تعقيب 1 : اخوي ما يكلمني

[مشكلتي]

هلا بنات

https://forum.uaewomen.net/showthrea...85%D9%86%D9%8A

شكرًا عردودكم



بنات قبل ما اتزوج كان تعامله زين معاي .. بس بعد الطلاق تغير ، يباني أكون الطير اللي مقصوص جناحه ، أنا وصلت لمرحله خسرت كل شي و ابتديت من الصفر ، يعني مثال أنا دوامي في اختلاط ( وهالحل الوحيد اللي كان متاح ) ابا فلوس و محد راضي يساعد و أبويه عارف بهالوظيفه و قالي توكلي عالله و لازم تعتمدين عليج



بعد يكمن شهر الوالد يلس معاي و قالي بابا إنتي الحينه لج كيان خاص يعني اي شي تبين تسوينه سويه روحج بدون مساعده حد و لاتطلبين مني اي شي و لا من حد و قالي بعد عندج شهرين تدبرين نفسج بسياره سيري دبري امورج بالسيارة اللي تبينها و طلعيها بأقرب وقت


بعد ما طلعت سيارتي أنصدم و مستغرب ، لان ولا وحده من خواتي طلعت سياره من حسابها الخاص الكل من حساب الوالد


صح أني زعلت من كلام أبويه بس تبون الصراحه معاه حق


و يتلي دوره بلندن مال شهر فأخبرت الوالد و عطاني الموافقه لأَنِّي رايحه للشغل مب رايحه العب


السالفة ابتدت من يوم ما أطلقت و بالأخص من يوم ما احتكيت بباختي رقم 3 ( مطلقه ) أنا و هي بنفس البيت ، ما يباني ارمسها


خواتي و أمي و أبوي و خوالي رمسوه ان جي يسوي معاي جي !


حاولت ايلس معاه او اطلع عشان اعرف السبب بس ما في اي رد ، لو أنا ايلس حذال أبوي عالسفره بالأخص ينش و ما يكمل


ها كل ما في الموضوع

المزيد من آخر المواضيع من نفس القسم:

• تزوجت مريض نفسي
• مشكلة حالتي بعد الأمومة
• مشكلة تقدم لي خاطب وافد
• مشكله بنتي
• زوجي تعبني بالضرب كليوم💔
• أواجه زوجي بكذباته ولا اسكت
• ريلي احبه ،، بس ماعرف شو الي حصل
• مشكلتي التعلق الزائد
• رفض ريلي للحمل
• عااااجل مشكلة واجهتني

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[المراقبة العامة]

تمت الموافقة
اخوج مشكلته مثل ماتوقعت بسبة انج تطلقتي رغم انه عذر غريب وغير منطقي
يعني أمهات المؤمنين تطلقن قبل مايتزوجن الرسول مانقص من قدرهن شيء
بالعكس خبرتج الطلاق في بعض الامور منحة للإنسان وخيرة له
انتي استمري وكافحي واجتهدي وحققي الإنجازات والطموحات وربي بيوفقج
دام ابوج معطيج الضوء الاخضر وماشية عدل فلاتخافي
ادعي له ربي يهديه لأن تفكيره صعب كون يباج الطير المكسور
اصبري واكثري من الاستغفار والله يرزقج بالزوج الصالح ويحقق لج ماتتمنيه ويسعدج
والحياة يبالها صبر طنشي فديتج
الله يصلح الحال

[almal3ka1]

مال كف

[Ward-uae]

هو شكله يعزج وخايف عليج
اختج رقم 3 بعد اخته لا ترمسيه وايد لكن حاولي تناقشيه بتفاهم ويكون له رأي ومب لازم تأخذين بكل رايه احترمي رده
تهادوا وتحابوا قدمي له هدية شي هو خاطره فيه ولو ردج ما عليه اهم شي انج حاولتي هو يمكن خايف عليج ما عليه وانتي حاولي تحترمين تصرفاته باجر بيكبر الا ما بيحتاج لكم

[mrs.abk]

البسيه وطلعيته من راسج ..

عطيتيه ويه أكثر من اللازم .. كوني حذرة بس لا يمسك عليج زلة لأنه بيطلع فيج الاولي والتالي .. وخليج واضحة وعادية طبخي وقعدي على السفرة واشتري ولا تتحسسين من حركاته بالعكس خذيها بمزح وخفة دم ..

[غزالة AD]

البسيه مثل ما قالوا الخوات
شكله بعده صغير وطايش ويتحرا جي بيثبت انه ريال
عيشي حياتج مدام ابوج معاج الله يطول عمره
بس تحملي يمسك عليج شي مثل ما قالت الاخت اللي قبلي

[ماحد شراتي]

ما قصرن الخوات

طنشيه .. دام انج في حالج ومعتمده على نفسج وراضيه امج وابوج فريحي راسج وما عليج منه .. مصيره يستسمح منج .. بس خلج حذره فكلشي ولا تخلينه يمسك عليج اي شي ..

ربي يحفظج الغلا

- - - Updated - - -

مال كف

هههههههههه ضحكتيني
ربي يسعدج

[ام نهييان]

خلاص برايه عيشي حياتج يلسي تغدي مع هلج مش عايبنه خليه هو ينش اهم شي امشي بللي يرضي رب العالمين ويرضي اهلج مرده بيعرف انه غلطان
ابدن لاتضايقين بعمرج فديتج

موفقه وربي يهديه لكم ❤

[almal3ka1]

ما قصرن الخوات

طنشيه .. دام انج في حالج ومعتمده على نفسج وراضيه امج وابوج فريحي راسج وما عليج منه .. مصيره يستسمح منج .. بس خلج حذره فكلشي ولا تخلينه يمسك عليج اي شي ..

ربي يحفظج الغلا

- - - Updated - - -



هههههههههه ضحكتيني
ربي يسعدج

شكرا

[mouzan7mod]

حبيبتي لا تعطينه أكثر من حجمه دام ما تسوين شي غلط و أبوج عارف انتي كيف
ولو كنتي تداومين ويا مليون ريال و انتي محترمه محد بيلمس شعره من راسج
و بعدين شوفيها لو صرتي مطلقة ؟انتي تزيدين الريال مب الريال يزيدج
و بالتوفيق بحياتج اليديدة =)

[بسمه دبي]

طاااااااااااااف وعيشي حياتج


موفقه

[ملاآك قلبكـ،،]

ماعليج منه لبسيه
تصرفي ع راحتج ومثل مايعيبج
المشكله فيه هو مب فيج انتي
خليه هو يحل مشاكله بنفسه لا تنقهرين عشانه او اي شي