مادري شو اقول بس شي يقهر وربي

[زوجي غلا روحي]

ماعرف شو بتقولون بس شي يقهر اهل ريلي يدخلون بكل شارده ووراده وانا هبلا اقولهم كل شي ويدخلون ويسالون عن خواتي وشو اخبارهن تخيلو من اسبوعين ولدت اخت ريلي حتا ماخبرونا انها ربت الا بعد اسبوع حتى ماخبرونا انها كانت حامل ريلي وايد اتظايق قاالي ماببارك لها ولا بروح يخبروني بعد اسبوع من ولادتها قلت له و انا ويت بيت اهل ريلي ولاتكلمت ولا باركت لهن انا الي قاهرني انهم اذا في شي يسبب مشاكل مسرع يتكلمون ويسببون مصيبه واذا شي زين مايخبرونا والي يقهر انهم وايد يدخلو باموري ويسالوني وانا الغبيه لساني يباله قص لان اجاوب بكل صراحه الي تبى تقصف تقصفني بس الانسان لما يتعامل بطيب وبشفافيه مفروض يلاقي المثل الحمدلله عندي اربع عيال وماشاءالله 3توام اولاد وبنت

المزيد من آخر المواضيع من نفس القسم:

• قرآن كريم
• هل هو شيء عاديٌّ ..أن نموت !!
• لكم وحشة يا عضوات المنتدي وين ايمكم
• عداوة اهلي لي
• محتاجة حليب الابل ضروري بنت تعبانة
• كيف تتحكم با بيتك عن بعد
• اعطوني نصيحتكم بنات
• وهُم قِطَعٌ في آلة الحياة
• اريد سائقة توصيل من ام القيوين لدبي
• السلام عليكم

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[ام الدحمي]

ماشاءالله لحمدلله انتي فنعمه عيالج وريلج الله مسخرنهم لج لا تبلشين عمرج فيهم خلهم بس لا تعلمي كل شي خلينا نتعلم من هالحياه .. سوي طاف ولا تبلشي عمرج بشي غير مهم

[زوجي غلا روحي]

هيه والله صدقتي بس انا قلت هم اهلي يعني واقولهن كل شي بس شكله مهما سويت لهم بتم انا دخيله وغريبه عنهم

[بسمه دبي]

الله يهدي الجميع يارب

[Upscale touches]

طنشي وعيشي حياتك
الناس كلهم صاروا كذا يسمعون منج لكن مستحيل يخبرونك اي شي يخصهم .

اللحين انتي اخذتي درس وعرفتي كيف طبعهم فحتعرفين كيف تتعاملين معاهم بالمستقبل
صج شي يزعل لكن انتي وزوجك ناس طيبين ولا تتغيروا عاملوهم بالاحسان وباركوا لهم عشان تحصلوا الاجر
الدنيا ما تسوى .


الله يوفقكم ويسعدكم دوم

[ام يوسف 82]

وانا اعاني من نفس المشكلة😔😔😔

[مراسيل الوفاآ]

" اذا عرف السبب ، بطل العجب "

دامج عارفه انج تخبرينهم كل شي وهم ما يخبرونج ف هاي اشاره
لج انهم ما يشوفون انه له داعي تعرفين شي يخصهم وبالتالي
ماله داعي تشاركينهم تفاصيل حياتج وتشرحين اجابه كل سؤال
يسألونج اياه، اكتفي بالرد بكلمه ولا كلمتين واذا عرفتي شي عنهم
مثل خبر ولادة اخت ريلج ف عليج انج تباركيلها وتبينين انه الموضوع
عادي ، فالنهايه هي مب اول ولا اخر وحده تربي ! وحطي ف بالج انج
غريبه عنهم صح انهم اهل ريلج لكن اللي بينكم المفروض ما يتعدى
حدود الاحترام والزيارات اما انج تتعمقين ف علاقاتج وياهم ف هالشي
ما بييبلج الا المشاكل واللي عادي جدا ف النهايه تخرب علاقتج بريلج
لانهم بكل بساطه "أهله"

[ام يوسف 82]

مسا الخير
اكيد كلامك اختي مراسيل الوفا
بس انا بالنسبه الي انو خلاص عيلة وحده يعني عادي انا اخبرهم وهم يخبروني بس بالنهايه صرت احس نفسي غريبه لابعد الحدود

[ورقة ناعمة]

مش لازم نعامل غيرنا بالمثل اذا طيب أكون طيبة واذا خبيث أكون نفسه


أي قانون هذا وليش

وبعدين ربت ولدت خبرج ما خبروج مب مهم الموضوع حتى لو ماتعرفين انها حامل ولدت باركيلها وادي الواجب هذي تربيتج واخلاقج اللي تربيتي عليها

واشغلي نفسج بعيالج وبيتج ومايهمج حد بس خذي الاجر وزوريها لان زيارة المريض واجب


وانتي يعني تتصلين فيهم دوم وتسالين عن اخبارهم ,, خذيتي الاجر

[ام حمده 77]

الموضوع ما مستاهل اختي الزعل

مهما استوي بظلوا عايلة وحدة وهم اهل عيالك

المفروض تسوي الواجب وتحثين زوجك على زيارة اخته

اذا كبرتي الموضوع بتزيد المسافات بينك وبين اهل زوجك

[almal3ka1]

محشومه و لا تقولين عن نفسج جذا

اول شي الطيبه شي وايد زين و كل انسان على و جه الأرض طيب او بمعني اصح له جانب الخير و الشر

لسانج قضبيه يعني لو كان السوال نعم او لا ردي نعم او لا مب لا عشان السبب الفلاني .......

التزمي الصمت و لو استوت مناسبه باركيلهم بس ها لا تحرضين ريلج , لان بالنهايه هايله اهله و هو ادرى الاحسن لهم


مب كل شي ينقال و خل يكون لكم خصوصيه

انا أتكلم عن نفسي : انا يوم اتشرى للعيد ما اراوي الكل انا شو شريت خاصه لبس و ميكب , لاني قبل كنت اراوي خواتي و وحده قالت يارب متى تخلصين منه و تعطيني و انا جي !!

انا توي بسم الله ما مداني , الدرس القوي اللي تعلمته ما اراوي أي حد الشي اللي اشتريه و يوم البسه يشوفونه علي

و سلامتج ها مثال بسيط

[امراه]

ملازم تخبرينهم انتي دامهم مايخبرونج ردي ع قد السوال وخلاص يادار مادخلك شر

[ماحد شراتي]

هذا درس لج ومب كلشي ينقال .. ودام انج عرفتي طبعهم خلي الرسميات تجمعكم

[ام يوسف 82]

مسا الخير حبوبات
انا من ناحيتي قلتلكم اعاني من نفس المشكله
صرت بعيده عنهم كتير بس اروح بالاسبوع مره ويوم الجمعة ومرات ولا اروح وزوجي الحمد لله متفهم وضعي ويعرف انو ما احب اعمل مشاكل ولا اي شي وصرت اكتفي بالرد بكلمه او كلمتين
ومتل ما قلتو بالنهايه اهلو وانا ما بحرضو عليهم لا سمح الله
زياراتي رسميه ما اختلط معاهم بالمره نفس اول طلعات معاهم كمان لا بس بالنهايه مصيري عندهم ع شان اهل اولادي 

[احلى بعفويتي]

جوفي انا عن نفسي جدا صريحه مع الجميع
فاكيد يوم اي حد بيسالني في الحدود الاسئله العاديه اجاوب وما اتريا اي معامله بالمثل ابدا
انا اسوي هالشي لقناعتي واسوي هالشي ارضاء لضميري بما اني ما احب اجذب ..
بس اذا اساله خاصه اعتذر عن الاجابه وهالشي من حقي

فياي موضوع تعامليبالي يرضيضميرج فقط ولا تترين الحير من احد لان الاجر لج من رب العالمين
انا بروح اباركلها واذا عندي حقهديه بخط واذا ماعندي بوديجوكلت وبسلم وبقولها الحمدالله عس السلامه
ويا دار ما دخلك شر


حلو انج تسامحين نفسج وغيرد ليش لان هالشييشل كل الشحنات السلبيه وتعيشين بسعاده