اختي ماتباني اتزوج

[مشكلتي]

مرحبا

شحالكم


قبل لا ابدي ب المشكله انا عندي اختين وحده السنه اليايه اخر سنه لها فالمدرسه واختي اللي هي ساس المشكله ثاني سنه جامعه وانا السنه اللي طافت تخرجت المهم تقدم لي واحد وتمت النظره الشرعيه وتمت الموافقه بس اللي حسيته اختي اللي فالجامعه وايد مضايقه مني تعق علي رمسه ماتثمنها اني انا متخبله على العرس وانا مالي مستقبل انا بديت اكره هالشي وكرهت طاري خطيبي بعد والسبب هي اي حد اي يخطبنا ماتحب وانا اول واحد رفضته يوم كنت فصف 11 لانه بعدني وبعد هي قالت لي مايحتاي تفكري عطول رفضي ورفضته وهالثاني وافقت عليه لاني اعرفه طيب والكل يمدح فيه وامايه وابويه يبوني اعرس لانه من حقهم يفرحوني فيني وانا افرح بس اختي وتعاملها وياي احس خلاص عادي قبل العرس بيوم الغي كل شي وهي السبب وها غير ربيعاتها اللي يرمسنها عشان يسألن عني تقول لهم هي متخبله عالعرس وشونسوي لها يعني لهدرجه ماتباني افرح واكمل حياتي بتقولون هي متحسسه لانها ما نخطبت بالعكس هي خطبوها 3 بس هي ماتبا تعرس ولا تبانا نحن نعرس

المزيد من آخر المواضيع من نفس القسم:

• تزوجت مريض نفسي
• مشكلة حالتي بعد الأمومة
• مشكلة تقدم لي خاطب وافد
• مشكله بنتي
• زوجي تعبني بالضرب كليوم💔
• أواجه زوجي بكذباته ولا اسكت
• ريلي احبه ،، بس ماعرف شو الي حصل
• مشكلتي التعلق الزائد
• رفض ريلي للحمل
• عااااجل مشكلة واجهتني

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[المراقبة العامة]

تمت الموافقة
الكلمة الطيبة صـدقة

[ام نهييان]

برايها شو تبينها خليها تسووولف وتتحرطم لين تقول بس دامج مستانسه ومرتاحه وامج وابوج يايزلهم الريال برايه انا عرست وكانت ختيه ماترمسني لين قبل العرس بكم يوم لاني عرست قبلها وهي الكبيره بس شو يعني هذا نصيب

فديتج لاتهتمين فيها وتعاقبين خطيبج بسبب اختج ماله ذنب حليله عيشي فرحتج مع هلج واختج الصغيرا وربيعاتج والباقين ماعليج منهم

الله يسعدج ويهنيييج و يهدي اختج مردها بترضا ماعليج ❤

[ام الدحمي]

مب لازم تفكيرج يكون مثلها انتي صلي استخاره وبعدين شو تلغي كل شي الزواج مالعبه تلعبي عالريال وجهز ويصرف ويفرح وعقب مااباك برايها اختي كل له حياته
الله يوفقكم

[Upscale touches]

صراحة اغرب موضوع قريته من دخلت المنتدى
بهذا الزمن تحصلي الزوج بالعافية شوفي البنات الي يتمنون ينخطبوا وحالتهم فعلا صعبة

فكري بنفسك ومستقبلك لا ترفضي وفكري بالمنطق اذا هو ممتاز بنظرك وعجبك وافقي
لا اختك ولا صديقاتها حيفيدوكي اذا قعدتي عند اهلك بعدين فكري بالمنطق
فرصة جت لين عندك لا تخربي مستقبلك بيدك عشان مشاعر .


كملتي دراسة وشكلك موافقة
توكلي على الله

[بنت الشوامخ]

اختي انتي شكلج حساسه
ما اشوف الموضوع فيه مشكله
امج و ابوج هم الاساس والحمدلله موافقين ومتحمسين وانتي مرتاحه للريال

اما اختج رايها وكلامها سوي له اكبر طاف لايضر ولا ينفع مجرد تعبر عن رايها كيفها اذا هي جي نظرتها للزواج ف انتي نظرتج له شي ثاني

ثاني مره اذا اختج تكلمت ردي عليها ولاتخلين شي في قلبج
قولي لها كيفي ابغي الستر واعف نفسي واشوف عيالي وبنفس الوقت بكون ناجحه بأسس اسرة وبتوظف بعد وبنجح بحياااتي

[mouzan7mod]

لا تعطين لكلامها أكبر من حجمه ولا تخربين فرحتج و فرحة الأهل
خل تقول إلي تقوله , و الله يتمم لج على خير

[ماحد شراتي]

طاااااااااف واكبر طااااااف لكلام اختج .. ما عليج منها .. اذا الشخص زين وانتي واهلج مرتاحين له فتوكلي عالله .. لا تتسرعين وتخلين اختج تاثر على قراراتج لانه محد بيخسر غيرج

[dxb_love]

شكلج صغيره

سويلها طاف ومع السلامه

[مالتيزرس]

احلفي انتي بس !!
تنكنسلين زواجج بسبب اختج ومصخرتها ..جيه لعب عياال هو ..الريال مخسر اللي وراه وجدامه وانتي عسب اختج قاصة عليج

انتي صدق فيج دلع وحساسية زيادة اسمحيلي ..خليها برايها تقول اللي تقوله اش لج فيها خليها تنقع بكلامها ويا ربعها برايها عطيها كااش قوليلها هي ابا اعرس وخاطري فالعرس اببا الستر وانتي بكيفج ..
صدقيني يوم بتشوفج مستانسة وتحملين بتعيد النظر يمكن انتي اول وحدة تعرس وهي معقدة فعمرها ..

اتوكلي ولا تعطين الموضزع أكبر عن حجمه .ولاتخلينها تخرب فرحتج

[رسايل غلا]

اختي ما عليه لا تخلين هالشي يخرب عليج، يمكن هي ما تقصد انها تضايقج، بس يمكن لأنها قريبة منكم مثلا خايفة يفرقكم الزواج وتتغير حياتكم، أو عندها نظرة سلبية للزواج من الأساس.

[شيخه بنت يوسف]

استخيري في الزواج والي فيه الخير الله بيجدمه