تعبانه من زوجي 😭

[مشكلتي]

السلام عليكم حريم

اتمنى انكن تساعدني

المشكله انه زوجي بسرعه يزعل ومن اتفه الاسباب
يعني اليوم مثلا نسيت نقابي قام واحتشر سووواها مصيبه ومشكله عوده
بعد ما يابني بيت اهلي قلت له كلمه وهو زعل ادري اني انا غلطت وما انكر غلطي
بس اعتذرت له فوق العشرين مره. قلت له انت كذاب
وزعل
وقلبها علي وتميت اتصل واتصل واتصل بس ما يرد علي
بنات انا تعبت والله والله تعبت خلاص ما اعرف وين اروح اتصل ما يرد علي وقلبي محترق
انا توني والده هو ما مقدر هالشي حالتي نفسيه جداً سئيه

وفي بعد مشكله ثانيه انه هو عصبي واااااايد وااااايد بسرعه مره يلبق علي

بنان عطوني حل خبروني كيف اتصرف وياه اعتذار واعتذرت

ادعولي بظهر الغيب. الله يهديه ويسخره لي 💔😭

المزيد من آخر المواضيع من نفس القسم:

• كرهت حياتي
• مطلقة و اريد اعيش لحالي
• مشكلتي الفراغ
• مضغوطه وفقدت الامل
• تزوجت مريض نفسي
• مشكلة حالتي بعد الأمومة
• مشكلة تقدم لي خاطب وافد
• مشكله بنتي
• زوجي تعبني بالضرب كليوم💔
• أواجه زوجي بكذباته ولا اسكت

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[المراقبة العامة]

تمت الموافقة
الكلمة الطيبة صــــــــــدقة

[ام يوسف 82]

صباح الخير
الله يهديه ويصلح حالو يا رب
ادعيلو
ممكن يتغلا غليكي
والف مبروك ع النونو الصغير يتربى بعزكم يا رب ويكبر ويحمل اسمو ويجعلو ربي قره اعينكم يا رب

[بسمه دبي]

الله ايسر امرج والف مبروك ع البيبي

[ام نهييان]

الحمدلله ع سلامتج فديتج و يتربا البيبي ف عزكم
هو لانه عصبي زعول بسرعه حاسبي ع كلامج هالنوع هو يقولج جذابه عادي بس ان قلتيله يعصب

ماعليه تحمليه ودامه مايرد خليه يوم وردي اتصليبه ثاني يوم لانج وايد تتصلين لابسنج البسيه شوي عطي النونو ونفسج حقهم ارتاحي بعد تعب هالشهور

وطرشيله مسج حلو واخر شي اسمحلي بس نفسيتي تعبانه من الولاده مش قصدي ازعلك .. احبك

وبعدين جابلي هلج واضحكي وسولفي وانسيه مرده بيرضا حبيبتي لاتزعلين نفسج عشان الحليب ما ينقطع

الله يهديه ويسخره لج ❤

[المعآني]

الغالية الاحترام واجب بين الزوجين طبيعي مايرضى تقوليله انت كذاب ولا تحنين في الاعتذار ليش تعتذرين 20 مرة اصلا الريال مايهمه الاعتذار بقدر ما يبا تغيير في تصرفاتج و طبيعي يعصب انا لو أنسى النقاب اكيد مابيرضى بيشوفه لا مبالاة مني وعادي يكنسل كل شي
ما ذكرتي موقف يخلينا نشوف انه عصبي بدون سبب انتي الحين تعبانة ومب محتملة ردة فعله اعتبريها نخوة منه و طيبي خاطره
حاولي تكون نظرتج إيجابية مب نفسيتي وتعبانة
غيري نفسيتج أحمدي ربج ع المولود اللى بين ايديج غيرج يتمنى و شوفيه يكبر باهتمامج لبسيه أحلى لبس ورتبيه طرشي الصورة لأبوه ومكتوب معاها كلمة حلوة و خلج إيجابية ومتفائلة وانتبهي لكلامج بتشوفينه يتغير معاج
اشكريه وبيشكرج
قدريه وبيقدرج
ومن اول موقف ينرفز لاتردين عليه سكتي عنه روحه يمكن يرجع يعتذر ويعوضج ودايما توقعي من ربج الخير وشوفي النعم وتمتعي فيها

لا تنظر إلى المفقود فتفقد الموجود


موفقة الغالية

[ام مصطفى..]

الله يسخره ويحنن قلبه لج ..

[falcom 6ayeb]

حاسبي على كلامج اكظمي غيظج وكبري راسج شوي وبسطيله الامور والكلمه الحلوه تجبر الخاطر ماعليه الريايل بعضهم اذا مب كلهم نفس الاطفال حاولي تسايرينه ولا تردين عليه بعصبيه خليج هاديه وابتسامه رضا وهدوء الله يهدي اموركم

[Upscale touches]

اعطيه فترة يهدي اعصابه وانتي هدي اعصابج .

لا تتصلي فيه اللحين لانه حزت بخاطره وممكن منصدم .

اهتمي بنفسك والبيبي وادعي من قلبك ان الله يسهل عليج

الرجال كل ما كانوا عصبين بزيادة عرفي انهم حساسين بزيادة على اقل كلمة يكبروا الموضوع
بعدة فترة كتبي له رسالة كل شي بخاطرك وارسليه له مع باقة ورد

وابنك موجود خبريه ما ودك شوفه او تسمع صوته ترى اشتاق له
او ارسلي صور لطفلك عشانه لكن ناقصة عشان يشتاق يرجع يشوفكم


مهما كان زوجك عصبي لكن اكيد قلبه كبير واكيد يعزك
اتعودي على طبعه عامليه بمعاملة خاصة


سامحي نفسك وافتحي صفحة جديدة

[غلآ نفسي]

يبا جرعه اهتمام واعتذار منج زياده

[الموهبة]

يزعل بسرعه معناه دلوع استخدمى الدلع وياه يعنى ادلعى بحب وياه ولطف لما تعتذري مثلا مره واحده تكفي مو تقومى تعتذري عدت مرات واضح للحين ماتعرفي اسلوب زوجك ولا كيف تعرفي ما يفكر ولاتعرفي كيف تراضيه بدلع المهم شوفي شو الشي الي يحبه تسويه لاتكبري السالفه خليج ريلكس وطنشي وهو بجى يتعيلف فيج من اجل يرمس وياج لكن لاتكونى عنيده ازعلي بدلع واضحكى بدلع الازواج كلهم يحبون كذه الزوجه الدلوعه الحنونه مع ريلها