ريلي والمبادره !!

[مشكلتي]

مبارك عليكم الشهر بنااات

مابطول عليكم وبدخل ف الموضوع سييده انا متزوجه من 5 سنيين وفي نقطه ف ريلي واااايد ملعوزه علاقتنا ف بعض

ريلي يباني انا ابادر ف كل شي حتى لو الشي ف خاطره بس لازم ايي مني انا وانا لاعت جبدي احس كل شي من طرف وااحد
مثلا اذا ابا نطلع مع بعض لازم انا اقترح اذا ابا نسافر حتى فالعلاقه الخاصه بينا لازم انا ابادر وتخيلو لدرجه اذا كان الشي فخاطره و ما عطيته يبوز انزين انا شدراني شو فخاطرك كذا مره كلمته وحاولت افهمه اني ما اعرف شو فخاطرك انا بني ادم مش ينيه بس يرد ع نفس الطبع سمحولي ع كلامي بس لاني جد تعبت ع زعله من اشيا تافهه

انصحوني كيف اتصرف خواتي لان نفسيتي بدت جد تتعب وفوق هذا حامل يعني ابدا مالي خلق انسان يبوز ع سخافات..💔

المزيد من آخر المواضيع من نفس القسم:

• تزوجت مريض نفسي
• مشكلة حالتي بعد الأمومة
• مشكلة تقدم لي خاطب وافد
• مشكله بنتي
• زوجي تعبني بالضرب كليوم💔
• أواجه زوجي بكذباته ولا اسكت
• ريلي احبه ،، بس ماعرف شو الي حصل
• مشكلتي التعلق الزائد
• رفض ريلي للحمل
• عااااجل مشكلة واجهتني

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[المراقبة العامة]

تمت الموافقة
الكلمة الطيبة صــدقة

[ام مصطفى..]

تقريبا كلهم جي الرياييل الخير عندج وعندنا

[وجدان الفجر]

مبارك عليج الشهر الفضيل وربي يتمم لج حملج على خير .
أختي وسعي صدرج , الموضوع ما يستاهل تضايقي عمرج , وما فيها شي لو كنت انت المبادرة مادام طبع ريلج كذا , مع أنه معظم الريايل هذا طبعهم .بالنسبة للسفر مثلاً ,اكيد أنت تعرفي متى اجازة زوجج السنوية , كوني نص مبادرة , يعني اسأليه في اجازتك السنوية وين تبانا نسافر ؟ او في اجازة العيد , وين بنسافر ؟ مثلا.وبكذا بتعرفي لو هو خاطره يسافر ولا لا , وإذا في بلد معين في باله . بالنسبة للعلاقة الخاصة , بعد اكيد بعد خمس سنوات زواج , اكيد لكم روتين معين , كم مرة في الاسبوع , أكيد تعرفي كيف يكون مزاج زوجج قبل العلاقة ...الخ واكيد فيه مؤشرات تستدلي منها انه راغب فيج , بس محتاجة تنتبهي لها لو ما لاحظتها للحين .
وفي لحظة صفاء قولي له انج تحبي انه هو اللي يبادر احياناً في طلب العلاقة .
لا تكبري الموضوع , ولا تخلقي لنفسج مشكلة , هذا شي مقدور عليه . ربي يوفقج أختي

[المعآني]

صدق لاتكبرين الموضوع اصبري عن هالطبع مقدور عليه عن ييج طبع آسوأ استغفر الله هههههه
كلهم يتفلسفون عاد اونه الحرمة الذكية تعرف ريلها شو يبا بدون لايتكلم أكبر طاف بس انتي دوم خلج جاهزة ومتعدلة من ناحية العلاقة واجبريه يتكلم ويطلب اغريه بدون لاتطلبين روحه بينجبر يلمح وجيه لباقي الأمور

[ماحد شراتي]

قوليله ما اقرا عن ظهر ايدي .. شي في خاطرك تكلم .. هالرياييل تفكيرهم غريب عجيب ...

انتي طولي بالج وبصراحه مع هالنوعيه من الرياييل كوني انانيه اذا اي شي في خاطرج من سفر من طلعه او غيره انتي بادري غير جذيه سوي طاف ..

[Ward-uae]

انزين خمس سنين مب شوي خلاص انتي تعرفين شو يحب وشو يكره حتى مفتاح قلبه عرفتيه
واذا هو يحب انج تبادرين بالعكس شي طيب بادري
اهم شي في الموضوع انه مب كتوم

[ام الدحمي]

تقريبا كلهم جي الرياييل الخير عندج وعندنا

ههههه صح وانتي باسلوبج حاولي تعرفي وتفهمي وخليه هو بعد يساعدج ويبادر كلهم جيه الريايل

[مغليك]

عادي حبيبتي ..انا ريلي جذه عادي أتم شهرين ما اطلع بس اقول المح يطلعني ..صح كنت اشل فخاطري واتضايج بس الحين عرفت انه ها طبعه فخذت عليه ..لاتتضايجين هذا طبع اغلب الرياييل ..

[ريم العسووله]

انا اتفق معاج ...
الوحدة تحتاج ريلها يبادرها من فترة لفترة ... تحس ان لها قيمة ... مب كله هي الي تبادر ...


في حركات و العاب زوجية قديمة بسيطة ممكن تساعدج في حل مشكلتج ... و هي لعبة البطايق ... الي يبيعونها ... الزوج يسحب بطاقة و يلتزم بلي مكتوب فيه ... و الزوجة تسحب البطاقة و تلتزم بلي مكتوب فيه ... ادري ان فكرتي قديمة بس هذا هو الحل لمشكلتج ... و عاد خلج ذكية في اللعبة و لا تحسسينه بأنها خطة منج ... حسسيه انها اونها لعبة بينكم فقط للتسلية ... و بهالطريقة راح تشوفينه يبادر و متحمس ... الي يسوي و يبادر للثاني ...الثاني يكافء الاول بلي يحبه ...


بالتوفيق ♡