حامل باول حمل لي و على ويه طلاق

[Noura93]

السلام عليكم خواتي كيف الحال ..

ماعرف كيف ابدا موضوعي .. لانه ما بتصدقون انا سجلت ف المنتدى عسب اتفاعل و اشارك في قسم الحوامل

و سبحان الله ربي قدر اني اكون هني .. و الحمدلله

عمري 23 و متزوجة من سنتين و نص تقريبا و حامل الحمدلله باول ياهل ..

اكتشفت انه ريلي على علاقة بوحدة و هاذي مب اول مرة امسكه .. بس المرة هاي غير .. المرة هاي ريلي ما يشوف نفسه غلطان و لا يبغي يتغير و لا يبغي يودرها .. و على قولته شاري سعادته معاها !!! و الحرمة اكبر مني و منه بعشر سنوات و مطلقة و عندها عيال ..

و زوجي مصر يتزوجها ..

عموماً الموضوع بدا من اول حملي و انا قريب بدخل السابع .. و ما خليت شي و ما جربته عل و عسى يرجع لصوابه بس في النهاية لقيت انه الطلاق انسب حل بعد استخارة و استشارات مع كذا استشاري و استشارية ..

للحين انا في بداية الموضوع و بعدني على ذمته .. بس خلاص اتخذت قراري .. الكل حاول معاه و كلمناه ماشي فايدة و حاليا صارلي قريب شهر قاعدة ف بيت اهلي و كل واحد فينا في صوب لانه ما توصلنا لحل يناسب الطرفين .. و هو ما يبغي يكلمني و معاند .. و حتى اهله محد فيهم سال عني و لا عن صحتي و لا حتى اتصلو يحاولون يحلون الموضوع .. لم خبرتهم قالو سيري المحكمة نحن ما يخصنا ادخلينا ف مشاكلكم .. 💔

خواتي ابغي اسمع من تجاربكم .. كيف بتكون حياتي .. ابغي اهيء نفسي لني للحين في صدمة عاطفية و مب مستوعبة انه ريلي ما يباني .. و اقول انا شكلي احلم😭

الموضوع وايد اثر على نفسيتي و على حملي و اهلي كلهم يعانون معاي بسبته ..
😢😢😢
امي تقعد تصيح تقول حرام بنتي بعدها صغيرة خاصة اني البجر و الوحيدة معرسة ف بيتنا .. و ابوي يقول انا اتعمد اطلع من البيت عشان ما تشوفون دموعي

والله الضيق ماكلني اكل .. كل ليلة اصلي و ادعي و اصيح و انا مقهورة على حالي .. بيتي تدمر بسبة وحدة ما خافت الله .. ماعرف كيف بتكون حياتي عقب ..؟ في امل اني اتزوج من اول بعد الطلاق ؟؟ في امل اعيش حياتي مستقرة من اول و يديد ؟؟ و الياهل كيف بتكون حياته ،؟؟؟

كل الي اعرفه اني بتخرج ان شاء الله و بداوم ما باقيلي غير كورس .. بس بعدني مطعونة و مقهورة و مكسورة لانه كل شي صار فجأة و ريلي السبب في اني اقرر هالقرار و اهلي كلهم معاي و قالو مستحيل نوافق انج تردين له ..

محتاجة انكم ترفعون معنوياتي اي كلمة ممكن تخفف عني لاني في حالة الله يعلم ابها .. و كل يوم صياح و كل يوم هالموضوع نتكلم فيه .. حتى اخواني نفسيتهم تعبت معنهم صغار .. اختفت الضحكة من بيتنا .. ما قمنا نطلع نفس قبل ..

طولت عليكم بس لاني مخنوقة و محتاجة نصايحكم

المزيد من آخر المواضيع من نفس القسم:

• اهم النصائح التى تساعد المطلقة على إعادة...
• نصائح هامه للفتيات المتاخرات عن الزواج
• نصائح للمرأة المطلقة لتبدأ حياتها من جديد
• رسالة هامة إلى حاملة لقب مطلقة
• اهم نصائح لحل مشكلة المتأخرات عن الزواج
• نصائح هامة لكل مطلقة كوني منطلقة لا مقيدة
• الزواج الثاني للمطلقة وطرق التعامل معه
• اجمل دعاء لتيسير الزواج
• نصائح ذهبية لكل متأخرة فى الزواج
• هل يمكن البدء من جديد بعد الطلاق

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[رسايل غلا]

يا حبيبتي ليش تسوين جذي في نفسج ليش تفكرين في شي ممكن يلته الياهل عقب ما تولدين بالسلامة ان شاء الله
هو مش اول واحد يخون ولا انتي اول وحدة تعيش هالشي، الجأي لرب العالمين والحل عنده هو، الاستشاريين بعضهم بياعين كلام للأسف بس يبا يفتك من الشرح والتفسير والحلول ف يقولج بما انه ريلج معاند ما لج إلا الطلاق، لا انا اقولج لا تستسلمين مهما قال ريلج صدقيني رب العالمين قادر يرده لصوابه ويبعد عنه هالحرمة اللي شاغلتنه
انتي خليج واثقة في رب العالمين وادعيه يصلح الحال، يمكن من تولدين ريلج ينشغل بالياهل ويرد عن اللي هو فيه، حتى لو اهلج رافضين بس ما فيه ام وأب يتمنون الضرر لبنتهم بالعكس كلامهم يكون عكس اللي ف قلوبهم
عموما الله يصلح حالج ويهدي ريلج.

[Noura93]

الموضوع اكبر من جي انا بسطته ... هو قايل لي انا ما اهتم فيج و لا افكر فيج و لا تهميني .. و قالي ابغيج تنسيني و تعتبرين نفسج ام و ابو الياهل و انا مب موجود .. انا متعلق فيها و اباها و ماقدر اعيش بدونها .. الله يسامحه بس وايد وايد اشيا صارت .. الحمدلله انا اعقل من اني ممكن اتخذ قرار مثل هذا بسرعة .. بس هالقرار بعد ما فشلت كل محاولاتي .. و مصيبته جذاب عوووود لدرجة عادي يحلف جذب .. ف كيف اعيش معاه في وساوس و خوف ..

[Ward-uae]

حبيبتي انتي عيني خير واستانسي بحمالج وسيري اشتري أغراض للياهل ولا تفكرين بالطلاق الحين
بخبرج معلومه الحرمه من تعرف انها حامل تحس بالمسؤولية لكن الريال لا ما يحس بالمسؤولية الا لما يشل الياهل بإيده فأنتي اصبري لين تولدين بالسلامه كلام الليل يمحوه النهار 
الشي الثاني مادام انتي على ذمته مب حلوه قاعده في بيت اهلج هالشكل خليه يي ويشلج عنده انتي هالشكل تعطيها مجال تاخذه عنج
تويعي او خبريه انج تبين ال ؟؟؟؟؟ لا تستحين خليه يي بيت اهلج وياخذج ويشوف الثقل ويحس بتعبج ويوديج تمشين وتشترين خليه يختار وياج الأغراض ويدفع لا تقولين انا بتحمل وغيره هو الاب وهو المسؤول عنج وعن الجنين
اهلج لا تعورين قلبهم خلهم يشوفون انه بنتهم قوية وقادره تتحمل مسؤولية نفسها وعن الحرمه اللي يبيها لا تييبن طاريها ابد خله هو زين انه صارحج ومادام انه يبي يتزوجها طنشيه صدقيني فتره وبيرد لج غير الحرمه الاولى غلاتها وحبه غير تفرق وانتي حاولي تشبعيه جنسيا لانه الحين عنده فراغ وهي يمكن مستغله هالشي ومن تولدين خليه يراكض ويسجل الياهل ويسهر وياج لا تقعدين بيت اهلج سيري عنده قوليله ما قادره انام وما اشوفك جدامي هو يمكن يبي وحده تحسسه انه ما تقدر تستغني عنه وهو الكل في الكل خليه يتحمل المسؤوليه وشوفي بعدين لو عرس عليج ما بيقدر يستغنى عنج وقومي الليل وصلي لج ركعتين شكر على نعمة الأهل والخوات والاخوان والصحة والزواج والحمل صدقيني البعض يلجأ لرب العالمين وقت الشدايد ووقت الفرح يتناسون يشكرونه على ابسط النعم وشوفي كيف حياتج بتتغير والله يقومج بالسلامة وتقر عينج بشوفة ضناج

[سماءالأفق]

حسبك الله ونعم الوكيل ربنا ينصرك نصر كبير ويندم علي تصرفه معك ,ربك موجود

[غلآ نفسي]

تريي بيشوف الياهل وبيعقل ان شاء الله

يمكن فتره دراستج لهيتي عنه وعقبها الحمل والوحام خلاه يتعلق في هاييج

طبعا هذا مب عذر

بس اقولج صبري لا تستعيلين لين تربين بالسلامه ويوم يشوف البيبي بيتغير صدقيني

احلا لحظه بتكون ان شاء الله

الله يقومج بالسلامه وخليج هاديه قد ما تقدرين لان الجنين يحس بأمه

بالتوفيق

[[..دانــة..]]

الله بينصرج ودعوة المظلوم مستجابة
ربي ينولج ع قد نيتج!

[غريبه دار]

يلسي ع فوادها لا تطلقي بعد حمال رجال يتغير يشوف حرمه بنظره غير

[عذآب المزآين]

الله يعيينج ع مصيبتج
والله حاسه فيج والقهر الي انتي فيه نفس للموضوع صار وياي ف حملي 2 انه خاني بس الحمدالله ماتعلق فيها بس الريايل طبعهم جي والقهر فترت الحمل ما تقدرين حتى تجذبينه
بس غلطتج طلعتي من البيت تعطينه فجه عشان يفضا لها ها ريلج انتييي لا تخلينها تاخذه بسهوله اكبر منج ومنه يعني انتي فيج ميزات تقدرين تجذبينه حتى لين عقب الولاده ها ضناه يمكن ييته تكون خير و نفسيتج تأثر ع البيبي (لا سمح الله )
ولو هو بايعنج واالله مابيطول فالرمسه ويقولج كلام يغث جان قال بطلقج من الاخير 😐
اكيد في نقاش يصير بينكم و يكرهه فيج
ردي بيتج وايلسي فيه وكله سويله طاف وادعي وقيم الليل والله واايد بتحسين بفرق
واستغلي وقت ولااادتج عند الطلق كله ادعي ي رب حنن قلبه علي ي رب حببه فيني وحببني في ي رب استودعك زوجي سمعه وبصره و قلبه والله سمعت وقت الطلق يقولج الدعاء مستجاب
يمكن تحسين وايد اشياء سويتيها عشان تكسبينه بس صدقيني ماسويتي الي فيه الكفايه انتي تحسين جي لانج حامل ف تحسين واايد سويتي

[Noura93]

حبيبتي انتي عيني خير واستانسي بحمالج وسيري اشتري أغراض للياهل ولا تفكرين بالطلاق الحين
بخبرج معلومه الحرمه من تعرف انها حامل تحس بالمسؤولية لكن الريال لا ما يحس بالمسؤولية الا لما يشل الياهل بإيده فأنتي اصبري لين تولدين بالسلامه كلام الليل يمحوه النهار 
الشي الثاني مادام انتي على ذمته مب حلوه قاعده في بيت اهلج هالشكل خليه يي ويشلج عنده انتي هالشكل تعطيها مجال تاخذه عنج
تويعي او خبريه انج تبين ال ؟؟؟؟؟ لا تستحين خليه يي بيت اهلج وياخذج ويشوف الثقل ويحس بتعبج ويوديج تمشين وتشترين خليه يختار وياج الأغراض ويدفع لا تقولين انا بتحمل وغيره هو الاب وهو المسؤول عنج وعن الجنين
اهلج لا تعورين قلبهم خلهم يشوفون انه بنتهم قوية وقادره تتحمل مسؤولية نفسها وعن الحرمه اللي يبيها لا تييبن طاريها ابد خله هو زين انه صارحج ومادام انه يبي يتزوجها طنشيه صدقيني فتره وبيرد لج غير الحرمه الاولى غلاتها وحبه غير تفرق وانتي حاولي تشبعيه جنسيا لانه الحين عنده فراغ وهي يمكن مستغله هالشي ومن تولدين خليه يراكض ويسجل الياهل ويسهر وياج لا تقعدين بيت اهلج سيري عنده قوليله ما قادره انام وما اشوفك جدامي هو يمكن يبي وحده تحسسه انه ما تقدر تستغني عنه وهو الكل في الكل خليه يتحمل المسؤوليه وشوفي بعدين لو عرس عليج ما بيقدر يستغنى عنج وقومي الليل وصلي لج ركعتين شكر على نعمة الأهل والخوات والاخوان والصحة والزواج والحمل صدقيني البعض يلجأ لرب العالمين وقت الشدايد ووقت الفرح يتناسون يشكرونه على ابسط النعم وشوفي كيف حياتج بتتغير والله يقومج بالسلامة وتقر عينج بشوفة ضناج

انا ما اطريها هو يقعد يتمدح فيها جدامي كأني اخته و يبغي يسولفلي عن حبيبته .. و انا مب مقصرة اعطيه متى ما بخاطره حتى عقب ما اكتشفت الموضوع .. بس هو اساسا ما يباني يقعد يجذب و يقول بناجل مب الليلة خليني اشتاق لج اكثر ..

الحمدلله انا بفضل الصلاة و القيام و الدعاء كل هالامور قاعدة تنكشف لي .. و لازلت مستمرة بنية اني اتقرب من ربي ..

لانه ريلي مستغني عني من زمان و لم قلت له برد البيت قالي خلج ف بيت اهلج ! ..

و الحين يباني ارد بس عشان يسكت امه .. مب عشاني .. يقولي يوم بتردين ما يخصج فيني بطلع ع كيفي .. و بدخل ع كيفي انتي عندج مفاتيح البيت متى ما تبين تسيرين بيت اهلج سيري ..

- - - Updated - - -

حسبك الله ونعم الوكيل ربنا ينصرك نصر كبير ويندم علي تصرفه معك ,ربك موجود

اللهم امييين

[Noura93]

تريي بيشوف الياهل وبيعقل ان شاء الله

يمكن فتره دراستج لهيتي عنه وعقبها الحمل والوحام خلاه يتعلق في هاييج

طبعا هذا مب عذر

بس اقولج صبري لا تستعيلين لين تربين بالسلامه ويوم يشوف البيبي بيتغير صدقيني

احلا لحظه بتكون ان شاء الله

الله يقومج بالسلامه وخليج هاديه قد ما تقدرين لان الجنين يحس بأمه

بالتوفيق

اللهم اميييين .. المشكلة اني خلاص ما عدت اثق فيه من كثر ما جذب علي .. فحتى لو رجع لي ماعرف كيف بصدقه .. سنتين و هو يجذب ف كل شي حتى ف اتفه الامور كيف اثق فيه

[Noura93]

الله بينصرج ودعوة المظلوم مستجابة
ربي ينولج ع قد نيتج!

ربي يسمع منج

يلسي ع فوادها لا تطلقي بعد حمال رجال يتغير يشوف حرمه بنظره غير

ياليييت والله بس هذا من الحين مب مهتم

الله يعيينج ع مصيبتج
والله حاسه فيج والقهر الي انتي فيه نفس للموضوع صار وياي ف حملي 2 انه خاني بس الحمدالله ماتعلق فيها بس الريايل طبعهم جي والقهر فترت الحمل ما تقدرين حتى تجذبينه
بس غلطتج طلعتي من البيت تعطينه فجه عشان يفضا لها ها ريلج انتييي لا تخلينها تاخذه بسهوله اكبر منج ومنه يعني انتي فيج ميزات تقدرين تجذبينه حتى لين عقب الولاده ها ضناه يمكن ييته تكون خير و نفسيتج تأثر ع البيبي (لا سمح الله )
ولو هو بايعنج واالله مابيطول فالرمسه ويقولج كلام يغث جان قال بطلقج من الاخير ��
اكيد في نقاش يصير بينكم و يكرهه فيج
ردي بيتج وايلسي فيه وكله سويله طاف وادعي وقيم الليل والله واايد بتحسين بفرق
واستغلي وقت ولااادتج عند الطلق كله ادعي ي رب حنن قلبه علي ي رب حببه فيني وحببني في ي رب استودعك زوجي سمعه وبصره و قلبه والله سمعت وقت الطلق يقولج الدعاء مستجاب
يمكن تحسين وايد اشياء سويتيها عشان تكسبينه بس صدقيني ماسويتي الي فيه الكفايه انتي تحسين جي لانج حامل ف تحسين واايد سويتي

ريلي من الاساس كان يطلع وياها من يوم انا عنده في البيت ، كان يطلع اي شغلة اي جذبة و انا مسكينة ما يطلعني يقولي باجر باجر .. يتهرب مني باي طريقة .. حتى لو قلت له خلاص اليوم لازم نطلع يقولي اوكي انتي سيري بيت اهلج بخلص كم شغلة و بنطلع .. و يسير وياها .. مواعيده في العيادة كلها كان يسير وياها و انا ما يخليني يقولي لا القسم كله ريايييل و يتعلث .. حتى حاول وياي اني افتح ملف ولادة فهالمستشفى عسب يتلاقى وياها ف كل مواعيدي ..

و هو ما طلقني عشان امه .. لانها مريضة و عادي تتعب زيادة لو طلقني .. ف جابر عمره علي .. و يحاول باي طريقة يكرهني فيييه .. والله اني حاولت اكثر من ٦ شهور .. و هو معاند ما يبغي يعطيني فرصة .. كل مرة يطلع فيني عيب .. و لم اعدله يطفر و يطلع شي ثاني .. لين اخر شي قالي انتي اصلا مافيج عيوب و مب ناقصنج شي ... بس انا اباها و انا احبها و انتي ما يخصج ..

[Ward-uae]

بكون وياج صريحه شكلج كنتي صاكه عليه تسأليه على الطالعة والنازلة ويمكن كنتي وايد تغارين ومقيدتنه وين ساير ووين ياي
مب لازم انج انتي مب مقصره وتلبين طلباته خلج جريئة وياه واطلبي حقج الشرعي لو قالج ما ابي انتي حرمه
هو لو طلع مرده لعندج لبيتكم وين بيسير سنتين أكيد تعرفين شو يحب مب شرط هدايا غالية يمكن يبي كلمة طيبه او وحده عاقلة وشخصيه رزينه مب لازم يكون عمرج كبير 
فيه فيديو لدكتور مب متذكره اسمه تكلم عن هالشي انه فيه رياييل كبار يدورون بنت صغيره يحب يعطي والبنت هنا تاخذ وفيه الريال يحب يعطي وياخذ والبنت نفس الشي وفيه الفئة الثالثه اللي الحرمه تكون كبيره وتعامل الريال كطفل وهذي أتوقع بحالة ريلج شكله مفتقد حنان امه ويدور وحده تعوضه وهذي اللي نشبت لح
انتي حاولي تكونين له كأم مثلا تهتمين بملابسه بأكله وبأغراضه ومن يكذب تعاملي معاه كطفل انج تعرفين انه يكذب لكن بطوفها لك على مزاجي هو مادام بيرجعج عنده حاولي تكسبيه

[Noura93]

خواتي حالياً التوجيه الاسري ماسكين موضوعي و بيكلمون ريلي ان شاء الله ..
هم بعد ما سمعو مني التفاصيل كلها .. شافوا انه قراري سليم .. لاني صبرت عليه سنتين ..

انا ما ذكرت لكم كل تفاصيل حياتي معاه .. مشكلتي اكبر من مشكلة خيانة .. الثقة انعدمت بيني و بين ريلي

قام هو يشك فيني .. و ينبش ف تيلفوناتي و يقولي ما بخليج تطلعين من البيت و لا تزورين اهلج ..

يعني قام يحاول يسيطر و يتحكم و يسلبني حقوقي معني الحمدلله كنت له نعم الزوجة و بنفسه كان يثني علي دوم و يشكر الله اني زوجته .. و دايماً يفتخر فيني .. بس ماعرف من وين تعرف على هالحرمة و دمرت بيتنا و حياتنا .. ما قام يضحك معاي نفس قبل و لا يبغي يقعد معاي من الاساس .. شكثر حاولت اتغير له بكل الطرق .. ما فاد شي

و لم لجأت لرب العالمين و قمت اقرا البقرة و اصلي القيام .. اكتشفت بموضوع خيانته .. و ما نبشت في حياته .. كل ما كثرت من الصلاة و القراية .. كان ينكشف لي اكثر و اكثر و الادلة اطيح فايدي و انا فمكاني لا تحركت و لا نبشت .. لدرجة انه حد من الاهل شايفنه وياها ..

الله اراد انه ينكشف و انا مؤمنة بقضاء ربي .. رغم صعوبة الموضوع ..


و كل الي اتمناه حالياً انه يكون طلاق ودي .. و بتفاهم .. مب عشاني عشان الياهل ما ينظلم مستقبلاً ..

[Noura93]

بكون وياج صريحه شكلج كنتي صاكه عليه تسأليه على الطالعة والنازلة ويمكن كنتي وايد تغارين ومقيدتنه وين ساير ووين ياي
مب لازم انج انتي مب مقصره وتلبين طلباته خلج جريئة وياه واطلبي حقج الشرعي لو قالج ما ابي انتي حرمه
هو لو طلع مرده لعندج لبيتكم وين بيسير سنتين أكيد تعرفين شو يحب مب شرط هدايا غالية يمكن يبي كلمة طيبه او وحده عاقلة وشخصيه رزينه مب لازم يكون عمرج كبير
فيه فيديو لدكتور مب متذكره اسمه تكلم عن هالشي انه فيه رياييل كبار يدورون بنت صغيره يحب يعطي والبنت هنا تاخذ وفيه الريال يحب يعطي وياخذ والبنت نفس الشي وفيه الفئة الثالثه اللي الحرمه تكون كبيره وتعامل الريال كطفل وهذي أتوقع بحالة ريلج شكله مفتقد حنان امه ويدور وحده تعوضه وهذي اللي نشبت لح
انتي حاولي تكونين له كأم مثلا تهتمين بملابسه بأكله وبأغراضه ومن يكذب تعاملي معاه كطفل انج تعرفين انه يكذب لكن بطوفها لك على مزاجي هو مادام بيرجعج عنده حاولي تكسبيه

الغالية بالعكس انا كنت على نياتي معاه و عاطتنه ثقة عميااااا .. اروح الجامعة و هو راد من الدوام ينام و انا متطمنة و واثقة ..
فجاة انصدم يقولي والله لم اكون بروحي اسوي كل هذا ..
هو من قبل يحب الشي الحرام و حاولت اني اغيره و الحمدلله تغير واايد .. بس رجع لعادته و رجع لتصرفاته ..

و مثل ما قلتي .. ريلي من النوع الي ياخذ و ما يعطي .. و الي خلاه يتمادى انه واثق كل الثقة اني بتم معاه ..
نفس الياهل يوم يغلط يعرف انه امه ما بتزعل عليه .. دايما علاقتنا كانت بهالطريقة .. ما كنت مرتاحة لاني ما قاعدة احصل شي منه بس بعد عاذرتنه..
و اقول ماعليه ريلي و حبيبي و بسوي كل شي لعيونه ..

حتى الحين قاعدة اقول انا الغلطانة انا ما انفع اكون زوجة انا الي محد يباني .. قاعدة احطم نفسي عشان اعذره ..

بس لم وصلت لهالمستوى .. هني قلت لا خلاص ستوب .. من بعد ما كنت انسانة طموحة وواثقة من نفسها .. دمرت نفسي من كثر ما يقولي فيج و فيج و انتي و انتي

اذا الشي بيأثر على مستقبلي و حياتي .. ما رح اسمح له يتمادى اكثر .. لانه خان الثقة و الاحترام الي عطيته .. ما احترم اني ما اتحكم فيه و لا انبش و لا حتى اساله عن طلعاته و دخلاته
و استغل طيبتي و براءتي .. و اني كل مرة اسامحه لم يخوني مع غيري ..