عيال زوجي

**مشكلتي** · 2016-06-22, 19:32

ادري بتقولو ما عندي سالفه وانه مالي شغل والموضوع تافهه
بس الموضوع منرفزني شوي ما ادري ليش
انا بخبركم وانتو قولولي رايكم ولو كنتو مكاني شو موقفكم
عيالي ريلي يعيشون عندنا ودايما اي اجازه تمر تجي امهم وتشلهم عندها يعني اعياد ومناسبات واجازه الجمعه والسبت واجازه الصيف كلها المهم اي اجازه تطوف تشلهم عندها بس يكونو عدنا حق المدارس وما يطلعو ويانا طبعا ولا يشاركونا اي مناسبه كل اجازاتهم ومناسباتهم عند امهم
الحين امهم مب بعيده عنا احنا كلنا فنفس المنطقه يعني اي وقت تقدر تاخذهم وترجعهم بس ما ادري ليش ما تخليهم معنا فاي اجازه
ودايما اخوانهم يسالو عنهم خاصه فالاجازات الطويله وفالاعياد هالشي يضايقني شوي انه بس حق مدارسهم عدنا واجازاتهم كلها عندها وكلمت ريلي قلت خلهم مره هنا ومره هناك
قالي اونه امهم وما اقدر امنعهم
سمحولي وادري بتقولو ما عندي سالفه

المزيد من آخر المواضيع من نفس القسم:

**المراقبة العامة** · 2016-06-22, 19:47

تمت الموافقة
الكلمة الطيبة صـــدقة

**ام نهييان** · 2016-06-22, 22:57

غريييب امرج حرييم يتشكن من عيال الزوج وحريييم يبونهم حولهم ...

يختي احسن تاخذ عيالها مثل ما انتي تستانسين ف الاجازه وعيالج حولج هم بعد يبون امهم وبالعكس اريحلج تقدرين تاخذين راحتج مع عيالج وريلج

وهي يمكن ماتقدر تشوف عيالها حزت المدارس بحكم دوامها ماتعرفييين كل حد وعذره

هونيها ولا تتحسسين من هالشي لانه ماله داعي تكبرين الموضوع

**المعآني** · 2016-06-22, 23:09

أمهم وكيفهم لاتتدخلين وتحرضين الريال يكسر بخاطرها خذتي الريال العيال اتركيهم مالج شغل عن ينقلب الموضوع عليج من حيث لاتعلمين عليج بعيالج وبس

**بـ دبي ـنت** · 2016-06-22, 23:47

السلام عليكم ..

ليش هاجمتوها جي ؟؟! لاتحررض ابوهم ولا شيء ..
هيه كل الي بغته انته يكونون ويا اخوانهم فالاجازات اكيد اتشوف عيالها يشتاقولهم .. حبيبتي ما فيها شيء لو كلمو اخوانهم فالاجازه الطويله اذا كانت امهم ماتتحسس .. وكلمي عيالج فهميهم انه انا عندكم وهم يبون بعد يشوفون امهم ما شافوها .. اكييد لانهم كل يوم ويا بعض مرره وحده يختفون عنهم شيء طبيعي بيسألون عنهم ...

**تفاحتي** · 2016-06-23, 01:12

بصراحه
بعض الحريم مايعرفن ينصحن

المشرفه ف كل موضوع تكتب
الكلمه الطيبه صدقه
يا الوحده تتكلم باسلوب راقي يا تسكت احسن

اختي صاحبه المشكله
انتي عبرتي عن اللي ف خاطرج لزوجج وعرفتي ردت فعله
خلاص
لا تفكرين تفاتحينه بالموضوع مره ثانيه ابدا
خلي الام ع راحتها
اكيد قلبها يشتاق لعيالها
والا جان ما سالت فيهم

**المعآني** · 2016-06-23, 01:55

انفعلت شوي بردي واعتذر لكن هي تقول الموضوع ينرفزني والموضوع في الأساس مايعنيها
هاييل ضناها تشوفهم في الأسبوع مرة وهي تبا هالمرة يكونون عندها وما افتكرت باحساس أمهم وهاللى ضايجني

الله يسعدج صاحبة الموضوع

**صبصب** · 2016-06-23, 10:44

فعلا هاي امهم ومحد له الحق يقولها شي
الله اعلم بغيابهم شكثر تشتاق لهم

**شيخه بنت يوسف** · 2016-06-23, 12:16

فيج الخير تفكرين فيهم والله انتي مثال حلو لمرت الابو الطيبه

**مغليك** · 2016-06-23, 12:19

الله يجعله فميزان حسناتج ع تربيتج لعيال زوجج ..

وياختي هاي امهم مالنا حق نقول شي ..اهنه يووقف الكلام

**khaleejiya** · 2016-06-23, 13:28

لاتحرمين الام من عيالها
برايها تاخذهم متى ما تبا وتردهم متى ما تبا

**ام الدحمي** · 2016-06-24, 00:37

ضناها تاخذهم طول الوقت ليش تعطي حرمه ثانيه بس عموما مابتلقين هنيه الحل الشافي لان بروحي عندي عيال ريل وقريب سالفتي منج الله يعينا وياجرنا

**ام نهييان** · 2016-06-24, 04:18

المشاركة الأصلية كتبت بواسطة ام الدحمي

ضناها تاخذهم طول الوقت ليش تعطي حرمه ثانيه بس عموما مابتلقين هنيه الحل الشافي لان بروحي عندي عيال ريل وقريب سالفتي منج الله يعينا وياجرنا

انتو خذتو ريال كان متزوج تعرفون عنده عيال من لاول ف المفروض هالشي ما يأثر عليكم بعديين

الله ياجركم انشالله

**وجدان الفجر** · 2016-06-24, 04:57

المشاركة الأصلية كتبت بواسطة مغليك

الله يجعله فميزان حسناتج ع تربيتج لعيال زوجج ..

وياختي هاي امهم مالنا حق نقول شي ..اهنه يووقف الكلام

**Ward-uae** · 2016-06-24, 12:28

الموضوع اشوفه عادي وهذا الشي يرجع لليهال هم اللي وين يحبون يكونون وقت الاجازات
بالنسبة لي لو طلبت حرمة أبوي هالشي ما بوافق لحظه عند امي تسوى الدنيا وما فيها
فخليهم على راحتهم وهم متى ما يبون يقضون الإجازة معاكم هم بنفسهم بيكلمون ابوهم

الموضوع: عيال زوجي

أدوات الموضوع

عرض