ويهي وكريم الاساس

[مشكلتي]

بنات ابا مساعدتكم ..

في حد شراتي ولا انا بروحي اعاني من هالشي؟

مشكلتي ف كريم الاساس وريلي !!!

انا توني معرسه من شهرين

واكثر الاوقات اتكشخ حق ريلي واتمكيج واحط كريم الاساس

المهم .. ماحب انه يتقرب من ويهي يوم اتمكيج .. والقهر يوم يبوس او يقترب مني
كل كريم الاساس يي ع شفايفه ووايد انحرج منه ..

قلت له انا ما احب البوس لاتقرب صوب ويهي اجز انا. وانا مب سالفه اني اجز بس ماحب مكياجي يخترب ووايد استحي يوم يي الفونديشن ع خشمه ولا حلجه

المهم خفت علاقتنا الحين وهو شكله زعلان لانه يحب الرومنسيات وانا احاول ابتعد عنها قدر الامكان ..

شو اسوي .... خبروني والله حزينه .. انا احبه واباه وماجز منه ! وبنفس الوقت مابا يخترب مكياجي ولا يعلم ع ويهه ((((((((((((

المزيد من آخر المواضيع من نفس القسم:

• كرهت حياتي
• مطلقة و اريد اعيش لحالي
• مشكلتي الفراغ
• مضغوطه وفقدت الامل
• تزوجت مريض نفسي
• مشكلة حالتي بعد الأمومة
• مشكلة تقدم لي خاطب وافد
• مشكله بنتي
• زوجي تعبني بالضرب كليوم💔
• أواجه زوجي بكذباته ولا اسكت

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[المراقبة العامة]

تمت الموافقة
الكلمة الطيبة صــــدقة

[dxb_love]

لا تحطين مكياج

[almal3ka1]

أصلا مب زين تحطين كريم أساس كل يوم

و دام ريلج عندج بالحجره لا تحطين كريم أساس

حطي شدو و ارسمي عينج و حطي قلوس لان الرياييل يموتون عالقلوس

اكيد بيحط بخاطره

طرشيله مسج او رمسيه و اعتذري


لو ما باسج يبوس منو !؟ يبوس اللي برى

[ماما قصايد]

صح مب لازم كريم اساس لين متى بتحطين خليه يشوف جمالج الحلو بدون ميك اب بس قوس وكحل وتكونين كيوت

[غلآ نفسي]

تتكشخين حق ريلج وعقب تقولين ماباه ايي صوبي

وين صارت هذي

وانتوا معاريس جرحتيه يوم قلتي له اجز انا

ومب لازم كريم اساس وحاله

حطي كومباكت باودر ( البودره المضغوطه ) تسد حق الاستعمال اليومي

وعقب سيري عنده ودلعيه

هو متزوج ويبا شي الحلال

صدقيني باجر بتظهرين جدامه بكشتج بعد

وبحركاتج هذي ريلج بيبتعد عنج وعقب سنه سنتين بتقولين حسافه خربت ع عمري كل شي بس عشان كريم الاساس

بالتوفيق

[ماحد شراتي]

اذا ويهج فيه عيوب .. عالجيه ! كريم الاساس بدمر بشرتج .. حطي مرطب ولا بلشر .. ارسمي عينج وحطي روج ولا جلوس عادي يعني .. ليكون بعد ترقدين والاساس على ويهج ؟! تحملي اختي

[المعآني]

خذي نوعية أخف للبيت وما يطبع
عندج ماكس فاكتور للاستعمال اليومي خفيف وما يطبع و يعالج البشرة مع الوقت

[تفاحتي]

دام يطبع معناه تحطين زياده عن اللازم


عوديه ع ويهج الطبيعي حطي باقي السوالف من غير الفاونديشن

لان عقب يوم يوم فجاه تقطعين بيتحسب استوى عليج مرض خلج طبيعيه

[ام نهييان]

حبيبتي محد يحط كريم اساس ف البيت بس حطي ايلاينر و روج او قلوس لا تؤوفرين
ب العكس توكم معاريس عيشي الرومنسيه لاتردينه دامنه يبا عشان لايروح يدور برا
اليوم سويله جو رومنسي ف الغرفه شموع وحركات وكشخي بدون فاونديشن لو سمحتي 😅 و راضيه حليله

[Yazi.90]

اول شي حبيبتي استبدلي الفاونديشن بالبيبي كريم لانه خفيف ويومي،
بس لو كانت بشرتج وايد اوكي مايحتاج غير انج تحطين كريم اسمه beauty flash من كلارنس
يعطي الويه قلوي طبيعي و يخلي ويهج حلو،
في حالة انج احتجتي كفر مثل ماقلت لج بيبي كريم حطي نقطتين او ثلاث بس و بعدين بودر عشان مايطبع
ضروري الباودر تسوينه اذا ستخدمتي شي لكويد،

بعدين كيف جي تقولين حق ريلج اجز! توكم معاريس وسمع منج هالكلام ترا جد يجرح
سيري وقوليله الصدق حرام لا يشل فخاطره الريال مب عيب اذا قلتي مابا اخيسك بالفاونديشن!!!

[صبصب]

اصلا كريم الاساس يمنع الوضوء يعني يوم تتوضين لازم الماي يتشرب فالبشرة
فأذا تحطين كريم اساس طول الوقت كيف تصلين ؟؟
مثل ماقالو البنات لا تحطين وارسمي عينج بالكحل وعدلي شعرج وتعطري والبسي لبس حلو بيتخبل عليج
مب لازم فل ميكب اب

[Upscale touches]

اللحين مكياجك اهم ولا زوجك
مشاعره واحساسه ومحبته لج

توكم بداية الزواج بداية المشوار
غيري تفكيرك واسلوبك معاه

الرجال تفكيرهم مختلف واللحين حيتردد واسلوبه حيتغير معاج

اعتذري منه وخففي المكياج
اهتمي فيه هو وشو يريد
خبريه يعجبك المكياج
خبريه شو المشكلة بالظبط صارحيه
وحيتفهم الوضع ويخبرك شو رايه


هالزمن متغير فكري مليون مرة قبل لا تعملي اي حركة وتندمي بعدين
والله يوفقكم ويكتب لكم السعادة

[غلآ نفسي]

خذي نوعية أخف للبيت وما يطبع
عندج ماكس فاكتور للاستعمال اليومي خفيف وما يطبع و يعالج البشرة مع الوقت

بطلع برع الموضوع

اي نوع تقصدين ممكن صورته ؟

والسموحه صاحبه المشكله

[مالتيزرس]

توكم معاريس وتقولين له اجزك؟؟!!
عجيب امرج ..اختي له الحق يزعل عليج عيل تقولي له اجزك وهو حلالج ..

اسمحي لي عيل مكياجج وكشختج حق منو ؟؟
انتي حلاله خليه يستمتع بالحلال وانتو توكم معاريس طبيعي بيشتاق لج ....

والله يهديج فالبيت الكريم اساس انواع ومب شرط فالبيت تحطين كريم اساس ميكب خفيف وبس مب شرط مكياج ثجيل ..

لا تتهورين وتخربين حياتج خلي ريلج يشتاق لج وكوني له جنه عسب لا يطالع برع ..وعقب مابيفيدج الكريم اساس وخربه عني .


ومبروكين مقدما ..