الخوف بيدمرني

[مشكلتي]

السلام عليكم ورحمة الله
بختصر الموضوع انا اعرف واحد من اربع سنين ونحب بعض صار له سنه يترجاني عسب يخطبني بس انا خايفه من ردت فعل امي و ابوي و اخواني لان اخوي كان يبي وحده من اماره ثانيه ابوي رفض والسبب اونه الورث و الناس بترمس فلان كيف عرف فلانه و ألخ انا احبه و ابيه و اهو مو ناقصه شي صار لي سنه اخاف اقوله تعال اخطبني و اهلي يرفضونه ويمنعوني عنه لدرجه ان احس فيني اكتئاب كل يوم اصيح قبل لا انام من غير سبب بس الى احسه اخاف يرفضونه و يحرموني منه بغيت منكم خواتي كيف اقنع اهلي فيه كيف افهمهم ان مستحيل اتزوج حد غيره لان اهو كل شي بحياتي والله مو بس كلام اهو كل شي بحياتي

المزيد من آخر المواضيع من نفس القسم:

• تزوجت مريض نفسي
• مشكلة حالتي بعد الأمومة
• مشكلة تقدم لي خاطب وافد
• مشكله بنتي
• زوجي تعبني بالضرب كليوم💔
• أواجه زوجي بكذباته ولا اسكت
• ريلي احبه ،، بس ماعرف شو الي حصل
• مشكلتي التعلق الزائد
• رفض ريلي للحمل
• عااااجل مشكلة واجهتني

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[المراقبة العامة]

تمت الموافقة
الكلمة الطيبة صـــــــــــدقة

[ام نهييان]

اذا تدرسين او تشتغلين تعرفي ع اخته وقولي لهلج انج تعرفين اخته و تباج لاخوها مافي الا جي

وخليه يخطب وقولي انج موافقه لانج استخرتي وارتحتي بس ابدا لا تقولين يا بتزوجه هو او مابا الزواج لانه اكييييييد بيشكون فيج

الله يجمعكم ب الحلال فديتج 💗

[Upscale touches]

انتي موقفج يختلف لانك بنت والاخ شي ثاني بالمرة لا تحاتي ولا تخافي
اذا نصيبك والله كتبه اكيد الله حيسهل عليج


لا تحزني ولا تضايقي الدنيا ما تسوى ابد
توكلي على الله ودعي دائما الله يسخره لج ويكون من نصيبك
كل شي باله\وء والحكمة تنحل


تعرفي على اخواته وامه
وخبري اهلك وحدة اخوها ناوي يتقدم لي

[المعآني]

الله يهديج

[dxb_love]

قولي انج ربيعه اخته و تعرفي على اخته ورتبو الموضوع انتي وياها

او حد من خالاته عساس مديرتج ورتبي وياها

[مس جوتشي]

قولي انج ربيعه اخته و تعرفي على اخته ورتبو الموضوع انتي وياها

او حد من خالاته عساس مديرتج ورتبي وياها

كلامها صح ماعندج غير هالحل

[غلآ نفسي]

بدال لا تجذبين ع اهلج وتتفقين مع اخته وترتبون الموضوع وحاله

انسييه احسن

خل ايي يخطب واللي يصير يصير

بالتوفيق

[mouzan7mod]

تعرفي على اخته مثلا
و خل تخطبج من أهلج و تتعرف على أمج و عقبها أمج بتكلم أبوج
و ربي ييسر أمرج

[Ward-uae]

سبحان الله تخافين من كلام اهلج وما خفتي من رب العالمين اذا بيوفقج في زواج بدايته غلط
وخليه يتقدم ولو فيه خير الله بيسر لج
اما انه كل حياتج على اي أساس شو الرابط بينج وبينه عيال ولا عشرة عمر
الحب ثقة وهذا الشي كيف يكبر وتقوى وبدايته تعارف
استخيري والله بيجدم اللي فيه خير وتوكلي على الله

[الموهبة]

الحل يتقدم ويجرب نصيبه بلاها تاخير منج خلي الريال يجوف نصيبه صار كمل المشوار ماصار نصيب يجوف له بنت حلال غيرج واتوقع تحبي له السعاده اما تعلقي الريال مو حلوه بصراحه
وعن لو سالؤ هو ريال ويعرف يتصرف ثانى شي ماحد بسائل كيف عرف او ماكيف عرف الدنيا تغيرت والهدف هو زواج
فعلا اتعجب من البعض الشي الحلال يخافون منه
والناس مالها خص بشي هو بتزوج ما بسوى شي حرام سواء من نفس الاماره او من خارج الاماره

[ام مصطفى..]

بالتوفيييييييييق

[falcom 6ayeb]

اختي وين المشكله اذا كلم اهله انه شاف وحده وعجبته يبا يخطبها ويبا اهله يسالون ويشوفونها يقولهم حاط عيني على وحده واباكم تعرفونها ومين اهلها ونروح نخطبها الموضوع بسيط استخيري وتوكلي على الله لو نصيبج صدقيني بتتيسر الامور بشكل مب طبيعي ولو لا بتتسكر بس انتبهي لا تقولين ابدا لاهلج كلمه لو ما خذته او خذته ابدا ابدا خليه يحاول والله يكتبلكم الخير .. نصيحه لا تاخرين شي خير البر عاجله