زواج زوج اختي

[الجوهرة_1980]

اخواتي شخباركن لو سمحتن ابي مشورتكن وفزعتكن ضروري ...


الموضوع وباختصار زوج اختي اتزوج عليها وللاسف هي ما تدري وهاي مب المرة الااولى اتزوج عليها قبل مسيار بس هذي زواج علني في بلادها لانها مب من هني الصدمة اني شفت صورته في قروب بنات في الواتساب والله اختي تسواها مليوون مرة وحليلها حاطة كل شي على ظهرها السكن ومصاريف العيال ووقفت معاه وهو يكمل دراسته ..انا شفت الصورة انصدمت كيف هي عيل والله غامضتني وما ابي اسكت لازم اخبرها ما ابيها اظل على عماها وما تدري ...ادري الاغلبية بيقولون الشرع حلل اربع بس ليش بالجذب والدس ليش ما واجه اختي الحين انا مب عارفة كيف اخبرها بليز ساعدوني...

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[المعآني]

حبيبتي خليها ولاتخبرينها
بس ادعيلها أن الله يكتب لها من هالأمور خيرها
يمكن في الأخير يطلقها ويرجع يعيش مع زوجته ولا كان هناك شي
ربج له حكمة و في الأخير مايضيع أجر أحد

[ام نهييان]

حبيبتي خليها ولاتخبرينها
بس ادعيلها أن الله يكتب لها من هالأمور خيرها
يمكن في الأخير يطلقها ويرجع يعيش مع زوجته ولا كان هناك شي
ربج له حكمة و في الأخير مايضيع أجر أحد

من راي الاخت ليش تفتحين باب المشاكل ع اختج واحتمال تطلق وتشتتين عايله كله فذمتج بيكون خليها ان درت من برا لاتبينين انج كنتي تعرفين وان مادرت انشالله الله يرده لحرمته بس انتي انصحيها من باب السوالف انه ما تشل مسؤليات البيت والمصاريف المفروض ريلها يسد هالشي

[Yazi.90]

انا بعد من رايي لا تخبرينها يمكن هالزواج مايستمر
و الله يهديه ويرجع حق اختج!!!

[الجوهرة_1980]

حبيبتي خليها ولاتخبرينها
بس ادعيلها أن الله يكتب لها من هالأمور خيرها
يمكن في الأخير يطلقها ويرجع يعيش مع زوجته ولا كان هناك شي
ربج له حكمة و في الأخير مايضيع أجر أحد

مشكورة حبيبتي على النصيحة بس احسها صعبة والله اني اعرف وساكته

[وجدان الفجر]

اختي , لو خبرتي أختج شو بيصير ؟ فكري فيها من هذا المنطق . يمكن اختج تطلب الطلاق وتطلق ويقع أبغض الحلال عند الله , ويمكن ما تطلق بس تعيش في حزن وألم وحتى لو رجع لها زوجها عمرها ما بتثق فيه . نصيحتي مثل ما قالن الأخوات : لا تخبريها ولا تخبري حد من أهلج , وحتى لو عرفت في يوم من الأيام لا تقولي لها كنت أعرف . الله يسخر لها زوجها .

[سوسو 92]

خليها على عماها احسن لانه ما بيدها شي

[المراقبة العامة]

اختي الكريمة
انتي مو صاحبة الموضوع وزعلك طبيعي
احيانا اللي برى الموضوع ردة فعله لأي مشكلة مختلفة عن ردة فعل صاحب الموضوع
لو كنتي صاحبة الامر صدقيني مهما زعلتي راح تفكري بحياتك وعيالك
ممكن تصبري ومممكن تطلبي الطلاق وبعدين تلاقي الاهل يدخلوا ويصلحوا ............ الخ
فاتركي الامر لله وربي يصلح حالها ان شاء الله

[ام حمده 77]

الله يعينها على الصدمة

[احلى بعفويتي]

لا تخبرينها
خليها مرتاحه ولا تتعب نفسيتها

[Ward-uae]

انتي شفتي ردت فعلها بزواجه القبلي فأنتي قيمي اذا هي من النوع اللي يزعل أنكم تدرون وما خبرتوها او هي من النوع اللي تحب تكون بعماها
انتي اختها وادرى بردت فعلها فسوي الشي اللي تشوفيه مناسب

[almal3ka1]

جنج ما شفتي او سمعتي شي

ما يخصج لا تخبرينها

و اختج غلطانه لانها استوت الريال و الحرمه و تسرف عبيتها من مالها

طبيعي ان بيتزوج عليها

الريال طبيعه مخه غير عنا نحن الحريم

و أصلا هالزمن المفروض ما تحطين توقعات من البشر حتى لو كان ريلج و اخوج و ابوج

لانج ما تعرفين باي لحظه ينجلبون 180 درجه

الريال يباله وحده تكون معاه انثى رقه و حنيه مب زعيج و صراخ حشه هي و الريال واحد

[ورقة ناعمة]

انتي شو خصج تتابعين اخبار ريل اختج ,,,,,, لاتفتحين أبواب المشاكل خليها مصيرها تعرف


تعرف بطريقتها احسن من تعرف منج ,,,,

[عذآب المزآين]

اممممم انا احس لو اختي يمكن اخبرها لاني ما احب حد انحط فهالموقف

بس اختج هي فتحت المجال على ريلج ماخلته يتحمل مسوؤليته وخفت الحمل عليه وهو حصل نفسه فارغ وسار تزوج / تسواها ولا ما تسواها ناحيت الجمال -😑الحين الريايل مايجوفون الجمال حرمه وخلاص 😣ي ما ريايل يخونون حريمه مع بنات الحمدالله والشكر والحرمه حاشمتنه وحاشمه نفسها و مجابله بيتها 😕 واختج عاد مول كل شي شاله ع ظهرها

وحده من ربيعاتي كانت تنصحني لاتقصرين ع عمرج والي تبينه اطلبي من ريلج لاتقولين بثقل عليه واللخ ترا اذا انتي ما طلبتيي بيوصل حق غيرج 😢
يعني لو انتي اكبر منها فهميها انه خلها تحطي مسؤليته ع ظهره ولاتشل البيت كله

[Upscale touches]

لا تدخلي احسن
وادعي لها ان الله يسهل عليها امورها