اهله والعين والحسد

[مشكلتي]

السلام عليكم بدخل فالموضوع على طول
انا مالكه من 9 اشهر من اخو ربيعتي وتحدد العرس بعد 5 شهور وان شاءالله بسكن ويا اهله
مشكلة اهله انهم يخافون من العين والحسد بدرجه فضيعععععععععه لدرجة ان لو حد انجرح او طاح بيقولون عين وحسد وشي مره كانو بيسافرون وقالو لخطيبي ان مايخبرني بالدوله الي سايرينها وقالوله يقولي انهم سايرين يعتمرون ، هو مايخش عني شي لكن اهله يجبرونه واخر مره ريلي سوا عمليه وماخبروني وعرفت السبب انه العمليه كلفت وايد وخافو من عيني لا احسده او شي !!!! ليومكم هذا مسويه روحي ماعرف قدام اهله وزعلت وايد يوم عرفت وواجهته
شرايكم احس ماعرف كيف بتعامل وياهم !

المزيد من آخر المواضيع من نفس القسم:

• كرهت حياتي
• مطلقة و اريد اعيش لحالي
• مشكلتي الفراغ
• مضغوطه وفقدت الامل
• تزوجت مريض نفسي
• مشكلة حالتي بعد الأمومة
• مشكلة تقدم لي خاطب وافد
• مشكله بنتي
• زوجي تعبني بالضرب كليوم💔
• أواجه زوجي بكذباته ولا اسكت

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[المراقبة العامة]

تمت الموافقة
الكلمة الطيبة صـــدقة

[أم حور26]

امممم يمكن اذا تزوجتي بيخبرونج كل شي

الله يعلم عااااااااااااد

[ماحد شراتي]

غريب!!! لكن لا تلومينهم اكيد مروا بوايد اشياء وصار عندهم مثل الفوبيا او الخوف ..بس ان شاءالله يتغيرون عقب

[Upscale touches]

في ناس وايدين صاروا كذا من كل شي يخافون ويقولوا عين ولا تخبري وحالة .
طنشي ولا تهتمي ابد خليهم على راحتهم وانتي خليكي عادية وهادية ولا كنك تعرفين شي لا تعوري راسك باشياء لا تق\م ولا تاخر
واكيد يوم تعيشين معاهم حتعرفين كل شي .

انتي عروس جهزي نفسك واهتمي بحالك
مستحيل تحصلي ناس كاملين شوفي الناحية الايجابية الي فيهم
والله يسهل عليج

[amira]

فيه ناس مريضة بالوسواس طنشي و لا تهتمي بامورهم و ان شاء الله يكتب لك السعادة يوم تتزوجين موفقه حبيبتي الله معك

[mouzan7mod]

طنشيهم و حتى لو شو ما يستوي ، خلي عمرج عادية
حياتج بتكون مع ريلج و بس ، و أهله دامهم يخافون من الحسد معناتها فيهم عقدة من الحسد

[احلى بعفويتي]

حبيبتي لا تعيشين وياهم هايله بيلعوزونج لو انكسر القلاص بيقولون من عيونج


مدام يسافرون ويطلعون ويسون عمليات في الخاص اتوقع مادية ريلج ممتازة
خليه ياجرلج برع .. شقه بيت اي شي المهم سكن خارجي

عيزت وانا انصح المقبلاتعلى زوااااااااااااااااااااااااااااااج السكن المنفصل اهم من الكوشه ومن شهر العسل بعد
لان السكن معاهل الزوج يجبرج تتعاملين بطريقه يمكن ما تريحج لمده سنين وسنين