مشكلتي وظيفتي

[مشكلتي]

السلام عليكم ورحمة الله وبركاته

انا مشكلتي الوظيفه وعندي ثانوية عامة
وانا الحين حرمة وعندي عيال وزوجي مب مواطن وظروفه صعبه ومب قادر يصرف علينا والحين من فتره اشتغلت مشرفه باص وانا طبعي اسير بكل حماس ابا اداوم ونشيطة بس من اركب الباص من كثر مايلف ع البيوت راسي يدور واتعب ومسؤولية كبيره والبنات كبار ومشاكل ماتخلص

انا ابا اترك الوظيفه بس ماقدر عندي قرض من البنك وانا احب الشغل فالمدرسه ونشيطه بس الباص مخرب علي وعلى نفسيتي


الحين بتقولون شو المطلوب / اباكم تساعدوني اقدم على اماكن وجهات حكوميه والا خاصه ف العين ابا اداوم اي شغله انا راضيه مايهمني الراتب والله يكتب الخير للجميع

المزيد من آخر المواضيع من نفس القسم:

• تزوجت مريض نفسي
• مشكلة حالتي بعد الأمومة
• مشكلة تقدم لي خاطب وافد
• مشكله بنتي
• زوجي تعبني بالضرب كليوم💔
• أواجه زوجي بكذباته ولا اسكت
• ريلي احبه ،، بس ماعرف شو الي حصل
• مشكلتي التعلق الزائد
• رفض ريلي للحمل
• عااااجل مشكلة واجهتني

[المراقبة العامة]

تمت الموافقة
الكلمة الطيبة صـــــــــــــــدقة

[حتشبسوت]

الله يرزقج ويرزقنا من عنده ان شاءالله

[أم حور26]

الله يوفقج حبيبتي

بس اتوقع اذا عندكم تسهيل اكيد بيوافقون عليج لان يبون موظفات

[almal3ka1]

الله يوفقج

لا تتوقعين ان كل وحده تشتغل يكون عاجبنها شغلها

فهالحياه مب كل شي يصير عهواج , يعني مره تضبط و مره لا

اهم شي تكونين مقتنعه ان أي شي بيصير باراده الله

و ما في شي بالساهل و عفكره في ناس عندهم شهادات جامعيه و يتمنون يشتغلون أي شغله

اللي عندج رزق و شي زين تمسكي فيه لين ما تحصلين دوام انسبلج و راتب احسن

لانج لو استقلتي الحينه انتي اللي راح تتلعوزين لان عليج التزامات ماليه و عقوله المثل خلك عمينونك لا أيك الاين عنه

و بالنهايه ها راي الشخصي و ممكن ما يناسبج و اهم شي تسوين الشي اللي لمصلحتج

[ورقة ناعمة]

محد بيساعدج ساعدي نفسج


سيري البنوك العيادات اي شركات مراكز خدمة المتعاملين الاتصالات دوري اتعبي بتحصلين

[المعآني]

قدمي في الحضانات الخاصة والحكومية شغلهم أسهل

[احلى بعفويتي]

الله يسرلج ويرزقج حبيبتي
بس سؤال ليش ماكملتي على الاقل دبلوم ولاشي من هالقبيل الايام قاسيه والزواج موب كل شي
وعن شغلج ها حقج بس تنبيه بسيط لا تعطين مجال لريلج ياخذ شي من معاشج خليه لج ولعيالج وللقرض الي ماخذتنه واتمنى موب قرض باسمج و الفلوس عطيتي شخص ثاني لان حرام تركبين على نفسج ديون حق حد ثاني بس لو حق سيارة حقج وحق عيالج .. الله يوفقج
بس انا ماعرف عن طريقه الشغل في العين هل هو تابع للمجلس التوطين ولا عندكم هيئة الموارد مثل الشارجه تسجلين فيها
جربي تسجلين في تسجيل ياخذونج على طول

[[..دانــة..]]

جربي توطين، وحاولي تخلصين دراستج
واسعي في رزقج وربي بينولج اللي ف خاطرج

[khaleejiya]

هذي هي الدنيا كلها سعي
الله يفرجها علينا وعليكم يا اختي

[رسايل غلا]

الله يكون في عونج
انا ما اعرف انتي من اي إمارة لو كنتي من العين ف فيه بس وظيفة متاحة حاليا حق اللي عندهم ثانوية ف مكان عملي حاليا صح متعبة شوي وفيها دراسة وتدريب قبل والدوام طويل بس يمكن تساعدج في تحسين ظروفج

[غلآ نفسي]

الله اييسر امورج يا رب

[ماحد شراتي]

لا تياسين حبيبتي .. الكمال لله .. لو حصلتي وظيفه ثانيه اكيدد مثلا بكون الدوام طويل او شفتات مافيه شي كامل اسعي في رزقج وربي بينولج اللي ف خاطرج

[شيخة الحلوين جاااات]

اخذي دورات icdl وإنجليزي تحدث بس بكل مستوياتها وقدمي مصارف انشاء الله بتحصلين