انا بين نارين

**فلفله** · 2007-10-19, 16:53

نصيحه لاتعطينه لان الرياييل مافيهم خير

**shama123** · 2007-10-19, 17:07

لازم تخبرين الكل انج مشركه في البييت

هذا حقج

والبيت نصه لج

مب عيب

لا تنسين تخبرين اهلج ولا صدقيني راح تندمين

**عنودة العناد** · 2007-10-19, 17:27

أاقترح عليج أنج تساعدينه لكن بحدود, يعني بمبلغ ما تتحسفين عليه إذا صار لا سمح الله شي...... مجرد رأي

للكن لو كنت أنا مكانج لا و الله ما بعطيه, هو الريال و هو اللي لازم يتحمل مسؤليتي, وإذا فرضا ما كنت تشتغلين شو كان بيسوي؟؟؟!!! بيودر البيت بدون بنا؟؟!! و الله يا خوفي باجر يقول لج أشتري أغراض العيال, و ترسي الثلاجه أكل!!!!
أنا هذا رأيي

**CHANEL_AD** · 2007-10-19, 20:35

المشاركة الأصلية كتبت بواسطة عنودة العناد

أاقترح عليج أنج تساعدينه لكن بحدود, يعني بمبلغ ما تتحسفين عليه إذا صار لا سمح الله شي...... مجرد رأي

للكن لو كنت أنا مكانج لا و الله ما بعطيه, هو الريال و هو اللي لازم يتحمل مسؤليتي, وإذا فرضا ما كنت تشتغلين شو كان بيسوي؟؟؟!!! بيودر البيت بدون بنا؟؟!! و الله يا خوفي باجر يقول لج أشتري أغراض العيال, و ترسي الثلاجه أكل!!!!
أنا هذا رأيي

100% كلمج صح وانا اوافقج ونفس الكلام اللي كنت بقوله لج

**soul** · 2007-10-19, 21:02

شاركية عزيزتي هذا بيتج بيكون في النهاية ...

صحيح الريايل ما منهم امان ... اعرف وحده من صديقاتي عندها بنت وراتبها 14,000

شاركة زوجها في بيت المستقبل وما يصفالها غير 1000بس والباجي علشان لا تتبهدل بالاقساط داخلة جمعيه
ب 13000 وريلها نفس الشي يصفاله للبترول واغراض بنتهم 2000 ..
وعايشه مستانسه معاه في بيت اهله وحجره صغيره لين يخلص البيت.. والله يجمعهم ع خير ويبارك لهم .. والله يبارك لج ويسعدج في مالج وحلالج ويرزقج محبة زوجج طول عمرج..

واذا انتي مب مطمنه قوليله البيت باسمي واسمك .. وباجر ان صار شي لا سمح الله انا بتبهدل وعيالنا..

**ياقوته** · 2007-10-19, 21:38

هلا الغلا
المساعده ما فيها شي بس توج في بدايه طريقج
يعني يوم بتكونين عنده مب مشكله ساعديه بملبغ بسيط،
وانتي بعدج في البدايه، ولو ما كنتي تشتغلين كيف بيكمل البيت اكيد بيدبر اموره
وصدقج لو عودتيه من الحين بيتعود وكل شي عقب على راسج وبتندمين..

استخيري احسن لج

وربي يوفقج

**احبه موت** · 2007-10-19, 21:46

خواتي كفن ووفن انا من رايهن
لاتستحين تقوليله يكتبه باسمج ها حقج لانه الدنيا ما منها امان
ولاتنسين هو ماستحى منج يوم طلب تساعدينه عادي
استخيري ربج والله يجمعكم ع خير ان شاءالله

**I & ME** · 2007-10-19, 22:06

انا من رايي انج تقوليله دام انه 50/50 يعني من حقج تطلبين انه يكون البيت بعد بسمج .. عادي تساعدينه وتبنونه ويخلص كل شي وبعدين يخون فيج والا يقول انا اللي باني البيت وطبعا انتي ما بيكون لج حق فيه لان مالج ضمانات.. مثل ما هو يبا يضمن انته بعد لاززم تضمنين

**سماء الحب** · 2007-10-19, 22:26

لاتعطينه اذا الحينه مايبى يبنيلج بيت من افلوسه عيل بعدين شو راححححححححححح يسوي راح يخلي كل شي عليج صدكني حتى اغراض اعيالج عليج الي اعرف ان الريال هووووووووووو الي يصرف مومن حكه ان يطلب من افلوسج الا برضاج انا انصحج انج لاتعطينهههههههههههههههههههههههه والرياييل ماينعطون ويهههههههههههه صدكيني

**فتاة القمر** · 2007-10-20, 14:28

هلا اختيه مافيها شي اذا ساعدتي ريلج
بس انتي قلتي مالجه من سنتين فديري بالج الرياييل ما منهم أمان
اليوم وياج وباجر ضدج

**ريم الغزالي** · 2007-10-20, 16:23

الغاليه حلوه المشاركه العادله بين الزوجين
وحبيبتي ريلج الله يحفظه ويخليه لج ما استحى يوم قالج ليش انتي تستحين من شي هو حقج واهم شي الطريقه الحلوه في توصيل المعلومه وما تخلينه يحس انج تخونينه .... بس حفظي حقج اهم شي والا عقب يا ليت ما تعمر بيت
وعادي الغاليه انا اعرف وااايد حريم شي منهن هي اللي فرشت البيت كامل وشي منهن تساعده في الاجار وجذيه الدنيا ماشيه بس المفروض انه كل واحد يعرف شو له وشو عليه

الله يجمعكم على خير

**جواهر الصحراء** · 2007-10-20, 16:33

مرحبا الغاليه ، انا ما اشوفه استغلال مثل ما فكرتي فيه ، تراج انتي قلتيها من البداية كنتي بتشاركينه بدون ما يقولج ، اشمعنى يوم قالج حسيتي ان فيها استغلال ، والحياه مشاركه فديتج ، مش بناء البيت بس ، في مسؤوليات ثانيه بعد ومصاريف ثانيه، لا تفكرين فيها بطريقة سلبيه وان شاء الله ها البيت يجمعكم طووول العمر والله يوفقج ويجمعكم على خير

**نبر ون** · 2007-10-20, 16:36

عاد انا ابا اعرف شو صار بعد ما قلتيله ابا اتجهز؟؟؟
يلس ايادل؟ عصب؟ شو صااار؟

**غاليةالروح** · 2007-10-20, 17:03

هلا الغاليه عادي هاريلج
وانتي بتعيشين وياه بيت واحد

**um_shahd** · 2007-10-20, 17:10

اختي ... فكري شوي ... يعني بكم بتساهمين ؟؟؟ بمليون ؟؟
اختي هذا البيت بيكون مملكتج .. وهو ماقال لج الا وانه مايقدر يكمله بروحه او انه بياخذ وقت
وهو مستعيل .. اختي الحياه اخذ وعطأ وكفاح .. لاتفكيرين تاخذن وانتي ماتعطين ..
انتلاقي انتي وياه بمكان وافتحوا الموضوع .. وابدأوا بطرح شروط اتاسبكم ..
قوليله انج بتساعدينه فبناء البيت بشرط النص البيت يكون بأسمي ..
اذا قال لا .. هاا الحزه قوليله خلاص مابساهم ..
ومن شروطج اتكلمي عن الصروف ووو .. بطريقه حلوه ..
وعلى اساس ان نص راتبج يروح لأهلج .. والنص الثاني شو بيكفي ؟؟..
اختي انا متزوجه من 4 سنوات وكل شي على ريلي من الالف الى الياء بس بعده لين الحين مب قادر يبني بيت ..
لان مسؤليات البيت والطلبات ماتخلي من الراتب .. فأنا الحين ادور وظيفه لييييييييييييش .. حتى انجمع ونبي لنا بيت ..
لان كم بالعمر سنوات .. ومتى بعيش فبيتي يخصني وبراحتي .. وانا حبيبتي بقله ترى البيت بسمي وبسمك .. مب عشان ما اوثق فيه لااااا عشان باجر يمكن يعرس علي .. ويمكن استوي مطلقه ؟؟ يمكن استوي ارمله ؟؟ لاقدر الله

وين اروح ؟؟.. مهما وقفوا اهلي ويايه ماشي شرات الوحده يوم عندهاا بيت يخصهاا ..

ولين متى اقول البيت على الريل .. وانا ادرى بحاله ..

حبيبتي هذه هي الحياه .. انا اهلي الحمدلله ميسورين كل فتره وفتره يطرشون لي فلوس وملابس وووو هداياا
ريلي يقلي ليش عيب ومايستوي ووو .. اقله اهلي وكيفهم وانا بنتهم مايستوي اقلهم لاطرشولي
لاكن لفلوس اول ماتوصلني وريلي عليه دين او مثلا قسط او اي شي .. اقله هااك خذ .. والله اني اكبر بعينه ..

انا ماقلج صرفي راتبج عليه لاااااااااااااا انا اقول ساعديه .. يعني هو مهما وفرلج ووفرلج .. مب شرات ماتكون عندج فلوس وتطلعين وتاخذين الي تبينه
فراتبج بيروح لاهلج لاقساط مثلا و لاشياء تخصج .. يعني مابيصفى الا شي بسيط .. فيه ممكن اتساعديه ..
ا
اختي البيت مب مشكله .. كم بنعيش ومتى بنعرس ومتى بنيب يهاال ومتى ومتى ومتى ؟؟؟؟
اتزوجي وساعدي ريلي فالبيت .. وادعي ربنا انه يسخره لج ...

واتوكلي على الله ..

وصدقيني حتى لو ماكتب البيت بسمج ترى الله فوقه لو ناوي ينصب عليج ..
والله يمهل ولايهمل ..

الموضوع: انا بين نارين

أدوات الموضوع

عرض

المواضيع المتشابهه

بين..{ نارين}..

بين نارين

بين نارين .. زوجي أو .....!!

بين نارين؟؟؟؟؟؟؟