متضايقه من السكن الي انا فيه .. وموب رايمه اتحمل زياده

[مشكلتي]

السلام عليكم
مبارك عليكم الشهر
انا عندي 3 عيال و ساكنه بشقه وانا من الشارجه
مشكلتي من بدايه ماكنت أبا هالشقه الي خذها ريلي
واحد لأن مساحتها صغيره وكنت ساكنه بشقه أشرح قبل بس لان كنت بربي وكنت مستعيله أبا انقل حق شقه فيها غرف زياده عشان الخدامه و حجرة الألعاب وجي عشان خدامتي قبل ماكان عندها حجرة وكانت تبات بيت امي بس للاسف ابوي منعها تنام في البيت بس جي .. ما يحب الخدم .. للعلم ريلي قالي اصبري نخلص العقد ونطلع ع راحتنا بس انا كنت مصره اطلع قبل لا اربي .. لأن العقد كان يخلص في فبراير وانا كنت بربي في ديسمبر ومحتايه الخدامه تكون موجوده بس الشقه الجديمه ماكان لها غرفه ...
المهم ريلي اختار هالشقه من أكتوبر 2013 .. وطبعا كل 3 سنين يزيدون الإيجار بناء على القانون
حاليا باقي 4 شهور ويخلص العقد وانا قايله حق ريلي ماباه أبا شقه أوسع واكبر الصغاربه كبروا ويبون مجال يلعبون هو رافض ناجر بيت لأن البيوت غاليه .. مع ان قتله انا بتكفل بالاتجار الي ما تروم تدفعه موب طابع اونه حرام ندفع ع إيجار هالكثر ونحرم عمارنا عن الطلعات والروحات وجي .. وهو مقدم ع بيوت الجاهزه من عند مبارات ولي العهد.. بس يباله وقت ..
المهم أحينا.. انا احاتي ما ألاقي طلبي لأن المنطقة الي نحنا فيها بسسسسرعه تخلص الشقق..
وانا مابا اغير المنطقه لأن جريب بيت امي حق الصغاريه الصبح يوم أوديهم عندها وقت الدوام ..
فخبروني كيف اتخلص من هالشعور اني ما اقدر استحمل أتم زياده في ها لسكن... تعبت والله نفسيا .. أبا اتصبر بس كله يني هاجس أن ما بيحصل طلبي .. أو أن ريلي بيرفض نطلع والخ من الوسواس...
مع ان عندي مبلغ في البنك عادي اقدر انقل اليوم بس ريلي موب طايع لين ما نخلص العقد عشان التأمين وماندفع غرامه شهرين و غيره ...


ادري الموضوع ما يسوى المحاتاه... بس كم مره محصلة شفق حلوه ومناسبة بس ما اقدر احجزها.. لأن ما تنحجز بالشهور.

ملاحظه : ريلي ماعنده بدل سكن
ومعاشه اقل عن معاشي..
يعني مثلا هو يقدر يدفع مبلغ معين بس انا بدفع الباقي الي هو ما يقدر يوفيه
بيت أهله برع الشارجه بأكثر عن 70 كيلو .. ومستحيل افكر اروح اعيش عندهم.. غير أن بيت ابوي ما أروم اسكن عندهم لأن احسها عيب في حقي

وفكرت اشتري بيت بس التمويل سالفه طويله ما عرف حق هالاشياء وماعندي دخل غير راتبي .. وماعرف حق باقي المستندات وشو من مصاريف بعد .. وكلما ريلي تحمس يومين وسكت ..

فلو عندكم دعاء ولا طريقه اتصبر فيها الله يخليكم حبايبي ..

ومشكورين

المزيد من آخر المواضيع من نفس القسم:

• تزوجت مريض نفسي
• مشكلة حالتي بعد الأمومة
• مشكلة تقدم لي خاطب وافد
• مشكله بنتي
• زوجي تعبني بالضرب كليوم💔
• أواجه زوجي بكذباته ولا اسكت
• ريلي احبه ،، بس ماعرف شو الي حصل
• مشكلتي التعلق الزائد
• رفض ريلي للحمل
• عااااجل مشكلة واجهتني

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[المراقبة العامة]

تمت الموافقة

الكلمة الطيبة صـــدقة

[المعآني]

انا ماعرف ظروفج بالضبط
لكن دام ريلج مب راضي واليهال يروحون بيت اهلج
وأنتوا في الدوام
حاولي ترتبين امورج
وأي شقة فترة بتستانسين وعقب بتحسين ضاقت عليكم وتبين حوش حق اليهال و غرف وغيره
أصبري والفلوس فعلا لاتضيعينها ع الأجار فكري ويا ريلج كيف ممكن تشترون بيت والله يووفقكم

[غلآ نفسي]

انا اقول مب مهم مساحه الشقه الصراحه دامه فالنهايه ايجار

دام مكانه قريب من بيت امج خير ونعمه

خلي بيزاتج لطلعاتكم ووناستكم وللتوفير احسن من تغيير الشقه والايجارات نااار الحين

بالتوفيق

[وجدان الفجر]

انا ماعرف ظروفج بالضبط
لكن دام ريلج مب راضي واليهال يروحون بيت اهلج
وأنتوا في الدوام
حاولي ترتبين امورج
وأي شقة فترة بتستانسين وعقب بتحسين ضاقت عليكم وتبين حوش حق اليهال و غرف وغيره
أصبري والفلوس فعلا لاتضيعينها ع الأجار فكري ويا ريلج كيف ممكن تشترون بيت والله يووفقكم

[ماحد شراتي]

اختي انتي حاطه الفكره في راسج انج مب مرتاحه بالعكس دام انه المكان اوك وقريب من كل صوب برايي توفرين بيزاتج لسفره او لطلعه .. الحل بايدج انج تقنعين نفسج بالعكس

[Ward-uae]

لين دورين شقة اكبر او بيت بياخذ وقت من غير التنظيف والتأثيث انتي عيني خير وهذي الأربع شهور بتعدي بسرعة واذا عيالج كبار وديهم مراكز او حضانة يعني البيت بس للراحة لانج في الدوام وريلج بعد فالشغالة خليها بيت عمج وييبيها يومين في الاسبوع تنظف وتغسل وتكوي الملابس 

[mouzan7mod]

غيري نظرتج للموضوع بشكل كامل صدقيني بتتغير نفسيتج

[عطر رومانس]

تبين شي يصبرج ويخليج تغيرين رايج وانت مقتنعة وراضية وحامدة وشاكرة الله سبحانه وتعالى ...تأملي حال المشردين والنازحين والمهجرين من اخوانا السوريين والفلسطينين والمنكوبين اللي يتمنون سقف يظللهم و4جدران تحتويهم وباب يستر عوراتهم ...
ربي لك الحمد حمدا كثيرا طيبا مبارك فيه ...
اختي صدقيني كلما تفكرتي بحالتهم راح تحمدين الله وتتعوذين من وسوسة ابليس وترتاحين بعون الله

[بسمة فجر]

اختي الحل الوحيد اللي بيريحج القناعة
كوني قنوعة بالموجود
سبحان الله الإنسان دايما يبا اللي ما عنده
اللي عايش في شقة صغيرة يبا اكبر و اللي عايش في شقة كبيرة يبا فلة و اللي عايش في فلة دور يبا دورين
لكن القناعة هي اللي تريح الإنسان و تحسسه بالسعادة وإنه عايش في نعيم
اصبري على شقتج و فكري تشترين لج بيت أحسن و اسالي البنك عن طريقة التمويل
بالتوفيق

[الموهبة]

اقول افتحى حساب وحطى يدج بيد ريلج وهذا الحساب يكون في ادخار للمستقبل حق شراء بيت والحين لعيال صغار ولما يكبرو بعدها تفرج

[بدوية والنعم]

راي من راي ريلج باقي اربعه شهور انتظري يختي وانا اقول شوفي الجانب الايجابي في حياتكم ولاطالعي بيوت للايجار هالفترة لانج بتنقهرين

وع قولته خلها البيزات حق الطلعات والوناسه ووفري الفلوس حق بيتج وراجعي التمويل وحتى للو الاجراءات طوويله الايام اوردي تمشي


واستغفري الله انا اوصل بلالاف عقب ترتاح نفسيتي

ربي يسخر بينكم