التجمع الثاني لكروشات شهر (10,11,12)

[mrs.abk]

انا شهر 11
مشواري هو الأطول .... خخخخخخخ
من شهر ما خذت شي مع اني مب مخلصة كل يوم
أؤجل وأثقل وأخر شي بربي مب مخلصة

مشواري أطول من مشوارج .. وما بديت أجهز بعد .. أتريا أخلص من سالفة الدوام بداوم شهر وخلاص أحس عمري مبنجرة من الحين ..

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[mrs.abk]

بنات شو انسب وأخف نوع حليب للأطفال بعد الولاده انا بشتريه اخر شي يعني بدايه التاسع ،،
وبخصوص بودرة السر انا ماقد جربتها تنصحوني اخذها للبيبي ولا بس كريم معقم من المستشفى؟؟
الي جرب ياليت ينصحنا ..

عن نفسي باخذ ابتاميل الجاهز من سبينيس حق أول الايام في المستشفى .. أنا أرضع طبيعي بس حليبي يكون وايد قليل أول اسبوع فاخذ هالجاهز أعوض فيه ..

ما يعطونج شيء من المستشفى للسرة .. أنا أخذت البودرة في بنتي الثانية ونفعتني ..

[mrs.abk]

احتاج شيلة بيت ولا ؟ لنه اذكر اخر ولادة نسيت اجيب حجابي وكانو يدخلون علي ممرضين بالخاص

- - - Updated - - -

الجلابيات للنوم بعد ولا

هيه تحتاجين شيلة بيت .. الجلابيات للاستقبال 2 .. وبيجامتين نوم ..

- - - Updated - - -

حبيباتي متى تبدون تشترون للبيبي ؟
انا الحين في بداية السابع ولله الحمد بس ما اعرف متى اشتري

الحين احسن ولا توه الناس ؟!

أنا ببدا اشتري اخر هالشهر بس علشان الراتب طار في مشتريات العيد .. لو عندج ميزانية توكلي

[mrs.abk]

ملكه
انا بصراحه كنت بقولج اخذي حق كل جلابيه شيله بس ما اعرف شو ترتيبج ، لانه يمكن حد ييج من الحريم الغرب او حد من حموانج ياي مع حرمته بيدخل يسلم وبعد على قولتج الممرضين يمكن يدخلون او دكتور أطفال ،
وبعد تسترت وانتي ترضعين اذا عندج حريم ،،

اما بخصوص ترقدين بهن هيه عادي اكيد هن مريحات وفيهن فتحت رضاعه لانه بعد تخافين حد ييج فجأه وانتي بعدت مابدلتي قميص النوم ، وانتي والي يريحج انا ناويه اسوي كذا لان جلابياتي قطن و مريحه ..

مثلي أحب لكل جلابية شيلة .. بس ما أحب ارقد بحلابيات أبد .. أدفى لي البيجامة ..

[mrs.abk]

حرم y
حبيبتي اذا عرفتي جنس البيبي عادي أبدي لانه وايد الترتيبات احسن سوي لسته مشتريات كل شهر عشان ماتضغطين نفسج بالميزانية وعشان ماتتعبين من المشي ، ولا تكثرين لانه البيبي مشاء الله يكبر بسرعه يعني اخذي من نيوبيبي ومن شهر ومن 0-3 واكبر شوي ..
وبالتوفيق ..

أنا في البداية أخذ اب لو 1 منث و 1-3 منث .. في التاسع أشوف وزن البيبي وأقرر لو اخذ له نيوبورن أو لا .. علشان أخذ له شيء يناسب وزنه

[mrs.abk]

عن موضوع البمبرز مايعطون غير كم حبه افضل اتشلون وياكم للبيبي .. والوايبز وكريم الحفاظ احسن بدال مايذلونكم المستشفى

أشل الكيس الصغيرة لو استعملتها او ما استعملتها تفيدني .. وأشل علبة وايبس وكريم .. لو عطوني خليت أغراضي ولو ما عطوني يكونون جاهزين ..

[ريتاج الامارات]

انا جهزت شنطتي وشنطه البيبي ربي يسهل علينا جمعيا

بخصوص الحليب
ابتاميل ممتاز عطيته ولدي والحين ناويه بعد

والاحسن جلابيات للنوم بروحها
وجلابيات اذا يوم الحريم تكون ارقي مع شيلهن كل جلابيه وشيلتها لان بعد بمر دكتور الاطفال او غيره

منو معاي ف التاسع اعتقد لطافي بعد منووو

[mrs.abk]

انا جهزت شنطتي وشنطه البيبي ربي يسهل علينا جمعيا

بخصوص الحليب
ابتاميل ممتاز عطيته ولدي والحين ناويه بعد

والاحسن جلابيات للنوم بروحها
وجلابيات اذا يوم الحريم تكون ارقي مع شيلهن كل جلابيه وشيلتها لان بعد بمر دكتور الاطفال او غيره

منو معاي ف التاسع اعتقد لطافي بعد منووو

الله يقومج بالسلامة .. أنا ناوية أبدا التجهيز بداية الشهر الياي بإذن الله .. بس فيه أشيا أبا أطلبهم من برا بطلبهم الحين لأن عقب يمكن اقعد في البيت وما يكون عندي فرصة أفتح اللاب من بناتي الله يحفظهم ..

[غلا راكـ 3]

انا بدخل الثامن ولا جهزت أي شي

[غياهيب81]

ريتاج
الله يقومج بالسلامه انتي والي دخلوا التاسع ،،
انا بعدني ف الثامن ،، الله كريم

[ريتاج الامارات]

الله يقومج بالسلامة .. أنا ناوية أبدا التجهيز بداية الشهر الياي بإذن الله .. بس فيه أشيا أبا أطلبهم من برا بطلبهم الحين لأن عقب يمكن اقعد في البيت وما يكون عندي فرصة أفتح اللاب من بناتي الله يحفظهم ..

الله يسهل عليج حبيبتي جهزي احسن تكونين مرتاحه

- - - Updated - - -

ريتاج
الله يقومج بالسلامه انتي والي دخلوا التاسع ،،
انا بعدني ف الثامن ،، الله كريم

ربي يسهل عليج حبيبتي غياهيب هانت باذن الله بمر الوقت بسرعه

[l6afy]

كروشات ابا نصيحتكم

كان عندي موعد والدكتورة فحصتني من تحت ..الحين ينزل علي دم بني جي مثل الافراز المخاطي

اروح المستشفى والا عادي؟

[ام علي 88]

كروشات ابا نصيحتكم

كان عندي موعد والدكتورة فحصتني من تحت ..الحين ينزل علي دم بني جي مثل الافراز المخاطي

اروح المستشفى والا عادي؟

هلا اختي

انا وياكم ف التجمع بس عضوه خامله ههههه

عادي فديتج ف حملي الاولي فحصتني الدكتوره و من طلعت و انا ينزل علي شراتج ، و يومين و ربيت الحمدلله ، حبيت افيدج لاني كنت خايفه شراتج بس هي نبهتني انه من الفحص

الله يسهل علينا و عليج يااارب

- - - Updated - - -

انا حالياً ف الاسبوع 37

[ملكة الاحاسيس]

الله يعين الي وصلت شهرها.. انا عندي احساس قوي مابكمل لين التاسع احساس الي جربت الخلفة من قبل مدري يصيب ولايخيب ... الحين دخلت اسبوعي 36 والله يعدي هالايام على خير

مضغوووزطة من العيال وطلباتهم
اكيد بالمستشفى ماتلحقين تبدبين بيجامة للنوم لنه الدكاترة يمرون علينا والممرضات الصبح . اما الاهل صح لاوم تتغطين قدامهم ..
الله المستعان جههزت شنطة صغيرة حطيت اغراض شخصية وجلابيتين مع الاندروير ... بعدني ماخذت حفايظ للياهل
واحاتي والله كيف برتب الوضع .. اذا يتني الولادة اغيب عيالي ولا شو اسوي .. الله يعيني يارب

[ملكة الاحاسيس]

استفسار يا لطيبات . شو هيه البودرة حق السرة ماقد سمعت فيها او يمكن نسيتها ؟

لطاف

مبروك قرب ولادة هالعلامة اذا ما نسيت ..