تعقيب 1: ابغي حل تعطوني شمعه امل لمستقبلي

[مشكلتي]

‏
https://forum.uaewomen.net/showthrea...A8%D9%84%D9%8A

تمت الموافقة


‏
شو اسو ي جماعه انتو اكبر عني .. انا م عرفت استشير منو .. ابغي حل يمكن الله رزق وحدة فيكم بحل زين لي .. وجعل الله يرزقكم الجنه وكل شي تتمنونه ... ريحوني الله يريحكم دنيا واخره
-------------------------------------------------------
الحل هنا :
1- افرشي السجادة في الثلث الاخير من الليل وادعي الله وانتي ساجدة قولي اللي بخاطرج لاتقومي من سجودج إلا وقلتي اللي بقلبج وربج بيفرجها عليج من اوسع الباب
بس كوني صادقة معه يصدقج
2- اكثري من الاستغفار واتركي الماضي وراج واتركي اللي ترمسينهم لو تبغي راحة البال والسعادة
3- روحي لدكتورة تكشف عليج

الله يرزقج بالزوج الصالح اللي يسعدج ويريح بالج يارب
دعيت لج وانا صايمة والله يتقبل ولاتنسي تبشرينا بتعقيب عقب
‏

ان شاءالله عزيزتي انا ولا مره صليت ف الثلث الاخير يعني الساعه كم تقريبا ،؟ وبعد اللي صار معاي كذا مره رحت العمره وتبت وادعي الله الفرج وان ييسر كل اموري وان يرزقني الله شخص يستر علي عشان اوقف ارمس اولاد انا من زود الملل اكلمهم بعد وربي م اكلمهم كحب وخرابيط بس ف الالعاب وكأخوان بس


‏

لا تقسين عنفسج

سيري عند دكتوره و لو تبين تتاكدين اكثر


كلنا نغلط و الله هو اللي يحاسب و يغفر

انا سرت حبيبتي سرت العياده اول قلت لامي ان بطني يعورني وفعلا كان يعورني وفنفس الوقت سالت الدكتوره اهناك كانت اماراتيه وفهمتني بعد م خبرتها طبعا الوالده م تعرف عن شي والوالده عصبيه حيل عشان جي لجأت لكم

اكيد فديتج محد يطلع من بطن امه وهو عارف كل شي واللي يصير معانا من مشاكل اما تكون ابتلاء او اختبار بس انا شو ذنبي الله ابتلاني بشخص خرب حياتي لان اخوي خرب حياة كذا بنت

‏

الماضي انتهى

استغفري واطلبي الستر من رب العالمين .. لا تقطعين برزقج بدون ما تكونين متاكده .. سيري عند دكتورة نسائيه وان شاءالله بتريحج وبتقولج امورج تمام وطمنينا عقب عليج

امين ،، والله ياما تقدمولي ناس طيبين واخلاق وجمال وكل شي بس اتردد بسبب هالشي حتى يت فتره خطيبي السابق بغى يكلمني قبل لا نملج وقلت هذي فرصه عشان اصارحه قبل لا يدبر المهر وغيره وبعدين ينصدم بس الاهل م طاعوا نكلم بعض الا بعد م نملج وطبعا م كلمنا بعض ورفضنا

‏

تعرفين انتي شو تسوين ؟ تعيدين الماضي !!!!
قبل و انجرحتي و تبين تعيدين الغلط ؟؟؟
أختي عليج بالإستغفار و التوجه لله و الدعاء
أطيلي السجود و ناجي ربج أكثرو أكثر
و بخصوص العذرية ، روحي عن دكتورة ثقة تكشفلج
و الله يستر عليج دنيا و آخرة

لا يالغاليه انا م اعيد الماضي بالعكس صرت حذره اكثر انا تغيرت قبل اي شي ينقالي كنت اسويه اما الحين صرت حذره

امين ويستر ع كل بنات المسلمين

‏

الله يفرجها عليج يارب

امين ويفرج عليج

‏

اول شي حبيبتي الدرب لي تمشيبه غلط مشيتيبه قبل وضرج لاتعيدين الشي
ابتعدي عن الشباب محد ياخذ وحده كلمها كلهم يبونج لفتره لعب وخلاص

بعدين عن موضوع العذريه كيف يعني خوفتج شو قالت ماتوقع الصبع يأثر لاتوسوسين فديتج راجعي دكتوره معروفه تفهم وانشالله تطمن قلبج لاتضيعين عمرج وانتي ترفضين اللي ايونج عشان وهم

الله يستر عليج وايسر امورج ❤

اعرف الغاليه بس انا غلطت اول مره واخوي العود فهمني ونصحني بالهداوه ووالله شلت كل الاولاد من مخي ووعدت نفسي م ارجع لهالدرب مره ثانيه بس اخوي الثاني اللي بسببه انا غلطت لما عرف يا وضربني واااايد لما شاف ان مافي حد ف البيت حتى انه سبب لي ورمة ف راسي دخلوني للطواري وبعدها بصراحة عاندت وصرت ارمس

في مره رحت مع الوالده لعياده عشان شي ثاني وطلبت منها اشوي تيلس برع عشان القى فرصه اخبر الدكتوره وتقولي الحل وماشاءالله عليها كانت اماراتيه وحبوبه وخففت عني وفهمتني وعطتني تحويل لقسم النسائيه ف مستشفى وبعد انتظار مع الوالده ( طبعا الوالده م تعرف للحين ) دخلت عند الدكتوره كانت هنديه اتوقع ف قلت لها بهداوه وبصوت خفيف ان تكشف لي لاني تعبثت بنفسي ع عمر 11 سنه ف خوفتني كانت ماسكة القلم وعقته ع الارض ورجعت بالكرسي لورا وهزبتني قالت لي انتي شو سويتي وليش سويتي ونا مابكشفلج لحد م ولي الامر اتيي معاج لازم موافقه وماعرف شو وطلعت من عندها ونا اصيح يعني حسيت نفسي سويت الحرام وحملت مثلا وعقيت البيبي ف الزباله شي جي يعني

‏

ماعتقد فاقده العذريه

الغشاء داخل ببعد 2 سم

بس نزلي تعقيب شو قالت لج الدكتوره

بالتوفيق

انا م اعرف الغاليه بس اذكر ان بعد م هالزفت قالي سوي جي وسوي جي والله العظيم اني م كنت اعرف شي عن العذريه ،، بالله عليكم خلكم صادقين،، في كتاب ف المدرسه يعلمنا عن جسم البنت وعن الغشاء وغيرها ؟؟ لا والله م في !! وانا م كنت بعرف وربكم لو م دخلت المنتديات وقريت مثل هالمواضيع وردت بي الذاكره لزمان وتذكرت اللي صار واهني تقطعت ودعيت على اللي كان السبب ومتى قمت ادخل المنتديات تقريبا ع عمر 18 او 19

بس انا اذكر ان قبل نزل دم و انه كان وااايد حتى اذكر ان لاني م كنت اعرف قعدت احط فوط صحيه لثلاث ايام وما كنت اصلي

‏

يا بوج صبع قلتي
موب خياره
طيب احتمال كبير ما يبين دام قلتي انج صغيره




ارجعي ل ربج وتوبي والله الهادي

بس انا كنت بالغه ،، انا تبت الغاليه وصرت احب جسمي وما اتعبث فيه لا عاده سريه ولا غيره بس يزاكم الله خير ابي حل شو اسو ف المستقبل كيف اواجه المشكله هذي

‏

سيري عند دكتورة وان شاء الله بتكون الأمور تمام

اذا هالموضوع صارله مدة يمكن انتي يتهيا لج في بنات نفس حالتج وصاروا عند دكتورة وبينت لهم ان غشاء البكارة سليم يمكن انتي نفس الشي جربي وتوكلي على الله وسيري والله بيرح بالج

واذا لا قدر الله صار العكس

سوي عملية ترميم غشاء البكارة

صعبه الغاليه اسوي ترميم الوالده حتى للحين م تعرف عني بس في مره حرمة يت بيتنا وسالت امي كيف ترجع الغشا وانها تبي تتزوج وهي اول ريدي متزوجة وعندها عيال مادري كيف عاد امي قالت لها ان ربيعتها راحت مستشفى مادري وين وسوت بس انا م اقوا اقولها هي بروحها مسكينه اللي فيها مكفيها م ابي ازيدها هم

‏

اختي......انت تضحكين على نفسك.....لا تزعلي مني بس انت اخت وانا ما يرضيني الي يصير....
لا تجعلي موضوع العذرية هذا حجة و شماعة تعلقي عليها تصرفاتك .

أولا...موضوع العذرية هذا ممكن تنتهي من الخوف منه ....روحي لطبيبة وخليها تكشف و أنا متأكدة انه الموضوع لو كان فقط موضوع الاصبع فعذريتك موجودة بإذن الله

ثانيا... على فرض انك فقدتي عذريتك لأي سبب كان فالله ستار حليم وهناك عدة طرق لحل هذا الموضوع بأمان حتى تستري على نفسك وتبتدئ حياة جديدة

انت لسا صغيرة حبيبتي و الحياة امامك لا تضيعي وقتك بالوهم ....اذا احتجت أي مساعدة انا حاضرة

انا جربت مره رحت اكشف وصرت اخاف من الفضيحة بس دام ان نزل دم اتوقع اني م عدت عذرا

والنعم بالله انا بعد شفت وايد طرق في طريقه قشر الرمان اظن وشعر ظهر الجمل اظن واصلا في بنات ينولدن بدون اي غشا ، وفي طريقه ان احط دم ف بالون ولما ايي ريلي انقعه بس انا اخاف اغش حد انا م ابي اظلم
اذا عندج طريقه زينه خبريني الغاليه عسى الله يرزقج الجنه

‏

يعني الله يهديج انتي عرفتي الغلط وأنه معصية ومصرة عليه شو تبين وتتوقعين بركة وخير وراحة؟؟
راجعي نفسج اتركي الغلط وتوبي لله
مب بس آبا واحد وعذريتي
دينج أهم ارجعي لربج وباقي الأمور خليها على الله هو سبحانه اذا حفظتيه بيحفظج.

يا قلبي انا م كنت اعرف عنه والله العظيم اني م كنت اعرف وبعد م عرفت خلاص وقفت وصرت اشغل نفسي ف اي شي احب سوالف الاشغال اليدويه والتوزيعات والطبخ وكل شي انا تبت ان م اتعبث بنفسي مره ثانيه

انا ابي حل كيف اتصرف شو اسو لما حد يتقدم لي اصارحه من البدايه ولا شو اسو

‏

يمكن يكون كلامي قاسي لكن هذا لمصلحتج
غلطه الماضي بقت ماضي لكن غلطه الحاضر ماله مبرر باللي تسويه
بخبرج بمعلومة يمكن طمن قلبج اذا هالشي صار وعمرج شرات ما كتبتيه اطمنج تردين عذرا لكن اذا مستمره على هالشي وتمارسين العاده فاسمحيلي ردي لرب العالمين وتوبي لا تقولين اصلي وأصوم اللي يصلي من قلبه الله يحفظه
فالماضي ماضي توكلي على الله هو اللي بيستر عليج النية الخالصة بيرزقج الله بريال على قد نيتج وشو ما صار وقت ليلة الدخله استري على نفسج والريال يفكر بحرمه تصونه ما حرمه تلعب من وراه

ابد عزيزتي كلامج عسل ،، انا كذا مره انخطبت وكل مره انخطب فيها اقلع كل الاولاد وربي احذفهم ويصير خطيبي بس ملك قلبي واحطه ع كف والباقين ع كف بس لما م يستوي نصيب ارجع عقب فتره عشان انسى
بس انا م امارس العاده وعمري م مارست حتى ان شفت نفسي بالمرايا يعني الفتحة صغيره مره ( اسمحولي بس ) وجسمي كأني لازلت صغيره ف العمر

انا مو متخيله نفسي انزل ع الكوشه بفستان العرس وف قلبي توتر بسبب هالشي م اظن ريولي بتقدر تشيلني
انزين حق هذي الليله انا شو اسو امتنع يعني و أأجل ولا اصارحه ولا شو


‏

موفقه

امين ويوفقج الغلا

المزيد من آخر المواضيع من نفس القسم:

• كرهت حياتي
• مطلقة و اريد اعيش لحالي
• مشكلتي الفراغ
• مضغوطه وفقدت الامل
• تزوجت مريض نفسي
• مشكلة حالتي بعد الأمومة
• مشكلة تقدم لي خاطب وافد
• مشكله بنتي
• زوجي تعبني بالضرب كليوم💔
• أواجه زوجي بكذباته ولا اسكت

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[المراقبة العامة]

تمت الموافقة

وقت الثلث الاخير من الليل قبل الفير بثلاث ساعات تقريبا
لاتحطين ببالج انه العريس هو اللي بيخليج تبطلين رمسة الشباب
لا يالغالية انتي اتركيهم لله ومن ترك شيئا لله عوضه الله
لما نترك معصية نتركها لله اللي خلقنا لو بنتركها للمخلوقين
في أي لحظة تستوي فيهم ضدنا بننتكس بسبتهم فانتبهي لهالنقطة
ودائما أدعي الله واكثري من الاستغفار
الهم اللي بقلبج قوليه بسجودج
مااخبرج الا عن امور تيسرت لي بفضل الله
يمكن سابع المستحيلات تصير بس ربج مايعجزه شيء
المسألة بس ندل بابه ومابيرد عباده

[Miss PiXy]

انتبهي لا تغلطين وتصارحينه ف حال انخطبتي ليش تيبين الفضيحه والشقا لعمرج واهلج؟ الله بيستر عليج ويعدي الموضوع ع خير لان الموضوع استواله سنين طويله وكنتي ياهل

ريحي بالج والجي لربج واذا حد زين خطبج وافقي عليه وتوكلي على الله , الله مابيخذلج باذن الله

[غلآ نفسي]

لا تصارحين حد من اللي بيخطبونج

والموضوع ترا عادي

ياما بنات يسوون العاده السريه نفس الاولاد

وطبعا هالشي غلط

بس شي وايد مواضيع نزلت فالمنتدى البنات سوو هالاغلاط والعاده السريه ومن هالكلام

توكلي ع الله واستخيري وتزوجي وعيشي حياتج

وادعي ربج انه يستر عليج ليله الزواج في اوقات الاستجابه وان شاء الله خير


بالتوفيق

[ام نهييان]

اول شي وقفي كلام مع الشباب لاتقولين ملانه واتسلا لانه هذي صارت عاده عندج وماتقدرين تصبرين عنهم

وقفي هالشي دام الله ساتر عليج ولاتعقين اغلاطج ع اخوج "والله نفس ماهو غلط ف بنات الناس الله يعاقبه فيني " هالكلام اسمحيلي انتي تقولينه عشان تبررين اغلاطج لا اكثر

وموضوع العذريه روحي افحصي ف عياده خاصه وبدون امج محد بيقول هاتي ولي امرج ولا شي وتطمني احتمال كبير تكونين عذرا لاني ماتوقع اذا الموضوع موضوع صبع بس انه بياثر فعذريتج

واخر شي اختي اذا ياج نصيبج انسي سالفة العذريه واول ليله مش شرط ينزل دم في بنات ما ينزل منهن صدقيني اذا تركتي دربج ومشيتي بللي يرضي رب العالمين بيساعدج وبيستر عليج

اهم شي ماضيج انسيه واحتفضيبه لنفسج ابدن ابدن لاتطلعين الموضوع لاي بني آدم لو بعد مليون سنه

الله يوفقج ❤

[سارة القباطي]

الله المستعان
بالتوفيق لك و توكلي على الله

[قلبي فزعلك]

الله يستر عليج دنيا و اخره حبيبتي
لا تفكرين انج تصارحين اي حد بماضيج حتى لو خطبج واحد و عطاج الثقه الامان انج ترمسين و تصارحينه انتبهي لا تغلطين هالغلطه, نحن البنات بطبعنا ننسى ماضي الريال بخيره و شره بس الريال ما ينسى و بطبعه شكاك
اما بخصوص العذريه ماعرف الصراحه بس الافضل تروحين عياده خاصه عشان تتاكدين و يرتاح قلبج
و قد ما تقدرين اشغلي نفسج و وقتج, و على قولتج تحبين الاشغال اليدويه حلو طوري من هالشي ادخلي يوتيوب و الانستقرام شوفي وصفات طبخ و طبقيها من باب التغير اقري كتب سوي رياضه عندج هالمنتدى مثلا كلنا بنات هني و ما شاءالله اغلبهم حبوبات و من غير انه تنطرح هني مواضيع حلوه و لو حسيتي بفراغ تعرفي ع بنات المنتدى كوني صداقات بس المهم ما تفكرين تردين ترمسين شباب لانه ما ايي من وراهم الا عوار الراس و انسي و لا تشلين هم شي انتي صغيره عيشي حياتج عيشي كل لحظه ابدي صفحه يديده مع نفسج و تذكري انه لج رب كبير رحيم يشوف و يسمع و يعلم بحالتج و ربنا ما ينسى عباده
اتمنى كلامي يكون خفف عنج

[المعآني]

توبي لله ولاترجعين التوبة النصوح من أهم أساسياتها عدم العودة للذنب ابدا ولا كيف صارت توبة بأجر لاعرستي من أبسط مشكلة مع زوجج بترجعين تكلمينهم عيل
اقطعي هالمعصية نهاءيا من حياتج انا حتى في السوق لما اتشرى أسير عند كاشيرة مب الكاشير الريال .. لو دخلت مطعم وجبات سريعة أسأل الريال ماشي حرمة تأخذ طلبي ؟ وييبون لي
التقوى محلها القلب ولربج مب ضربني اخوي خلاص برجع
فانتبهي لهالشي
ومن ناحية الزواج الموضوع ما يأثر ومب لازم يكون دم ليلة الدخلة فلا تعيشين بخوف و إذا هو سأل ودور بيعرف هالشي انه مب كل البنات ينزل منهن دم ليلة الدخلة


وكلي امرج لرب العالمين

[Ward-uae]

مادام صار مره وانتي صغيره ان شاء الله ما فيج شي
لا تصارحيه توكلي على الله هو بيسترج
السالفة مب بس غشاء أشياء ثانيه تسبب دم المهم اذا ياج احد وانخطبتي توكلي ولا تأجلين ولا حتى تفكرين تسيرين لدكتوره تفحصج بدال ما تساعدج عادي تفتحج بعضهم دفشات
ابتعدي عن الشباب ولا ترمسيهم وعلى فكره مب من الأخ يغلط الله يعاقب الأخت كل واحد ذنبه على جنبه واذا تبين تنصحيه لوجه الله عن يبتليه الله بمرض زين ما فاد فيه ادعي له الله يهديه