ولدي والحمام .. اتفضلوا

[yummy mommy]

السلام عليكم أمهات

فديتكم ساعدوني بنصايح ..

ولدي الله يبارك فيه ويحفظه عمره سنتين و 9 أشهر و بديت اعلمه يترك الحفاظ و يسير الحمام من حوالي 4 أيام .. بتقولون وايد متأخرة .. لا مب متأخرة لأن ولدي حجمه صغير مب طويل و يبين أصغر من عمره الله يحفظه .. وحاليا يتكلم بس مب وايد ..

المشكلة أنه مايقولي انه يبغي يسير الحمام لازم انا الي آخذه كل نص ساعة .. يعني موول مايقولي ماما حمام ؟؟

و ثانيا : يخاف يسوي العودة فالحمام .. وانتن بكرامة يبول بالحمام اذا وديته بس العودة مستحيل يسويها بالحمام مادري يخاف ولا شو مشكلته؟ يعني اقوله في كاكا يقولي لاااا .. بعد شوية الا هو مسونها بثيابه واحاول اقززه منها و اعصب عليه أن هالشي غلط ولازم تسير الحمام بس يطالعني و يضحك و اوقات يبيبن جنه مب فااااهم شي >< يتحراني ألعب وياه وانا ميتة قهر اباه يفهم وأعتقد تعرفون كيف هالفترة صعععبة سواء ع الأم أو الطفل ..


نصايحكم لي يزاكم الله خير .. شو أسوي وياه ؟! كيف اخليه يكلمني لابغا يسير ؟! و كيف أخليه يسوي العودة بالحمام لأني تعبت ........

المزيد من آخر المواضيع من نفس القسم:

• اجمل تسريحات اطفال ينات بمناسبة عيد الفطر
• اجمل موديلات فساتين اطفال بمناسبة عيد الفطر
• اسباب قضم الأظافر عند الأطفال
• احدث موديلات فساتين اطفال للأعراس
• اجمل تسريحات اطفال انيقة للمدرسة
• اجمل موديلات قفطان مغربي للاطفال بمناسبة...
• طريقة تظيف انف الطفل الرضيع من المخاط
• العناية بالمولود الجديد
• اسباب واعراض وطرق علاج فقر الدم عند الاطفال
• اجمل موديلات فساتين اطفال شتوية انيقة وناعمة

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[oranaise]

السلام عليكم
والله اختي انا ما عندي خبرة بالموضوع بس بحكيلك تجربتي انا وبنت اختي
بتني عمرها سنة ونص وبنت اختي سنتين وبدينا نعلمهم بعد العيد يمكن باسبوع وللحين بعدهم ما تعلمو زين على فكرة اربع ايام تو الناس لا تستعجلين
الاختلاف اللي بيني وبين اختي انه بنتي تقول انها تبغى تروح الحمام هي للحين ما تتكلم بس تحط ايدها وتبكي افهم انها تبي تروح الحمام واقولها تبي تسوين بيبي تهز راسها باليجاب واقولها يلا بسرعة بسرعة عالحمام وتسبقني عليه بس ما تروح بروحها مع انها تعرف مرة كنت اصلي وهي تبي الحمام فما رديت عليها جان تسويها على عمرها
اما بنت اختي ما تقول لامها بس تروح بروحها للحمام وامها تبغاها تقول لها لانه اذا ببيتهن تعرف الحمام وتروح بروحها بس اذا برع او عند الناس ما تعرف وتسويها على عمرها
وبعد شي ثاني اول ما بدينا نعلمهم لازم تخلينه مفصخ من غير ملابس تحتية كنت البسها تيشرت او فستان قصير عشان لما تبي الحمام على طول مو تنطر افصخ لها ملابسها بس لما تعودت صرت البسها الكلوت بس وبنت اختي بعد نفس الشي بس مشكلتها انها لما تروح الحمام تسويها بالكلوت تجلس بالحمام وهي بالكلوت ما عرفنا اذا هي تنسى انها لابسة او بعدها ما استوعبت انها لازم تنزع الكلوت قبل لا تسويها
وبعدنا وراهم لين يتعلمون
الزبدة من الموضوع انه اربع ايام ما يقدر يتعلم فيها يمكن هو اكبر بالعمر يقدر يستوعب بسرعة بس يبغالك صبر وطولة بال والله يعينك

[ام يوسف 82]

الله يخليلكم عيالكم يا رب
الولد تنظيفو اسهل من البنت
الولد عطول يتعلم ما ياخد اسبوع بس البنت اطول
انا ولايد واحد وعمره سنه ما شاء الله نظفتو لانو كان يتكلم قلت احرب ما شاء الله استوعب ع طول وبس ما كنت اطلع من الليت لغايه لما صار يقولي نونو بعدين طلعت بعد اسبوع
بس ولدي التاني الله يحفضة ويحفظ عيالكم يا رب شوي جنني وهو عمرو سنتين ونص تقريبا نظفتو بس لا كان يتكلم ولا شي اتاخر بكل شي حبتة كتير صغيره للحصن يتكلم شوي شوي
اول شي كل ربع ساعة وبعدين بعد يومين كل نص ساعة بعد يومين كل ساعة وان شاء الله بيقول هليكي معاه وطولي بالك باين عليه دلوع كتير

[بنت الملحم]

انتي شكلج ام يديدة
4 ايام وتقولين تعبت
لااااا حبيبتي الموضوع يباله صبر وما بيتعلم بيوم وليلة اقل شي شهر بس اهم شي لا تعصبين عليه ولا تضايقين
تحملي هالفترة لين يتعلم
خليج مثل ما انتي كل شوي وديه الحمام واذا سوا العودة في الحمام صفقيله واعطيه حلاوة قوليله لأنك سويت بالحمام وما وسخت ملابسك
شجعيه في كل مرة يروح الحمام اعطيه شي بيستانس ويتعلم بسرعة
والله يعطيج العافية

[yummy mommy]

مشكورين أمهات ماقصرتوا .. صج المسافة الي قطعناها قصيرة بس كنت أبغي طريقة انه يكلمني يوم يبغي الحمام و الي فهمته من كلامكم ان الموضوع يباله صبر و تشجيع والله يصبرني و يوفقنا جميعا

أبغي تجارب إيجابية أكثر

[غلآ نفسي]

علومج يمي مامي ؟؟

انا الصراحه علمت بناتي قبل لا يروحون الروضه بفتره

يعني ما ضغطت ع نفسي ولا عليهم

وكانو قريب العمر ال 4 سنين علمتهم

بيكونون فاهمين اكثر واذا سووها برع الحمام وتعصبين عليهم يفهمون ان هالشي غلط اتسوينه برع الحمام

اما ولدج احسه صغير

الصراحه حتى ولدي ناويه اعلمه قريب يوم يروح الروضه

بيكون يفهم شو اقوله

هذا رايي

وايدين قالولي بناتج كبار وانتي بعدج ما علمتيهم الحمام ويوم يروحون الروضه بحفاظ ومب زين ومن هالكلام

بس الصراحه ما سمعت كلامهم وعلمتهم قبل الروضه بفتره

والحمدلله راحن الروضه بدون حفاظ ماشالله


بالتوفيق

[دلوعة ريلي@]

عندي ولدي 4 سنوات قعدت 8 شهور بس أعلمه.. لأن طفل يختلف فهمه عن الآخر ... وخاصه اول طفل وماعندي غيره فلازم يباله صبر ... لأنه لو كان عنده إخوان وشافهم يروحون الحمام كان تعلم مثلهم بس حمدلله ع كل حال ...

اصبري عليه ...وشوي شوي بيتعلم بس أهم شي لا تعصبين عليه أو تصرخين..

[yummy mommy]

هلا والله بغلا نفسي .. نورتي الصفحة فديتج

سبحان الله صج كل تأخيرة فيها خيرة .. المشكلة ظروفي ماتسمح أعلمه بوقت آخر ولو ماتعلم الحين لازم أأجله لبعدين نفس ماقلتي و لان اوردي الظروف ماتسمح .. والحمدلله ع كل حال و الله يحفظ عيالنا و يبارك فيهم ..

مشكورة الغالية دلوعة ريلي .. صج هي فترة صعبة وتاخذ وقت يزاج الله خير .. كل شي يباله صبر والحمدلله على كل حال ..

وترا يا أمهات طفل عن طفل يفرق .. يعني في أطفال يتعلمون من سنتين و طالع و في اطفال يتأخرون مهما تعلميه وتكوني حازمة وياه يخربط و كانك يا بوزيد ماغزيت وهذا صج يباله اعادة تفكير او تصبرين .. شكرا لكم الغاليات ماقصرتوا

[بـ دبي ـنت]

حبيبتي اناا اشوفه بعد صغير وانتي اتقولين توه بادي يرمس يعني يباله فتره و اذا تبغين اتشجعينه اشتري القصريه الصغيره وحطيها عند باب الحمام .. وان شاء الله خيييير ...

[غلآ نفسي]

عندي ولدي 4 سنوات قعدت 8 شهور بس أعلمه.. لأن طفل يختلف فهمه عن الآخر ... وخاصه اول طفل وماعندي غيره فلازم يباله صبر ... لأنه لو كان عنده إخوان وشافهم يروحون الحمام كان تعلم مثلهم بس حمدلله ع كل حال ...

اصبري عليه ...وشوي شوي بيتعلم بس أهم شي لا تعصبين عليه أو تصرخين..

هيه اول بيبي صعب شوي يبالج طولت بال

[مس تاتوتة]

نفس ولدي بعده مايتكلم عدل و يسحب عليه يخلص و اي بخبر علي نفسه هههههه كله يقول مافيه

[mouzan7mod]

انا بعد قريب أبا أعلم ولدي ، تجاربكم !

[بثـينه]

أحسكم وايد تتأخرون في تعليهم ع الحمام .. أنا اشوف انه عمر السنه والنص أفضل وقت لتعليم الحمام ...
ارحموهم أربع سنين بحفاظ >< حرام بيحزز يلدهم حشى منو يتحمل هالخنقه كل هالسنين ><

حبيبتي خلي عندج عزيمه واصرار وصدقيني لو طولتي شهر او شهرين او حتى ثلاث ترى كله بأجره و الطفل بيتعود لو انتي صبرتي عليه وطبعا لا تنسين هيئيله المكان المناسب و القيصريه حتى لو مالكم بس تحطين عليها قاعده فيها قبضات على الجوانب علشان يتمسك وما يخاف و انتي لاحظي الاوقات اللي يسوي فيها العوده و وديه الحمام واقعدي وياه اقريله قصه او اي شي وخليه يالس ربع ساعه وبتشوفينه سواها ..
صح بتطفرين بس طولي بالج وقولي كله بأجره واحتسبي الاجر وفالنهايه انتي بترتاحين من الحفاظات والغسيل و حتى يوم بتسيرين مكان ما بتلوع جبدج تبديل وغسيل بيكون يروح الحمام و جي أريح لج ..
أنا بديت بولدي البجر من عمر سنه وثلاث شهور و تعبني وااايد وما تعلم عدل عدل الا يوم صار عمره سنه وثمان شهور الحمدالله قطعته عنه مووول وارتحت وهو ارتاح بعد ...
وفي يهال يحبون التقليد مثلا شوفي لو عندج دبدوب مثلي فيه انه الدبدوب ييا يسوي كاكا وقوليله يالله بسرعه تعال خل نوديه الحمام و عقب صفقوا للدبدوب انه سواها و حطيله ستيكر على ايده علشان هو ساعدج تودين الدبدوب الحمام وبيستانس وهو بيقوم يقلد بعد و كل ما يسويها فالحمام عطيه بالونه أو حطيله ستيكر على ايده او ارسميله نجمه ... حفزيه بأي شي وبيستانس وصدقيني لو طول فهالنهايه بيتعلم بس لا تتذمرين ولا تعصبين وقولي فخاطرج ها طفل ومن لا يفشل لا ينجح .. و تأكدي نجاحه من نجاحج ^^

وربي يكتب لنا ولكم الأجر يا رب ..

[غلآ نفسي]

أحسكم وايد تتأخرون في تعليهم ع الحمام .. أنا اشوف انه عمر السنه والنص أفضل وقت لتعليم الحمام ...
ارحموهم أربع سنين بحفاظ >< حرام بيحزز يلدهم حشى منو يتحمل هالخنقه كل هالسنين ><

عادي اختي من انولد وهالحفاظ لابسينه متعودين يعني

شي اساسي بالنسبه لهم

يعني عقله ما يستوعب ان الحفاظ خنقة او ضيق عليه

بالتوفيق

[ليندااااا]

احسن فترة لتنظيف الصغار على الحمام بين عمر السنتين وثلاث سنوات
وتخلين مسالة التنظيف لعب وجوائز ومكافآت 🌹
وابتعدي عن العصبيه او الصراخ لان هالعمر وايد عنيد وممكن تعانين بمسالة التنظيف
وهالموضوع يختلف بين طفل والثاني فلا تحاولي تضغطي على الطفل بمسالة الحمام لانه قدرات تختلف