التجمع الثاني لكروشات ( 7 & 8 & 9 ) بإذن الله تعالى

[ام نهييان]

حبيباتي انا كنت بسجل معاكم بس ماكان في حد

المهم انا موعدي المفروض في شهر 9


بس الدكتورة قالت عندج زلال ولازم نولدج انا الحين في الاسبوع 33 داشة 34


وابا اذا الله اراد اربي طبيعي يستوي؟ ومنو تعرف كيف النظام في القاسمي لأني مربية قبل ف الخاص ومع ابرة الظهر وكل شيء وهنيه اعتقد مافي هالدلع كله .... ف كيف نظامهم؟ وكم يوم اتم في الغرفة ومتى أطلع؟


نفسيتي تعبانة من الزلال المرتفع

حياج الله حبيبتي عن المستشفى ماعرف لاني من بوظبي

بس عن الولاده يعتمد ع وضع البيبي وعليج كيف وضعه راسه تحت ولا فوق و اخر ولاده لج شو كانت اذا قيصري و اقل من سنتين صعب يولدونج طبيعي عادي تتبطل العمليه

الله يسهل عليج حبيبتي

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[السنقباســـية]

حياج الله حبيبتي عن المستشفى ماعرف لاني من بوظبي

بس عن الولاده يعتمد ع وضع البيبي وعليج كيف وضعه راسه تحت ولا فوق و اخر ولاده لج شو كانت اذا قيصري و اقل من سنتين صعب يولدونج طبيعي عادي تتبطل العمليه

الله يسهل عليج حبيبتي

لا الحمدلله راسه تحت والولادة القبلية كانت طبيعي ف اظني عادي صح ؟

[ام نهييان]

لا الحمدلله راسه تحت والولادة القبلية كانت طبيعي ف اظني عادي صح ؟

يستوي بس بيعطونج طلق صناعي انتي بعدج ف الثامن شوفي الدكتوره لو عادي تولدج ف الاسبوع 35 ع الاقل واذا عادي تمشين او لا عشان تسهل ولادتج تاكدي منها

[ام نهييان]

الله ييسر اموركم ويفرحكم بشوفة مواليدكم يارب

عندي استفسار للي عندهن خبره .. انا ولدي بجر ومتلعوزه شوي فالرضاعة .. الحين عمره اسبوعين الله يحفظه وارضعه طبيعي ما دخلت له صناعي ..
الحين متعلم عقب ما يرضع ويشبع ما يفج صدري يتم يمص حتى لو ما كان يوعان بس يخليه في حلجه واذا سحبته شوي شوي يصيح .. كيف اغير هالعاده !
البارحه ساعه ونص بس يمص تعبني

يمكن بعده ماشبع

اذا تدريبه شبع من يخلص عطيه مصاصه بيتم يمصها لين ما يرقد

[ساكنة دبي]

هلا خواتي شحالكم
شو الاستعدادات عندكم للولادة
أنا بصراحة كان عندي البارحة
موعد و جيكت الدكتورة و شافت
إن مفتوح من 3 إلى 4سانتي
وقالت خلاص ما تسيرين البيت
و خبرتها إن ما عندي ويع و قالت
اذا بتطلعين عمسؤوليتج و قالت إن
عنق الرحم عندج قصير وماروم أرخصج
قلتلها أوكي بتم على بالي بيعطوني طلق
إلا الحبايب جيه ميلسيني عالفاضي بس
يجيكون عضغطي و نبض البيبي و الحمدلله
كل شي أوكي طلبت الدكتورة و قلتلها أبا طلق
قالت إن ماشي غرفة فاضيه واحنا مثل ما تعرفين
ما نعطي الطلق إلا للضرورة قلتلها عيل ليش دخلتوني
جان خليتوني أسير البيت و تحججتلي إن الطلق نسوي
يوم ينزل الماي ولا البيبي صغير ولا الحرمة يكون فيها
سكري ولا ضغط قلت يوم كامل عشان ولا شي بصراحة
أحس هاي لعبة فيي ومن القهر قلت جيه و قلت أحس
داشه فندق آكل و أشرب و أرقد بصراحة يتني غصه
وتميت أصيح و ريلي يطرشلي يبا يعرف شو الموضوع وقلتله ألحين بيي و بخبرك ومن الغيظ جان أشل أغراضي
و ألبس عباتي و شيلتي وينك يالبيت حسيت بس يبون يتعبوني أكثر من إني تعبانه نفسيا ومن الثجل

[ام نهييان]

هلا خواتي شحالكم
شو الاستعدادات عندكم للولادة
أنا بصراحة كان عندي البارحة
موعد و جيكت الدكتورة و شافت
إن مفتوح من 3 إلى 4سانتي
وقالت خلاص ما تسيرين البيت
و خبرتها إن ما عندي ويع و قالت
اذا بتطلعين عمسؤوليتج و قالت إن
عنق الرحم عندج قصير وماروم أرخصج
قلتلها أوكي بتم على بالي بيعطوني طلق
إلا الحبايب جيه ميلسيني عالفاضي بس
يجيكون عضغطي و نبض البيبي و الحمدلله
كل شي أوكي طلبت الدكتورة و قلتلها أبا طلق
قالت إن ماشي غرفة فاضيه واحنا مثل ما تعرفين
ما نعطي الطلق إلا للضرورة قلتلها عيل ليش دخلتوني
جان خليتوني أسير البيت و تحججتلي إن الطلق نسوي
يوم ينزل الماي ولا البيبي صغير ولا الحرمة يكون فيها
سكري ولا ضغط قلت يوم كامل عشان ولا شي بصراحة
أحس هاي لعبة فيي ومن القهر قلت جيه و قلت أحس
داشه فندق آكل و أشرب و أرقد بصراحة يتني غصه
وتميت أصيح و ريلي يطرشلي يبا يعرف شو الموضوع وقلتله ألحين بيي و بخبرك ومن الغيظ جان أشل أغراضي
و ألبس عباتي و شيلتي وينك يالبيت حسيت بس يبون يتعبوني أكثر من إني تعبانه نفسيا ومن الثجل

دامج يالسه عندهم ليش ماتميتي تمشين رمستي حد اييب لج رطب و لا حليب بالجرفه ولا الزنجبيل اي شي يسهل الطلق

نحن غريبات انتي تبين طلق صناعي ومايبون يعطونج وانا ماريد وغصب بيعطوني

الله كرييم 😩

[دلوعة ريلي@]

ياعمري انا ... ربي يسهل عليج ساكنه دبي ...

[ساكنة دبي]

دامج يالسه عندهم ليش ماتميتي تمشين رمستي حد اييب لج رطب و لا حليب بالجرفه ولا الزنجبيل اي شي يسهل الطلق

نحن غريبات انتي تبين طلق صناعي ومايبون يعطونج وانا ماريد وغصب بيعطوني

الله كرييم ��

ياختي ما خليت شي ما سويته ولا
خليت شي ما كلته و كل اﻷشياء
الي قلتيها شربتها بس ربج مب
رايد فقلت للدكتورة أنا أعرف
شو يناسب جسمي وهي عبالها
اني أكابر عشان أفتك بس الوحدة
تعرف شو جسمها يتقبل وشو الي
ما يتقبله بس شو أقول الله كريم
و يسهل علينا يارب العالمين

[ساكنة دبي]

ياعمري انا ... ربي يسهل عليج ساكنه دبي ...

اللهم آمين و يسهل عليج
فديتج و يفرحنا بشوفتهم
وكله بأجره

[ام نهييان]

اللهم آمين و يسهل عليج
فديتج و يفرحنا بشوفتهم
وكله بأجره

خلي ريلج يرمسهم بيخلونه يوقع انه ع مسؤوليته مش ع كيفهم

ولا اصبري البيبي بعده مايبا يطلع عايبنه الوضع

[ساكنة دبي]

خلي ريلج يرمسهم بيخلونه يوقع انه ع مسؤوليته مش ع كيفهم

ولا اصبري البيبي بعده مايبا يطلع عايبنه الوضع

والله شرات رمسة أختي تقول
إن البيبي عايبنه الوضع والماي
ههههه بس إن شاء الله تتسهل
أمورنا و نربي بالسلامة ونفرح
بشوفة الغوالي الكتاكيت ��

[Maryoom1]

ساكنه دبي انتي مطوفه موعدج ف لازم يسون لج طلق احس هاملينج وايد بصراحه لو تقدرين تغيرين المستشفى وتشوفين شو يقولون الله يسهل عليج الليله وتربين وتفتكين وتفرحين بشوفه ضناج يارب

[دلوعة ريلي@]

ساكنه دبي سيري عند وحده تمسح ... احيد وديت حميتي وامتسحت وماشاء لله ثاني يوم ربت وحاولي كثير مشي كثر ماتقدرين. وربج يسر

[ساكنة دبي]

هلا خواتي شحالكم

الحمدلله على عطايا ربي وكرمه
اليوم 10 _ 8 ربيت بالسلامة
بعملية و يبت بنوته وسميناها
عائشة و يجعلها ربي من الذرية الصالحه ❤

[مودّة]

الحمد لله على السلامة اختي ساكنة دبي .. مبروك ماياج تتربى ابعزكم ياارب ..

انا بعد ربيت بالسلامة اللهم لك الحمد وربي رزقني ولد ... الله يجعله قرة عين لي ولابوه