ريلي ما يقدر زعلي

[مشكلتي]

السلام عليكم خواتي
مشكلتي ان ريلي تعود اني امشي أموري لاني ماحب ازعله
بس اذا سوا شي او ما نفذلي شي كنا متفقين عليه و زعلت يطنش ولا يعبرني ولا يقدر زعلي
حامل و بربي قريب و عندي بنت عمرها 3 سنوات و محتاجة شغالة يبتله ارخص وحدة ب3500 و منطش
من بداية حملي ما تابعت مع دكتورة الا مرتين بس و من الشهر الخامس لين الحين انا بداية التاسع ما سرت و مطنش و كل ما قلتله ابا اسير يقولي مب فاضي ولا سيري بيت اهلج حد يوديج انزين اهلي روحهم فيهم اللي مكفيهم و محد فاضي لحد
من 3 ايام ما اكلمه عشان يعبرني و مطنش يطلع من الصبح 10 الصبح و يرد 12 فالليل عنده مشروع محل و يقعد فيه ليييين فالليل و يرد ولا يعبرني شو اسوي وياه انا بعت اكثر من نص ذهبي عشانه ولا مقدر هالشي و حتى عيد ميلاد ولا مربيه ما ايبلي شي ولا يعبرني و شهر 4 رهنت طقم ذهب عند ربيعتي قيمته 14000 قلتلها انا محتاجة 7000 و خلي هالطقم عندج لين اول شهر 6 و بردلج البيزات و هو شُل البيزات و صرفها و كذا مرة قلتله حرام يضيع الطقم و ربيعتي تاخذه اباه يرجعلي عطني 7000 تراك انت اللي صرفتهم بعد مطنش بتخبل ليش يسوي جي!!!!!!! يعني عشان انا وافدة مأخذه مواطن جي يبهدلني؟؟؟
ترا صح انا وافده بس والله يا بنات ان كنت عند اهلي معززة مكرمة عنده بدال الشغالة 2 و ساكنين ففيلا فدبي بس تزوجته لان اخته كانت ربيعتي و سمعتهم زينه و كان وايد اوكيه فالبداية الحين مطنشني مادري شو اسوي حتى دلّني لين ما ضافني عالجنسية متزوجة من 5 سنوات ضافني بس السنه اللي طافت ولا قبل مطنش هو وايد كسول اي شي يخص الدوائر الحكومية ما يداني شو اسوي وياه خبروني للعلم زوجي طبعه جنوبي غربي

المزيد من آخر المواضيع من نفس القسم:

• تزوجت مريض نفسي
• مشكلة حالتي بعد الأمومة
• مشكلة تقدم لي خاطب وافد
• مشكله بنتي
• زوجي تعبني بالضرب كليوم💔
• أواجه زوجي بكذباته ولا اسكت
• ريلي احبه ،، بس ماعرف شو الي حصل
• مشكلتي التعلق الزائد
• رفض ريلي للحمل
• عااااجل مشكلة واجهتني

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[المراقبة العامة]

تمت الموافقة
الكلمة الطيبة صـــدقة

[ورقة ناعمة]

اول شي محد جبرج انج تبيعين ذهبج والرجل لوتبيعين عينج له بعضهم مايفيد وياهم ينسون

وبما ان ريلج مشغول بعمل تجاري فاكيد بيكون شاغل تفكيره ووقته بس يستقر العمل او يمشي

بيرجع لطبيعته حاولي تكلمينه مره مرتين ثلاث واذا هو كسلان حاولي تنشطيه عشان ماتكسلين انتي بعد وياه


وصدقيني نظرية هو مواطن وانا وافدة شيليها من راسج الرجل رجل بتعامله مع أي امراءة سواء كانت زوجته او اخته او اي امراءة يتعامل باحترام وادب عمر الجنسية او الديانة تخلي الواحد يعامل الأشخاص بهالطريقة


في مواطنين ماخذين ادنى وافقر الدول زوجاتهم لكن حاطينهم فوق راسهم ,,,,


لاتربطين موضوع كسله بالجنسية ,,, ادعيله بالهداية والله وحده قادر على كل شي

[ماحد شراتي]

نعوم كفت ووفت

ما يخص الجنسية بالموضوع .. الغلط عليج لانج انتي عودتيه على هالشي .. وشو هذا بعد طبعه جنوبي غربي ؟

[khaleejiya]

تقولين كان زين فالبدايه وعقب تغير
ياترا ليش؟
راجعي نفسج وراجعي حياتكم فالبدايه وشوفي شو اللي تغير
هل كنتي تتنازلين بسهوله؟
حل كنتي اذا ما عطاج فلوس تتصرفين بنفسج وتدبرين امورج بروحج؟
اتوقع عهذا اللي خربه

[ماحد شراتي]

نعوم كفت ووفت

ما يخص الجنسية بالموضوع .. الغلط عليج لانج انتي عودتيه على هالشي .. وشو هذا بعد طبعه جنوبي غربي ؟

[dxb_love]

جنوبي غربي يعني اسالو دكتوره ناعمه الهاشمي ترد على استفساراتكم

الله يعين بس

[mouzan7mod]

للاسف انتي عودتي زوجج على هالشي فعلا صار عادي عنده ، انتي بالنسبة له دخل اضافي غير الراتب ..
حبيبتي كلمي اي حد من طرف اهله يكلمه و لازم انتي بعد ما تهملين نفسج و صحتج و صحة البيبي ..!!
و الزوج من أول يوم تتزوجينه يعتبر طفل بالنسبة لج و انتي عودتيه يعتمد عليه ، علميه أحين كيف يعتمد على نفسه

[جنة البيت]

شوي شوي عليها بنات الحرمة طرحت مشكلتها و الكلمة الطيبة صدقة
شوفي حبيبتي سالفة انتي وافدة و هو مواطن لا تحطينها فبالج حتى لو هو يكررها عشان ينرفزج طنشي دام تقولين انج بنت عز
و ثاني شي لا تساعدينه خليه يدبر عمره هو مسؤول عنج و عن عيالج و عن بيتج و سالفة المستشفى خلي حد من اهلج يوصلج و خلاص لان الحين لازم تطمنين على البيبي مب وقته عناد و تأديب
و الله يديه لج و دوم استغفري و ادعي ربج يسخره لج