الزوجه الثانيه ،،

[عذآب المزآين]

السلام عليكم ورحمة الله


اتمنى انكم ماتاخذونها لكم (الزوجات 2)
بس في شي قاهرني على محيرني ورافع ضغطي
بغض النظر انه الريال يسير لوحده لبيتها ويدق باب بيتهم ويطلب منها الزواج ع اساس انها تكون الزوجه الثانيه / فرضا زادت فالعمر او تبي الستر او مطلقه او او او هذي انا صراحتا ما بنقهر منها كثر ما انقهر
انه تي وحده ودور ورى الانسان المتزوج وتدخل ف حياته وتبي تكون زوجه لل2 وتقول حق الاوله الشرع محلل 4 اوكي الحمداللله عارفين الشرع بس الشرع مب محلل 4 بس حق المتزوج ترى حتى مب متزوج ؛؛
يعني موضوعي ليش ادورين ورى المتزوج وتخترب حيات الاولى ياخي روحي للي مب متزوج وصيريله الاوله 😬


يعني واحد متزوج ساير ومدور له وحده ودق باب بيتها والله قهر بس مابكرها كثر ما يكون ف علاقه معه وحده مده طويله وانا ياغافلين لكم للله عقب اعرف انته تزوجه 😠صراحه هاي وجهت نظر

المزيد من آخر المواضيع من نفس القسم:

• اهم النصائح التى تساعد المطلقة على إعادة...
• نصائح هامه للفتيات المتاخرات عن الزواج
• نصائح للمرأة المطلقة لتبدأ حياتها من جديد
• رسالة هامة إلى حاملة لقب مطلقة
• اهم نصائح لحل مشكلة المتأخرات عن الزواج
• نصائح هامة لكل مطلقة كوني منطلقة لا مقيدة
• الزواج الثاني للمطلقة وطرق التعامل معه
• اجمل دعاء لتيسير الزواج
• نصائح ذهبية لكل متأخرة فى الزواج
• هل يمكن البدء من جديد بعد الطلاق

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[تفاحتي]

ليش الله قال وقرن في بيوتكن


الرجال طبعا يشوف اشكال والوان ويرجع البيت ويشوف عيوب المسكينه
دوامه مو مقصر والبنات ماشا الله اذا عيبها واحد اتم وراه وراه لين تأخذه من بيته وعياله شي مؤرف ويحرق
ؤ
كيف تبون توقفون هاي الظاهره تقل
طبعا بتزيد سواء الرجل يأخذ زوجه ثانيه او
90٪خيانات زوجيه


للاسف
قله الوازع الديني في البنات والرجال
والا كيف وحده محترمه متحجبه بتخطف ريال الا اذا مسويه كل الاغراءات





اما الرجال اللي يخطبون بنات من غير سابق علاقه وعنده المقدره للزواج
مبرووووك عليه صراحه
الزواج الثاني مو حرام ولا غلط هو وهي يتفاهمون اما نعترض مو من حقنا

[mrs.abk]

الله يعينج ,, شكلج متنرفزة من شيء .. ربي يصلح حالج ويهدي قلبج ويحفظ بيوتنا عامرة بالحب وبعيدة عن اللي يكدرنا يارب

[Miss PiXy]

الريال مب ياهل او سفيه عشان ينقص عليه

اذا هو مافتح لها المجال وعطاها ويه جان مادخلت حياتهم من الاساس هذا لو هو مب الي مبادر من الاول !

الريال لو يبا يعرس ع حرمته مافي شي يمنعه ولو نيته بس لعب مابياخذها لو تصيح جدامه دم ! حطي هالشي ف بالج

الرياييل بروحهم يدورون هالسوالف والخيانات , بطلو اطلعونهم مساكين وينقص عليهم لان الغلط منهم هم من الاساس

والله يهدي الجميع

[غلآ نفسي]

الريال مب ياهل او سفيه عشان ينقص عليه

اذا هو مافتح لها المجال وعطاها ويه جان مادخلت حياتهم من الاساس هذا لو هو مب الي مبادر من الاول !

الريال لو يبا يعرس ع حرمته مافي شي يمنعه ولو نيته بس لعب مابياخذها لو تصيح جدامه دم ! حطي هالشي ف بالج

الرياييل بروحهم يدورون هالسوالف والخيانات , بطلو اطلعونهم مساكين وينقص عليهم لان الغلط منهم هم من الاساس

والله يهدي الجميع

والله الريال اللي يركض ورا شهوته بيكون ياهل وسفيه للاسف

وما يشوف الا هالبنت اللي تركض وراه او تتمنع وهي تباه

[قيثارة إماراتي]

الله يعينج ,, ربي يصلح حالج ويهدي قلبج

[حرم الحميري]

لاتنقهرين ولا تغصصين يحق للثانيه مثل ما للاولى دام الله حلل الفرق الوحيد هو ترتيب بس باللي عرست قبل والحب للاثنين والاهتمام للاثنين والحياه ماشيه عاده الرياييل متفججين ع هالتحليل ولا لو نحن مكانهم بعد بنسوي زود

[قيثارة إماراتي]

شكراا لج اختي ع الموضووع و الله يهدي الجميع يا رب
ربي يصلح حالج ويهدي قلبج ويحفظ بيوتنا

[mouzan7mod]

الريال بشكل عام مثل الياهل ، اذا شاف لعبة جديدة يصيح و يركض وراها
الحرمة الأولى بالنسبة له تكون لعبة إذا مل منها سار يدور غيرها
المفروض الحرمة تكون واثقة من نفسها و ماتهتم ..
صحيح بنات الحرام وايد بس الوحدة تستودع ريلها منهن
صدق الشي يقهر

[almal3ka1]

ليش تسمونهم بنات الحرام !!


مب يمكن الريال معطيها مجال !!

[قيثارة إماراتي]

ليش تسمونهم بنات الحرام !!


مب يمكن الريال معطيها مجال !!

ايه و الله معج حق
الله يهدي الجميع

[Honey_emaratyah]

ترا في سنة نبينا متزوج كان من أكثر من وحدة وما عارضت وحدة فيهن وهو أفضل البشر وما في ريال في العالم يسواه ليش مكبرين السالفة باجر تقولون بنشرب خمر عادي
هذا الشيء مكتوب في دفتر الحرمة والريال من قبل حتى لا يولدون لا تقولون بنات حرام وبنات حرام لازم يكون عندكم وازع ديني

[لمياء2007]

الله يعينج ,, ربي يصلح حالج ويهدي قلبج.

[الشامسي 28]

لاخلاف على انه ابنت تحزن اذا تزوج عليها الريال

انتي ذكرتي انه هذا شرع الله لكن من ردج يوجد اعتراض على ماحلله الله تعالى

وردود بعض الخوات الكريمات بقولهم الريال يتبع شهوته الشرع محلل يش هالكلام هذا؟

انتو تعترضون على امر الله بشكل غير مباشر ترددون وتقولون هذا شرع وتعترفون فيه ولكن ردودكم تثبت العكس

مافي شي اسمه الثانيه تبني سعادتها على حساب الاولى هالشي هذا غير موجود في اخلاقنا كمسلمين غير موجود فينا كمسلين نتبع كلام الله ورسوله

اتقو الله في كلامكم الدنيا ارزاق وكل شي يصير بحياة المسلم مكتوب من رب العالمين

مب معقوله وصلنا لهدرجه نطعن فالشرع ونقول كلام فاضي مب مذكور في دينه

اتركو عنكم هالكلام وخلو الامور تجري بما يشاء الله سبحانه وتعالى

تعترضون على قدر؟ والله اتعجب من بعض المواضيع من ردود قاسيه واعتراض


استغفر الله العظيم