انا بكون زوجة ثانية

[nadia.ahmed]

حبيباتي شخباركن

مالي غنى عنكن

حبيت اشارككم اليوم بموضوعي و اتريا ردودكن و تجاوبكن معاي اعتبروني اختكم

بيتقدم لي واحد متزوج قريبا ان شاء الله و اخاف اهلي يعارضو على هالشي ... ابا مساعدتكم كيف اقنعهم وشو الحجج اللي ممكن اتمسك فيها

الشي الثاني يوم بيي يخطبني شو اللي ممكن احطيه كشروط لي .. للعلم حرمته الاولى موافقة وماعندها مانع

طبعا هو من امارة(1)و حرمته من نفس الامارة و ساكنه وياه بنفس الامارة وهو يداوم في امارة(2) و انا من امارة (3)

يعني هو بيقسم الايام بيني و بينها ... ويوم بنتزوج باذن الله انا بتم في نفس الامارة اللي انا فيها لاني اداوم هنيه و بياخذ لي شقة و الايام اللي هو مابيكون موجود فيها عندي انا بيلس ف بيت اهلي عشان ماتم روحي فالشقة ( يعني تقريبا بيكون عندي فالاسبوع 3 او 4ايام )


وبعد احنا اتفقت وياه ان مانسوي حفلة ملجة و بعدين حفلة عرس عشان المخاسير

يعني نبا نسوي بس حفلة وحدة هي ملجة و عرس بنفس الوقت ( بس انا ماعرف كيف اسويها بليز ساعدوني كيف تكون يعني فهموني اكثر اسويها فالبيت و لا قاعة و كيف يعني ملجة و عرس يعني هو يلبسني الشبكة و بعدين يزفوني ؟؟؟؟ خخخخ لاتضحكون علي بس فعلا انا ماعرف هالسوالف ( انا عادي عندي لو حتى مانسوي عرس خخخخخخ متخبلة ابا اعرس ادعولي >> الله ايسر امورج و يكتب لج الزواج و يبارك لج فيه >>> بس اهلي مابيرضو اني اتزوج من دون حفلة فانا وياه توصلنا لهذا الحل الوسط اننا نسوي حفلتين الملجة و العرس مرة وحدة

واذا تعرفون قاعات رخيصة بعد ساعدوني و دلوني

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[nadia.ahmed]

39 مشاهدة

ولا رد

ليش جي

[Upscale touches]

انتظري رد اهلك في البداية او لمحي لهم اذا خطبني حد مزوج شو رايكم .

لازم تتاكدي هل فعلا زوجته موافقة .


بعدين صلي استخارة
والله يكتب لج الي فيه الخير ويسهل عليج باذن الله

[nadia.ahmed]

انتظري رد اهلك في البداية او لمحي لهم اذا خطبني حد مزوج شو رايكم .

لازم تتاكدي هل فعلا زوجته موافقة .


بعدين صلي استخارة
والله يكتب لج الي فيه الخير ويسهل عليج باذن الله

سالت اهلي مبدئيا ماعندهم اعتراض و لله الحمد صليت استخارة ، زوجته موافقة بشرط يعدل بيننا

[ام نهييان]

حطي نفسج مكانها احس حرام اخرب حياة حد فلازم تتاكدين اذا هي موافقه او لا

وبعدين عن الملجه والعرس مش حفلتين اول شي اييكم ملاج البيت قبل العرس بكم يوم وتملجون ويعطيج ريلج زهبتج و مهرج و شبكتج بس متى يمديج تتزهبين اذا كل شي بيكون سريع سريع 😑

و بعدها سوي العرس وخلي يلبسج الشبكه ع الكوشه عادي او اذا مش حابه مالها داعي هالقصه عرس وخلاص لبسي شبكتج بروحج 😁

موفقه بس ردي فكري ف الموضوع استخيري

[sa7el]

متاكدة حرمته موافقة،؟!

كيف اتاكدتي؟!

[حياتي توأمي]

هيه صح كيف تاكدتي انها موافقة !!

تخيلي نفسج مكانها

[المعآني]

كيف حرمته موافقة

[ورقة ناعمة]

اعتقد والله اعلم الأخت مب مواطنه لانها كيف ماتعرف عن الملجة والعرس ,,,,

ودام اتفقت العروس مع الريال المعرس شو خصها بزوجته موافقة ولا لا اكيد الزوجة مب موافقة

والبنت تقول تبا تعرس يعني لو متزوج عشر بعد بتوافق


فماله داعي تسالونها اذا هي موافقة زوجته او لا

[mouzan7mod]

اول شي تأكدي من موافقة زوجته
و إن لما يتقدم لج إيب أهله و علشان تكون الصورة أوضح
بخصوص الأهل لمحيلهم أو عطيهم فكرة عالأقل علشان ما يصير إحراج

[ام نهييان]

اعتقد والله اعلم الأخت مب مواطنه لانها كيف ماتعرف عن الملجة والعرس ,,,,

ودام اتفقت العروس مع الريال المعرس شو خصها بزوجته موافقة ولا لا اكيد الزوجة مب موافقة

والبنت تقول تبا تعرس يعني لو متزوج عشر بعد بتوافق


فماله داعي تسالونها اذا هي موافقة زوجته او لا

هي قالت الزوجه موافقه بعدين نحن يوم نرد ع اي موضوع نحط نفسنا مكان صاحبة الموضوع

ف لو تحطين نفسج مكان الزوجه الاولى بتعرفين ليش نسال عن رايها 🙂

[Ward-uae]

انتي بالاول خليه يتقدم بعدها بتسوين انتي وياه فحص ما قبل الزواج اذا اوكيه بيملج المليج ما اوكيه خلاص
الاستخارة ما هي راحتج انتي
الاستخارة تيسير من رب العالمين او بيصرفه عنج فخلي ايمانج برب العالمين مب بشخص

[مالتيزرس]

نصيحتي لج قبل ماتدخلي بمعمعة الزواج من 2 .ترا لا تنسين انه الحياة بتكون مقسومة فيها شراكة بين 2 فاتأكدي بذاتج من حرمته 1 من موافقتها ..وعقب قرري الحفلة والملجة .

الله يكتب لج الخيير

[تفاحتي]

حريم الله يهديكن هي تبا حد يدليها ع قاعه رخيصه
مو تردون لها السؤال ب السؤال


فرضا زوجته مو موافقه
خلاص ماتعرس
دام الريال يباها خلاص كيفهم


اصلا من وين هالشايه الزوج مايعرس الا برضا حرمته

ماقريت او سمعت انا
شي ف سنه ار القران الريال يستاذن



المهم
صاحبه الموضوع

ماحددتي اي اماره عشان البنات يفيدونج

[ام نهييان]

سبحان الله يوم اي وحده ريلها بيعرس تباه يخبرها وما يسويها بدون علمها

اما يوم يكون الوضع عند غيركم برايها درت ولا ما درت

غريبه ...!!!