سؤال

[Um Mahra24]

لو شفتي طفل لا يبلغ السنه او السنتين ينضرب ضرب من أمه شو بتسوين??!

ابا اعرف الي سويته صح ولا يسمونه تدخل لأَنِّي ما استحمل حد يضرب اليهال اموت اعصب 💔😭

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[ام يوسف 82]

اتكلم معاها واحمي الطفل وابلغ عنها
بس سنة او سنتين كتير صغير
انتي شو عملتي

[ام نهييان]

ولدها وبرايها ف النهايه بتقول مايخصج معنه الشي غلط تقدرين تنصحينها ان تقبلت زين وان ما تقبلت حسابها عند ربها

[احلى بعفويتي]

وحده ما اعرفها ممكن اذا الظرب على راس ولا صوب البطن وفي اذيه محتمله بتكلم
بس لو وحده اعرفها وتظرب ولدها بشي مؤذي بتكلم
بس لو ظرب على ايد ولا على الجتف برايه اليهال يبالهم هزاب

[ورقة ناعمة]

كيف الضرب في أنواع

ضرب الخيزرانه مالت اول احين محد يستخدمها تنفع حقنا بس ,,,,,,,,,,,,,

والطفل اذا الام قصدها تعلمه مافي مشكله عيال هالوقت يبالهم ضرب ,,, ضرب قلنا مب تعذيب

الضرب البسيط ,

[ام حمده 77]

هلا اختي

انا اضرب عيالي عشان اربيهم بس ما احب حد يدخل حتى لو ابوهم

لاني مثل ما قلت اربيهم يكون ضربي ما تعذيب بس كتنبيه وتخويف

والحمدلله استوي كبار ومؤدبين

ونفس الوقت انا ما اقدر ادخل بعيال غيري

[ام نهييان]

سنه ولا سنتين شو تعلم فيه بعده يرضع حرام عليييكن لو كبير بنقوول

الله يهديها بس مثل ما قلتلج بيكون الغلط عليج انج ادخلتي لانه لي تضرب بيبي بهالعمر اكيد وحده ماتحس ولا بتحشمج ف السكوت افضل

[Yazi.90]

حرااااام والله سنه وسنتين شو بيفهم عشان تضربه؟

والله انا عن نفسي لو شفت الضرب مبرح مابقدر اسكت
بس لو كان عادي خلاص برايها لاني لو قلت شي عادي احصلي كف ����

[Ward-uae]

يعني انتي تعرفين الام تصير لح او شي فيها مرض معين صرع او جنون او اكتئاب هنا خبري اهلها يسوون لها فحوصات حتى المستشفى اذا عرفوا انه فيها شي معين ما بيخلون اليهال عندها تكون تحت إشراف واضن التنمية الاسرية يهتمون بهذي السوالف
اما ضرب خفيف ما عليه هي ام وأحن على عيالها ويمكن ضربته انه غاب عنها وكانت تدور عليه او بيأذي نفسه بشي معين اذا جيه عادي رمسي الام خبريها ياهل اشدراه بالضرب

[غزالة AD]

الظرب عندي مرفوض بكل انواعه.

خبرينا انتي شو سويتي يوم جفتيها تظرب الولد؟

[شيخه بنت يوسف]

والله ان هالموقف صار البارحه في السنتر (بدون ذكر اسمه ) انا ما انتبهت بس كنت ماره مع ولدي وبنتي شفت وحده تيلس ولدها في عربة الاطفال بالغصب مشينا لكن شفت ولدي مضايق ويتحرطم (عمره 13 ) وقالي تضربه بالقو عسب ييلس كيف عيل فالبيت تعامله تضايقت والله بس ماقدرت ادخل ماعرف شو رد فعلها بيكون بس صراحه هاي مش تربيه وتعامل خصوصا لطفل عمره سنتين او ثلاث . تعبت مع عيالي كانو حركيين واايد بس ما كنت اضربهم .

[ورقة ناعمة]

والله ان هالموقف صار البارحه في السنتر (بدون ذكر اسمه ) انا ما انتبهت بس كنت ماره مع ولدي وبنتي شفت وحده تيلس ولدها في عربة الاطفال بالغصب مشينا لكن شفت ولدي مضايق ويتحرطم (عمره 13 ) وقالي تضربه بالقو عسب ييلس كيف عيل فالبيت تعامله تضايقت والله بس ماقدرت ادخل ماعرف شو رد فعلها بيكون بس صراحه هاي مش تربيه وتعامل خصوصا لطفل عمره سنتين او ثلاث . تعبت مع عيالي كانو حركيين واايد بس ما كنت اضربهم .

مش من حقها تضرب ولدها بالقو على قولتج قلنا ضرب تاديبي خفيف مب تعذيب ,,,,حسبي الله ونعم الوكيل

[عذآب المزآين]

حبيبتي ولدها // يعني ولد
وطبعهممم حركييين وايد ويهلكون وعيالج صغار ماينفع يحكمون ع الشي
ترى في يهال ماشاء االله عليهم طينتهم ثقيله نفس يعني مافي شي بيخليه يتعدل الا بالضرب بس ظرب عن تعذيب ينفهم يعني مثلا تظربه ع راسه بالققو او ترفسه او تشد شعره يعني يبين انها مريضه 😬لانه مافي صاحي يسويهها
اما ع جتفه او تحاول تثبته ها مايعتبر تعذيب انا وايد اتلعوز ويا ولدي حركي ماشاء الله وعنيد حتى يسبب لي احراج / لانه من يبدى يحبي او يمشي مايحب يلس فالكرسي يعني 😬انزل كرسي ع الفاضي واتم شايلتنه وادور تععب

[Um Mahra24]

بخبركم انا شو سويت

كنّا حاجزين بندش السينما وباقي ع الفيلم نص ساعه يلسنا ف الكوفي المهم انا وريلي نسولف ما اشوف الا وحده وبنوته كتكوته يمكن عمرها عشر شهور ما تمشي المهم ضربتها ضرب ع رأسها ادز رأسها ع ورى تقولين مجرمه الله ياخذها تتوقعون ليش ضربتها ضرب بس عشان البنت ما تيلس تبا تصورها شفتوا السبب السخيف هاي الياهل شو عرفها بالتصوير أقولج يوم حست الام أني شفتها حضنتها بعد ما ضربتها ضرب بالتليفون 😭😭 نشيت وريلي يقولي وين قلت له لحظة وأسير أشل الياهل ع طول وخذت رقمها أول اوني أبا أتعرف عليها عقب من خذت الرقم هزبتها هزاب وبلغت عليها حقوق الانسان مابا حد يقول مالج خَص الي يملي عليه ضميري أسويه ولو كنتوا مكاني والله بتضربون الام الضرب الي ضربتها والله مافي حيوان يستحمل ولا اخر شيء تضربها بالتليفون عله الكسر ها التليفون ان شاء الله

[Um Mahra24]

أي إنسان يمد أيده ع ياهل بعده ما يفهم بوقف له ف البلعوم انا انسانه ضد الضرب نهائيا نهائيا في طرق وايد تخليج تكسبين الياهل