حياتي الزوجيه من سيء لأسوء

[مشكلتي]

أتمنى ما ألقى ردود جارحه ، أدري موضوعي جريء لكن حياتي الزوجيه في أنهيار بسبب خوفي مثل العرايس

والسبب ولادتي


ولادتي كانت طبيعيه وطلبت من الأستشاريه ألي كنت أراجع عندها أثناء أشهر حملي خياطه تجميليه لأَنِّي كنت أسمع من

صديقاتي أن البنت تتغير بعد الولاده ولازم تجميل


الحمد الله ولدت بالسلامه وأنجبت ولد وكنت أهتم بنفسي وقت النفاس وحريصه على الأدويه

لكن لما رجعت البيت لقيت المنطقه ضيقه جداً جداً أكثر من كنت عروس لدرجة أن العلاقه الزوجيه ما تتم بشكل كامل

لأَنِّي أخاف ولازم يتم بالقوه وصار لنا الآن ثلاث شهور على هذي الحاله من خلصت نفاس


رجعنا لنفس الوضع مثل أول شهور الزواج



والمشكله الآن زوجي مل وصاير يعصب علي وأني دلوعه وخوافه وصاير يطلع من البيت وهو زعلان



أخاف يدور غيري لأن حتى النوم ما ننام من ولدنا وبكاء طول الليل وأنشغلت عنه بتربية ولدي




ما فرحت بمولودي البكر مثل باقي الأمهات

المزيد من آخر المواضيع من نفس القسم:

• تزوجت مريض نفسي
• مشكلة حالتي بعد الأمومة
• مشكلة تقدم لي خاطب وافد
• مشكله بنتي
• زوجي تعبني بالضرب كليوم💔
• أواجه زوجي بكذباته ولا اسكت
• ريلي احبه ،، بس ماعرف شو الي حصل
• مشكلتي التعلق الزائد
• رفض ريلي للحمل
• عااااجل مشكلة واجهتني

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[المراقبة العامة]

تمت الموافقة
الكلمة الطيبة صـــــدقة

[مشتاقه لربي]

حبوبه راجعي للدكتوره واجذي جل يسهل الايلاج انا جي لي 6 اشهر ولحمدلله
ممم الريال واي ريال يبا الراحه فهذيج الساعه زين انج انتبهتي لريلج وتحاولي تصلحين الموقف
خبريه انها صدج ضيقتج وايد وبروحج تخافي طالعه من ولاده مب شي هين بس خليه يحط من الجل وعقب فتره بالماي وعقب سهاله

[ام نهييان]

حبيبتي انتي غلطتي يوم سويتي خياطه تجميليه ف البجر لانه اصلا المنطقه ما تتغير هذاك التغيير الملحوظ الا بعد البيبي 3

الحينه عليج تردين للدكتوره تشوفلج حل و استخدمي الكريمات عشان يسهلون الشي عليج

وخبري ريلج بالوضع عشان يتفهم خوفج ولا يزعل عليج

[وجدان الفجر]

حبيبتي انتي غلطتي يوم سويتي خياطه تجميليه ف البجر لانه اصلا المنطقه ما تتغير هذاك التغيير الملحوظ الا بعد البيبي 3

الحينه عليج تردين للدكتوره تشوفلج حل و استخدمي الكريمات عشان يسهلون الشي عليج

وخبري ريلج بالوضع عشان يتفهم خوفج ولا يزعل عليج

مع الأخت أم نهيان .
في البداية أقول لج الحمدالله على سلامتج ومبارك ما ياج , ربي يحفظه ويبارك فيه ويجعله من عباده الصالحين .آمين
أختي صارحي زوجج علشان يتفهم واستخدموا الجل و وأنت خليج مسترخية لأنه الخوف يخلي العضلات متشنجة ويصعب الامور .
بعدين أختي أستمتعي بطفلج , وعيشي معاه كل لحظة ولا تربطي الموضوعين ببعض . الله يجعله قرة عين لج والله يهدي سرج ويسخر لج زوجج ويسخرج لزوجج, آمين .

[المعآني]

تحملي الغالية وادعي ربج يجعله قرة عين لج

كله أجر

هم الرياييل جيه مايعجبهم شي


لو مع العيال متضايجين من حشرتهم وما يتحملونه

لو مايبيتي عيال قالج أبا ولازم أشوف عيالي

وعقب الولادة الزوج لو ضيج مابيعجبه ولو توسع من الولادة مايعجبهم

رضى الناس غاية لاتدرك
انتي حاولي تطوفين وما تحطين كل اللى تسمعينه على راسج

وعلى العلاقة في مسهلات للموضوع اقري عنها
أو لو تراجعين الدكتورة احسن

[Upscale touches]

ارجعي للدكتورة ممكن عندها حل .
لا تفكري كثير بالموضوع استمتعي باول مولود لج وعيشي حياتك
اهتمي بنفسك واكلك وادعي الله يسهل عليج

[Ward-uae]

انتي متأكده انها خياطة تجميلية ولا بس كان بسبب شق الولادة ؟
ما ألومج الوم هالاستشارية كيف سوت لج خياطة تجميلية ؟
الخياطة ما منه والطريق
الدكتوره تسأل كم ياهل وتتأكد من المنطقة اذا توسعت وما غير حجم البيبي وقت الولادة
السالفة مب ابي وسويلي على حسب الحالة
وتمارين كيجل تقوي العضله حاولي بهذي التمارين في كل وقت

[ماحد شراتي]

ما قصرن الخوات والحمدالله على سلامتج ونصيحتي سيري عند دكتورة نسائيه زينه وان شاءالله بتعطيج حل

[mouzan7mod]

عزيزتي راجعي الدكتورة و خل توسع المنطقة دام ان الجرح ما إلتأم عدل
أو تعطيج جل يسهل الموضوع ، و ألف مبروك عالبيبي

[ريم العسووله]

أختي العزيزة ... يوجد هناك مخدر موضعي يتم استخدامه لمثل هذه الأمور ... اسألي طبيبتك الخاصة أو الصيدلانية عن هذا المخدر ... و هو يأتي على شكل مرهم أو بخاخ ... و قبل هذا حاولي ان تنزعي الخوف من داخلك و تذكري بأنه لا توجد امرأة ماتت من المعاشرة الزوجية !!! و أنتي قد مررت بتجربة أصعب من هذه الا و هي الولادة ... فلما الخوف إذن ؟!