حياتج الزوجية

[رسايل غلا]

السلام عليكم ورحمة الله وبركاته
صباحكم/مساكم حب وسعادة
بعد انقطاع فترة طويلة عن الكتابة ف اي موضوع رديت وعندي موضوع يديد حابة أطرحه.

وبعد بتكلم عن الحياة الزوجية بس بطريقة أخرى:

شريك حياة
أول ما تسمعين هالكلمتين شريك وحياة شو يتبادر لذهنج علطول؟
البعض يكون تفسيرهن انه شريك يعني شخص بعيش معاه وبيشاركني حياتي، بس المشكلة انه تفسيرهن ناقص إلى حد ما.
فيه بنات يعتقدن أن حياتهن قبل الزواج هي بتكون نفسها عقب الزواج.
وفيه بنات يعتقدن انه المشاركة يعني كل شي كنت اسويه قبل زواجي بسويه بمشاركة زوجي حاليا.
الأولى تنصدم والثانية تنصدم، الاولى زوجها يمنعها من بعض الأشياء اللي كانت تسويها قبل الزواج لأي سبب من الأسباب
والثانية تتفاجئ انه زوجها ما عنده اهتمام باللي هي تسويه أصلا، سوي اللي تبينه وتحبينه بس بعيد عني.
كيف نعالج هالموضوعين؟
العلاج يكمن فقط في تقبلج للواقع وفهمج لكلمة شريك قبل الإرتباط، حياتج وانتي بنت بتختلف اختلاف جزئي أو كلي عقب ما تعرسين وهذا اللي لازم تتعودين عليه فأول يوم عقب الملجة وتأقلمين نفسج عليه.
الشريك: شخص بيشاركج في كل تفاصيل حياتج، حتى في معرفته لصديقاتج ل وايد اشياء ممكن تكون مش مهمة بالنسبة لج بس بيشاركج فيها وهذا أمر عادي.

بغض النظر عن أي شي تمارسينه سواء هواية ولا لعبة ولا مشروع لو لاحظتي انه ريلج ما يشاركج فيهم مثلا في بداية حياتكم الزوجية لا تبدين تزعلين وتاخذينها على أساس أنها مشكلة، بالعكس انتي حاولي تشدين اهتمامه.
أشياء بسيطة تفسر معنى المشاركة البنات ما يفهمونها زين ومن هني تبدأ المشاكل حتى خلال فترة الملجة
يتبع...

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[رسايل غلا]

التفاهم بين الطرفين

فيه مقبلات عالزواج يفضلن يعيشن فترة الملجة برومانسية فقط وتترك أمر انها تفهم هذا الشخص لين عقب العرس
وتتناسى تماما انه هاي الفترة هي اللي مخصصة عشان يتعرفون ع بعض اكثر ويحاولون يفهمون بعض
وبمجرد نسيان هاي النقطة المهمة تبدأ اول مشكلة تصادفهم عقب العرس تستوي تمهيد لمشاكل أكبر يعتقدون انها مالها حل
ف يوصل الأمر فالنهاية للطلاق.
أختي المقبلة عالزواج أو المخطوبة حاليا عيشي فترة الخطوبة بشوية عقلانية ومنطق لا تفكرين فالحب وبس لأنه مب كل شي
فكري تعرفين شريك حياتج أكثر وتفهمين أطباعه عشان عقب العرس ما تنصدمين ولا هو ينصدم.
فكري كيف تكسبينه خلال هالفترة وتخلينه يحبج لين عشر سنين جدام وأنه حياتكم تكون هادية وجميلة حتى لو استوت اي مشكلة تتخطونها بسلام.

يتبع...

[غلآ نفسي]

الحياه تجارب

ما بيعرفون شو الزواج الا يوم يجربونه ويعيشونه عقب بيعرفون ان الحب مب كل شي في مكملات للحياه اهم من الحب

ترا من تحبين شخص تحسينه ملكج وتبدين تمارسين هالحق في حياتج ومن هني تبدا المشاكل

ف شوي شوي بتتعلم الحرمه وشوي شوي بتفهم الريال وعقب تعيش حياتها طبيعيه

بالتوفيق

[Awash124]

انا من رأي الشخصي التفاهم بين الزوجين بيجنبهم وايد مشاكل وإذا في التباس او غموض من طرف فلازم المصارحه من قبل الزوجين وثاني شي الثقه بين الازواج لازم تكون موجوده

[رسايل غلا]

الحياه تجارب

ما بيعرفون شو الزواج الا يوم يجربونه ويعيشونه عقب بيعرفون ان الحب مب كل شي في مكملات للحياه اهم من الحب

ترا من تحبين شخص تحسينه ملكج وتبدين تمارسين هالحق في حياتج ومن هني تبدا المشاكل

ف شوي شوي بتتعلم الحرمه وشوي شوي بتفهم الريال وعقب تعيش حياتها طبيعيه

بالتوفيق

هلا أختي تسلمين ع ردج الطيب
صح كلامج وانا أتكلم عن هذا الشي اللي هو بداية الزواج مش قبل والملجة أو الخطوبة سووها عشان كل واحد يعرف الثاني مب أن الزوجة تقضيها حب ورومانسية فقط وتتريا المقابل وعقب يوم تصير مشكلة اتيي وتشتكي بدون ما تحاول تفهم شريك حياتها أو عالاقل نقول تتفاهم وياه.

[رسايل غلا]

انا من رأي الشخصي التفاهم بين الزوجين بيجنبهم وايد مشاكل وإذا في التباس او غموض من طرف فلازم المصارحه من قبل الزوجين وثاني شي الثقه بين الازواج لازم تكون موجوده

صحيح وهذا الشي مطلوب في فترة الخطوبة لأنه بيسهل عليهم أمور وايد عقب الزواج وبالتالي بتخف المشاكل المتعلقة بهالموضوع.
تسلمين ع ردج الطيب عزيزتي.

[Upscale touches]

كل وحدة ونصيبها في النهاية .
ولكن الحياة الزوجية تعتبر حياة انتقالية وتغير كامل
لازم الصبر وقوة الشخصية وعدم المقارنة مع الاخرين

[عاشقة ابها]

الحياة الزوجية تعتبر أكثر من مجرد نمو الروابط الودية.. فالزواج يعني المشاركة والتفاهم في اتخاذ القرارات

[عاشقة ابها]

يسلمووووو

[ورقة ناعمة]

كلام جميل وقمة بالروعة


مجرد اختلاف من قبل العزوبية وبعد الزواج ,,, مثل مانحن نشل شنط فيها أغراض جديدة

بعد حياتنا بتكون جديدة

فيها الحلو والمر والمطبات والاوقات الحلوة


يعني حياه ثانية من اول مشكلة تعرفين كيف تحلينها وابسط المشاكل ماتحتاج دخول طرف ثالث ,,,

واهم مافي الحياه الستر اللي نفتقره هالايام ,,,,

[رسايل غلا]

اسعدني جدا مروركن وكلامكن الطيب

[FSM]

صح كلامج
و أنا أشوف فترة الخطوبة اللي هي قبل الملجة مهمة وضروري يصير تعارف برضى الأهل مب يخلون كل شي لين بعد الملجة لان احتمال الشخصين ينصدمون ف بعض بما أن ماكان في خلفية ولو ٤٠٪ عن الشريك .. و أشوف وايد ناس تهمل هالشي بحكم العادات والتقاليد مع أن لو الواحد يفتح عينه ويقرا ف دينه بيشوف أن الدين يسر وسهل علينا وايد أشيا فالحياة بس فيه ناس مرات تاخذ برأي العادات و الناس اللي في غالب الأحيان يضر أكثر من أنه ينفع ، ضروري يكون في توعية للمقبلين و المقبلات على الزواج و أتوقع ف الأجيال القادمة بيتغير هالشي .
ومشكورة على طرح الموضوع

[كوثر قمر]

وعليكم السلام ورحمة الله وبركاتة
شكرا جزيلا