بغيت مساعده ضروري

**آم ضي ~** · 2016-07-31, 04:53

السلام عليكم خواتي 🙃

شحالكم واعلومكم !

بخبركم عني 😬 عندي مشكله بسيطه
مب عارفه احلها

ولدت من شهر تقريبا وشي وكان طبيعي الحمدلله بس الكرشه مب راضيه تخوزز عنيي اذتني

طبعا ماقدرت التزم بالحصا بمدة الاربعين يوم لاني وايد تعبت وماهتميت بنفسي وايد وكنت كل دقيقه لازم ارضع ولدي من صدري يعني يالله يالله تسيرين الحمام عزكم الله الا والبيبي فاج حلقهه يصيح هههه طبعا انا اول ولادة لي ف لاتستغربون من غصتي <<محرومه من النوم 😭💔

المهم طلعت من الاربعين والكرشه مضيعه قلت باخذ مشدات او حزام بطن

ورحت وشريت ويوم استخذمته زادت الكرشه بدل لاتصغر كبرت

وجربت نوع ثاني وثالث وماشي فايده

برايكم لو ارجع احط الحصايه ع بطني بتفيدني ولالا

ترا والله حتى الجيم جربته واسوي رياضه بعد 😔

عطوني حل الله يخليكم

المزيد من آخر المواضيع من نفس القسم:

**تفاحتي** · 2016-07-31, 05:09

الاشيا لو وقفتيها ترجع الكرش

الحل الاكيد المشي لازم تحرقين الدهون عشان تختفي الكرش
وطبعا الكرش هو الجزء الوحيد اللي راح ينزل متأخر جدا
يعني لازم تلتزمين بالمشي وبتشوفين النتيجه

**ام نهييان** · 2016-07-31, 15:15

حبيبتي توج مربي من شهر يعني متى مداج تجربين كم نوع من المشدات والجم ولا فاد ترا كل هالاشيا يبالهن طوولت بال كرش تكون ف 9 شهور ما بيروح ف يومين

المشكله اهملتي نفسج فترة ال40 عشان جي يبالج تصبرين لو بعد رباج ع طول ربطي بطنج او لبستي مشد كانت بتختفي اسرع

استمري ع المشد والرياضه وانتبهي لاكلج وانشالله بتردين نفس الاول بس كل شي يباله طولة بال

**ام الدحمي** · 2016-08-01, 00:02

الكرشه رياضه ومايرجع الجسم الا اذا شديتي ععمرج ولين 6 اشهر من الولاده هذاك الجسم اللي برافقج

**سماءالأفق** · 2016-08-01, 04:42

التلبينه والبروتين والمشي نص ساعه يوميا في الصباح في نفس الميعادحتي لو بالبيت ,المشي الرياضي يكون ظهرك مستقيم
وجسمك ويدينك مشدوده,والبسي بالبيت بناطيل وبلوزات ضيقه قطنيه اللي تكون قصتها ترسم الجسم.
واتركي المشدات .ان شاء الله تروح البطن.

التلبينه والبروتين لتعويض الخلايا وتجديدها فجسمك يعود مثل قبل

الموضوع: بغيت مساعده ضروري

أدوات الموضوع

عرض