خجل العذارى

[نوس العروس]

هلا أخواتي ....
بغيت أعرف شو كانت ردة فعلج يوم قالولج فلان ياي يخطبج...
فرحانة؟؟؟خجولة؟؟؟قوية؟؟؟ملقوفه؟؟؟؟
حابين نسمع الآراء

المزيد من آخر المواضيع من نفس القسم:

• صور تورتة اعراس غاية الجمال والرقي
• خلطات طبيعية سريعة ومضمونة لتطويل شعر العروس
• طريقة عمل ماسك الموز للعناية بشعر العروس
• صور بدلات عريس انيقة وجميلة
• صور ديكورات اعراس شتوية ساحره
• صور ديكورات طاولات زفاف راقية لحفل زفاف انيق
• اجمل تصاميم كروت زواج انيقة وعصرية
• كيكات زواج انيقة ومميزة باللون الازرق
• اجمل اشكال كيكات زواج لاعراس موسم الشتاء
• تنسيقات طاولات زفاف بألوان مبهجة وعصرية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[cutyah.87]

حلووو الموضوع
انا بقوولج كيف كانت ردة فعلي
كنت يالسه وامي تطبخ وتسوي وتجهز وانا ماعرف شي
كل دقيقه اقوللهم شو السالفه بس مايسون لي سالفه
عقب امي قالتلي ناس ياين يخطبونج وجان استحيييييي وويهي استوى شرات الطماطه
بس ماستوا نصيب

[ولوف]

بخبرج اووووول مره

كان يايي عندنا خال امي اول ماراح

انا على طووووول ييت اركض عند امي واخوي

واخوي جي كان واقف جان اتعلق على جتفه واوايق له في ويهه واقوله غررريبه خال امي ياي بيتنا
ولا فليل بعد



جان يضحك قالي ياي يخطبج حق ولده شو قففففففففط ويهييييييييييييييييييييييي ههههههههه


بس طبعا انا ماكنت اباه



بس بخبركم عن هالمره اللي صار فيها نصيب


كان عمي ياي بيتنا " وطبعا صح هو عمي بس انا عشت بعيد عنهم يعني ماعرفهم الا بالاسم "
كنت مرررررررتبكه اركض من دريشه لين دريشه " درايش الغرف اللي يطلن على باب الحوش "
واقول حق امي " امييييييي عمي يا .. عمي يا "

واركض ابدل وانا ارررررررررررررتجف مب عارفه ليش ياني هالاحساسسسس
والله لدرجه اني اتجحل وايدي ترررررررجف شوي وبصب عيوني ههههههه والله القلم مال الجحال شوي اشخط في عيني شوي برع ههههههههههه



وماشي رحت سلمت على عمي والا عمي يشوفني ويضحك ويقولي ياي اخطبج حق ولدي
اوووووووف تعالوا دوروا ويهيييييييي حزتها احمررررررررر وقافطه شو اقول شو اسوي


تميت اقول فخاطري يالملقوفه سكري حلجج والله مارمت شاقتنه من لاذن لين الاذن هههههههههه

وعلى طول قلت له انا بنتك ياعمي وشوري عندك هههههههههههههههههههههه بنفس اللحظه واستانسسسسسسس عمي


الصراحه ماحبيت ارده لانه ريال كبير حرام وبعد لاني مستعيله ابا اعرس ههههههههههههههههههههههههههه
ومابا اطول السالفه



لاني كنت دوم اقول قبل مايخطبوني قوم عمييييييييييي.. اقول حق بنت خالي لو اي واحد من عيال عمي يخطبني
على طول بوافق هههههههه وصاار هالشي سبحان الله



بس انتوا ادعوا لي اتوووووووووووفق ياخواتي وانه الله يتمم لنا على خير



صح نحنا عيال عم بس مانعرف بعض موووول
ان شاءالله اموري تتيســـــــــــر




والله يوفق كل العزابيات وربي يرزقهن بالزوج الصالح

[بشاري]

انا بصراحه انخطبت بس لين الحين ماصار لي نصيب
اذكر اخر مره انخطبت فيها من شهرين تقريبا
كنت فالمطبخ يالسه اكل (كالعاده ) مااخووز من المطبخ
واشوووف اخووي ياي من المسيد عقب صلاة العشاء وزقر امي قاللها تعالي اباا ارمسج
ويوم شفتهم ساروا بعيد جان ازااعج وقووولهم ( هااااا شو عندكم ليكووون يايبيلي ريل ) ههههههههههه
كنت استهبل ماكنت ادري انه صدق ... لاني دوووم يوم اشوووف امي واخووي يصاصرووون ايلس اضحك واقوولهم شو يايبيلي ريل
المهم امي واخووي طنشووني وروحوا ... وانا خلصت اكلي وسرت عندهم الصاله وكانوا يالسين ابروووحهم يرمسووون عني
جان ايقوولولي تعالي ... عاد انا ماصدقت يييت ويلست ... جان ايقووولي اخوووي ( ياينج ريل )
يلست اضحك واطنز ... قالي انا اتكلم جد ويااج مااسووولف ... جان اقوووله مادري احسبك اتسووولف
جان يحلف ويقووولي مااسووولف واحد رمسني من اول ماظهرت من المسيد قالي انا ابااا اخطب اختك وهووو ملازم ورياال زين وايقووول شافج فالدوااام ...(لاني اشتغل الصبح وادرس العصر فالجامعه)
وانا غبيه بعد اضحك ... مادري شو ياني
جان اتقووولي امي نحنا بنسأل عن الريااال وانتي استخيري
جان ايلس اضحك وشاااقه الحلج واقووولهم لا لا انا مابا اعرس ... وانا من الصوووب الثاني مستانسه
بس مستحيه من اخووويه ... وسرت فووق ودخلت حجرتي وانا مستانسه ياني ريل هههههههه بعرس
وعقب مادري شو ياني تمييييت اصيح وعقب قلت مابا اعرس
مادري ليش اخاااف من العرس ... مع ان فخاااطري اعرس واييييب ولد واسميييه على اسم ابوووي الله يرحمه
بس كل ماانخطب اول شي استانس وعقب اتم اصيييح وارفض

[elsa7ra]

مشاء الله والله سوالفكم حلوه

يالله انا بقولكم خخخخخخخخ

كان على شهر 2 يالسه بغرفتيه ويالسه اشوف دي في دي بتهوفن المهم يتني الخدامه تقولي وااااااااااحد واااااااااااااااايد حلو هان سم على قولتها وعنده ابوه ههههههه انا ضحكت وقلتلها هذا ريلي واسولف واضحك وبعدها نزلت تحت اشوف امي واسألها من موجود ف قالتلي مالج خص وروحي فوق خخخخخ راغتني لان الغريبه لو اي ريال يريد ابويه ايه في الميلس الخارجي بس هذا وصل الين البيت ودخل داخل ميلس البيت المهم مادري ليش انقرص قلبي حسيت السالفه فيها شي خخخ المهم من لقافتي تميت فوق احرس الدريشه خخخخخ عشان اشوف من هذا يوم امي ما قالتلي وانا حسيت انه خال امي ومن نحاستي رحت الغرفه ما ادري شو اطلع منها ويوم رجعت ما لقيت السياره قد راحو المهم قالولي هذا واحد ياي ويسلم على ابوج طنشت السالفه بعدها سافرنا وبعد ما رجعت يتني امي وكلمتني قالتلي تعالي اباج في موضوع هههههههههههه انا قلت لا يكون انخطبت بس طبعا في خاطريه اقول ويلست ترمسني على الحريم ومقابلهن و الضيافه لان كانت هذيج الفتره ايونا حريم عشان رادين من السفر وانا اقول في خاطريه هذا الموضوع الحين ويالسه وحاطه ايدي على ثميه كنت مسانده راسي خخخخخخ المهم بعدها قالتلي ترا ولد خالي خطبج هههههههه من الفشله يلست اضحك اقووووولها شوووووووووو تقولي ولد خالي خطبج وقلتلها انتو شو رايكم قالت ريال والنعم منه ومادري شو المهم من هالكلام قلتلها لا يكوووووووووون هو إلا يا قبل لا نسافر قااااااااااااااالتلي هيه خخخخخ قلتلها والله حسيت بالسالفه خخخخ

وهذي قصتيه خخخخخ

وادعووووووووولي بالتوفيق في حياتي عرسي ماشي باقي عليه

[المصارعه]

انا الله يسلمكم كنت سايره ملجة اخوي
جافوني خوات مرت اخوي وعيبتهم *-^
خبرواخوهم انهم حصلولا عروس
وطبعا خبروا امي
وكنت انا يالسه اقرى ع الابتوب قصة رومنسيه
وامي تقول انه يو ناس يخطبون وجي
انا ماهتميت تحريتها ترمس عن حد يقربلنا يوم سئلتها امنو
قالت يخبلها عن منو ارمس من الصبح انتي(خخخخخخ)
استحيت بس بيني وبينكم(انا اول مادشيت بيتهم عشان نملج حق اخوي حسيت برااااااااااااااااااااحه اول
مره احسه في حياتي)
ويو نفس الاسبوع عشان يجوفني خخخ وطبعا عيبته بس كان ويهي طماطه
المهم الاسبوع الثاني ملجنا
يعني ملج اخوي بعد اسبوع انا ملجت
وعرست وألحين عندي بنت عمرها 7 شهور الله يخليها ويخليه؟؟؟

[العيون السوود]

انا بعد بقولكن كيف شعوري يوم خطبوني وكيف؟
فرحت لان اي وحدة بتفرح تلبس فستان عرس ويسووولها عرس
كيف خطبوني عاده مرة كنت يالسة في حجرتي ويت امي قالت ين حريم ويبن يسلمن عليج ماقالتلي ليش بالظبط يايين
بعدين سرت اسلم عليهن كانت امه واخته العودة يطالعني من فوق لين تحت ما ارتحتلهن انا شودراني انهن يايات يخطبن وحدة عمرها 14سنة لواحد عمرة 22انزين طلعت من عندهم وسرت عند امي وقلتلها عنبو شوفيهن ها الحريم يطالعن قالت يايين يخطبونج عاده انا فرحانة ما صدقت على الله
وسرت احط مكياج وسرت رديت ايلس بالحترام وادب اوني ماادري عن الموظوع شيء ويا ابوية يسألني اذا موافقة قلتله انت شورايك اذا انت موافق انا موافقه قال انا موافق مابلقا حد مثل ولد صديقي الي متربي ويايه
قال انزين الريال يبا يجوفج قلت اوكية خله اينا في الصاله ويوم يا حليله يبا يطالعني وانا من المستحى تغشيت تميت جذيه لين روح وقال لامه انا ما شفتها وكانت اخته شاله صورتي يوم عرس اخوية امي عطتها اياها عشان المعرس يشوفني وما شي شافني وقال مزيونة واتصدقون ما درو كم عمري لين بعد العرس باسبوع يوم وحدة من اخواته الصغار قالت كم عمرج قلتلها 14وبعد شهر بدخل 15ويم دخلت 15 حملت ويبت بنت عمرها 3 الحين تراني طولت عيبتني السالفة تراها

[غلا المحبة]

العيون السود

واااااااايد صغيرة

بس شو رايج تشجعين الوحدة تعرس وتحمل وتييب يهال وهي قدج

^^

الله يوفقكم كلكم

[نبض أحمد]

أنا ماشاءالله وااايد خطبووني .. واايد واايد ..

واول شي كنت اتحي واوني افقل الباب ع عمري ..
بس عقب تعودت هههههه

وحتى فـ أحمد .. انا اللي قلتلهم اسالوا عنه وما اعرف شو

هههههههههههههههههههه

والحمدلله كان احلى نصييييييييييب ..
والله يحفظه ويخليه لي يااارب ....

[missuae3003]

العيون السود ..
والله عرستي وانتي صغيره وايد .. // متى هالكلام ؟!!
.
.
اما انا //
كان عرس خالتي توه طاف عليه اسبوع
كنت راقده العصر كالعاده ، يات ماماتي .. وعتني من الرقاد .. قالتلي قووومي
فلان ولد عمتج فلانه خطبج .. اونه يلست تقول انا اصلا كنت واثقه ان عقب عرس اختي بتنخطبين
وعاد انا رفعت راسي ومبطله عيوني ع الاخر
اقولها شووووووووو ( كنت مو متوقعه يعني قولو اخر انسان توقعته بحياتي ) هههه مادري ليش
المهم طالعتها قلتلها من صدق احينه قالت هيه ..
ليش ماتنزل الدموع اربع اربع .. وتميت اصيح لين رقدت مرة ثانيه
واليوم الثاني اول ما يفتحون المووضوع على طول ابكي
( مادري اشفيني استخفيت )
وبعدها بكم يوم .. كان عندنا عرس وحده تقرب لنا
ليش مايمسكوني خالاتي وحريم اخوالي .. وهاتك يا نصايح ..
وعقبها انا استخرت .. وحلمت حلم .. و فسرته .. وارتحت للريال
ووافقت .. وسوينا حفلة الخطوبة شهر 9 .. و ملجنا شهر 2 و عرسنا شهر 6
والحمدلله عايشه احلى حياه ماشاء الله

وبس

عقبال كل البنات

[غرشوبة ال غرشوب]

الللللللله الموضوووووووع حلوووووووووووووووووووووووو ملقوفة هههههههه

[نوس العروس]

الله يوفقك يا ولوف ويجمع بينكم بالحلال

[نوس العروس]

ليش يا حبيبتي بشاري تصيحين... كلنا عرسنا والحمدلله، واستخيري وتوكلي على الله والله يحقق اللي في بالج

[سلامة دبي]

ما شاء الله علييييكم

الله يوفقكم انشاء الله

موضوع حلو الصراحه

[شوق دبي]

هههههههههههههههههههههههههه فنان المووضوووع والله فشيله

ا احس لو انا مكانكم مادري بموت من الفضيحه