التجمع الثاني لكروشات شهر (10,11,12)

[مس تاتوتة]

انا هالمره ماسويت هالسوالف مب فايجه كل يوم اقول باجر هههه

بس ع فكره في تاجرات اجانب يصممونلكم ثيم يجنن ب 100 درهم و يرسلونه ع الايميل بس انتو تطبعونه

جربو انا كله من هالموقع Etsy.com

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[ملكة الاحاسيس]

ملكة انا ناوية اسوي نفسج .. رحت السوق وخذت العلب و البوكسات .. و كل ويكند ابدا اخلص شي .. انا يقهروني يوم تسالينهم وما يردون او يقولون تواصلي واتس اب .. عيل ليش فاتحين حسابات يوم ما تبون تردون جدام الناس؟ وغير جي واايد مسوين فيها وقت معين ومستحيل اخلص قبل واذا مستعيله اسمحيلنا مانقدر .. خلاص بسوي بروحي وبفك نفسي من عوار الراس

ضفت الحسابات المغلقه وهي الي ترفع ضغطي وراسلت الحسابات الاخرى وكلهم تقريبا ماشين بنفس السعر سواء الخدمه جيدة او غير جيدة كلهن نفس السعر هذا الي لاحظته
ولما رحت للسوق مثل ماذكرت وخذت لي لفه اكتشفت فىق السعر شي مو قليل خذت لي بوكسات وعلب وبسوي نفس الافكار والتزيين في كل المحلات مايكلفج تاخذين بالدرزن وكله سعر بسيط ومنها تسوي شي ونتي واثقة في شغلج وواثقة في التوقيت لن عادي اي وحدة تتراجع لو ماقدرت تسلم الطلب في الموعد الي يفترض فيه التسليم

..

سالت تاجرات الي يسون مدسات وفرش بالاسامي طلبت بس المدس قالت لي بالف يابوج بالالف بشتري فيها شي وشويات عشان مدس بينلبس في الايام الاولى وعقب انا ماحط عيالي في مدسات ولا قماطات قلت بروح السوق وافصل بذوقي وعند ناس فاهمه شغلها والمطبعه تطبع لج اي اسم تبين مابكلف خمسين درهم فقط !

ونفس ما ذكرتي
وقت محدد ولازم تسلمين المبلغ كامل ونا شو يضمني بستلم بضاعه نفس الصورة لازم اشوف واتاكد من الخياطة والطباعه ولا فقط اعتمد عالصور وياما ناس انغشت بالصور للاسف

الرد جاني عقب 4 ايام من رسالة واتساب ومن عقبها شطبت عالحسابات لنه طفشت كل واحد يقولي لازم موعد محدد


بالنسبة لطباعه الثيمات انا مو وايد اهتم للامور هذي بس كتغير رحت لكذا مطبعه وسعرهم جدا معقول بس عندي اختي شطورة تسوي وتحب هالسوالف للتقديم والمناسبات ققالت لي الموضوع ابسط من البساطة وشرحت لي كيف اسوي وفعلا طلع جدا بسيط
ورق الاستيكر تاخذين مقاس A4 يكون مكتوب عليه lebels وتسوين اللي تبينه واطبعي .. في المطبعه قالو الورقة كامل ب5 دراهم
التاجرات كل ابوهن قالو الستيكر الواحد فقط ب5 ! يعني لو بطلب حق 100 شخص بيكلفني 500 درهم . ان جيتو للصدق اثق بشغل المحلات اكثر من تاجرات لن ياما فشلونا التاجرات ..

[ملكة الاحاسيس]

صح كلامكم بس هاي الي بسوي عندها ثيم ديزاين اسعارها حلوه حليلها
استكرات الماي 2 درهم
استرو العصير 2درهم
تغريسات 3 دراهم
طبعه برواز ايكيا تكونون انتو شارينه قبل ب 10 دراهم
و بوكسات نفس الثيم تحطونه فيه الشوكلت ع 6 دراهم
وايد اشياء عندها شغلها حلو ونفس الوقت اسعارها حلوه

ريتاج
انا لو اقولج بكم هذول كلهم بتضحكين بس هالتاجرة سعرها اقل شي مقارنة بالي شفتهن .. يمكن تبي فايدة بسيطة بس ترا سعرهن بالسوق بسيط جدا جدا

البانر اطبعيه احلا واكشخ من البرواز لن فكرته تعتبر قديمة ةمستهلكة شوي الاجانب يسوون فكرة مرايات حبيتها وااايد ويزينون بالوىد ويجيبون حروف اسم الطفل ويلزقونها الفكرة جميلة

[حرم y]

يا مرحبا بج يا الغاليه
وحياج الله بينا ربي يسهل عليج

هلا فديتج

اليوم دخلت الاسبوع ال 25 ولله الحمد...

[UAE prestige]

مرحبا كروشات
كيف الحال
لازال الكل صامد ماشاءالله
سرت موعديه ولقوا الدم وااايد نازل
حطوا لي حديد عن طريق الوريد
ان شاءالله أصير احسن
بالنسبة للتوزيعات والثيمات انشغلت وايد عن كل التجهيزات فالآونة الاخيرة
الثيمات دقيت لمطبعة تسويلي واظن خلصوهن واروحي بلصقهن
والتوزيعات للحين ادور فكرة يمكن احط كسر عود او دخون اما الاغراض فخلاص اشتريتها
باقي اعبيها بس باقلي أغراض المطبخ كلها والأعشاب
وباقي ارتب حجرتيه فبيت اهليه وارتب فيها اغراضي وأغراض البيبي وعيالي
مواعيدي ما شاءالله ماتخلص ع كل يومين ثلاثة موعد

[UAE prestige]

صحيح فالموعد قالت لت لي أوزان البيبيات زينة
ورؤوسهم تحت ماشاءالله
قالت تعدين مرحلة الخطر او المحاتاة باْذن الله عقب خمس اسابيع
عقبها ربي براحتج
خخخخهخخخخهه

[UAE prestige]

ام خليفة
دوري فالانستغرام بتحصلين وايدات
وحدة اسمها ماجيك ثيمز ثيماتها حلوة
بس مادري عن الاسعار

[ملكة الاحاسيس]

صباح الخير

انتي تراجعين في وين برستيج ؟

[غياهيب81]

صبااح الفل ..
اخباركم حوامل ,,

ملكة صادقة والله من ناحية المبالغة عند بعض التاجرات من ناحية الاسعار ..

بسالج شو هالموقع الاجنبي الي تقولين عنده افكار يديده ,, او فيه صور نشوفها ..
ترا انا اول مره اسوي ومحتاره ..

[ملكة الاحاسيس]

دخلي قوقل او انستاغرام وكتبي baby shower
Event planner
وكتبي theme بيظهر لج وايد اشياء انا فب قوقل امي طلعت اشمثر تصاميم مجانيه من قوقل وبشتري ورق طباعه وبطبع

[أم خليفة11]

بنات صباح الورد ،، ادري انكن حريم و أمهات بعد بس ماعرف ليش تعودت أقول بنات هههههه

[أم خليفة11]

برستيج و ملكة و ريتاج و الأخت حرم y و الجميع ،،

بالنسبة للثيمات بليز خبروني عن وحدة انتو جربتوها و برستيج بالنسبة للمطبعة وين في ابوظبي و الا العين خبرينيه بسرعة افديتج على الفون و بسوي شراتج و الله حرااام باجي على موعديه تقريبا 3 أسابيع و اشوف النونوهات ياااارب يارب تتسهل اموري و اموركم يارب .
برستيج ان شاء الله ربي يكرمنا بولادة طبيعية مع انج في 27 أسبوع في مجال انه البيبيز يردون يلفون عادي صارت وياي كذا مرة يقولون لي الراس تحت و عقب فترة يجلب لكن هالمرة و لله الحمد نزل تحت مرة 2 يارب التساهيل من عندك .
خيروني مابين الولادة الطبيعية و القيصرية و انتو شو رايكن ؟

[UAE prestige]

صباح الخير

انتي تراجعين في وين برستيج ؟

فالجيمي فديتج
بس يمكن اودرهم
وافتح ملف فالواحة

[ملكة الاحاسيس]

ام خليفة
شفت لج مقطع فيديو خطيييير باليوتيوب اجنبيه ولدت توينز طبيعي لكن بالثاني شوي طولت وسوواها شق .. السبب الطفل الثاني كان نازل من ريوله والفيديو صراحه جريء جدا تعرفون الاجانب يعني


بؤستيج انا اراجع في توام ولاعت جبدي الفترة الاخيره يغيرون المواعيد وانا الحين بالثامن ومع هذا تاخير على مادش عالموعد ماقد جربت جيمي ولا الواحه

[ام نهييان]

برستيج و ملكة و ريتاج و الأخت حرم y و الجميع ،،

بالنسبة للثيمات بليز خبروني عن وحدة انتو جربتوها و برستيج بالنسبة للمطبعة وين في ابوظبي و الا العين خبرينيه بسرعة افديتج على الفون و بسوي شراتج و الله حرااام باجي على موعديه تقريبا 3 أسابيع و اشوف النونوهات ياااارب يارب تتسهل اموري و اموركم يارب .
برستيج ان شاء الله ربي يكرمنا بولادة طبيعية مع انج في 27 أسبوع في مجال انه البيبيز يردون يلفون عادي صارت وياي كذا مرة يقولون لي الراس تحت و عقب فترة يجلب لكن هالمرة و لله الحمد نزل تحت مرة 2 يارب التساهيل من عندك .
خيروني مابين الولادة الطبيعية و القيصرية و انتو شو رايكن ؟

حبيبتي اذا في مجال طبيعي ربي طبيعي نصيحه مني
انا ربيت طبيعي بعد مليوووون استخاره مت وحييت ان ييتي للصدق لانه البيبي الاول مانزل ف الحوض بسرعه والطلق الصناعي جتلني والبيبي ال2 نزل من ريوله بس لانهم صغار فديتهم ما حولوني قيصريه وااايد ساعدوني الدكاتره تعذبت بعد ف الخياطه بس الحمدلله بعد ما شفتهم رااااح كل التعب وقدرت اجابل عمري واجابل بيبياتي لو عمليه مابقدر اتحرك

ف ياختي الطبيعي شي من ربج وايد احسن من القيصري وفوق هذا لج اجر ف الويع والطلق والتعب وبتحسين بقيمة عيالج اكثر 💙