شي مخيف

[سوسو 92]

قريت موضوع البنت الي شافت ام تضرب ولدها واتذكرت هالسالفة
انا مرات لما اطلع حدايق او المولات اشوف خدامات مع الاطفال في الحمام كم مرة اشوفهم يضربون الاطفال اقل من 5 سنوات ومرة شفت خدامة تشد ايد بنت بقوة اقل من سنتين واذا كلمتيهم يقولون انتي مافي دخل!
خاطري اعرف ليش الامهات يخلون الخدامات يودون الاطفال الحمام؟؟؟ ماتخافون هاي بتم وحدة غريبة عندها عادات وتقاليد غريبة

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[Yazi.90]

والله يا اختي كم بنشكي ونقول بس ماشي فايده !!
انا صح عندي خدامه تسوي لي كل شي بس مستحيل تلمس عيالي
عيل انا شو فايدتي ام فالبيت دام شايله ايديني من كل شي؟
قلنا عندكم دوامات وتحطون عيالكم عند خدم مع اني ضد الفكره بالمره
لكن االحين شو عذر بعض الامهات لو طلعتو مب قادرين تبدلون حق عيالكم
ولا تسيرون وياهم الحمام !!!!!

والله يا اختي فتحتي موضوع عالجرح
انا ياما وياما شفت يهال بروحهم طالعين المول ويا خدمهم
يحطونهم اهاليهم عند المول ويروحون عنهم !!
كيييييف اصلا ؟؟ حتى لو هاي الخدامه عندي من عمر مستحيل أأمن فيها
ججد الموضوع ينرفز وانا الحين تنرفزت ،،

[سوسو 92]

انا ياما بغيت اتكلم فهالموضوع وانسى صراحة شي يخزي مرة كنت فالحمام وسمعت طفل قاعد يصيح فالحمام والخدامة داخل وياه وقاعدة تضربه وتقوله اسكت مهما كانت وياكم تشتغل بيتم مب ولدها ومستحيل تهتم فيه نفس امه

[ام الدحمي]

جزاك الله خيرا الله يكفينا شرهن يااارب ولا يحوجني لخدامه والله ايسر اموري وامور المسلمين والمسلمات

[ام حمده 77]

على طاري الضرب

عندي طالب بالمدرسة شفت على ويهه علامة صفعة

وكان الوقت على الحصة الاولى

سالت الولد حبيبي من اللي ضربك هل طالب من صفك

قالي الشغالة الصبح صفعتني

طبعا تواصلت مع الادارة عشان تشوف شو مشكلته ويمكن حد ثاني ضربه

طلبت الادارة الام وتبين انه الام ترقد الصبح والشغالة هي اللي تلبس العيال

وهو عاند فيها وراحت صفعته

يعني الام ما تقدر تقعد من النوم نص ساعة تلبس عيالها وتجهزهم للمدرسة وترد ترقد


والله لو اقلكم الاشياء اللي نشوفها من الطلاب ما راح اخلص

[ام يوسف 82]

صباح الخير
لا حولا ولا قوه الا بالله
انا كنت العب عيالي بالمول مره وخلصنا جيت اغديهم ووحده جالسه ادامي ومعاها طفل صغير اطعميه وتصرخ عليه وادز فيه ع الكرسي ولدي قالي ماما عم تضرب البيبي حرام والبيبي صغير شفتها ضليت اطلع فيها وهي عادي لنا حت الام والابو اعدت ادلع بالولد طبعا ميت من كتر البكا وانا بقوم اقول للام والله اعدت تترحاني ما اقول للام وابني يقلها انتي نفس الحيوانات لما تضرب بعضها قصدو لما الحبوانات حشاكم تتخانق تركتها ورحت بس ع شان ما اكون انا السبب بتسفيرها او بقطع لقمة عيشها وتدعي علي وع اواولادي

[love rak]

الي تشوف شغالة تضرب أو موقف غلط لازم تخبر أهل الطفل أنا دايما اقول لو اشوف ما اسكت وايد شفت ...

[احلى بعفويتي]

معاج بالكلام الي تقولينه
انا وايد جفت وعيزت منهم
كنت في الاجواء الجميله دوم اروح اسوي رياضه في الحديقه انا وعيالي وخدامتي
بس انا المدام الوحيده الباقيات كلهم خدم مع يهال وايد شي شنيع

[[..دانــة..]]

اللهم لا تبلينا
الخدم شر لابد منه
الأم والأب دايم المفروض يحصنون عيالهم ويستودعونهم الله
وربي يحفظهم إن شاء الله

[Ward-uae]

ما شفت الموضوع في اي قسم؟
عن الخدامات مب غريبه صار الموضوع كله عادي صرت أسير الألعاب في الأيام العادية واتجنب الويكند او عادي احجز قاعة الألعاب بكبرها ما فيني على عوار الراس حتى للأسف التربية صفر على الشمال يي الولد يضرب ويتفل على عيال الناس والبشكارة تلعب بالتلفون
ووحده تلبس الولد شباصات وتلعب بشعره مخلتنه جنه بنيه لما الولد بيكبر بيصير جنس ثالث تعالي بعدين ابكي وغير سوالف انه ترمسين الام بكل قواة عين تقول خلها تربيه يا زين التربية عند مري وربعها
صح انه امي كانت تشتغل لكن ما فرتني عند البشاكير كنت تحت إشراف يدتي الله يرحمها وهي اللي ربتني لكن هالزمن غير محطيه لكل ياهل بشكارة واذا يينا للتربية ماشي العيال بيكبرون كيف بيفيدون بلادهم ؟

[ورقة ناعمة]

على طاري الضرب

عندي طالب بالمدرسة شفت على ويهه علامة صفعة

وكان الوقت على الحصة الاولى

سالت الولد حبيبي من اللي ضربك هل طالب من صفك

قالي الشغالة الصبح صفعتني

طبعا تواصلت مع الادارة عشان تشوف شو مشكلته ويمكن حد ثاني ضربه

طلبت الادارة الام وتبين انه الام ترقد الصبح والشغالة هي اللي تلبس العيال

وهو عاند فيها وراحت صفعته

يعني الام ما تقدر تقعد من النوم نص ساعة تلبس عيالها وتجهزهم للمدرسة وترد ترقد


والله لو اقلكم الاشياء اللي نشوفها من الطلاب ما راح اخلص

يزاج الله الف خير ليت الكل مثلج ,,, والله يحفظ لج اعز خلقه عندج

[ورقة ناعمة]

انا عن نفسي اذا شفت خدامة تضرب ياهل او طفل فاهم واعي والله ما اسكت

مره بالمول ركضت ورا وحده اثيوبية شفتها تضرب البنت وبعدين ردت علي تقولي انتي شو يخصج انتي بوليس


أبا اسحبها ما قدرت شديت شيلتها وتصرفت تصرف مب لائق معاها مع احترامي لنفسي ....


وبالنهاية ريلي يدورني ويوم حصلني سيدة ردينا البيت قالي ما تتشرين أي شي ما يبتج تراكضين ورا خلق الله


وطول الدرب معصب وانا يالسة ادعي عالعلة البشكارة الاثيوبية ,,,,

[يسوووورة]

كتير مرات شفت بالحمام شغالة عتصرخ على ولد
فعلا
استغرب جدا لما بشوف شغالة بتاخد الأولاد عالحمام
والاغرب انه بتدخل معن عالتواليت وبكونوا كبار
بعمر 6-7 -8
يعني هالعمر أصلا الام مابتدخل ما اولادها لانو بكونوا تعلموا التنظيف بنفسهم

[ام هيا 7]

عيل انا شفت ام في دبي مول صفعت بنتها صغيرة افف شو اقول مابغي ادعي عليها بس قلبي قبضني صديت من صوت الصفعه حبيبتي والله مادري شو كانت تبغي منها لكن شو نقول بعض الامهات عجب !!!!!!!!!

[mrs.abk]

كنت في المول وشفت أبو من الجنسية الهندية يضرب ولده الصغير عمر الولد سنتين ..

وامسح فيه الارض قلت له ابلغ عليك وتنسجن هالدولة فيها حقوق اطفال وانت مالك قوة على طفل تضربه .. هزبته هزااااب ما بقيت فيه شيء


بأمانه أيام ما كانت عندي خدامة فلبينية مربية وايد اعتمدت عليها في مجابل بنتي كنت حامل واداوم .. وهي كانت زينة وكنت اتابعها دوم ..

بس من راحت مجابلة بناتي الثنتين بروحي .. الصبح في الحضانة والمسا عندي وما أشل البشكارة معاي الا نادر احس بناتي ما يحبن البشكارة اللي عندي حاليا ومع اني بدلت كم رحدة بس ما أحسهم يرتاحون معاهم ولا أنا أتطمن بعكس الفلبينية كنت اتطمن معاها ما ادري ليش .. يمكن لنها كانت تجابلني بكبري لو مرضت او تعبت