أطفال الأنابيب

**قلب دار الحي** · 2007-10-01, 06:11

السلام عليكم

هلا خواتي.. اشحالكم؟

بغيت اسال للي اتعرف او اللي جربت اطفال الأنابيب.. هل هالشي اوكي ولا؟

والسموحه منكم

المزيد من آخر المواضيع من نفس القسم:

**$ أم سعيد $** · 2007-10-01, 06:16

ربيعتي سوت اطفال انابيب والحمد الله الله عطاها بنتين وولد

ادعواااااااا لولدها الله يسلمه ويخليه الها لانه تعبان شوي

**قلب دار الحي** · 2007-10-02, 05:13

الله يشفيه ياااااااارب ويقومه لهم بالسلامه.. ويخليه لهم ان شااء الله

وتسلمين الغاليه ع الطله الحلوه.. ومشكوره ع الرد اللي ريحني

ويااريت اللي عندها اي معلومه تكتبلي

واسمحولي اذا طولت عليكم ^__^

**غرشوبه أبوظبي88** · 2007-10-02, 19:25

انا جربت العمليه بس الحمد الله ما نجحت
بس انصحج قبل ما تسوين العمليه تسألين عن نسبة نجاح العمليه وتتاكدين انه ها اختصاصهم
لانه فيه مستشفيات تكون همها الفلوس وبس
(وانا ان شاء الله بعد شهر بعيد العمليه مره ثانيه )

**ryooma** · 2007-10-03, 01:28

انا ربيعتي سوت عند جوا ن مراد وحملت في 3 بس ربت في السادس لانها تعبت نفسها مشي وحركه وماعاشو اليهال يارب يعوضها

**--أم سيف--** · 2007-10-03, 02:47

انا اعرف وحده جربت والله رزقها ببنوته وعقب سوت مرة ثانية وعطاها ربي ولد واخر ولد يابته طبيعي يعني 3 ما شاء االله

**قلب دار الحي** · 2007-10-03, 04:44

ريحتوني الله ايرح بالكم يااارب

انا اذا فكرت اسوي بسوي عند الدكتوره جوان ان شااء الله

وان شاء الله اللي الله كاتبنه بيصير ^___^

وتسلمون ع المرور ( غرشوبة بوظبي.. ريوم.. ام سيف )

و ربي يعطيكم العافيه

**huda_m** · 2007-11-04, 15:53

انا صراحة سويت في مركز دبي للاخصاب بس ما نجحت العملية و الحين بعد اسبوعين بسوي ثاني مره و ادعولي .

**قلب دار الحي** · 2007-10-06, 07:04

بس خواتي بغيت اسالكم الدكتوره جوان مسلمه؟
واللي يسيرولها واثقين انها لو سوت عملية اطفال الانابيب ماتخلط الانساب؟
لاني خايفه من هالشي؟

**ريم الوضح** · 2007-10-06, 11:14

لا الغاليه الدكتوره مسلمه وان شاء الله امينه وانت سيريلها واقعدي معها افضل واذا ارتحتى لها استخيري اكثر من مره
وتوكلى على ربج
والله يرزقج الذريه الصالحه بعون الكريم
واذا سرتليلها خبربينا بنتيجه

**قلب دار الحي** · 2007-10-31, 04:40

المشاركة الأصلية كتبت بواسطة ريم الوضح

لا الغاليه الدكتوره مسلمه وان شاء الله امينه وانت سيريلها واقعدي معها افضل واذا ارتحتى لها استخيري اكثر من مره
وتوكلى على ربج
والله يرزقج الذريه الصالحه بعون الكريم
واذا سرتليلها خبربينا بنتيجه

مشكوره حبووووبه ع الرد..

الصراحه انا وايد ارتحت لها واتحسينها صدق اتفهمج كل شي..
بس بعد قلت بتريا فتره وعقب بشوف لاني متردده..
امين ياااااااااااااااااااارب.. الله يرزقني ويرزق كل محرووومه ان شاء الله

**فطمطم** · 2007-10-29, 15:50

انا ناوويه اسير عندها بس سمعت انها ماديه وايد شوورايكم؟؟

**ساحرة العيون** · 2007-10-31, 04:22

خواتي بغيت اعرف دكتورة جوان كم تاخذ على الانابيب

**قلب دار الحي** · 2007-10-31, 04:36

اختي فطمطم
و الله انا مادري اذا هي ماديه ولا لا بس وايد يمدحون علاجها.. واختي اتعالجت عندها ونفع وياها الحمد الله..
بس عني انا صح وايد ارتحت لها بس براجع عياده ثانيه ما ابا استعيل بالعمليه لان مب شي سهل... فبجرب الدكتوره حسنيه قرقاش واجرب لي لانه في دبي....

.............

هلا اختي ساحرة العيون
يوم انا رحت لها قالت العمليه اتكلف تقريبن 15000 ويا الادويه والابر..

**هيااام** · 2007-10-31, 06:12

الله يرزقك الذرية عاجلا غير اجلا يااارب

الموضوع: أطفال الأنابيب

أدوات الموضوع

عرض

العرض المتطور