حلم مكالمه موبايل

**حلمي** · 2016-07-18, 02:07

السلام عليكم
انا حلمت ان ابن صاحب الشغل اللى كنت بشتغل فيه بيكلمنى فى الموبايل وبيقولى انتى ليه يافلانه مابتجيش يعنى ابقى تعالى من وقت للتانى وكدة ومتنسناش يعنى خلينا ف بالك دايما وانه بيكلمنى وهو مبتسم ومكسوف فى التليفون وانا كنت فى المنام مستغربه لانه علاقتى بيه ماكنتش غير مديرى وانا موظفه مش اكتر هو قدى اصلا فى السن ومتجوز

وبيقولى انه عازمنى على العشا وانا بقوله طب وفلانه مراتك اكيد هتكون موجودة طبعا قالى انه عازمنى على العشا طبعا وان انا لازم اروح العشا دة

انا انسه وهو اصلا متجوز ومخلف بس احنا قد بعض ( ف نفس السن )

وانا اصلا سبت الشغل دة من فترة لانى روحت شغل تانى جديد وهو كان مضايق انى سبتهم بس كان بيحاول ميبينش ليا اى حاجه بس انا عمرى ما اعتبرته اكتر من مديرى وابن صاحب الشغل مش اكتر
وهو كان بيعاملنى حلو جدا

و هو مش فى بالى اصلا لان انا الايام دى مشغوله جدا فى شغلى الجديد وبفكر ف شغلى الجديد علطول

انا الحلم حلمته بعد الفجر وقومت مستغربه لانى حاسه طول الحلم انى شيفاه قدامى كأنه شىء ملموس وحى قدامى وشيفاه وهو بيكلمنى فى التليفون بتعبيراته

انا الحمد لله منتظمه فى الصلاه وهو كمان

الموضوع: حلم مكالمه موبايل

أدوات الموضوع

عرض