مشكلة مع شغالتي اليديده

[شغف أنثى]

السلام عليكم والرحمة . الموضوع عاجل ما يتحمل تأجيل .
انا يبت شغاله يديده نيباليه وعندي شغالتي القبليه اندونيسيه وخليتهم فتره عسب تتعلم اليديده من الجديمه. لاني بهالفتره سافر زوجي ومن يرجع بيسفر الجديمه . والله اليديده فنانه . طبخ وتنظيف وزينه. بس اليوم صار موقف . دخلت علي وانا البس ملابسي وانصدمت . طبعا هي تقول مدام انا ما شفتج بس جذابه . دقيت ع زوجي قال عادي هذي حرمة وما نروم نسفرها لاننا محتاجين لها ، وبالامانه هي وايد زينه .
بس انا ما اتخيل اقعدها عندي وهي شايفتني . شورو علي شسوي ؟
اسفرها مع اني بحاجه لها ؟
او اخليها واتحمل نظراتها ؟
اول مرة صراحه اتعرض لهالموقف ومو حلو صراحه
الله يسترنا دنيا واخرة .

المزيد من آخر المواضيع من نفس القسم:

• طلبات تمريض وعماله منزلية
• طريقة تدريب الخادمة على الطبخ
• كيفية السيطرة على غضب الخدمات
• نصائح لتعليم الاطفال كيفية التعامل مع الخدم
• للي محتاجة خدامة
• إتيكيت وفن التعامل مع خادمة المنزل ‏
• خادمة اثيوبية ممتازة جدا للتنازل
• نصائح للتعامل مع الخادمة
• دريول الموظفات وسيدات الأعمال مميز
• افضل طرق التعامل مع غضب الخادمات

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[شغف أنثى]

اللهم صل وسلم على نبينا محمد وعلى آله وصحبه وسلم تسليما كثيرا…

[صبصب]

اذا زينة خليها هالايام صعب تحصلين وحدة زينة
بس كيف شافتج يعني كنتي مب لابسة شي ؟؟

[شغف أنثى]

ايوا كنت حاطه الملابس بلبسهم
يعني مو لابسه شي أختي للاسف
شلون اخليها ؟
كرامتي أولى
بشتغل بروحي ولا أخليها… .

[شغف أنثى]

غلطة بنتي فتحت الباب وانا ما انتبهت ويات هي وراها . هي تقول ما شافتني بس انا متأكده انها شافت لانها عطول صرخت وسكرت الباب وانا شفتها يوم تسكره.
لا وبعد مارمت اقفله لاني كنت بعيده وبعدها بنتي فتحت الباب وماعرفت شو اسوي يلست ورا الكرفايه وانا اصرخ عليها تسكر الباب .
وبسرعه قفلته من سكرته بس بعد شو ؟
والله لو تعرفين وضعي مع الخادمات انا شعري حتي ما اكشفه جدامهن ، وبالصدفه شغالتي الفلبينيه من اربع سنوات دخلت غرفتي اتييب شي وانا ما مسكرتها وكنت بدون شيله انصدمت قالت مدام شعرج حلو ، انا عبالي مو حلو لاني من اشتغلت ماجفته . وفعلا لين سفرها ما كشفته جدامها الا بس لما شافته بالصدفه .
يعني الجنسيات الثانيه ما احب اتكشف جدامهن . ع اخر شي اتيي وحده اتكشف جدامها كامل ؟
والله موقف ما اتمناه حتي لعدوتي .
مخسره عليها وايد بس ما تهمني البيزات . مجرد ما ايي زوجي بوديها المكتب
بس ما قادره اسويلها شي ألحين خايفه ع عيالي وانا بيت بروحي .
والمصيبه انها منخشه بغرفتها طول الوجت عقولتها اذا ابيها ادق عليها ، شكلها استحت . اذا هي مستحيه شو اقول عن نفسي ؟
الله يغنينا عن عباده ماشي غير الستر والله ..

[تفاحتي]

حبيبتي الحمدالله انها حرمه حالها من حالج
يعني ترا اغراضج ترا نفس اغراضها
وماتوقع ان البشكاره امنيتها ان تشوفج بدون ملابس
والدليل انها مستحيه وقعدت ف حجرتها


حبيبتي


دام صدفه مو متعمده الشغاله
انسي وخليها تترزق
واذا عاد مره مو قادره


بيعيها ع حد ثاني
اكيد بياخذونها
يمكن ماتبا تسافر

[nadia.ahmed]

اختي استهدي بالله و واضح من الموقف انها مب متعمدة تشوفج بهذا الحال

خليها عندج مادام انها زينة

[ماما قصايد]

موقف وايد صعب ..يعني للامانة انا مااتخيل حد يشوفني وكل ماااكلمها ولا احط عيني بعينها اذكر هالشي وهيه تتذكر ..وذول خدم متغربين يعني لازم يخبرن بعذ ..
يا انج سفرتيها وافتكيتي من التفكير ..
او انج تغاضيتي لانها مب قاصدة ..بس لازم يتعلمن مايدخلن الغرفة بدون مايدقن الباب واذا محد رد مايدخلن ابد ...

[nadia.ahmed]

الله يكون بعونج اختي

[شغف أنثى]

بتحصل رزقها في بيت ثاني ، وانا يوم برجعها المكتب بمدحها . انا أمس ما قدرت اخليها تدخل عندي عشان تشتغل وهي طبعا ما يات عندي وطول الوقت مقضيته مع الشغاله جديمه ضحك وسوالف ع الواتس .
لو تبي تشتغل كانت بتيي وبتقوللي اذا ابي منها شي وانا بخليها أشتغل .
سبحان الله ان هذا الموقف خلا فقلبي كره تجاهها وعافتها نفسي . هي ما قصدت صح تدخل . بس عندها طبع تدش بدون استئذان .
وهي يديده صار لها اسبوع بس يعني طبيعي انها تشتغل زين في هالاسبوع عشان اتبين نفسها زينه .
انا كشفتها بالصدفة انها تطرش رسايل ع الواتس لانها طرشت مسج صوتي لولدي اونه ترمس رفيجتها بالمكتب . وانا مشيت الأمور بس زوجي ما يحب شغالاتنا يتواصلون مع رفيجاتهم بالمكتب لان تصير مشاكل يتفقن ويشردن مع بعض ومقارنات .
فأنا مشيت الموضوع لأن زوجي مسافر . بس مجرد ما ايي عطول برجعها لأني من شفت قعدتها ع الواتس طنشت قلت برايه ما نروم ندور شغالة يديدة . بس بعد ما عرضتني لموقف محرض جدام عيالي وفتحت الباب بدون استئذان وهي تعرف اني موجوده مستحيل أخليها .
حتى لو ما كانت تقصد ، واذا ع الرزق ترا بتحصل مليون بيت اهي شاطرة بالطبخ ونظيفة .
بس أبي وحدة ثانية لو ما تعرف تشتغل مرة عافتها نفسي وصرت داخلي ما احبها . يعني كأني كنت ناطرة أشوف عليها شي . قبل ما كنت قادره اتكلم بس ألحين خلاص عندي شي عليها .
أنا شفت حلم انه شي بيصير وسبحان الله استوى هالشي. طبعا مستحيل أي وحدة فيكم تكون مو مرتاحة لشغالتها وتخليها . لأني حتى مو متقبلة اشوف ويهها جدامي وجذا أكيد بتصير مشاكل معها وحرام يمكن أظلمها. ودامني ما حاسبتها عادي تكرر الموقف لاني ما قدرت اقولها شي بحكم اني ما اقدر اوديها المكتب وهالشغله ما تعيبني اسكت ع مواقف الشغالات بحكم حاجتي لهن . يا يحترمن نفسهن ويشتغلن صح يا الله وياهن .
ما يصير اذل نفسي لشغالة .
ويا حريم لا تغترو بالشغالات في مثل هالمواقف احنا يبنا ببيت اهل زوجي شغاله وبرغم انها رقم واحد في الطبخ وتشتغل صح . الا انها تطالع ما تحت الملابس . وانصدمت قبل لا تسافر بأشياء . تمت توصفلي حمياتي وزوجات حمياني وتقارن بينهم في الجسم . وانها احيانا تشوفهم بدون ملابس تحت .
وهذا كله وهي عأساس تشتغل ومحترمة نفسها .
يعني مو حلو تقعد توصف شكل الجسم لانج ما تضمنين اذا كانت ما تقول نفس الكلام لزوجها او اهلها .
واظن الاسلام حرم ان الحرمة تطلع مكشوفه جدام الحرمة عشان ما تيلس توصفها لرجل غريب وهذي مب مسلمة يعني ما اضمنها حتي لو كانت مليون بالمية اخلاق وطهارة !

عشان جي من الأول ارجعها وبحصل وحدة اعلمها وترا الشغالات حظوظ هذي زينه بالطبخ والتتظيف بس بطيئه مابحصل حد كامل .

استغربت ردودكم بصراحة حسستوني اني ياية من عالم ثاني والله . معقوله اي وحدة ترضي ع نفسها ان شغالتها تشوفها بلا ملابس وتخليها عادي بحكم حاجتها لها ؟
الله لا حاجنا لمثل هالأشكال والله !

[sa7el]

غلطة واستوت واحسج انتي الغلطانة

اللي مووول ما تحب تتكشف حتى بشعرها جدام الخدامات كيف نسيتي تقفلين الباب ياختي
ثانيا مب هي اتعمدت تفتح الباب هاي بنتج الله يهديج

وهي واضح انها حاولت تعتذر بطريقتها بس انتي وااايد كبرتي الموضوع

قولي لها مرة ثانية لا تين صوب غرفتي الا لو طلبت وبس طوفيها يعني

بعدين دامها حرمة شو المشكلة ان شافت شعرج؟؟!!!

مادري ،، ماشوف المشكلة في الخدامة احس انتي حساسة وايد

**********************

ثانيا أنتي اللي عطيتيها موبايل ونت،، واليوم ليش تشتكين أختي

احس انتي تسوين اشيا غلط وتفرينها عالخدامة،،، حرام والله بتظلمينها

لا هي اتعمدت تشوفج وانتي متفصخة ولا هي اتعمدت ويابت موبايل ونت من وراج


،، فكري،،، هاي منج انتي،، عالنت،، شلي الموبايل عنها وقولي لها بابا ما يرضى،، بس مرة او مرتين في الاسبوع،،، ونت ماشي،،، وموبايل نوكيا او عادي بدون كاميرا،،، ومع الايام

وثانيا،، هي ملاحظة انج منحرجة ومتنرفزة،، عشان جي مبتعدة عنج،، ودامج انتي ما بادرتي ،،،ولا زقرتيها،، هي من البداية حاولت تتاسف وانتي ما طعتي

شو تبينها تسوي لج،، مب حاسة انج مكبرة الموضوع وتظلمين الخدامة

[Ward-uae]

من حقج لو كنت مكانج كان مره من اول يوم وديتها المكتب
مب السالفه بس انها شافت هي ما احترمت وانا عندي ما تدخل الغرف عندها أماكن معينه تدخلها والطابق الثاني ما تروحه الا اذا طلبتها بنفسي
يبت سيلانيه قبل وخبرتها كل شي واولهم هالشي وعلى الظهر وعيالي رقود وانا بعد كنت داخل الحجرة وسمعت خطوات عاد انا فتحت الباب بسرعه تسمرت قدامي ما قدرت تركض كانت تسمع عند الباب ومن سألتها شو تسوين بدت تكذب انها سمعتني اناديها فما خليتها رديتها المكتب
مادام ما ارتحتي وتحسين انج ما بتتقبلينها وهالشي ما تقدرين تنسيه رديها

[شغف أنثى]

حبيبتي ساحل انا قافله الباب بس بنتي دقته بقوة وانفتح شكله المفتاح رجع ما ادري بالضبط شو صار ، يعني هي كانت عارفه ان الباب مقفول ليش دخلت .
وثانيا هي ما اعتذرت . وثالثا انا ما حاسبتها ولا نازعتها ولا غلطت عليها لاني اعرف يمكن ما قصدها عشان ما احسسها بس القضية قضية مبدأ . في اغلاط ممكن تتجاهلينها اذا كانت غير مقصوده وفي اغلاط ما ممكن تتجاهلينها اذا كانت غير مقصوده .
يعني مثلا شغاله صبت ماي حار ع ولدي بدون قصد وهو صغير تجاهلت الموضوع لانها مو قاصده غيري ممكن ما يتجاهله .
بسألج سؤال صريح ساحل : ترضين حق نفسج اتصيرين فاكهة المجالس بين الشغالات وهي ترمسهم عن هالموقف ورده فعلج وانتي تدورين شي يستر جسمج . وانتي كنتي قافله الباب بس انفتح بسبه الدق ؟ بس قولي هيه او لا .
للعلم المفروض اذا المدام قافله الشغاله ما تدخل هل هذا الشي معناته اني حساسة ؟

ورده الامارات عفيه عليج ادبتيها صراحه
تراني ناطره ريلي وعطول بوديها
ولعلمج ساحل انا بعطيها راتب شهر حق اسبوعها اللي اشتغلته وما بنازعها ابدا بخلي ريلي يوديها .
بس بيكون هذا درس انها تستأذن مرة ثانيه .
وما ظنتي بتقعد مع حرمة ما تبيها هذا مو من مصلحتها ؟
ناطرة اجابتج ع سؤالي ساحل ..

[شغف أنثى]

حبيبتي ساحل انا ما عطيتها موبايل هي خذت موبايل الشغاله الجديمه والشغاله الجديمه فتحت الواتس لانها بتسافر خلاص . وكنا مرتبين لسفرها بس طلعت السفره المفاجئة لزوجي وما قدر يأجل وقلنا مب مشكله شغالتنا ونعرفها وتيي تيلس معي اشوف الواتس انها متصله تقولي ما ادري شو السالفه شكلها مخليه التلفون عند الشغاله الثانيه وفتحت الواتس مال الشغاله مالي بدون اذن . شكلها متربية علي عدم الاستئذان .وهالحركه ما عيبتني بس لاني بروحي ما قادره اسويلها شي ناطرة ريلي يي بالسلامه . بس انتي معج حق من ناحيه ان الشغالات ما لازم يكون عندهم نت بالتلفون بس كلشي صار بهالفتره اللي غاب عني زوجي فيها . وما ابي اسوي مواقف مع الشغاله لاني خايفه ع عيالي وعندي 2 توأم وطفله وكلهم يبون اهتمام .

وبشو احلفلج اني ما حسستها بالاحراج بالعكس انا طنشت الموضوع سألتها ورحت اصلي وطلعت وناديتها تسويلي شاي ولا كأنه صار شي . لاني ما احب شماته حد وكانت يايه بنت حماي فما حبيت اسوي مشاكل وطنشت ومشيت الامور وسوت العشا ويات تشله وعادي ارمسها وهي عادي بس الموقف موقف حتي لو بعض الحريم يعتبرنه عادي انا ما رضيته لنفسي .

بقولج شي هي من يات من المكتب كله منخشه فغرفتها ولما أسألها تقول انها تستحي من زوجي يشوفها . زوجي عنده اجازه بدون مرتب سنه كامله يعني هي لين سنه ما بتشتغل ولما ناقشتها قالت من تبي ناديني ولما اناديها ما تيي بسرعه تقول انها تغطي شعرها زين بحجه انها تستحي . والمصيبه حجرتها بعيده وما اقدر كل شوي اطلع اناديها عندي بنيه صغيره.
انا اقول اللي تستحي لا تسافر وتتغرب عسب تشتغل اساسا بيوت فيه شباب وهي اصلا متزوجه يعني مو صغيره .
مب مشكله تصير المواقف وانا بعد ما اوديها المكتب بنسي الموضوع ما بيلس افكر لانها بس فتره واتذكرها يوم اجوفها جدامي .

[sa7el]

حبيبتي شغف انثى،،،،

محد يرضى على عمره يكون رمسة في حلوج الناس فما بالج الخدامة

بس الخدامة تعتبر انسانة غريبة،، جسم غريب عايشة معاكم في بيتكم

لو تقرين ردودي في قسم الخدامات لا تتحسبيني انا وحدة اتساهل مع الخدم،،، لا،، اهم شي عندي المبدأ

الخدامة ما تعرف اصول وتربية بيتي
ياية من بيت مشتغلة فيه حتى لو بيت عرب اتم عاداتهم غير عن بيتي انا

انا الخدامة لو تقول لي ماما الجديمة ما تجبرني البس شيلة ،اقول لها انسي مدامتج الجديمة الحين انتي في بيتي،، عشان انتي ترتاحين وانا ارتاح منج لازم شيلة او كفر للراس،، وقفازات،،
ما تمشين في هالمكان
ما ادشين غرفتي حتى لو انا محد،،،
ما تيلسين مع بنتي الا لو انا طلبت منج،،
ما شي موبايل ونت وكاميرا وبرامج التواصل الاجتماعي ،،

الحين بعد ما كملت عندي 6 شهور ،، ماشالله عليها،، اتسنعت

اول ايام اختبرها،، هل ادش الغرفة وانا محد بالعمالة كنت احط ورقة كيلينكس ورا الباب بطريقة ،، ومن ارجع البيت اشوف الورقة مثل ما هي وللا تحركت من مكانها؟؟!!!!

امنعها يوم نسير بيت الاهل انها تيلس مع الخدم ضحك وسوالف،، اقول لها ماباج تيلسين تسولفين مع البشاكير هذيلا غلط وماباج تتعلمين منهم،، عندج شي كلميني انا
في بيت الناس ساعديني وساعديهم في المطبخ وحطي بالج عاليهال يلعبون في الحوي وجي،،،

وطبعا نفس الوقت اكافئها،،، مشترياتها علي انا واعطيها احيانا مبلغ من غير الراتب وجي عشان يكون حافز لها

بس اختي انتي موفرة لها نت،، شو تبينها تسوي فيه؟؟؟ اساسا ليش تعطون الخدامات نت وموبايلات كاميرا

مش يمكن تصوركم او عيالكم على غفلة واطرش صوركم بلادهم لا سمح يسحرونكم وللا شي

ما اقول الموقف عادي انها ادش عليج غرفتج بس ممكن هي يت ورا بنتج تلعبها او تيودها وصار اللي صار

نصيحتي،، ايلسي معاها كلميها،،، وضحي لها مبدأج،، قولي لها انا ماحب جي واحب جي ولا تسوي جي وسوي جي ولازم السنع تعرف تقول شكرا واسفة ولو سمحتي ومن هالكلام

ياختي عطيها فرصة عالاقل لين يوصل ريلج،،، جربيها هالفترة،، يمكن انتي بروحج تغيرين رايج فيها
او يمكن تطلع فرعون وتردينها باجر ،،، وانتي على راحتج واتقبلي مروري عزيزتي

اختلاف الراي لا يفسد للود قضية