نفس الحركه تتكرر من كل خدامه تجيني ابي افهم ليش !؟

[فلاورز]

انا عندي 5 اطفال الله يحفظهم اكبرهم 13 وأصغرهم سنه
وعندي خدامتين فلبينيات
وحده مسلمه وحده مسيحيه
المسيحيه اول مره تشتغل وزينه ماعليها خليتها حق العيال لأَنِّي أداوم وحق ولدي احتياجات خاصه تروح معه المركز ومرافقه له وهي الظاهر لي انها طيبه
الثانيه المسلمه تركت لها شغل البيت لكن فيها كسل وبطئ مو طبيعي ادخلها غرفه تنظفها تجلس فيها بالساعات وإذا طبيت عليها فجأة القاها جالسه ع الكرسي ماتشتغل بس تقطع الوقت
الغريب ان هذا نظام كل شغاله تجيني الكسل البطئ توهمني انها تشتغل لكن في الحقيقة لا
اخليها تدخل غرفتها الساعة 11 اطلب منها تقوم 7 او 8 عندها 3 حمامات و3 غرف وصاله صغيره نقعد فيها
يوم أقوم الساعة 11 او 12 القاها ماخلصت !
يعني 3 ساعات ماتكفي حق التنظيف !!
طبعا لانها ماخلصت شغل ف ينلغي اي تنظيف عميق مثل تنظيف دولاب ملابس او تنظيف مستودع او حتى الغسيل و الكوي يقعد عندها أسبوع

طبعا هذا نظام كل خدامه تجيني والله تعبت نفسيا ما ادري وين الخلل يعني مو معقول كل الخدم الي جوني يمشون على نفس السستم

وفي نفس الوقت شغل البيت مو كثير عندي

ساعدوني يا خواتي مالي الا الله ثم أنتم وش الغلط في نظام بيتي
كل وحده تقول لي شنو نظامها ابي اعرف وين الخلل عندي

المزيد من آخر المواضيع من نفس القسم:

• نصائح لتعليم الاطفال كيفية التعامل مع الخدم
• للي محتاجة خدامة
• إتيكيت وفن التعامل مع خادمة المنزل ‏
• خادمة اثيوبية ممتازة جدا للتنازل
• نصائح للتعامل مع الخادمة
• دريول الموظفات وسيدات الأعمال مميز
• افضل طرق التعامل مع غضب الخادمات
• شورايكم بمركز تدبير
• خادمة فلبينية للتنازل
• نصائح هامة ومفيدة عند استقدام الخادمة

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[[..دانــة..]]

نوعية الشغاله، شي منهن هذي طريقتها وهي تكون مقتنعة أنها تتحرك بسرعة
بس سويلها جدول بالغرف وكم ساعه كل غرفة تاخذ منها ورتبي معاها مواعيد للتنظيف العميق
.
.
بجوف خبرات البنات شوه يقولون لج

[عذآب المزآين]

مم حبيبتي يمكن لانها فلبينيه
الاغلبيه فلبينيات حق الاطفال او دريوليات مب حق شغل البيت
حق شغل البيت اندونيسيه بنقاليه هنديه نيباليه اثيوبيا

[ام نهييان]

اتوقع جي بعد الفلبينيات مش حق تنظيف ابدن ما ينفعن

انا عني عندي اندونيسيه وولدين وشقه ب 3 غرف وصاله وغرفة طعام وميلس
من تنش تنظف الارضيه وتغسل الملابس واذا اليهال واعين تغسلهم وتبدل ملابسهم وتريقهم و الظهر تطبخ الغدا والعصر تكوي الملابس و بالليل تسوي العشا

انا عن التنظيف العميق قلتلها اختاري يوم ف الاسبوع ونظفي الكبتات والثلاجات والحمدلله مريحتني وايد اول تجربه لي مع الخدم والحمدلله الله لايغير علينا

وبخصوص مواعيد النوم متى ما خلصت شغل ورقدو اليهال رقدت وتنش الساعه 7 او 8

[حياتي توأمي]

اختي اسمحيلي اقولج ان نظام ساعات نوم الشغالة غلط

انتي تقولين تقومين عالساعه 11 او 12 يعني جريب الظهر وهي بعدها ماخلصت شغلها والسبب انها تقوم قبلج بس ب3 ساعات

اختي بما انج تقومين عالساعه 11

المفروض هي تقوم عالساعه 6 عودي الخدم على هالنظام بس شرط انها تكون راقدة فليل من وقت

يعني تنام عالساعة 11 فليل اكيد مابتقوم الصبح نشيطة !!

انا عن نفسي أخليهم يرقدون من 8 او بالكثير 9 فليل لأن أعشي عيالي من وقت وتشل الصحون تغسلها عقب اقول لها تكرمين تشل الزباله تفرها برع
وعقب خلاص مالي حايه فيها

يعني بالكثير 9 تكون رقدت فتقوم الصبح نشيطة عالساعه 6 , لأن يوم تفتح المدارس بتحتاجينها هالوقت ولازم الخدامة تتعود ع قومة الصبح من وقت سواء مدارس او لااا

اذا هي ترقد فليل من وقت يكون وااايد احسن

واذا قامت لج الصبح من وقت عالساعه 6 بتخلص شغلها وزيادة وتقومين انتي من رقادج تكون هي مخلصة

انا اشوف جي افضل
وانتي وراحتج اختي

[حياتي توأمي]

وفعلاً مثل ماقالوا الخوات الفلبينيات مو مال شغل زيادة

[ماما قصايد]

حق شغل البيت هاتي بنقالية .
وعن الجدول نفس الاخت حياتي توأمي من 9 خلاص المفروض فالغرفة وانا مفهمتها وافهم كل اللخد الي ايون اني مابيهم بالليل اهم الشي الصبح عندي ..واخليها تقوم 5 لانه وراي دوام ..فاخليها تخلص شغل البيت من وقت لين العيال يقومون تكون مريحة شوي وغدى وغيره ..واكون مسوية لها جدول مريح واطبعه والصقه لها فالمطبخة تشوفه ..يعني مثلا تنظيف غرف النوم مب كل يوم يوم و ترك اهم شي الترتيب لانه بالعادة نظيفة اللهم للرقاد ..اما الصالة وغرفة اللعاب والحمام الله يعزكم مال العيال يوميا
ومايخصني فيها تسهر ماتسهر كيفها المهم 9 مالي حاية فيها ارقد العيال ونرتاح ..

وبس ..
اما انج تخليها ترد لين 8 تو متش ...البركة والنشاط اول الصبح ..احسبي لها 7 ساعات نوم تكفي ان شالله

[mrs.abk]

بأمانة ولا حد يزعل مني .. ما ارتاح لشغل الخادمات المسلمات .. خاصة الفلبينيات .. نييب خدم من 30 سنة وما توفقنا بولا أي وحدة فلبينية مسلمة .. كلهم يتعبونا وبطيئات ورقاد ويبن معاش بدون شغل ..

المسيحيات شغولات أكثر وعندهم ضمير ..

[أم عيالها]

معروف الفلبينيات المسلمات موب نظاف

[Ward-uae]

كيف محطية ثنتين من نفس الجنسية ؟
هالشكل يبدون يفرقون في الشغل والراحه وغيره
شغلة اليهال ما يبالها خدامه 
عطي للي تمسك اليهال شغل الكوي وغسل الحمامات والثانية المطبخ وغسيل الملابس وثنيناتهم تنظيف الحوش
رتبي الشغل بين البشاكير ولا تفضلين وحده على الثانية

[shelovely]

السلام عليكم و رحمة الله و بركاته
انا اسفة على التدخل لاني اصلا مالي علاقة بالموضوع لاني ماعندي حد يساعدني بشغل البيت مع اني بشتغل الا زوجي احيانا لو رايق...
انا يمكن طرحي للموضوع راح يكون مختلف شوي
اولا انا رافضة لكلمة شغالة او خدامة انا بسميها مساعدة او متعلمة
لانها بتساعدك في البيت و بتتعلم منك
بس انتي ربة البيت في الاول و الاخر و المسؤولية الكبرى عليكي
انا كان عندي مساعدات قبل بس كنت باخدهم دوام جزئي و مرة في الاسبوع تعمل حملة نضافة شاملة... باقي الاسبوع انا لي بنضف على قدر المستطاع
بس لما هي تجي اول شيء بخليها تاكل و تشرب و اتاكد انها شبعانة قبل ما تبتدي شغل و كنت بعطيها استراحة تشرب شي او تاكل شي بسيط اذا شفت نشاطها قل... بس كنت بشترط عليها تجي الصبح بدي 6 او 7 اكثر تقدير...
شغلتها نضافة و بس و مع ذلك بضل فوق راسها بعلمها كيف تنضف و بساعدها لو حسيت انها مش قادرة تشيل شي... لانها جاية تساعدني ليش انا ما ساعدها و اخليها تتعب و بعدين تكرهني و ما تشتغل بضمير...
الشغلة الثانية الي انا برفضها رفضا قاطعا هي ان الشغالة تسوي اكل لزوجي او حتى ليا.... ممكن تساعد تنضف الخضار و الفاواكه و اي حاجة انا محتاجاها عشان الاكل بس تحت اشرافي و ما بشيل عيني من عليها عشان النضافة عندي من المقدسات بس انها هي الي تطبخ مستحيل زوجي ما بخليه ياكل اي شي من حد ثاني او من الشارع... و هو تعود على كده حتى اكلامه ما صار يشبعه...
المغزى اختي الكريمة مع كامل احترامي البيت بيتك و هي مساعدة لازم انتي تخلي بيتك مملكتك و تحافضي عليه و تصحي بدري و تشتغلي عشان ربي ينزلك البركة في بيتك و اولادك و تاخدي اجر... و مهما جبتي من شغالات و لا واحدة راح تشتغل بضمير مهما كانت حريصة على بيتك لانها مش راح تكون احرص منك...
يمكن كلامي البعض يعتبره جارح بس انا بتكلم عن تجربة و عن قناعة...
و الرسول صلى الله عليه و سلم يقول:" بورك لامتي في بكورها"
و مين ما سمع بقصة فاطمة عيها السلام لما طلبت من الرسول صلى الله عليه و سلم مساعدة تعينها على شغل البيت بس ما جاب لها بس علمها التسبيح .... و لنا في سول الله اسوة حسنة
اسفة على الاطالة و اعتذر لو غلط بشي ممكن تصححولي جزاكم الله خيرا

[imane2205]

3 حمامات و 3 غرف يلزم اكثر من 3 ساعات الصراحة خصوصا انك عندك عيال

[قيثارة إماراتي]

السلام عليكم
اختي خليج انتي لي تقسمي لها شغل بيتج احسن لج و تسوي لها برنامج تنظيف حق كل اسبوع مثلا، و تنظمي وقت الاكل و التنظيف و النوم و كل شيء راح تلاقي فيه راحتج اكيد