجات ولا الأرضيات ولا الطاولات
لغيت غسيل العبي اوديهن الدوبي ريلي يودي ملابسه الدوبي بس الداخلية والمفارش الكبيرة بالدوبي الزوالي بمكانهم اذا فيهن بقع او كل منجب او الدوبي ملابسي بروحهم واليهال بروحهم منفصلين بصابون خاص بعض الملابس بالايد عندي غسالة عادية وغسالة اتوماتيك عادي يستخدموا الثنتين بس ملابسهن ممنوع بالغساله ما أحب لغينا غسيل السيارات ما نشرب شاي ولا قهوة ولا احد يزورني بالبيت ولا حلويات ولا طبخ يمكن مرتين بالأسبوع اطبخ غدا فالويكند كله عند الأهل او من برع ريوق اليومي الجاهز كورنفلكس اوتوست حتا ريلي ما يتريق وانا اكلي اي شي بروحي سريع ما اطلب منهن حتا كوب شاي
فيدوني الله يخليكم تعرفوا داخل رمضان وكل اللي جبتهم اخر شي اغلبهم موجودات بالمكتب زيارة من وين مكتب ثقة فبوظبي او عجمان او الفجيرة وفيه امتيازات ضد الهروب وضمانه 3 شهور او اكثر وسعره زين

[كركر]

وينكم بنات